校長燒肉日韓料理 (沙咀道) (Closed)

個日同男朋友仔係荃灣行左好耐都諗唔到食咩，就決定放縱下食個燒肉 x 火鍋放題～平日晚上時間去到完全唔洗等位🫣之前都黎過呢間分店幾次，環境寬敞得黎坐得好舒服😌-🌟燒肉 x 火鍋雙重放題 呢個價錢已經包哂燒肉、火鍋、刺身、熟食、甜品同飲品了！仲有成120分鐘可以瘋狂任食喔🤭-🎈刺身一共有九款刺身可以選擇😎原本都唔太期望燒肉放題既刺身，但食落還好的哈哈～-🎈燒肉區雞牛豬海鮮真係任君選擇🤭太多款式選擇了～個人覺得醬醃雞腎片、雞中翼、一口牛、牛五花同埋龍脷柳都好好食😋-🎈火鍋區當燒肉燒到有啲膩時，就好適合打邊爐了🍲出面有幾款湯底可以自己斟～至於火鍋配料都勁豐富，蔬菜丸類肉類都有😜-🎈蒸點意想不到竟然有一籠籠既點心～分別有牛肉球、燒賣、蝦餃、珍珠雞同叉燒包！全部都熱辣辣真係要趁熱食啊！-🎈甜品見到有個自家製雪糕機幾得意😆可以自己揤雪糕再加啲配料咁～如果唔岩食仲有啲布甸蛋糕韓國雪條甜筒等😳-🎈飲品除左有基本放題必備既汽水烏龍茶啤酒之外，最特別係有個自助花茶區，會有個指引寫齊哂各種花茶既配搭同埋功效！養生得黎幾特別🤗-🔸校長燒肉日韓料理📍荃灣沙咀道298號翡翠廣場2樓

當你同另一半對食物各有所好，一個中意火鍋，另一個偏好日韓料理，往往最後只能其中一 個遷就，但今晚大家終於唔駛再遷就大家，揀左一間有齊日韓料理的『校長燒肉日韓料理』，仲要有埋火鍋。一個價錢，有齊三個選擇，你以為選擇唔多，但只我能可以話喜出望外，選擇多到離晒譜，日式只係隨便講下，刺身就有赤蝦、虎蝦、鮮帶子，十多種選擇，另外仲有壽司，八爪魚、花之戀、玉子等接近十種的選擇。而火鍋係有三種湯底可以揀，日式豬骨、四川麻辣與壽喜燒，再望一望火鍋配料區，哇，都有成三四十種選擇，梗係有丸類、肥牛、豬肉片、疏菜等。而個價錢仲包埋燒肉，未講到既韓國式料理，就有韓式豬肋骨、豚肉、韓風雞軟骨粒、泡菜等。基本上，你可以當佢係一個酒店自助餐，因為佢仲有熱食，問左職員，熱食忡會不定時會轉款，另外，梗係仲有甜品區、雪糕區。飲品基本上你講，都有。但最估唔到，佢係有花茶可以揀，個選擇都唔少。我只可以話兩個小時放題，你根本係食唔停口，因為選擇真係多到離晒大譜，仲要佢唔係以量取勝，食物質素都唔錯，性價比絕對高。

餐廳裝修好具特色，用咗唔少霓虹燈✨同war game主題，方便客人搵食物之餘，又有氣氛。以自助餐來講，食物選擇都好豐富，周圍行都見到唔同款式，刺身、壽司、火鍋、燒肉、熟食、甜品，應有盡有，如果係自選3小時可以慢慢行慢慢食。我鍾意佢可以同一時間享受邊爐🍲同燒肉🥩，岩曬唔同人既口味之餘，仲可以自行配搭食法 😂😂 例如我將三文魚刺身拎咗去鐵板燒上面燒，燒出嚟非常香口，三文魚肉入口即溶。燒肉嘅配料都係預先醃好咗，豬牛雞魚海鮮都有，而且有辣有唔辣，邊爐亦係自己揀湯底同鍋， 啲嘢食多到枱面都擺唔晒。不過都唔係全部食物咁吸引，例如係壽司睇落就冇咁新鮮，最好都係去刺身個d叫師傅即整。🍰 🍧 甜品方面有水果、蛋糕、啫喱、Dreyers雪糕、韓國水果雪條， 淨係甜品都可以食足一個鐘~ 可惜位置比較偏遠，唔係咁易搵到，撞正放工時段都幾多人，最好都係上網預約，價錢可能仲平d。校長燒肉 🥩🍲🍰 🍧 荃灣沙咀道298號翡翠廣場2樓~人均$250#hkfood #foodhk #hkfoodie #荃灣好去處 #荃灣美食 #tsuenwan

