將軍麵館 (Closed)

本身想食米線但咁啱經過呢到好似好得意，標榜手工麵，其他地方又少啲呢款拌麵就試左🤣粗麵好有咬口👍雖然只係話麻醬但都有少少酸味（唔係壞嗰種🤣），可能係因為啲菜同蘿蔔份量真係好多，女仔2個人share 應該都得😳豬軟骨係爽口路線，都咬到少少攰，唔覺得特別新鮮/好食，可以skip🙈肉鬆佢一開始唔記得比我所以另上左，反而更加好因為無咁易腍哂，本身以為會唔夾但其實turn out 好ok🤩好食如果飲凍奶茶一定要叫少甜！！！係一定！甜到好似飲緊糖水

今日成9點幾先食晚餐好多鋪頭都關哂見到呢間仲開緊就即刻衝入去醫肚叫左兩碗麵同一碟豬手D手工麵真係好正有D似上海麵好有咬感~手工餃就一般粟米餡有D怪男朋友食豬軟骨好好味我嗌清湯都已經好夠味不過食完都冇口渴喎應該冇落味精呱成碗麵其實勁大碗早知咁大就唔加小食!!不過佢地既豬手都好好食好重骨膠原! 加上佢D秘製辣椒, 食得好過癮~食到飽飽!正因為臨近收工佢地送多粒餃子比我地店主真搞笑~誤打誤撞都食到間OK既麵店, 不錯哦!

喺花園街一帶行街街，不難發現經過十個月疫情既洗禮，昔日好多 街邊小食 即咖喱魚蛋、捧住碟腸粉“立食”既場面， 都近乎絕跡。 以往除左打風，都好少見到咁寧靜少人既花園街。行到去將軍麵館門口，店面乾淨、燈光舒服，同其他同一條街既米線店唔同，例如“雲”字頭果d, 感覺清新d。其實，食辣米線類，食乾撈最方便，食湯既keep住好熱，食得耐都幾攰架 😂選粗麵比較有京菜風味，加8蚊就有肥牛，加埋本來既炸醬、花生，先40蚊，係抵食既，除左麵底大，肥牛份量唔小，最重要係唔多肥膏，唔太薄（好怕有d舖頭俾好薄既 “一陣風肥牛”）， 值得下次叫多兩個餸！

今日嘗試在家附近的這間麵店 ：將軍麵店本人是同埋屋企人一齊去食 我叫碗厚切牛展粗麵加底 再加肥腸 而屋企人分別叫了兩碗豬軟骨粗麵 同埋叫了碟厚切牛展小食 隔了十幾分鐘 我叫的厚切牛展麵已放枱上牛展炆得好淋好食 湯底好好味唔會飲咗好口渴感覺(因我是後成碗湯渴哂) 加的肥腸都好好食 而屋企人叫嘅豬軟骨麵 啲豬軟骨又係炆得好淋好有肉汁好好食 。推介招牌 厚切牛展 真的好好味

星期六中午一個人食個午餐叫左將軍撈麵加豬軟骨，撈勻曬食都無咩味無咩驚喜，炸醬都還可以，豬軟骨唔夠軟，骨好硬，肉無入口容易化開既口感。整體黎講淡而無咩味，完全唔係想像中咁。但食到一半，侍應叫其他客人撘枱半邊卡位，中間仲要無隔板，我立即叫停。隔一會，侍應又叫兩人撘枱。其行為係奇怪又無衛生意識。餐廳侍應防疫意識極低。食物又一般。不會再吃啦，寧願食其他米線🤮🤮🤮如果想要有驚喜既中式麵食，可以不用試。

今日又去旺角買蛋糕食，行過呢間麵店見到menu D麵既賣相幾吸引，一於試吓麻醬撈麵！我對麻醬既要求係高既，起碼要有日本果隻公仔麵包麻油味嘅feel！但呢碗真係唔夠麻，可以講係淡😕加上D配料少，麵又多而且林左少少所以撈埋一齊之後麻味好淡！今次有D失望😞

