佳寧娜潮州菜 (Closed)

差不多每星期都有兩朝來這酒樓嘆茶食早餐 ,吃得飽。品質有保証,價錢算平,坐得舒服又不會太嘈。門口裝修平凡。樓底有少少矮,但好彩每枱也足夠的空間,不會感覺逼。侍應姨姨服務也很熱情,跟我也有講有笑,雖然是寒暄幾句,但也感受到她們的人情味😉平日孖寳都只是hkd30, 跟食個西式早餐的價錢差不多,但就會飽肚些, 因有飯也有包。選擇也算多, 上面的6款選1款,再加下面8款選1款。煎蛋牛肉飯 - 雞蛋是全熟的， 適合消化系統一般的我送上飯時是連蓋的， 不即時食也可以把蓋蓋上，保存溫度。 豉油也是另上的， 可按自己的喜好加多少，又或者選擇不加牛肉也很腍，沒有渣瑤柱鮮蝦菜苗餃  -  夠大件， 皮薄，餡料豐滿，上枱時仍是熱騰騰。在我來說，價錢相宜，有服務，食物有質素，值得光顧！

因為爸爸喜歡吃中菜，所以今日一家人黎到九龍城嘅佳寧娜飲茶食潮州菜。人唔多唔使等，仲見到有幾張吉枱。我地點左以下食物:麻麻哋份量少得驚人呢個幾特別，其他酒樓未見過，其實係糯米嚟嘅，金黃色幾靚吖呢個我覺得做得麻麻，味道好似加左一種香料咁不過不失啦。裏面嘅油炸鬼好香好脆唔錯！雞翼不過不失啦黃金伊麵我每次來都要食，因為真係好正面頭脆脆地加埋糖同醋簡直係一流總結: 環境OK坐得舒服，不過價錢貴五個人食咗＄567唔係好抵食囉亦唔係每款點心都好食。

農曆新年，鬧哄哄的又過了。經過四日公眾假期，今天開工了！開工午餐，當然和Honey一齊！農曆年，還是吃中餐吧！所以，來到佳寧娜。可能是公眾假期剛過，有些人還未開工，茶樓人不多。我點了蠔仔肉碎粥。｢新正頭｣，吃粥(吃足)！一碗份量也挺大的，可以盛五六個小碗。蠔仔新鮮，湯頭很甜！只有我和Honey兩個人，所以，就點了點心拼盤。共四款點心：蝦餃、潮州粉果、糯米卷和水晶包，各兩件，二人剛剛好！蝦餃非常大隻！要分兩口才吃得完！皮很薄，滿口蝦肉，真材實料。而其他點心，潮州粉果和水晶包，放久了，澄麵的麵皮也沒有變硬，真好！另外，我們又點了蟹籽小籠包。同樣很大個，一口吃不完。裏面的肉汁很甜，一咬下去，肉汁淺出來！滿口肉湯。蝦餃、潮州粉果、小籠包、水晶包……全是脹卜卜的→→荷包滿滿！好意頭！祝各位開工大吉

The Dim Sum is great irrespective of the time of ordering your food. It's just that you get a discount if you order before so if you're having a late breakfast or early lunch, why not?Dim Sum is not the same everywhere. Here it's freshly made rather than sitting under a heat lamp as in some of the other Kowloon City Dim Sum restaurants. It's always hot. And best of all it doesn't appear as popular as the alternatives so it doesn't get noisy until 12:30 ishWashrooms are a bit of a disappointment

這間酒樓下午茶冇咩人，平安夜的關係吧。咖哩魷魚好味，好香的，又爽口，鮮腐竹卷好正，外面不是炸的，係鮮嫩的，好味呀。入面肉唔算多。啱啱好！馬拉糕好味，好淋好軟好香，叉燒包也是，好香，叉燒味道okay，唔肥的，good.黑松露燒賣，好爽口，黑松露唔算出味，蝦爽口的，唔算好肥，好味呀。糯米飯好粘呀，蛋絲，葱花，花生，蝦米，臘肉，都好豐富的。這間酒樓都幾好味。地點在九龍城廣場，只是廁所好怪，只是有兩格，男女同用的！

星期六收左工JOIN屋企人去九意城飲下午茶!小籠包包皮蒸得比較乾，但咬落入面好Juicy，算唔錯!馬拉糕以原籠蒸而且切好哂一件件夾起黎食既時候十分方便!馬拉糕質感鬆軟，蛋味濃，又唔會太甜!潮州粉粿果皮略厚，但咬落好有口感，十分煙靱!粉粿餡料十足，有好多花生同蝦米，十分香口惹味!

