組長日式放題 (Closed)

上個禮拜同幾個朋友趁有facebook優惠用一佰二十八蚊享受左一餐又豐富又開心的放題。整體質素相當唔錯,最重要係呢個價錢真係好抵食, 款式都夠, 一般放題有嘅, 佢都差吾多有，刺身呀壽司呀串燒呀鐵板燒…刺身都算新鮮, 雖然有啲款個size細小小, 但味道都鮮甜。我個人比較欣賞佢味牛柳粒, 豬頸肉, 好香好有肉汁,好好手勢。雖然啲服務員冇乜passion, 但我地叫得多,都冇乜漏單, 都上得好快。汽水呀雪糕呀都有, 但冇乜選擇，冇乜所謂，反正個肚都冇位放。餐廳環境企理, 但座位有小小窄, 都係一般餐廳咁囉。下次想大食一餐日式嘢，都会再黎!

團購見呢間野幾平就買左, 點知中哂伏 服務算 ok, 冇漏單同埋落幾多比幾多, 但食物質素認真唔掂..... - 三文魚切到超細粒- 甜蝦勁細條, 發育不良咁款, 又冇左個頭- 赤貝又細又薄, 色水又唔靚, 成塊蕉皮咁- 燒菠蘿竟然用罐頭菠蘿仲有落 order 要逐個 no. 寫係張紙, 成晚係到罰抄最衰係食完個零鐘返到屋企即痾, 絕無下次

原本系想去旺角食但打去要9點後先有位就打左黎呢度7點前148加一OK啦就BOOK左位上到去其實唔算大但地方都算OK不過台有D細野飲唔多得可樂個D野食類型以呢個價錢算OK有刺身　壽司　串燒　鐵板燒...之類之類餐牌　系寫編號同數量　咁環保D但系D 3呀5呀要寫清楚D 唔系真系會上左第2D野刺身佢都幾多款野揀同埋如果你叫得多佢會比個船你擺得好令同埋佢唔會漏比你　有D放題你寫10佢比5但呢間寫5就5 但有時你寫得多例如8件佢就唔會數岩8件比你但一定有多冇小味道方面 吞拿魚同鮑魚都好好三文魚不過不失 甜蝦都系不過不失八爪魚都唔差其實但其他個D我都唔記得咩黎....白烏貝...??有D幾爽口都OK 有D好痴口但我唔知個個系咩黎傳說中既火灸系列....但我覺得一般普通壽司都可能好過佢....但我冇試佢D普通壽司 我叫左件花之卷但佢漏左比我牛柳粒，幾好食....外脆內軟XDD汁都好正 整得真系幾好食呢個好似系佢其中一個煎餃不過不失咁啦驢端燒我試過幾樣...蝦呀茹呀之類但只有一個字---->「咸」但我冇試哂啦....我有見其他台叫左好多但我再去就唔會再叫有個青口都好好食可惜我系最後先叫冇時間再

嚴重漏單王.話說8月11日7點中到達,初初見到D食評0K,米試試點之Line野,我和女朋友一去到就有位,地方一眼望哂,之後戲肉黎,一開始點曬D刺身先點知········等下半個鐘,等下又半個鐘,我未過食放題成個半中先食得2碟野(一碟刺身,一碟粟米)火都黎賣,心諗唔通食二個中唔通食得3碟?之後同女友一齊同伙記投訴先話可以食幾耐都得,D伙記服務態度還可以,可能D伙記見我地發火,所以好D,之後半個中上一碟野,最後同佢鬥長命食到9:30,刺食還可以,牛柳粒好乾身同麵屎湯麻麻地,天婦羅還可以,重要麵屎湯等左2個半鐘先黎,以為星期日有位以為好好彩原來Line野,唉....一定冇下次

點解叫做好均真啦...最後先同大家講,呢次放題係上網book既,所以有得賺分book左七點不過6:58/9分咁上下就上到去,坐低等男友時,自己又剔下野食咁,基本上食放題都係乜都剔d架勒,好快又一檯都係野食呢.呢度汽水任飲,野任食,雖然只係坐兩個鐘,不過我地呢日去唔多人,亦無漏單情況,食埋半個蛋糕都唔駛兩個鐘,埋單時佢仲計我七點前入座既價錢呢.

