Video
Additional Information
Green Monday vegetarian set available whole day on Monday. Some vegetarian dishes available daily.
Opening Hours
Today
06:00 - 00:00
Mon - Sun
06:00 - 00:00
Above information is for reference only. Please check details with the restaurant.
Recommended Dishes
新春晚宴1888套餐晚市個場坐唔滿所以好多職員服侍豪華級服務享受上菜比較慢要催先上 斷斷續續瑤柱扒時蔬竟然最後先上枱食物質素都算高燒味雞唔肥膩又香口條魚新鮮肉質好滑6人餐份量很多很多8款菜+翅+甜品真係好豐富
continue reading
奇怪間野咁差服務點解仲未執，中秋節6點入座得幾枱客，6點15分落單後十多分鐘上菜還欠一個未上，6點50分追單說落漏要補單，等多二十多分鐘追幾次竟然在7點40分說厨房做唔切要我地取消，咁點解唔早講要我地白坐45分鐘，如果7點前落單都做唔切是否7點就不接散客呢。最離譜就是說客戶落單廚房竟然可以話唔做咁惡
continue reading
今晚母親節晚，嬲到1個點....平時都有食開，但今晚簡直不能再接受...服務態度差到離曬譜，如果酒樓老闆睇到又想知情況....請親自感受一下。另外，我都好明白....酒樓員工都係要收工，但 8點15分開始將冷氣溫度校到 15度以下....開始趕客會唔會太早？9點或9點15分開始校會唔會合理？如果我3個人食4，5百蚊埋單，我無野講....但8百幾蚊埋單，咁既服務.....真係一肚氣著曬！唔想做，可以唔做....唔係咁做！如果老闆睇到留言，而又無問題....我無言。可以既話，酒樓老闆請自己去了解下....
continue reading
下午茶🫖 四嗰人人均消費食咗$80，荔景嘅屋邨酒樓都真係幾抵食🤭 呢度今日覺得最好食嘅係椰香脆蛋散，佢完全無油益味，加埋蜜糖真係好正😛 我encore咗一碟🤭其次就係銀芽肉絲炒麵，雖然我自己就唔係中意食呢類嘅，但佢做到嗰麵好脆，再將肉絲放上面，即食嘅話啲麵都唔會淋😎 做得好好👍🏻 不過需時，俾啲耐性，隔離枱等咗半個鐘😂 其他點心質素都唔錯，加上下午茶有孖寶優惠🤭 蟹粉燒賣皇、鮮竹牛肉球、鮮蝦炸春卷同埋叉燒腸粉都稱得上好🤭 但係香煎蘿蔔糕、招牌蝦餃王同蠔皇鮮竹卷就無咁出色🤔
continue reading
用餐體驗差到我要寫食評！平日11:00見荔景站附近冇乜餐廳，嚟酒樓食個早餐，冇乜客人 。叫左個臘味糯米飯，兩份點心 。點知等左半個鐘都未有，問個樓面佢好敷衍咁話「係咁㗎啦呢間酒樓」，問點心姐姐佢就話「我都冇㗎我㗎車冇都俾唔到你㗎啦」服務態度0分，可惜冇得俾0分。隔離枱燥底同樓面講仲俾人串「咁唔掂我地一早關門大吉啦」冇野食受氣都飽哂。等多十分鐘，終於嚟左碟蛋散，甜到不得了，食完即刻要去睇急症，糖尿病！好彩瑪嘉列醫院就喺隔離之後好似食高級西餐咁，食完一碟先到下一碟，有條牛肉腸粉，冇乜特別就係牛肉腸粉。仲有個冇乜湯汁既小龍包淡味燒賣同埋用時50分鐘既糯米飯，都唔知講咩好，先餓到覺得食到就是賺到，但不好味 夠料。食完馬上閃人，走嗰陣仲要俾收銀黑面，好似我食左太耐咁，但係我都冇計啊！下次食711撈麵好過食呢間。
continue reading