【2015 年 8 月】每次外遊後，最想食的就是點心最想搵間酒樓慢慢坐，慢慢嘆番幾籠點心九龍城廣場有兩間酒樓，兩間都好多人 ... 要等位 ...我們揀了佳寧娜潮州酒家 ... 唔知點解覺得它們的中國茶應該會好喝點等了約 20 分鐘，終於有位 ...我點了不是好多酒樓有的龍井茶 ...試過有酒樓是但比壼香片就話是龍井，以為我們飲唔出 > <一坐低就放下碟酸菜和潮州辣椒油囝囝至愛的叉燒腸粉 ...腸粉夠熱、皮又薄，還有很多叉燒 ~~儍爸至愛的薑葱牛栢葉 ... 醬汁微辣，燜得夠腍，無咩牙力的囝囝都咬到都是儍至愛的醬皇蒸鳳爪 ... 不太油膩，醬汁好惹味墊低的豆腐卜吸收哂醬汁的精華，特別好味上湯鮮卷 ... 相比蠔皇鮮竹卷，我就鍾意上湯腐皮卷多點 ... 因為很怕蠔皇鮮竹卷杰杰的獻汁最後，也是囝囝鍾意的蝦餃 ... 皮薄煙韌，餡料的蝦肉也夠鮮味彈牙** 以上分享以我的口味、喜好及情況作出分享，一試 / 合用與否請自行決定

Got to try them because my colleagues were given them.They were sweet and sickly with a rich salted egg yolk in the middle which oozed with orange oil!

星期六中午和朋友飲茶，被安排了一張4人枱。但等了10分鐘也沒有員工問你點什麼茶，還有欠一套茶/食具也沒有人理會，直至主動叫才有人安排。我們所點的蘿蔔糕和炸両都到了，但完全沒有任何甜醬和麻醬。向員工索取，換來一副討厭表情（可能打擾了她跟同伴的聊天）。甜醬到了，但沒有麻醬，於是再問，她以極晦氣的一句「哦～～～你要埋麻醬牙～」（句子中～符號是拖長語氣的意思）。激死，我地唔該前唔該後，換來的是這樣差的服務。

上次"OK"篇因為一早定了寫10篇, 之後就寫到"喊面"篇, 其實九龍城尚有好幾間屬於笑面及OK的, 但當時跟據自己預早篇定的章數, 沒法再放這些食店入來, 唯有跟自己的編訂完成好之後才另日再寫.  之前都寫過在龍城人少少想食點心, 我會選擇去點心專門店因為快/靚/正, 而且有好幾間在附近唔啱搵到啱; 但當人一多, 去這些點心店就不太方便了, 第一, 多數是拍長枱, 頭/尾傾偈確有點不方便, 第二, 店舖size通常不太大, 如無訂位服務要等大枱都幾麻煩, 這些情況底下都是上酒樓比較合適, 最方便莫過於上廣場,  一次過有三間可選, 同層及地庫都有, 不過我們會比較喜歡佳寧娜, 水準穩定, 最喜歡是既可吃到潮式點心小吃亦可點大路的廣東點心, 選擇多多, 大家來到九龍城要飲茶的不妨試試!  佳寧娜價錢在假期繁忙時段看來好似略貴, 但四個大人大概食四百元有找算OK, 味道比想像中略好, 而且成為廣場會員用信用咭找數可以在客戶服務中心儲分, 街坊們衣食住行每年在廣場都有一定的消費, 儲到夠額就可以換100元現金劵, 嘻嘻我又怎可錯過呢?!今日我們吃了點心拚盆, $58元一客有糯米卷、蝦餃、水

依個月大家都好忙，預咗唔齊人，所以細胞小組就唔搞咁多活動，簡簡單單飲餐茶，當喺聚一聚，選址喺九龍城廣場嘅佳寧娜，讓小弟有多一個搵食足跡晌九龍城。成語「福至心靈」，意思喺運氣嚟到，人心也變得靈巧，我哋就「福至心寧」，因為一大班組員維繫咗十幾廿年（見其他組都一早散晒），當中由無小朋友，到依家個個都大晒，真喺蒙福，咁多年見大家無病無痛，算喺齊齊整整，心感安寧。雖然喺食晏，始終晌星期日，訂位喺常識，否則真喺要等位，而餐廳環境其實幾擠逼，一張枱貼另一張枱，只有少許空間作通道。但勝在環境光猛，地方感覺新簇。多謝好姊妹幫手訂位、攞位，安排好晒一切，仲點定多款點心，等小弟一到（因為喺最尾一個到，但咪誤會，我無遲到）就即刻開餐。今次有啲甩鬚，無記低啲點心價錢，淨喺拎咗張點心單，原來無價錢，所以，都喺憑一眼記憶俾個單價大家參考吓，可能有啲出入。茗茶$12位，小點$20，中點$25，大點$34，特點$36，頂點$40，酸菜$12（1-4人一碟、5-8人兩碟、9人以上三碟），故此，睇落定價唔平。好多潮州酒家嘅前菜都喺花生、鹹酸菜、菜脯、豆腐乾依幾類，一般都會做得唔錯。海蜇牛展 $58個牛展滷得幾入味，口感又幾

