卡莎338 (Closed)

Casa338的位置非常不起眼，如果不是朋友介紹，實在不會走來這裏覓食。我們星期五的晚上來到，未夠七時竟然已經全場爆滿我猜想大家都是衝着這裏非常抵吃的扒餐和生蠔來的！朋友告訴我這兩個扒餐來晚點就會售完了！幸運地，今天我們來到的時候，斧頭扒二人套餐還是有的！於是，我們點了一個斧頭扒二人套餐，一個生蠔套餐和一杯啤酒星期五的晚上是應該好好放鬆一下的，侍應推介這啤酒和生蠔很配搭，羊媽媽很喜歡這啤酒的味道，不過我就覺得這啤酒略為甜了一點。四隻生蠔有大有小，size最大的N0當然沒有到我肚子，我吃了兩隻小的，非常新鮮肥美，味道鮮甜，肉質爽脆，這生蠔拼盤確是超值我們點的斧頭扒二人套餐有兩碗湯，和兩片蒜蓉包，蒜蓉包烘得香脆，羊Bany 快快手就把蒜蓉包消滅掉了餐湯是羅宋湯，味道沒有很特別，勝在蔬菜多，感覺健康！套餐還有一個小食拼盤小食炸得熱辣香脆，雖然很熱氣，但真是大人細路都喜歡吃然後，今晚的主角就出場了斧頭扒分量十足，外表煎得微微焦香雖然不是厚切，但師傅掌握生熟程度剛剛好，切開以後看見鮮嫩的粉紅，非常吸引這斧頭扒吃起上來牛味濃郁，肉質鮮嫩有咬口，不用蘸醬汁，只是稍為放一點鹽已很美味！飲飽食醉，又生蠔

星期五同屋企人食飯，屋企人怕遠，所以都係長沙灣深水埗為主，又平又多好野食餐牌由$40+ 到$200 +餐湯都足料超正蒜蓉包勁多蒜蓉，烘得好香好好軟熟雞翼唔算大隻,不過都炸得好靚皮脆脆地,肉又滑嘩,咁抵,無可以唔食抵到呢,$78四隻,唔只大隻,仲要新鮮勁鮮味,又滑又爽,我即至愛嘩,勁大塊,大過塊面,連骨大塊得黎又唔鞋喎,肉質好軟滑睇得出勁入味,又多汁,份量又多真係要試一試,如果唔係係長沙灣真係唔只呢個價認真超值,又平又近,又唔逼!!!

長沙灣街坊介紹有抵食西餐，呢晚試試～$48 3 隻生蠔 set抵食，呢度散叫生蠔最平 $10 一隻都有，性價比頗高要咗個 $398 豪華二人套餐餐湯 X2 + 蒜蓉多士蒜蓉牛油多士好香～ 湯係忌廉湯，比平時飲o既忌廉湯啖d小食拼盤 有炸雞翼、魚手指、春捲同薯條～ 好熱氣呀～ 不過送啤酒一流8安士澳洲頂級和牛肉眼扒肉質好好，脂肪分佈好平均，入口充滿肉汁，超 juicy， 牛味重！ 必食～招牌德國咸豬手配蜜糖芥末汁半隻半隻已經好大份，一隻的話肯定食唔晒，要share。 皮好脆，點埋d蜜糖芥末汁，正！ 裡面d肉唔乾，仍然又肉汁，不錯～ 又一個送酒一流o既菜式可惜要揸車，唔飲得酒，呢度有 $88 啤酒放題！！！乖乖飲凍檸茶算... 原來咁抵食，唔怪得平日都爆滿

