Casa Cafe & Bistro

Open Now

Now Closed

Casa Cafe & Bistro 🍮☕️Waffle with fruit and Ice cream $65 🧇Smoke salmon & scramble egg Benedict $88🍳The restaurant is located nearby Ma On Shan centerWith unlimited sea view, serve all day brunch and desserts 🌊 Waffles are very delicious, with honey on topStrawberries and blue berries, vanilla Dryers 🍨 Smoked salmon size not large, but tastyThe restaurant is self-served, need order in the cashier and get water yourselves Very nice Environment, can spend chill afternoon there 😋😋 recommend to try!

今日到Casa Cafe & Bristro 試左Fish & chips，令人一試難忘。侍應送餐見到原來好大份，兩個人細食都足夠有餘。而上碟賣相美觀，令人食指大動。 先試下魚柳，名副其實外脆內軟，而且魚肉十分細嫩，再配上兩種醬料(茄汁及沙律醬)，可口美味。而薯條係我最喜愛的粗身薯條，滋味無窮。 雖然一個人吃有點膩(建議兩人食較佳)，但一試難忘，值得推薦。

忙碌完一星期工作，今日到Casa Cafe & Bistrol放鬆一下。一到餐廳已經聽到輕快音樂，令身體自然放鬆。 今次叫左杯Cappuccino。侍應送咖啡時已經好窩心，見到上面為您精心炮製的海馬拉花，好似海馬今日同我問好，為今日送上美好的祝福。隨後咖啡香氣傳入鼻子裡，令人精神一陣。再嚐一口苦中帶甘的咖啡，替你的生活充充電、打打氣。 輕鬆音樂加上Cappuccino, 是忙裡偷閒好地方

又要CHILL1CHILL⚡️行到近海旁邊 坐低食下野輕鬆下•義式肉醬熱狗配薯條🌭🍟賣相好吸引 滿滿肉醬係熱狗腸上加埋芥末醬 啖啖番茄肉醬加脆腸 超級好味♥️個底仲有薯條 食完真係超級大滿足•雙重芝士焗肉醬意粉🍝整個意醬鋪滿肉醬同重量級芝士 超級心心眼外因為有番茄肉醬 就算重量邪惡吸芝士都唔會好膩 非常之好🤎•VIENNA COFFEE☕️咖啡超級香濃 絕對飲完即刻充滿電呀⚡️而且環境好舒服係到傾下計嘆下咖啡絕對非常適合🔥

呢間Casa Cafe位於馬鞍山海濱長廊旁邊，食物同咖啡質素都唔錯嘅。雖然價錢係略高，但如果想喺馬鞍山搵間好少少嘅餐廳舒舒服服咁嘆個早餐，佢都應該係一個唔錯選擇。

今日天氣真係好好，難得出去踩單車，當然要食返餐豐盛早餐打打底。呢間Cafe餐廳位於馬鞍山海濱公園單車徑旁邊，有落地大玻璃窗，環境舒適安靜，又可以睇實單車。早餐價格約$50-60一個set 連果汁，以環境嚟講尚算合理。雖然要自己出去落單，但上菜有侍應代勞，可以休閒kick start 一個美好嘅週末。我哋叫咗個吉列魚柳配炒滑蛋。魚柳炸得外脆內軟，配上他他醬，有午市fish  & chips 嘅質素。加上香滑嘅蛋同烘得微焦嘅多士，幾滋味的。雖然份量無法同街邊茶記比較，但以此餐廳定位還算可以。另一碟係煙三文魚牛油果Benedict，賣相精美，煙三文魚同沙律菜都幾新鮮。蛋方面，benedict 雖然只得一隻，生熟程度恰到好處，Hollandaise sauce 可以再濃厚啲，不過整體都幾滿意。

Casa Cafe & Bistro忌廉蘑菇煙肉黑松露馬鈴薯粉Fish & chips夏威夷薄餅煙三文魚egg benedict價錢💲: $88/ $130/ $85/ $92好味程度😋: 3.7/5服務🍴: 3.7/5環境🗾: 3.7/5性價比🥢: 3.7/5回頭率😚: 3.5/5-馬鞍山雖然係美食沙漠，但近年都開左幾間cafe同鮮芋仙，多左好多選擇。難得入到去，揀左呢間有得食馬鈴薯粉的cafe☺️ 假期下奏都幾多人等位，好多人踩單車來。有2張互外枱，咁就狗狗都可以一齊啦😜-我地叫左個我最想食的忌廉蘑菇煙肉黑松露馬鈴薯粉🥔 醬汁creamy，可以包到啲gnocchi。食落黑松露味都濃，入面都有大量煙肉同蘑菇，幾足料😬馬鈴薯粉一粒粒，韌韌地咁，幾qq❤️ 嚼多幾下粉味出啲，但同個汁好夾。呢碟我都幾滿意🤪-第二樣係Fish & chips。舊魚超大塊。外皮都幾薄，粉漿調較得唔錯👍🏻 魚肉幾滑嫩，但冇咩魚味。如果可以實返小小，同埋索乾小小個外皮，唔好咁削同油會好啲🤨 炸魚+他他醬係perfect match!😌 薯條係連皮炸，所以薯味幾香☺️-第三樣係10寸的夏威夷薄餅。今次呢個係薄批，真係好薄

