Casa Cafe & Bistro

Open Now

Now Closed

今日天氣真係好好，難得出去踩單車，當然要食返餐豐盛早餐打打底。呢間Cafe餐廳位於馬鞍山海濱公園單車徑旁邊，有落地大玻璃窗，環境舒適安靜，又可以睇實單車。早餐價格約$50-60一個set 連果汁，以環境嚟講尚算合理。雖然要自己出去落單，但上菜有侍應代勞，可以休閒kick start 一個美好嘅週末。我哋叫咗個吉列魚柳配炒滑蛋。魚柳炸得外脆內軟，配上他他醬，有午市fish  & chips 嘅質素。加上香滑嘅蛋同烘得微焦嘅多士，幾滋味的。雖然份量無法同街邊茶記比較，但以此餐廳定位還算可以。另一碟係煙三文魚牛油果Benedict，賣相精美，煙三文魚同沙律菜都幾新鮮。蛋方面，benedict 雖然只得一隻，生熟程度恰到好處，Hollandaise sauce 可以再濃厚啲，不過整體都幾滿意。