校長燒肉日韓料理 (沙咀道) (Closed)

今日下午時間來到荃灣呢間校長燒肉之前喺元朗食過晚市 今次下午時間10分抵食 食嘅嘢種類依舊咁多 但價錢相對平淨係醬汁都有10幾款有一個自製DIY花茶嘅空間 啱晒養生人士有熟食點心、煎炸食物、壽司區域今次我就冇要到刺身嗰個套餐因為其他都10分夠食了燒烤同火鍋嘅食材真係超級無敵多大部份都係葉好嘅肉類我覺得冇醃到嘅牛肉同豬肉都好好食仲有超級無敵多嘅甜品區主要都係啫喱布甸類 另外仲有軟糖要食食物種類嘅話真係佢最豐富

荃灣｜校長燒肉 韓燒  邊爐  點心  壽司  款式多樣化😋-午市套餐 2個鐘任食 每人168 🤌🏻🤌🏻-座位寬敞而且冷氣十足🙆‍♂️-餐廳環境比較整潔同衛生👍🏻-食物補充得好快，唔怕無得食個人推薦：韓燒一口牛 - 每一舊都好有牛味，落左少少黑椒落去調味，重點係每一粒都可以試下唔同醬料😋😋可以做到一牛多味。燒多春魚 - 依個真係必食！！燒到差唔多熟嘅時候可以落孜然粉 + 辣椒粉👍🏻 燒波羅 - 食到飽飽地之後整返塊波羅💕開完胃之後又可以繼續戰鬥😎火鍋 - 有 豚骨、麻辣同壽喜燒湯底。唔算太辣，啱晒啱食得辣又想過下癮嘅朋友仔。😆甜品 - 有雪梨薏米雲耳糖水，飲落去好潤喉，食完熱氣野之後要補返。🔺有加一服務費整體而言◾️味道 4/5◾️環境 4/5◾️抵食 4/5📍 荃灣沙咀道298號翡翠廣場2樓

呢間餐廳喺荃灣一直都好有人氣！呢間餐廳主打係一個價錢包打邊爐同埋燒肉放題！果然啲款式好鬼多✨刺身有三文魚，赤蝦，虎蝦等等！食落非常新鮮✨特選牛肉上嚟嘅時候，仲有乾冰添！牛肉又幾靚！牛肉味濃郁！✨一口牛粒牛肉味幾重，而且冇咩根部咬唔開！✨日式豬骨湯邊爐不論係炸魚皮、響鈴、帶子！不同嘅丸類同蔬菜都可以有供應✨熟食區有炒螺炒蜆，章魚肉餅、蔥油雞！而且款式不是過半個小時就會更換✨甜品飲品美顏養生花茶區，超級多款，花材自己按照喜好加添！甜品除咗好多自家制嘅芝士蛋糕之外，仲有老虎芝士流心雪條！絕對係回本位，超級好食，出邊差唔多$20！

上次吃校長燒肉是在元朗分店，食過返尋味，今次去荃灣分店再吃個飽！「校長燒肉」出名多選擇，荃灣分店的座位一樣很闊落，坐得幾舒服～食物區分類都幾清晰，有大大個牌寫著什麼區域。食物區整齊乾淨，值得一讚的是飲品區有一邊是不冷的，更有一個小熱櫃放熱的紙包飲品，還有美顏養生花茶區可以自選花茶，照顧到我這類不飲凍飲的人🥹男朋友鍾情燒肉，特別推薦燒魷魚、韓風大醬牛肉片，醃得幾入味～我就剛巧有點喉嚨痛，主要都是打邊爐，菜類選擇幾豐富，有娃娃菜、生菜、各類菇、木耳、南瓜、蓮藕等，素食朋友都有得揀。還有沙律區、點心、煎炸熟食、大量甜品和雪條（入口有個雪櫃放了各類雪糕雪條，我們走時才見到🤣錯過左🥺），想食咩基本上都有，和朋友聚會都是個不錯的選擇～店員都會主動幫手換燒烤紙，基本上不會烤燶😹