聽講呢間係學生恩物又好啱一家大細去食前排去食又真係幾滿足平平哋可以食曬火鍋、燒肉仲可以食埋刺身！！刺身每次每人限取三款但都基本上唔洗排隊所以想食去拎就OK而除咗呢三樣之後佢仲有壽司同其他熟食有炸物、中菜、炒粉麵等等當中仲竟然有蝦餃燒賣呢類點心！真係突然夜媽媽想飲茶咁食番一盅兩件都冇問題🤩佢仲有一個花茶位係勁多款揀寫曬各類花茶功效仲可以自由配搭食飽可以飲啖茶消一消滯～而我個fd最關心嘅係冇有甜品！除咗有雪糕機仲有枝裝雪糕、布甸同橡皮糖等等等等飲品方面都唔少選擇除咗一般涷飲之外仲有熱飲/常溫飲品全部都任食任飲🤣🤣🤣真係唔至滿足三個願望～

夜晚黃金時段唔使等位都能夠即時安排入座，即刻開餐～但唔使排隊又唔代表食物質素唔好，只係因為呢個場地方夠晒大！兩小時燒肉x火鍋雙重放題成人收費最平$138一位，週末晚黃金時段都係$248，環境幾企理，座位夠寬敞，現場所見衛生狀況唔差，加埋過百款食物飲品選擇，性價比非常高！首先講下飲品，基本罐裝汽水，果汁茶酒都有供應，而且有個暖櫃提供熱飲，雪櫃旁仲有室溫飲品，相當貼心。更正既係有個自助花茶區，仲有埋功效同配搭建議，正！我沖左杯蒲公英，甜葉菊，紅棗，玫瑰，山楂，好清甜，好飲！飲品選擇都咁多，食物當然更多！沙律，冷盤，辣炒熱盤，刺身，壽司，炸物之外，仲有放題比較少見既蒸點心！蝦餃燒賣真係要趁熱食，辣炒蜆同辣東風螺幾惹味，刺身除左三文魚，虎蝦，帶子等，仲有大大隻赤蝦，鮮甜爽口！正呀！講左咁耐，餐廳主打其實係燒烤加火鍋，食物區有成七十款海鮮，肉類，丸類及蔬菜等，唔少本身已經醃過調味好，直接燒完唔使再點醬都夠好味。我推介羊架，香草魚柳，韓醬豚肉，麻辣雞扒。以往韓燒成日要換鐵板，但呢度響鐵板上鋪左張紙，連燒多春魚都唔會痴底！只係有汁既醃肉令張紙變黑，所以燒左2個鐘都只係換過一次紙！至於火鍋，三款湯底，

校長燒肉聽朋友講過好多次，今次終於到我約朋友食😍呢度除咗有燒肉之外，仲有得打邊爐～一次過滿足晒兩個願望！打邊爐湯底，我哋揀咗豬骨湯，佢個湯底都幾濃郁，打邊爐區材料都有好多唔同選擇，幾鍾意佢個司華力腸，好少地方會有食物有好多選擇！刺身、壽司、炸物、沙律、甜品等等，多到數唔哂～點心區都有好多點心選擇，珍珠雞同牛肉球，我朋友話幾好食佢仲有唔同嘅茶可以飲，燒肉+凍茶真係好消暑解膩👍🏻呢度所有食物都係自己出去夾，份量可以自己控制。佢嘅炸物真係好出色，食嘅時候仲熱辣辣，我最鍾意佢嘅紫芋丸同炸鵪鶉蛋串😍食落外脆內軟，正！燒肉區嘅肉都係醃製好嘅，味道都唔錯！雞腎片、魚柳、菠蘿係我覺得最好味嘅。打邊爐區嘅肉就無醃製，都幾新鮮！甜品區有好多唔同款式嘅啫喱同奶凍，全部自家製作，值得一試！木瓜奶凍同柑肉果凍都幾好食絕對係性價比高嘅放題

#chuchu食在荃灣📍 校長燒肉日韓料理餐廳佢開咗好多年，🐷一路都想試，今日終於去試吓！有𨋢上一層，全層都係，地方好大！座位闊落，坐得好舒服！會播住耳熟能詳嘅歌！—————————————————————❣️ 燒肉x火鍋 雙重放題 $248價錢真係好可觀！好抵！仲要係好多野食，咩種類都有！過百款野食飲品！🥩肉類韓式燒烤大部分都係醃過的！味道都唔錯，牛肉有韓風大醬牛肉片、一口牛同黑椒味牛扒！雞有雞翼雞扒，都有好多種味，土匪雞翼，水牛城雞翼都有，仲有雞腎雞軟骨！豬就有韓式豬腩片呀，豬頸肉，五花肉！🍲火鍋料有幾款湯底可以自己揀，豬骨，麻辣同壽喜燒，自己拎個鍋斟好，拎翻去就得！選擇超多，其實有啲料我諗打邊爐同燒肉都互通的，除咗肥牛同豬肉之外，仲有豆卜、山根、公仔面同烏冬…….同埋蔬菜區！🍣刺身壽司刺身選擇好多！三文魚、帆立貝、赤蝦、虎蝦、玉子、希靈魚…….🍤炸物有好多選擇，麥樂雞、炸春卷、薯條、薯角，全部都係熱辣辣同脆嘅！🧇點心小炒竟然中式都有！燒賣，牛肉球嗰啲都有！仲有炒蜆，花螺🥤🧋飲品飲品選擇種類好多，連美顔花茶都有！汽水、包裝茶呀都有！仲好貼心連暖嘅都有，好欣賞佢晚市可以任飲酒！啤酒、清