我每星期都會有一天晚上經過這條街，已經光顧此麵店有好幾次，他們標榜老北京味道，我不是北京人，不知道他們其實正宗不正宗，但憑店名同麵食嘅種類已經好有北方風味如醬豬手、江湖肥腸、厚切牛𦟌等。我今晚點左江湖肥腸粗麵加蘿蔔配凍檸茶$54。呢度啲麵係白身手拉麵，有粗幼兩款選擇，有嚼勁，份量多，我有時候會食唔晒D麵，蘿蔔大大嚿無渣好清甜👍🏻，肥腸唔算肥不過好入味。另店家準備咗兩款辣醬，一款黃色一款橙紅色，侍應姐姐話一款係辣，一款係酸辣，但我搞唔清兩者分別，不過我覺得橙紅色果款係辣D，兩款味道偏咸，同埋辣度都幾辣，食得辣可以一試，可能係北京風味來源😅環境算光猛整潔，唔會坐到好迫夾。服務你唔有期望吧？！😂

今個疫情足足進入香港快要第五個月，由初初仍有很多人以為小事，係各國黑中國，到現在人人有高警惕性，相信無人事前會料想到直捲全球，全球經濟歸零～🥴🥴🥴香港經濟無一幸免，食肆首沖其害唯有一有機會，多加幫襯剛來到旺角，見到呢間小店即入叫左豬手麵，豬手非常入味，有咬口之餘又夠冧，唔係d壞茶記是但炆一陣就拎出黎比客人既貨色👍👍👍👍👍👍值得再黎試埋其他出品希望疫情快d過去，令有心小店有生存空間～～

在太子上完堂，本來打算去連鎖米線店光顧自己喜歡的麻辣米線。誰知在店的對面看到一間叫將軍麵館的麵店，主打京川滬的味道，感覺也對胃口想想連鎖米線店每星期也有機會吃一兩餐，倒不如趁這個機會試試其他店舖。在我猶豫期間店裏的阿姐也不停出來跟我說有位，態度殷勤，就決定入座。看了餐牌看到有將軍滷豬軟骨麵，完全就是我的菜，就點了一碗（$49），另外加了牛展（$15）和腩肉（$8），一杯凍奶茶走甜（$6）。麵條可以選粗麵或者細麵，我點了細麵。上來後看見一碗滿滿的肉，份量很滿意，非常歡喜。先試試牛展，牛味充足，但有幾塊比較奇怪，吃起來有點像牛肉叉燒，不過沒什麽大礙。腩肉跟外面的不同，外面的通常肥瘦參半，我就是看準這裏的腩肉感覺像醬汁叉燒才點的，吃下去不肥但也不柴，跟我想像的一致，好評。最後就是主角豬軟骨，坦白說這裏的豬軟骨不是日式那隻充滿醬香，這裏的比較像中式排骨，我自己是能夠接受但一心來吃豬軟骨的就要注意注意。説説湯底，比起連鎖麵店的絕對來得清，有點車仔麵辣湯那種感覺，枱面上有兩種不同辣醬，一個傳統紅，一個是黃色的，我也沒多做研究，都混到麵裏頭，香香辣辣，風味一流。值得一贊的是，樓面阿姐行過我的位時，看

原本一直食開天水圍個間，行過見旺角開左間，就試下！價錢貴好多都算，味道同質素都完全吾同！失望員工連外賣包裝都吾識，番到屋企食物盒蓋全部開噻，仲要凹左落面到，搞到周圍都係🤬🤬 冇下次🙅🏿‍♀️