態度十分惡劣 只可以講差😨而且餐廳油淋淋 明顯清潔馬虎而且食物質素同選擇一般個人比較鍾意多食物選擇同禮貌嘅餐廳所以今次不推薦這間餐廳 而且禮貌咁差仲要收加一👀真係可惡劣質放題 本人唔會再去食雪糕機又壞😩 叫我等十分鐘整部機咁好啦 之後我自己返去枱享用我既食物 咁之後佢哋員工就叫我賣單 我心諗咁快..而且佢哋態度好差咁話7點前交枱 好似趕客咁我對於呢啲餐廳表現非常失望😮‍💨唔會再幫襯 希望大家唔好再中計啦本人認為劣食

校長燒肉日韓料理 (沙咀道)荃灣沙咀道298號翡翠廣場2樓難得今晚約左好耐無見既舊同事出黎食飯，不過我就想食火鍋，佢又想食燒烤，真係幾難搞，好彩我靈機一觸諗起呢間放題，記得之前黎幫襯過感覺幾包羅萬有，咩都有得食所以即刻打黎Book位餐廳位於荃灣心臟地帶沙咀道，非常方便，上到餐廳原來好大間，座位非常闊落，而且自取食物區都好大，生熟食物加埋起碼過百款呀，肯定緊有一款岩你口味燒烤既配料真係好多，最鐘意就係腌製過既肉類，非常入味，真係食到停唔到口呀，另外仲有一樣嘢值得一讚既就係，燒烤爐上面既牛油紙，職員好細心，不時都會主動幫我地更換，好細心火鍋方面，雖然唔係主打但係配料都幾多，基本上大路既肉類同丸類都有齊，我就主要食肥牛，至於湯底方面都有成3款，非常有誠意，本人就大力推薦壽喜燒湯底啦，甜甜地好滋味放題刺身當然唔少得啦，除左基本既三文魚，赤貝，鮑片之外，最驚喜就係有超大隻既赤蝦，成隻手指咁粗，仲要超新鮮，入口鮮甜彈牙，真係估唔到

突然想食烤肉，所以決定黎左呢間校長烤肉！它最大既賣點超多唔同種類食物（包括：甜品，烤肉，打邊爐，火鍋，多款刺身，蒸點心，蔬果生菜等等......真係好像酒店既自助餐環境：地方算大，坐得舒服。食物：佢有比較貴價食物例如羊架，帶子刺身，阿根廷紅蝦刺身，老虎堂雪條，清酒等等...刺身有成十款多👍我最喜歡食既係豬腩片，帶子刺身，阿根廷紅蝦，豬頸肉，多春魚，老虎堂雪條，雞腎。🥰另外燒烤紙可以無限更換，職員都十分樂意幫手更換！燒烤爐大中細火可以慢慢微調，可以揀到自己想用既火力！🙂服務：員工都很快把桌上碟清空👍方便客人進食！由於食物太多款，可能要黎2次先可以試哂所有野！值得推介！

先生早 校長早 各位早😆😆食燒肉 都要來搵校長😎😎可以食到明天請早啦🤪11點先收工呢度可以點食都得 想食食下打邊爐又想轉返韓烤都絕對無難度 湯底 鍋紙 隨時轉 隨時換 隨時加 真係好方便 大約2小時比你任飲任食 爽到爆啦 最開心係見到燒肉都有咁多選擇大概有30款食物 我最鍾意食一口牛、腸仔多春魚同翠玉瓜等 出邊仲有多款醬料自行配搭柚子醬汁幾開胃 真係有一絲絲柚子喺裡面食到咁上下 出邊仲有唔同嘅花茶 玫瑰、山楂、綠茶及柑橘 通通都有 真係好抌本 呢個花茶區果真值得推介！ 另外仲有壽司刺身 日韓風味隨時滿足到你打邊爐之餘，仲有多款炸物滿足你幾款湯底無限斟 壽喜燒、麻辣湯同豬骨湯等等 食過正餐飽飽哋 食埋甜品！雪條雪糕涼粉每樣少少就啱啱好。