今次介紹嘅校長燒肉以前出名係學生恩物，豐儉由人～現在已經是全能變奏版3.0點心、刺身、燒肉、打邊爐任飲任食都滿足晒，晚市假期都係$268/位，真心抵！燒肉：勁多食物選擇，韓式牛肉同豬頸肉最好味火鍋：由拎鍋到湯底均需自助有豬骨湯底/壽喜燒湯底，仲要可雙併～ 丸類/菜類就放邊爐喇點心：蝦餃、燒賣、金錢肚、排骨味道質素都非常正常炸物區～飲品冷熱都非常多選擇！較少見有汽利賓納、有汽維他檸檬茶、樽裝果汁先生、熱無糖茶、熱玻璃樽裝維他奶等另有清酒、梅酒、啤酒酒精飲品甜品櫃有大量甜品選擇，亦有自助軟雪糕肚容量有限就只食到雪糕！雪糕櫃開心有芝士奶蓋桃茶甜筒、能得利雪條、dreyer 雪糕等整體食物質素都好正常，fill得好快，當晚5:30 假日已全場爆滿，$300/位 唔洗埋到單真係無野要投訴！

哩間嘢完全唔掂，大家訂位時要再三確認清楚，同埋記得問個位接線生全名。我哋買咗劵，電話訂枱後，大老遠入到去，佢先話無收到booking，我show埋電話call history 俾佢哋睇，佢哋都死口唔認。因為佢哋收到團餐預訂，預留哂所有位俾團體客，仲話我俾你哋入去，你都拿唔到嘢食。要我哋搵過另外一日再去，仲話等星期一會少人啲，黐線嘅，唔知咩服務態度，乜香港而家啲食市生意真係恢復得咁好，完全唔休做咩，大家千祈唔好去，費事谷到成肚氣👎👎😡😡😡OpenRice 好好，安排咗refund，但哩間嘢真係完全唔掂，免費我哋都唔會去食 🤬🤬🤬

#開餐好去處 ❣️荃灣校長燒肉日韓料理❣️哥哥佢話好想食壽司，又想食蝦餃燒賣😳仲想食埋雪糕添🤪要滿足晒咁多個要求，咁就梗係要去校長燒肉啦😆校長燒肉日韓料理齊集韓燒、壽司刺身、打邊爐！同埋多款甜品！勁抵食😚呢度韓燒或者打邊爐都有勁多選擇😍牛扒、豬扒 、雞扒！多春魚、龍脷柳！丸類都有勁多！魚蛋、香腸、芝士丸、墨魚丸！多到食唔晒😆蔬菜類都有好多🥬仲有買通粉、烏冬、麵底選擇添！🍲火鍋都可以自選湯底同自調醬料！壽司刺身🍣選擇都有好多✨希靈魚、泰式生蝦、三文魚、墨魚片🦑、八爪魚🐙等等自助熟食區都有好多唔同選擇😍最開心當然係呢度會有得食點心❣️有燒賣、鳳爪、牛肉球等等炸物都有好多選擇！咖喱角、春卷、薯角、魚皮等等多款選擇😛最開心就係有我最鍾意飲嘅人蔘雞湯同埋綠豆糖水💚飲品櫃有多款果汁汽水🥤仲有梅酒🍸清酒🥃啤酒🍻甜品有布丁🍮啫喱添😍

如果同fяιєи∂去街食野一個想燒肉一個想打邊爐咁點算呢兩樣都有咪唔洗煩囉等校長幫你解決啦—————————————————————一次過有齊燒肉同邊爐嘅放題咁就同時滿足唔同嘅願望啦熱盤 小食 沙律 刺身 甜品 燒烤 火鍋配料種類繁多接近過百款坊間少見用嚟燒嘅三文魚 秋刀魚都有各種肉類都醃得好入味絕對無將貨就價 食得好滿足😊飲品方面除左正常嘅汽水啤酒仲有個養生美顏花茶區教埋你各種花茶配搭功效👍🏻又烚又燒基本上個口都無停過🤣$178任食兩小時真係邊度搵心動不如行動即刻打電話去訂位食爆佢啦🙊—————————————————————⬘ 1900前任食兩小時包刺身 $178