朋友今日打去訂位,佢話2位枱最快都要訂9點,無計啦,我地又想試下呢間野,咁就照落booking囉但我同朋友都係唔想咁夜食,8點幾走上去walk-in,又要枱啵個場好細,一眼望哂,d位同一般放題既店鋪一樣,勁細張枱,都無問題啦,預左啦~叫野食先~有個餐牌,同d紙仔俾你自己寫食品code同數量上去落order個menu得個4,5牌,選擇好少同朋友叫左d天婦羅、串燒、壽司、牛肉火鍋、刺身、鐵板豬頸肉(但係碟上,完係覺得係炒豬頸肉,唔係鐵板豬頸肉)冷手打烏冬、炸物等等.......壽司ok既....不過有少少暖暖地....刺身都ok,夠凍牛肉火鍋湯底太甜....串燒麻麻地...有個黃金炸蝦(類似咁既名) 超咸....食完要飲好多啖汽水天婦羅質素好麻麻.....又唔跟天婦羅汁俾人....搞到要掂壽司豉油食係個三文魚腩天婦羅ok囉,幾肥下佢d炸物唔知做咩全部都係食完超頸渴既!!!仲有個軟骨餃子叫食得下囉間野汽水得幾款...百事可樂、七喜、美連達既蘋果、提子、橙汁汽水我見到隔離枱有人飲啤酒,但張飲品紙仔上無寫仲見到佢地有雪條食,但我地無囉,可能人地係熟客仔啦不過都唔稀罕囉埋單計埋加一每人$196總括

有同事提議日式放題，因為大家可以大食特食，感覺特別開心。我在openrice搜尋了一會，看見這間comment不錯，而且價錢不貴 ($178/ 位，任食任飲汽水兩小時)，所以就book了這間。其實自己一直覺得，如果想食好的日本料理，一定不可以選放題，還要是$200下的，所以未去前，對於這個放題不是太有期望。未去前已經估計到座位會很迫，在尖沙咀這個地段，這個價錢......果然不出所料，但仍然可以接受。食物種類出奇地多，除了魚生/ 壽司/ 手卷，還有炸物、串燒、炒物、火鍋........魚生選擇不是太多，基本那幾種，但很新鮮，而且display得頗有誠意。其他熟食味道亦不錯，不但沒有失望，而且還有點驚喜。特別是那個炒牛肉粒，食完要再encore。雖然是放題，亦是星期五晚人頭湧湧，但沒有特別大的漏單問題 (可能漏了也沒有留意，因為特別想吃的也到了....哈哈！)，而且上菜速度亦OK。連加一，每人只是$196！我們8時入座，應該吃到10時，但我們坐到11時也沒有人催我們埋單或last order。這個價錢的日式放題質素，絕對要去再encore！

話說小弟真係幾懶，懶得打字但今次真係忍唔住要講講呢間放題。咁既價錢食咁既放題，真係難搵。其實小弟都幫襯過組長唔少次，無他既，收工行過去方便，最緊要放題黎講真係平！係好好好平。而家放題如松屋，大吉等都差唔多要$200一位，價錢越黎越貴族，但食物就越黎越差。好彩地，某日收工走上去組長試試。頭一二次去食，驚喜不大，食物水準一般，但當時牛肉粒真係超好味，忍唔住叫左10幾碟。食到我女友望住我目定口呆。但上星期去食，感覺完全唔同晒，尤其是串燒，間直就好似打機忽然連升10level。啲雞軟骨食唔停口，食落香口，外脆內軟，咸味適中、燒蝦又係，如果有多啲菜燒就更好天婦羅，二個字！好味！炸皮唔厚，入面啖啖汁牛肉粒，二個字屈機！冷烏冬，又係食完一碗又想再食。可惜如阿媽話齋，咁食唔抵！呃，漏左刺身添，因為我個腦太多雞軟骨同烏冬喇，佢刺身真係放得好靚，下面仲有冰鎮住，啲三文，馬刀，希靈魚都好正，但吞拿就算喇（食過拖羅真係接受唔到普通吞拿）最後不得不提佢個火X三文壽司，超正，但都果句，娘親話齋，唔抵！總括，140蚊一粒食呢個放題，平靚正（成日諗個老闆點賺錢架）如果燈光無咁光就好喇同埋啤酒唔好用ICE啦，哈哈