阿仔考咗三個禮拜嘅試，今日終於考完啦，所以我哋就去食放題啦。我哋想搵一間有打邊爐、燒烤同埋日式菜式嘅餐廳，噉就去咗食校長燒肉啦。呢度嘅價錢好啱哂，只要二百幾蚊就可以食到好多嘢。燒烤選擇真係好多，有椒鹽雞軟骨、韓式雞軟骨粒、土匪雞中翼、水牛城雞中翼、雞扒、牛扒、豬扒、豬頸肉、一口牛、海蝦、菠蘿同埋魷魚等等，真係好豐富！如果你鍾意打邊爐，呢度都有各種丸物同埋五花牛、五花豬、魚片頭等等肉類供你揀選。如果你鍾意刺身，呢度都有啲好正嘅三文魚、帶子、仿鮑魚片等等。而家講到嘢食，當然唔少得中式點心啦！呢度有蝦餃、燒賣、牛肉同埋牛肚等等，真係好多款好味道嘅選擇。你亦可以去埋養身區沖杯茶，嘆杯熱茶同埋享受一下悠閒時光。最後，呢度嘅甜品都好正，有啫喱、大菜糕、藍莓乳酪、榴槤布甸、斑斕布丁、西米露等等，真係好多款甜品可以選擇。兩個鐘任食任飲，真係食到好滿足啊！

校長燒肉 | 兩小時 燒肉 火鍋 雙重放題最特別之處 有一個美顏養生花茶區 自己沖茶黎飲 可以根據自己喜歡 mix 唔同既茶過百款食品 燒肉同打邊爐都可以 真係好多選擇飲品種類都有好多 仲有啤酒任飲週末晚黃金時段 $248 性價比係高 食物豐富座位真係夠寬敞 同埋唔會坐到好逼 好多檯都係以卡位形式 卡位令到我地坐得更舒服🔶飲品基本罐裝汽水都有 紙包裝既茶都有好多除左汽水 茶 仲有果汁同啤酒 梅酒 清酒🧃🍺款式真係多🔶熱食炸雞 薯條 春卷🍖除左炸物之外 仲有點心可以食 燒賣 牛肉球 排骨 🥓辣炒蜆 辣東風螺 呢類既小菜都有🔶食物區海鮮，肉類，丸類及蔬菜都可以見到土匪雞翼真係唔錯韓式風豬腩片都好岩燒烤食🔶刺身刺身就唔係任食 每人可以點三款包括三文魚，虎蝦，帶子，赤蝦🦐，希靈魚🔶甜品軟雪糕 雪條 都係比較大路 🍴整體評價：兩小時 燒肉 火鍋 雙重放題食物種類多 又可以燒肉又可以打邊爐除左之外 熱食炸物都有唔同既種類可以揀 多完化價錢都較為平 $248推介指數: ⭐️⭐️⭐️——————————————————————————————📌 荃灣沙咀道298號翡翠廣場2樓付款方式Visa Master

呢間好似係我中學時期興起，嗰陣都算幾出名，但一直都冇機會去試，估唔到幾廿年之後終於醒起食呢間嘢🤣喺樓下拎完飛之後仲要排隊搭lift上去，7點時段勁多人！入到去裝修好多燈好時髦好摩登😂，估唔到有咁多野食，好多花臣🦖燒肉火鍋最基本啦，原來佢點心又有，刺身又有，連糖都有得夾，雪條雪糕成十幾款，嘢飲又係勁多⋯我諗淨係嘢飲都最少有50款，佢有養生湯，又可以自己沖花茶，啤酒任飲，都幾豪氣！都係啲好飲嘅，Hoegaarden，醇滑嘉士伯，黑啤都有👍🏻，同最驚喜嘅係居然有玻璃樽維他奶😍，好多年無見過啦！刺身都幾鮮甜唔會霉霉爛爛，分分鐘好過啲放題舖刺身，赤蝦大大隻，三文魚厚切，馬刀貝同帶子好甜😍，可惜每次淨係可以拎三款🦖，可惜我食到飽哂先留意到有刺身拎👉🏻👈🏻，都食唔到好多🥹