今次到荃灣的校長燒肉日韓料理食放題 ❤️食物種類實在太多 連自己都估唔到裝修都幾特別 有Icon man 好吸晴 基本想要食嘢野都有 可以稱得上超強放題 中式有點心：燒賣 牛肉等都有 小菜類有蒸魚及蘿蔔炆牛腩 相當不錯日式有刺身 ：三文魚 希𩆜魚 好新鮮韓料理韓式燒烤當然唔少得 燒肉來說種類多之餘醃肉味道都唔錯牛肉 韓風大醬牛肉片 一口牛及黑椒味牛肉 相當惹味 雞方面：雞亦有多種味道 推介土匪味雞翼另外還有豬韓式風豬腩片亦是推介之一呢度重可以有火鍋 可以一次吃到兩種風味飲品方面勁多選擇 連花茶都有很少見嘅椰汁 可樂 想啤一啤既有 啤酒 清酒 及梅酒點心甜品方面：可以自己唧雪糕 啫喱 及涼粉 正以晚市時段的放題來說，食物種類蠻多質素又OK，一定要再去

校長燒肉 位於荃灣5點開始第一輪 坐位闊落性價比高 有得燒烤 亦有打邊爐重點係佢啲嘢食種類繁多 有壽司 有點心 有刺身 有沙律 有炸物蝦餃燒賣牛肉球叉燒包有齊推介一口牛肉唔會嚡熠熠 牛味重燒烤肉類 大部份都醃好 所以夠味丸類有我鍾意既沙律丸 芝心丸燒烤爐牛油紙放底 冇咁油又唔會黐底打邊爐 蔬菜類都好多湯底有四款 唔止食物多種類 飲品都係 飲品都有4個雪櫃有椰汁有利賓納有啤酒有梅酒仲有花茶品材料仲好得意 果皮蒲公英玫瑰花紅棗等等餐具用品唔會油淋淋5點段時間$148+1如果要加刺身$178+1所以覺得抵食

校長燒肉成日聽人講但一直都未試過今次同朋友仔午餐bk左去荃灣試下價錢真係好抵 200蚊都唔駛有火鍋加燒烤仲有刺身食款式亦都算好多唔同選擇除左一般肉類 亦有原條秋刀角燒三文魚等等我個人就好中意魷魚鬚燒左勁多條黎食另外仲有刺身櫃位當然唔小得香港人最like既三文魚燒肉唔夠喉可以食下火鍋 有幾種湯底我就豬骨湯同壽喜燒之間諗左一陣最後都係一於既往選番壽喜燒熟食方面太多了有魚皮,薯條,沙律 竟然連點心都有當然最後唔小得甜品 細細杯可以樣樣試下飲品就係一般放題飲品正常有既都有比較特別既係佢有花茶區好多料自己配搭一個花茶幾有趣

今晚特登揀左「校長燒肉」燒肉x 火鍋 雙重放題，超過百款食物任揀任夾，$228/位，真係平靚正。前菜可以自由配搭沙律🥗，又可以揀煎炸嘢食，分別有咖喱角、麥樂雞、炸春卷、炸洋蔥圈，咬落去熱辣辣，非常香脆。壽司🍣有多款選擇，八爪魚、鰻魚、蟹柳、炙燒三文魚等等，推介鰻魚壽司同埋炙燒三文魚壽司，非常肥美。中式點心有齊最經典嘅蝦餃、燒賣、牛肉球、叉燒包、珍珠雞，每籠都係熱辣辣。燒肉🥩肉類選擇非常多，全部已經醃製好，雞扒、豬扒、牛扒、豬頸肉、雞翼非常入味，而且肉質新鮮。除咗肉類，仲可以燒餐肉、鴨胸、香腸、魚餅、菠蘿🍍，總有一款合心水。火鍋🍲有3個湯底選擇，有微辣既麻辣湯底、吾食辣可以揀壽喜燒湯底、豬骨湯底，配料選擇豐富，肥牛新鮮，好多丸類任揀、蔬菜類超過10款。飲品最最最特別係美顏養生花茶區，可以自由配搭，食燒肉火鍋之餘可以順便養生。罐裝飲品應有盡有，有4大個汽水櫃任揀，有茶類、韓國果汁、維他飲品、啤酒等等，亦有常溫飲品。甜品有自家製雪糕機，收銀機旁邊亦擺放左雪糕/雪條，推介韓國雪條，想試特別少少可以揀自家製啫喱，斑欄布甸，吉士撻。