其實我都幾鐘意食蠔，但成日都覺得去餐廳食生蠔好貴，今日就有個friend帶咗我來呢度，打破咗我呢個諗法！Case 338係深水埗，一個好平民嘅區，所以可以用好平民嘅價錢食到高質素嘅生蠔餐廳裝修簡簡單單，唔花巧，勝在乾淨整齊。呢度有兩款蠔Set， 分別係$48 - 3隻蠔同埋$78 - 4隻蠔的套餐。$78的套餐好抵，因為包一隻Gillardeau N0!! 之前我喺網上訂生蠔都訂過呢款，真係好大隻鮮甜，但網上訂都要成$30幾蚊一隻，所以呢個set真係好抵！我同個friend都好鐘意生蠔，於是就每人點左一個＄78嘅Set點咗食物之後就睇下啲飲品啦：個friend話今晚唔想飲酒，佢叫左杯柚子蜜茶，都幾大杯架。我就要左杯嘅啤酒，餐牌上面介紹Bels Radler的配搭食物推介係生蠔，所以我就點左一杯囉。飲落果味都幾出，但又唔會好甜，我覺得同生蠔都幾夾！每人四隻生蠔，N0的確係最正，肥美香甜，肉質結實，而且蠔肉有少少果香味其他幾款都好食，雖然冇N0咁肥美，但都好新鮮鮮甜食完幾隻蠔當然未夠飽。我地點左個勁多芝士嘅Pizza，雖然嗰pizza好薄，但12寸又充滿住芝士的pizza原來都幾飽肚架叫咗

今天下班後,想起之前朋友提及過長沙灣的一間性格比高的西餐廳，於是決定跟朋友一起去試試。到了餐廳，環境比想像中闊落，我們二人都坐得很舒服。經朋友介紹，首先要點的就是生蠔了。這裡的生蠔由１０元到７０元都有，我們最後點了一人一個生蠔拼盤，８０元左右，每人有４隻蠔，價錢由低至高，十分化算。拼盤先上，size也是由細到大排列,試過後發覺原來10蚊的最好吃~反而那個大的完全是令人失望….不過另外三隻也是令人十分滿意的。我們另外更點了pizza及burger，令人驚喜的是那burger,以蘑菇作最上的一層,那蘑菇汁夾雜牛肉一起吃,可說是給味覺帶來了新衝擊! 自選pizza也沒有令人失望,我們選了莎樂美腸的配搭,吃下去也沒甚麼大問題,唯一希望改善的是希望可不要焗太耐,因為有點兒焦了.吃了那麼多也只是每人二百多,絕對值得推薦啊!

上星期突然想食生蠔，於是上網搵下有冇平靚正既餐廳試下，搵到間响長沙灣既近近哋就試下。我哋3條友入去見到個餐單，有生蠔套餐，唔係貴7拾幾元有4隻不同款，當然要試下啦，之後順便點支餐酒飲下，唔係貴百幾元就開到支。D生蠔出到嚟賣相都ok,入口有d淡味，美中不足係好多碎殼同開唔晒隻蠔，食完唔夠喉再叫多隻 3拾幾元既Gillardeau好味。跟住就開始叫頭盤 caesar salad 一般，小食叫咗 parma ham pizzaParma ham小咗d。再叫咗個二人套餐3百幾元share,有湯、小食、牛排，甜品及咖啡茶，個牛排跟既沙律用果醋上。甜品都有幾款選擇。食飽 埋單都係千一元到。套餐小食caesar salad

好耐冇食蠔，經過見到呢個門面好大嘅西餐廳有$78生蠔拼盤，真係事不宜遲入去試試先。$78 有四款蠔食，真係喺邊度搵！一入去已經好門滿座，要坐偏廳。一望餐牌啲主菜套餐好平。諗住食個和牛二人餐點知賣哂，咁轉個斧頭肉眼扒餐？都賣哂生蠔拼盤四款蠔，由左至右分別標價$10, 18, 28, 38。左起法國花城之蠔N4，入口滑溜，有淡海水味，法國小王子N3蠔味較淡，肉偏薄身，法國Lambert N1較肥美，鐵味濃，Gillardeau N0，creamy肉質，海水味濃郁。最後叫咗個夏威夷披薩，充滿芝士、火腿同菠蘿，即叫即整，新鮮熱辣，薄批12吋份量對兩個人嚟講都有啲多。雞肉忌廉焗薯皮，香脆薯皮，豐富醬汁夠足料，不錯。香煎澳洲肉眼薯菜。有餐飲、湯同蒜蓉包，牛扒叫5成熟，上碟有8成，肉味香濃，配以蒜蓉汁夠哂惹味。呢餐埋單都唔洗$400兩個人，食到攬住個肚真係好抵！