係馬鞍山海濱長廊一直行，就可以利到Caso，係接近11:00利到😄，因為帶同狗狗，坐係出面，環境都唔錯，好有私人空間，可以同朋友一齊食少少野，暢談一番，加上價錢方面唔貴，都好抵食！味道都相當唔錯，空間都好大。我自己Order左個牛角包，腸，煎蛋，味道正正常常，係服務方面都好有禮貌，仲會每人有杯橙汁，岩哂放假出利hea下，慢慢享受下早上，加上對寵物利講都係一個唔錯既地方，有outside位置，同狗狗行完就可以好好休息下啦！

🥔鮮忌廉蘑菇煙肉黑松露馬鈴薯粉🥓 $88（8/10）⁣難得有馬鈴薯粉食😆見到就叫左～⁣汁充滿香菇煙肉洋蔥香🥸～味道啱啱好⁣馬鈴薯粉好qq 好好咬，但個汁水左啲，杰身啲會仲正💞⁣⁣🍕10’ 夏威夷pizza $130（7/10）⁣批邊焗到超級脆！佢係厚批嘅關係，每一啖都好實在👀但個人覺得有點乾同茄汁可以再多啲🧚🏻‍♀️⁣⁣🍋法式西西里蛋白檸檬撻 $40（6.5/10）⁣賣相超吸引😈食落先係超濃同超甜嘅檸檬味，後勁係勁酸勁酸的～覺得甜得濟🥺⁣⁣🍫熱朱古力 $35（7/10）⁣苦苦甜甜的朱古力味，飲到仲有好多未溶的粉粒🕵️‍♀️⁣⁣☕️海鹽焦糖鮮奶咖啡$40（7/10）⁣充滿焦糖的甜香，咖啡味唔濃，焦糖味有點蓋過左咖啡味～⁣

朋友住馬鞍山，一直都想試這間位於海濱長廊旁的西餐廳，因為餐廳有很多好評，今日終於有機會一試。假日下午茶時間，餐廳是滿座的，可能因為餐廳不算大，我們要在門外等了大約十五至二十分鐘才有位。假日沒有下午茶，我們點了兩個lunch set，Casa精選和香焗雞翼。Casa精選（$105）Casa精選即全日早餐，包括蕃茄，扒磨菇，炒蛋，香腸，焗豆，多士和沙律菜。這個全日早餐很豐富，份量不算很大。蕃茄，扒磨菇，炒蛋，焗豆，多士都很一般。香腸比較好，是那種粗身濃味的豬肉腸。香焗雞翼（$48）雞翼有四雙，份量比較少。雞翼味道很淡，只有表面少許的黑椒。飲品選了熱檸水和烤黑糖玫瑰鮮奶咖啡。熱檸水（$26）非常普通的熱檸水，這個價錢有點貴吧！烤黑糖玫瑰鮮奶咖啡（$42）賣相很好，表面的黑糖烤過所以微脆。玫瑰味很淡，咖啡可以，但沒有加糖也很甜。總結，餐廳食物一般，價錢不算便宜。但假日在海旁嘆一個下午茶還可以的。

有一日早收工，就嚟咗呢一間餐廳度食early dinner。呢間餐廳位置比較偏僻，但係都有唔少捧場客，所以之前都要等位嘅。今日就比較少人嚟到就可以直接入去啦。香草pizza係好好味，個包又柔軟又冧，啱啱焗起非常之鬆軟好好味。食後分享：1. 呢間餐廳最吸引嘅地方就係，個窗望到海邊，如果黃昏嘅時候嚟食，就可以睇到日落，非常之靚景，適合同另一半嚟食。2. 呢間餐廳都幾多人幫襯㗎，所以如果想食嘅話，嚟到都要排一陣隊先有得食。3. 餐廳附近就係馬鞍山單車徑跑步徑，如果等位覺得悶，可以喺附近行一陣再返轉頭食都OK，所以等起上嚟都唔算太辛苦。