又試新的放題，見到刺身種類頗多，價錢亦合理，於是便選擇了此店，比預訂的時間早了10分鐘到達，店內大約有七成滿，坐好後便立即開始點菜，點菜是在空白的格子上寫下食物編號及數量，這個方法比剔格仔更環保。刺身有三文魚、吞拿魚、甜蝦、八爪魚、白鳥貝、馬刀貝、墨魚、鮑片、針魚、希靈魚、立魚，除了最後三種，全部在第一輪也點了試試，刺身基本上新鮮，但吞拿魚跟其他放題一樣，可以不用嘗試，刺身中最驚喜的是白鳥貝及八爪魚，兩者鮮味十足，可惜的是第二次點的八爪魚，不知是否處理得不好，鹹味蓋過了鮮味，所以出局，第二次點刺身的時候還心思思試了針魚和立魚，一放入口便後悔，鯹味濃而質感軟身，幸好只是點了一片，總括刺身種類蠻多，質素方面，選大路的款式比較穩當。壽司的種類很多，不過飯太飽肚，所以挑選了幾種吸引的嘗試，火灸三文魚及玻璃蝦的賣相吸引，可惜味道太鹹，炸蠔軍艦粉漿太厚，而且乾身，其餘還嘗試了劍魚腩壽司、組長蝦壽司和三文魚牛油果軍艦，壽司的水準不算差，但也不會提起翻兜的興趣。海鮮一直是我喜好的食物，三款蝦的料理也嘗遍，我本人最喜歡的是鹽燒海蝦，味道十足而且香口，另外兩款分別是天婦羅蝦及吉列炸蝦，水準也不錯。另外見到

今日同女朋友去食放題,樓下有個侍應問我上幾樓,等lift時聽到佢話我地冇禮貌,態度差,完全趕客!!餐廳環境OK,野食選擇都算多,三文魚刺身好鮮甜,甜蝦都好好味,又有鮑片,希靈魚,墨魚片,壽司都幾特別,有炸蠔軍艦,火炙三文魚,鰻魚好好味!而花之戀就太細舊..熟食都有好多選擇,有串燒,鐵板燒,炸物. d金菇肥牛卷同炒牛柳粒好香,d汁好正!!!仲有炒雜菜.雜菌,煎餃子tim~~辣酒花螺d蘿蔔好入味,好香好正!!而串燒就一般,d蝦好乾,雞軟骨.墨魚咀都ok炸物真係即叫即炸,新鮮熱辣,GOOD!!整體服務都幾好

星期三約左朋友一齊嚟呢間放題食晚飯,食物選擇好多啊!! 我地不停的點左好多嘢食呀,叫到全枱都係,上菜速度算快,刺身三文魚好新鮮鮮甜又肥美,仲有甜蝦及鮑片,甜蝦都VERY GOOD,好鮮,正呀! 我好鍾意食三文魚, 所以勁開心鰻魚壽司好大件,見到個樣都知好味啦,食埋落肚真的好好味,仲好特別的有鴨胸壽司,唔係周圍都食到,火炙三文魚燒到金黃色,十分吸引,還有三文魚手卷都好足料,啖啖三文魚架. 我最愛也包括天婦羅,都叫左一些炸蝦,南瓜,茄子,蕃薯等,粉漿都係薄身,所以都好好味,好香脆喎.燒物有串燒蝦,雞亦,雞軟骨,牛肉粒.....好有滿足感呀! 蝦不是迷仔好細隻的,都幾OK,燒到好香及金黃色. 熱辣辣!! 仲有辣酒煮花螺添呀,一份兩隻,蘿白非常入味,花螺都好彈牙,唔係好大隻,不過勝在夠爽口. 炒什菌好香口惹味,蟹子沙律青瓜絲切到好幼細,好好味. 吉列帶子壽司香口,帶子都幾大粒,OK唔會有雪味,芥辣八爪魚好刺激啊!!仕應服務都幾好,上菜及收碟速度都快.我地都好滿意.