之前食過觀塘嗰間校長燒肉 今日同女朋友嚟試吓，荃灣依間分店一入門口，已經見到魚生吧魚生嘅種類都多有我最鍾意食嘅虎蝦同三文魚望落都好新鮮油脂分布都好靚之後有好多打邊爐同埋燒肉肉嘅種類有好多邊爐果d 丸同菜都有好多亦都有依啲炸物，有薯條同炸薯角全部都係新鮮炸出嚟，又熱又脆有幾款老火靚湯都係好足料佢嘅醬汁都好多選擇亦都有幾款熟食我最鍾意就係食呢個螺好香好入味可以自己攞個鴛鴦火鍋煲同時間打邊爐同韓燒有新鮮雪糕，自己吱雪櫃亦都有好多雪糕選擇嘢飲種類都好多亦都有好多蒸點心同出面茶樓質素差唔多

今日黎到荃灣校長燒肉，雖然個名係燒肉，但係佢多野食到好似酒店buffet咁多。想像佢係室內bbq 加打邊爐加壽司刺身加酒店熱葷加甜品加點心😂😂😂應該係有過百款。一如門口見到d甜品顏色排得好靚！燒烤嘅肉好多款，d調味都好唔錯，檯頭有d調味料，我覺得唔加都好夠味。我咩都試左d，全部都質素唔錯😚😚唔會話邊個超級好味，但係勝在咩都有，食款式。佢個燒烤爐個底墊左個燒烤紙，好方便可以換而且唔會痴底。佢地最特別係個美顏養生花茶區，仲好好咁寫左唔同功效，最適合食放題想清新下。雪糕我試左海鹽雪糕，新鮮jit嘅蜜瓜雪糕，同綠茶雪米磁，都唔錯。太飽了，下次可能要餓d先黎食😂😂

朋友booked左燒肉，話請我食，到達先知原來係燒肉+火鍋任食，齋睇個名完全唔知係有火鍋。個場好大，有好多卡位，所以坐得好舒服😌。今次主要係燒嘢食，冇咩打邊爐。太多野食了，已醃製好嘅豬、牛、雞，林林總總，肉類方面我就主要食五花腩、豬頸肉、照燒雞扒。因為牛肉好難整到啱啱好熟，所以費時浪費。除左燒肉，仲有好多熟食，例如人參雞湯、螺、蝦餃燒賣等等⋯個烤爐舖左張紙，燒野食就冇咁易痴底，很好。雪糕方面有plant based vanilla cookie ice cream, 意想不到，用豆奶做，食落唔係幾似平時既vanilla雪糕味，好重豆奶味。淨係燒肉、熟食同埋甜品都食到好飽，下次再去飲下個花茶，好似幾養生。

真。再偷食系列雙重放題，雙重滿足有熟嘢食有刺身，有甜品有火鍋有燒肉總有一款滿足你嘅慾望，啱晒一家大細唔同口味嘅一齊去食肉 豬肉素質正常 自助吧選擇好多飲品好多元化 最鍾意佢哋自家製既各類果茶椰子雞湯好重藥材味 有養生嘅感覺台式沙爹湯好香好惹味最值得一提嘅係佢熟食啲台式小食種類繁多 勁滿足仲有係佢最特別嘅地方 有熱嘅嘢飲好啱一啲唔方便飲凍嘢或者需要養生✨靜靜雞話你知餐廳甜品任食 （但雪糕就只能每人一個 ）而其他食物種類好多 好豐富實滿足到你打邊爐咩都想食下嘅慾望