今次同啲團友嚟到西洋菜街食晏，「創始中心」下面間「台灣麵」話食到厭，另一家常到訪嘅車仔麵「百味車仔麵」亦幫襯得太多，今次想轉轉為味，就試吓同街嘅另一家麵店「將軍麵館」，大家都無試吓，志在搏一搏當試吓新嘢。雖然門口嘅招牌寫住老北京炸醬麵，但室內嘅裝修，一室淺色木系，都喺走簡約風格，不過，就加咗點中國色彩嘅元素，好似啲吊燈、面譜擺設。摺頁嘅餐牌底面兩版就印晒所有菜式，一版就圖文並茂嘅將軍小食及招牌麵，另一版就喺其他麵食、追加配料及飲品，凡點各款粉麵，飲品就半價。枱上備有辣椒醬和甚少見嘅黃辣椒醬，可惜小弟一向都唔好辣，老友就啱晒。將軍醬香豬手麵 $44好多款粉麵都想試，都諗咗好耐先揀咗豬手，因為平時真喺較少食。啲粉麵嘅份量都幾多，上枱睇見大大碗，而每碗湯麵都註明配有炸醬、生菜、蔥花及芫荽，至於麵條可以揀粗麵或小麵。個湯頭入口好醇厚、好幽香，唔會飲完有口渴嘅感覺；粗麵咬落有韌勁、耐浸，不愧喺自家製嘅手工麵，撈埋啲炸醬食，更惹味。啲豬手點先？正，好入味，肉質好腍身，而外皮又有啲爽滑感，仲有啲膠質晌底，真喺堅好食。順口講講，啲碗都好靚，畫有青花瓷圖案，甚具中國色彩。熱奶茶 +$6半價配飲品就梗喺點

老北京麻醬麵Beijing Style Sesame Paste Noodles (HK$36)Rating: 4/5 ⭐又平又好食，個麻醬撈麵夏天係幾清新👍星期六日去旺角，又想食平啲可以考慮下呀。醬汁濃郁惹味，配料夠曬足。Very reasonable price and good quality, the sesame sauce with noodles are very refreshing, especially in summer, if you happen to go to Mong Kok during the weekend, feel free to have a try 👍the sauce is yummy with plenty of sides to go with the noodles.

倒帶回車爸爸最後一天的大假！給他睡到飽飽後便出太子將軍麵館吃個遲來的午餐！ 將軍麵館固明思義是吃麵啦！但口味是京川滬那方應該挺合我心水吧！  檯上放有辣椒醬和黃辣椒醬見到都流口水呢！不知為何我那麼喜歡吃辣真係好爽好過癮的！ 近半年都選凍檸茶走甜已成了習慣跟麵餐加＄6便可享用！喝下挺有檸檬香都收貨啦！而車爸爸例牌點了跟冷飲同價的熱奶茶！ 車爸爸選上將軍江湖肥腸麵＄44炸醬、內有炸醬、生菜、蔥花、芫茜等配料所以湯底挺香，據聞肥腸淋身香口冇異味，拉麵吃下滑溜爽口得到他的激讚！ 而我選了正宗川味酸辣炸醬紅薯粉條＄28另加＄6點上一份蘿蔔，酸辣味道欠點點加入黃辣椒醬後才夠刺激好味，另點的蘿蔔是死佬來的(即是花心蘿蔔)當然不好吃啦！慶幸紅薯粉尚夠Q彈挽回少許分數！

最近好中意食中式麻醬 咁路過見到就試下啦suppose一個賣中式麵既鋪頭 就係中式麻醬麵架嘛 點知一打開真係o左咀佢竟然係用日式胡麻汁 撈落麵度係零芝麻味 而且份麵係熱既撈落呢種日式汁度真係奇奇怪怪麵質同樓下雜貨鋪買個啲包裝烏冬無分別 毫無口感 成碗野唯一可取之處就係肉鬆分量幾多 但整體黎講都係好伏🤦🏻‍♀️

There are plenty of noodles shops on Sai Yeung Choi Street, and this time I tried a newly opened one with a fancy Captain soldier theme.I ordered this Dry Noodles with Pork Cartilage. I made a mistake by asking for mild spicy, which was too much for me…I could only finish half of the bowl and my lips were already burning. So I brought the remaining home with a take away container, thinking that cooling them in fridge and have them on the other day would help.The crystal potato noodles were delic