我朋友之前想食放題，130元咁平就買左4張4個人一齊去食都唸住咁平D野應該係一般啦，原來都唔係一定平野冇好既我地講下D野食先~刺身..............真係好新鮮...完全唔苦，仲好甜添。基本上佢所有刺身都好得串燒................一般 燒雞串 - 好乾 好難食 燒菠蘿 - 熱但樣唔似燒過，而且好腥 mad:炸物................一般(天婦羅冇野點) 炸帶子 - 同你自己煮差唔多 炸蝦 - 一般壽司.................D飯扁大~但係唔難食其他野食唔係太記得，但漏單都幾嚴重 串燒、炸物，唔係全部自動減半，就係整個消失於人間......所以我明明每樣炸野叫左4件，但好多都係黎1-2件完全試唔到叫多幾次都唔想叫D人"行到埋黎"算係好NICE但未行到埋黎就可以會經常睇你唔到我未見過飲食業D女仔可以坡頭散發好似怕"飄柔"廣告咁，又成日摸住自己D頭髮，又係到FING 來FING 去我D朋友入去第一句 "D野食會唔會加送頭髮架"仲要唔係一個女仔係咁，我見到有2個女仔都係咁成間野即刻扣晒分

國慶日夜晚女朋友話想食日本野打完一輪電話間間食過既放題都$2xx 上網search下見呢間新開張幾抵 之後就泥左刺身新鮮，泥足冇走單，三文魚肥美，吞拿魚入口即溶，甜蝦幾甜．．．壽司鮑片壽司，鴨胸壽司，火炙三文魚壽司好食其他都唔差唯獨花之戀舊三文魚太細料理金菇肥牛好香，有汁，正！！！花螺唔夠旺角果間分店好食（果間唔太辣，而且蘿蔔夠”林”又入味）炸物炸蠔軍艦,炸帶子，炸豆腐唔錯其他不過不失另外服務方面可能因為新開張，加上ｄ人去晒睇煙花，算少人服務好好不過檯略為窄總結以假期$158+1呢個價錢大致上的確抵食，食物比預期好，服務又好希望下一次去可以保留呢個價錢同水準

這間日式放題新開張的,昨天嚟左同朋友慶祝生日,我地有八個人一齊嚟架,兩個人先到,六個人後到,我地到左樓下,樓下有兩個仕應,一男一女,我地同佢講話上去搵人,上到去等車立的時候,竟然聽到那個男的大大聲聲話我點知你上去係真係搵完人又落番嚟定點呀!!明顯係講緊我地六個人,聽到都嬲,唔通六個人一齊上去搵完人一齊落番嚟走咩,係咪想趕客呢??餐廳好細,坐係長枱都有點迫,朋友已叫左一些壽司及刺身,呢度係用紙寫NO的,咁樣都幾環保的,選擇都算多,我地叫左好多刺身,數量全部係一件一件上的,三文魚刺身都好新鮮的,跟住有甜蝦,北寄貝,魷魚,唔知咩魚....全部都新鮮及好味的,仲有海膽添呀(不過係識人私人送的),我唔食海膽的,不過朋友話好新鮮好好味呀! 另外有一些熟食,燒粟米,雞軟骨,墨魚咀,雞亦,腸仔.....有炸蠔軍艦,炸帶子,天婦羅.....味道都幾OK的,除左雞亦冇咩味外,仲有辣酒煮花螺,呢個唔係平時食開果D咁紅卜卜顏色,係普通蘿蔔湯既顏色,不過係辣辣地唔算好辣的,螺都正常SIZE,都幾爽口,蘿蔔好甜好入味的喎.天婦羅都算薄身及乾身的,汽水係任飲可樂,七喜,橙汁....仲有一個雪糕櫃,有迷你綿花杯,紅豆

第1次黎食,原來 WALK IN 都會區177左右, 都唔特別貴, 呢到四處酒吧居多, 估唔到27號大夏, 係24旁, 唔易睇到門口. 侍應招呼幾好, 見我無寫任飲, 主動問客人需唔需要水, 落單收碟都好快, 禮貌幾好~我今次係買團購$118一位, 真係超值, 可能佢新開, 原來未有食評. 我試左刺身:劍魚, 吞拿魚, 三文魚, 希靈魚, 馬刀貝, 白烏貝, 墨魚,立魚, 鮑魚. 甜虾. (算好多款式)壽司方面有特別:康魚肝壽司(有D像鵝肝醬FEEL)但無咩味, 未食過試下無坊粒粒魚生飯(細細碗局然有海膽)GOOD~北寄貝壽司鮑魚壽司赤具壽司(又薄又乾...夜左好耐禁)大量火灸壽司, 火炙壽司反而最好味~熟食都多, 我們只吃到串燒: 燒冬姑好大隻, 多汁正~燒粟米好味, 燒墨魚咀, 燒大腸, 燒雞翼, 波羅金姑牛肉...就一般, 無咩特別任飲任食, 有雪糕雪條添~