本打算在九龍城泊車，吃茶餐廳午餐。但是，九龍城總是人多車多，找不到泊車位，只好泊在九龍城廣場。下一層就是佳寧娜，好！就在佳寧娜飲茶啦。之前跟Honey來過兩三次，都是散點，也不算便宜。所以，今天試吓套餐。有點心、粉麵、小食、蔬菜，挺丰富！點心：蝦餃、潮州粉果、鹹肉餃（三款都餡料丰富，好好味，只是，蝦餃稍嫌鹹一點）魚湯浸津白（津白浸得腍滑，不錯！）蝦仁肉絲炒米粉，非常好！米粉炒得香口，爽身，不油膩！炸普寧豆腐，很滑！但，再炸啲就更正！套餐$198，連酸菜、茶錢、加一，埋單$260，很實惠！而且，每樣都好味！！不過，上幾次，問侍應，為什麼無「功夫茶」？他們話套餐才有。今天吃套餐，都無.....？？？莫非，我們非熟客？

講堅，真係人仔果時已經聽佢個名，行開呢頭，緊要幫襯吓！潮州店緊要試試鹵水，要鵝腸？冇！要鵝件？冇！鵝片有嘞呱？有！仲好入味𠻹！唔係死鹹，有溫和香料味（如桂片、草果），輔以超入味軟滑鹵豆腐，大滿足！食九肚魚或蠔烙，有點怕其腥臊。簡簡單單嘅蘿蔔烙就最啱心水！熱烘烘、脆咯咯，加白蘿蔔的自來甜。吃得痛快，誠意推介。賢內助話想食鹹魚，見有煎的，就整份試試！望落修係炸唔係煎嘅，算！都叫鹹香。喚侍者多送我白糖一小碟，又鹹又甜咁，越食越想食！白糖送達時，侍者半推薦半請求，話鵝掌湯鮑食得過。不勝其煩外加唔好意思推卻下，就範了！一份試試味；唔差，但好難叫好！原材料問題，試問你想罐頭鮑有幾好食呢？況且收你百四蚊而已，將就將就！濃味肉食放最後，沙嗲醬行貨得很，牛肉也如發泡膠，不贅；芥蘭以薑水灼後少油快炒，苦澀盡除，可口！下回薑汁油鹽快炒可也！再來炒桂花蚌埋尾，好聽就叫「黑松露醬下得恰到好處，不奪豬爽肉、桂花蚌原味。」究其實，唔落好過落，落咗賣貴幾十而已。炒鑊炒功扎實，底味十足；嫌擺盤太玩嘢，竟以草莓味百力支作架；令我懷疑廚房是邊啖零嘴邊作菜不。批曰：鹵水膽有味，味部、廚部功底扎實。茶市點心新鮮熱辣燙口。惜地理

父親節當然要同家中既父親去飲茶。大概12點30左右去到...都幾多人係門口等緊位。基本上每星期日都會同屋企係九龍城飲荼。今次就去左呢間!流沙飽比之前食開既流好多~~味道都好好味!!潮州蒸粉果係必點黎食~呢間既皮做得唔會太厚,仲有好多我好中意食既沙角!每次都會最少點兩籠!但佳寧娜唯一既唔好就係食物選擇唔多,如果耐唔耐飲一次茶既都係一個唔錯既選擇!

今日同媽媽預祝母親節 (因為正日要開工), 本想去APPLE GREEN 食西餐, 但最後都係就返阿媽飲茶, 而且又唔使等位假期關係, 所有食物都係正價, 無特價下午茶, 價錢就唔平了, 不過慶祝母親節, 無所謂啦先評兩碗湯粉:魚旦片河, 媽媽好鍾意食, 因為我地係潮州人關係, 一試就知正唔正宗, 媽話有大地魚煲出來, 又有冬菜, 芽菜, 味道合格, 我試過魚旦, 雖然細細粒, 但好有魚味, 魚肉佔的比重好高, good!沙茶牛腩河, 沙茶湯好美味, 有好香的花生味, 大哥試過都話好!之後係點心:蝦腸粉: 一般啦, 豉油唔夠香, 皮比較鞋身, 可能係因為腸粉不是潮州菜潮州粉果: 呢個就好得, 唔知係唔係真係潮州人做得特別好, 我唔識形容, 只係覺得入面的餡味道係好食鳳爪: 過得去, 甜了少少煎韮菜果: 好好食, 特別係點辣油一齊食, 結果叫多一籠食芋頭菠蘿包: 呢個係阿姐拎出來推介, 幫襯了一籠, 菠蘿皮好脆, 阿媽食得好開心結論係味道好好, 招呼都唔差, 未慶祝母親節的朋友, 可以帶阿媽去食餐好