最近朋友帶我去食呢間餐廳,不得不同大家推薦既係因為呢度既餐真係超抵食!!今次我同友人叫左個斧頭扒二人餐, 每人200蚊有找, 仲要係食扒!!呢個年頭邊度有得搵 呢個二人餐包左有兩個主菜, 分別係16安士美國頂級安格斯斧頭肉眼扒同咸豬手半隻 16安士美國頂級安格斯斧頭肉眼扒斧頭肉眼扒真係成個斧頭咁大, 份量完全係夠2個人SHARE黎食, 我叫左既係七成熟, 口感唔差, 會比較淋身同嫩滑, 唔會煮到太老, 口感非常OK 咸豬手半隻雖然係寫半隻, 但係都超大份, 味道唔算太過咸, 最鐘意係佢個脆皮同嫩肉既反差口感, 食落又唔會太DRY!!! 個餐仲包左有小食同埋前菜, 包括左有雞翼, 春卷, 炸魚薯條, 蒜茸包, 白湯, 真係三個人食都可能食唔哂!!

近年長沙灣美食越黎越多, 岩哂我呢D得閒就去下深水埗長沙灣既人 呢間餐廳位處既位置又唔算係旺區, 但其實都幾方便去入面係好有情調的感覺, 而且環境都好舒服, 可以同老友把酒談心 今次我點左既係芝士咖哩牛腩焗飯再另加香煎雞翼 芝士咖哩牛腩焗飯簡直可以用巨型黎形容呢個飯, 我估可以分到3碗飯, 而且唔單止係飯多, 食材都好多, 芝士拉絲拉到好誇張!! 牛腩食落都唔會起渣, 加埋芝士之後好食左好多!! 香煎雞翼一睇就知係即叫即炸, 因為我都等左15分鐘先有送上黎, 果然係新鮮炸好最好食, 外脆內軟!! 必食

呢個餐廳有兩邊，原來都幾大，每張枱都有一個小蠟燭，幾浪漫嘅有情調嘅！兩個人就叫咗一個斧頭扒套餐，包餐湯我哋揀咗羅宋湯，蒜蓉包，小食拼盤包括春卷雞翼炸薯條，仲有重頭戲16安士美國頂級安格斯斧頭肉眼扒配意份，當然有基本的餐飲。小食拼盤而言，春卷幾好食，所有野都炸得好脆口，雞翼稍微燶左d。其實對安士不是太熟悉，都斧頭扒擺上碟時，才真正對16安士有一個全新的認識，原來係咁大塊架！係大過我塊面！斧頭扒唔算多筋，叫咗四成熟，我認為係比坊間的四成熟再要偏生，導致冇咁好食，未去到最理想嘅水準。反而個蒜蓉包真係抵讚，好香脆好食！至於生蠔，佢有唔同嘅價位，於是我地就叫了特價四款蠔set(包括四個不同價位10、18、28、38元）根據不太專業的品嚐後，發現四種唔同價錢嘅蠔嘅味道（如海水味、鮮味等）都不是相差明顯的分別，只是size很不同，最貴果隻＄38 同我（女仔）手掌差不多，比起soho的抵好多吧！

今日是母親大人的生日，本來想到大酒店享受自助晚餐，但主角卻說想在屋企附近吃西餐住在長沙灣的我們，西餐方面其實沒有太多選擇，路過東京街，看到這間門面設計特別、休閑中帶點貴族感覺，就決定今晚的晚餐在這裏了餐廳到處都掛著不少外國風味的裝飾，大枱配上長沙發更像外國的高級餐廳餐廳燈光偏南，枱面上放着蠟燭，為我們的晚餐添加浪漫的感覺，挺適合母親的生日美女侍應更立刻為我們附上餐牌，服務周到我們點了一個特價＄338的斧頭牌二人套餐，包括餐湯、餐包、小食拼盤、斧頭扒和飲品量杯首先來到的是餐湯，雖然份量比較少，但味道濃郁，不會覺得太鹹或者太甜餐包是蒜蓉包，香味撲鼻，包上面的醬汁塗得都比較多，可見這間餐廳的大方程度老媽子特別喜歡生蠔，我見三隻生蠔set只是＄48 ，便立刻點了一個三隻生蠔set包括＄10、＄18和＄28生蠔各一隻，33號的賣相都非常吸引，我老媽子已經口水滿面大大隻之餘入口新鮮，加少少檸檬汁更能突顯其鮮味這是跟餐的小食拼盤，包括雞翼兩隻、炸魚薯條和春卷兩條，更有沙律醬和茄汁任君選擇其實小食拼盤的份量十分多，建議大家先吃一半，待吃完主菜再繼續這便是我們的主菜—12安士美國頂級安格斯斧頭肉眼扒，這