秋高氣爽最岩踩單車。講到單車一定要提馬鞍山！倖存者假日踩完單車想休息下食下野，發現呢到有間岩晒單車友嘅cafe!之前倖存者都黎過呢到食，但個陣啲menu選擇較少，雖然好食，但多多少少都期望可以多啲選擇唔使食死一款。過咗一派無黎發現佢地更新咗menu,除咗甜品同主食，仲加咗小食、沙律同下午茶等輕食。唔似次次黎到一係勁飽一係勁似食完等於無食咁走。辣肉腸厚批 $58對比pizza, 呢個更加有口感同埋一個人都可以搞掂。包底烤到好鬆脆，一切落去就好容易分開到。面頭有茄醬、芝士，形做翻pizza味道。topping 係辣肉腸，而呢個腸辣到一個點，倖存者第一次食個陣辣到要飲好多水先平衡到，呢到呼籲唔食得辣人士小心食，但唔好唔食，呢個肉腸有調味作用，唔加會失晒色。

好少走入黎呢頭，朋友想食呢間，就特登走入黎食，個場都幾爆下，好多人等位，都幾多踩單車既人，踩完單車黎chill下真係人生樂事，出完一身汗梗係要補充下體力既。煙三文魚沙律 $80，份量唔算多，而且三文魚又好隨意求其咁亂放，不過三文魚味道唔錯，菜亦新鮮。雜菜芝士墨西哥卷，伴牛油果醬，炒雜菜味道幾好，清新，算大份，但係，個牛油果醬係完全無味既，有加同無加，都係一樣既味道既，但依家好少餐廳有得食墨西哥卷，而且一碟有兩件，都算畀得大方。義式肉醬熱狗配薯條，賣相有趣，因為未見過咁樣擺盤既熱狗薯條，熱狗感覺似係座大橋咁，遮薯條，熱狗味道非常唔錯，醬汁好豐富，肉醬，芥辣醬，互相都發揮得好，酸甜，又帶芥辣味同埋香濃肉味，食完後係大滿足，好豐富既感覺。飲品果仁榛子鮮奶咖啡，味道夾，咖啡沈實再加上榛子果香，好飲。人均$160，午餐黎講，唔算平既，野食唔錯，又有個幾舒服既環境，只係太遠，下次唔會特登走黎食。

難得平日放假緊係訓晏啲再去食餐好啦！呢間之前朋友介紹過，係海邊嘅餐廳，食完仲可以行下海邊吹下海風嚟食過lunch，嗰次一嚟就已經想食fish and chips，點知要下午茶時間先有，所以放假轉登再嚟食呀！今次超級impress！叫咗呢個牛油果芝士厚多士！除咗芝士佢仲帶點啖啖蒜香，超級好食，佢仲有隻流心蛋係包，加埋牛油果係好夾！到我最期待嘅fish and chips，都係無令我失望！平時餐廳食呢個都要百幾蚊，呢到$93，但勁大塊，抵！一定會再返嚟食！

之前已經過嚟食過，但一路無寫到食評！今次終於可以推介一下😸記得以前嚟馬鞍山都無咩嘢食，真係美食沙漠咁😂 嗰時唯一食過覺得幾好食就係呢間Casa Cafe & Bistro！呢間舖嘅地理位置絕對優越，近海傍面向海，一邊食飯一邊望海傍景真係好chill，有種喺外國渡假嘅感覺。又近海澄軒，方便住客落嚟食飯；加上係一間動物友善餐廳，所以呢間舖長期都有排隊等位嘅人。今次一去到都係要等位，咁啱有bar枱位，我哋等咗唔洗六分鐘就入到去。bar枱位置近counter，座位闊落。餐廳感覺開揚，有落地玻璃，透到好多光入店內。店外有室外座位，主人可以同狗狗一齊食嘢！個menu同我上次嚟有少少唔同，都幾經常換菜式，每次嚟都有新鮮感！之前食過呢度嘅All Day Breakfast(Casa精選)，幾大份都唔錯！仲有個鮮忌廉黑松露煙肉蘑菇馬鈴薯粉都相當出色，可惜今次menu唔見有😕餐廳係半自助形式，要喺counter落order，俾完錢等一陣就會有侍應送餐過嚟。❤️ 蜜糖芥末熱狗配薯條 $72蜜糖芥末醬香甜少辣，脆皮熱狗腸脆卜卜，好大條！麵包外層微脆，內層軟熟。薯條即點即炸，份量好多，食到好飽！好食度：⭐️⭐️⭐️✨(