已經好耐無試過遇到一間餐廳係食完之後想即刻再去食過! 幾星期前第一次黎食。嗰次係食完飯後想再食蠔，openrice見呢到$78就有4隻! 抵! 食完之後覺得仲抵! 質素比想像中好!啱啱過去呢一星期再黎左2次! 蠔係必食!半打，每隻$281打，每隻$18因為遲到關係，其他人已經食左4款蠔set$78。上次食過澳洲和牛，牛味唔錯，唔太'溜'，啱我口味。今次想再食，不過喺星期六日太好賣。。。星期一黎到無貨。。。所以記得要揀日子黎! 唯有轉食其他啦～16安士T骨2人set跟小食同埋豬手$389(好似。。)仲叫左個雜扒同薄餅!9點後，6款手工啤買1送1!openrice訂枱有9折，最後6個人每人2百幾。食左咁多蠔，一啲都唔貴!

星期日阿媽唔想煮飯,出去長沙灣食個糠水順便食埋飯,CASA 大大間又幾乾淨,又唔貴念唔到食咩,隔離枱叫左個大PIZZA,照跟好大個,意大利水牛芝士薄餅$78勁平,又大份有8件,超多芝士,水牛芝士軟身,又滑完全鋪滿整份PIZZA,香滑芝士無得頂$58 芝士忌廉雞肉焗薯皮薯仔好淋好軟,好多忌廉,芝士焗得好靚,金黃色2個人食仲有淨,好抵食每人都係$68仲可以打包平過去PIZZA HUT 芝士又多又好味~

通常去長沙灣區都係食中式野，今次見到有間西餐好似幾抵食就同朋友去試下！特價晚餐都有好多種選擇，有扒、有飯、有意粉、仲有pizza添晚餐有埋餐湯同蒜蓉包，蒜蓉包好香脆，蕃茄湯就稀咗少少。跟餐叫酒超級抵 ！一支白酒竟然只係加168就得！我地揀咗capricho di vino lagrima de syrah ！好易入口，甜甜地，有士多啤梨香主食我地揀咗12吋薄餅，配料就揀咗雞肉洋蔥波蘿再加千島汁，芝士同料都幾足，餅底夠薄脆，抵食！法式田螺焗薯蓉加28蚊就有，大大份好飽肚，味道亦都唔錯。即開即焗蘇格蘭石蠔都係20蚊，芝士夠多不過蠔唔算太大隻。芝士忌廉雞肉焗薯皮48蚊就有4件，薯皮大大件，入面啲料好滿好漲，焗得好好食！整體黎講所有野都好抵食，而且質素都唔錯，值得再去！

星期六學琴日又是時候到港鐵紅色線覓食。這次我們到長沙灣。我們從A2出口一直向前行，便到達這間餐廳。餐湯味道偏鹹，材料頗足。湯比較適合沾麵包一起吃。麵包好脆，好好味，可惜只有一片。可以分開叫比我地多點一份會更滿足。紫薯pizza大大個，我第一次試甜甜的紫薯pizza，配搭得唔錯，是有驚喜的。另一份主食是德國豬手。我覺得豬手的肉質特別滑，而且肥肉不多，所以我頗喜歡豬手。田螺薯蓉，味道剛好👍🏻👍🏻田螺味道鮮甜，沒有沙。薯蓉不會過鹹，十分軟滑。朋友多點一隻焗蠔，朋友說鮮甜，大大隻，相當厚肉。可惜，我沒有點加埋飲品同甜品就完美了。檸檬茶正常味道，好好味。心太軟好出色，朱古力味香濃，甜度適中，而且流心效果好好，一切開就有大量朱古力醬流出，好吸引！