一茗堂 (南山商場) (Closed)

原本想去南山村打咭，點知室外遊樂場未開又落雨，只好食個lunch走人😥黎到位於南山商場入面一間西餐廳Casa Kitchen，穿過街市就會見到雖然鄰近街市，但餐廳保持得乾淨企理午市套餐由$54至$88不等是日手打餐湯係南瓜粟米湯，口感濃稠，粟米味十足，淡淡南瓜味田園沙律係沙律菜配黑醋，個人不太喜歡黑醋，沙律菜苦苦地華都夫慢煮雞胸雜菜沙律 $54一上菜就比個份量嚇親，勁大碟😵材料好豐富，有青蘋果、沙律菜、合桃、雞胸肉同埋餐包，旁邊有沙律醬點黎食雞胸肉偏鹹同鞋口，青蘋果唔酸，沙律菜帶苦味麵包最正，夠香脆！脆炸洋蔥圈 +$22外皮鬆軟，略為炸過頭，蛋黃醬好好食同洋蔥圈好夾紐西蘭牛肉眼扒 配脆炸薯條 特製紅酒汁 $88點左7成熟肉眼扒，但出到黎接近全熟，好重牛味但有筋同鞋咗啲反而薯條比較有驚喜，好大條，外皮脆脆，入面係鬆軟，同平時食開嘅薯條唔同仲有半粒蒜頭，味道唔係十分濃，可以空口食

城大學生好多時去嘅平價屋邨商場食肆，發現有好野，經過附近就順道去食個lunch。普通價錢以為普通質素，完全錯晒，可以話係有質素嘅平價lunch。Lunch menu每兩星期會轉一次，午餐包括餐湯或沙律，加$8會有自家製酸種包。今日餐湯係南瓜湯，好creamy好滑溜；黑醋沙律夠健康，沙律菜新鮮爽脆。蟹肉份量都幾多嘅芥茉蟹肉忌廉汁意粉，意粉均勻地沾上芥末忌廉汁，醬汁份量適中，意粉軟硬都恰到好處，賣相得體。呢間餐廳都幾重視食材，見每樣食物幾新鮮。好似呢個牛油果醬手打漢堡配薯條，厚厚嘅漢堡肉雖然唔稱得上高級，但水準唔差，保留到少少肉汁，配菜新鮮，更值得讚嘅係，漢堡包新鮮軟熟，好香麵粉味，厚切薯條都好好食！我嘅餐飲係即磨咖啡，成個餐都只係幾十蚊，有呢一個質素絕對係喜出望外。

最近疫情關係好多餐廳都大減價，出街食分分鐘仲平過買餸返屋企煮🤣好似屋企樓下街市呢間餐廳咁，都有響應減價。我同老公都鍾意嚟呢度食午餐，環境大空間大，座位距離有間隔，而且都幾闊落，所以顧客與顧客之間通常有一個距離，食得安心！今日食咗手製牛肉芝士漢堡配牛油果醬脆炸薯條和芥末籽蟹肉忌廉汁意大利粉。本身午市套餐會跟餐湯和餐飲。多數幾十蚊有交易，所以都好抵食！呢度啲漢堡包好大份，牛肉亦都好厚夠份量不欺場！還會特意將麵包先烘烤以增加口感。本身漢堡包仲配薯條，薯條全部都係原條薯條，外脆內軟，全部新鮮炸起，真係超級好食！另外意粉個韌度都啱啱好，而且仲有啲蟹肉碎同埋蘑菇片，仲加咗啲芝士片落去，識落夠晒香味同creamy😊

於九龍塘及石硤尾5分鐘路程之間的街市裡 藏了一家隱世餐廳餐廳周遭的環境未必會令人覺得吸引  當時我們想著此處地方寬敞 適合靜聊 都是本著不防一試的心態 去試一試  卻有驚喜! 【味增燒三文魚柳配薯泥、雜菜沙律】三文魚醃了味增再香煎，濃濃的味增鹹香味配以少少檸檬汁的酸味，煎得半成熟剛剛好【南非香辣燒春雞配薯條、雜菜沙律】一看就知份量十足，足夠二人分享！點燒雞最怕就是雞煮得過熟過硬，所以當切開看時，都期望獲得驚喜！果然，合乎預期，雞不論是腿部還是胸部，都燒得非常香脆嫩滑，上層的香料不會太辣，口味配搭剛剛好！令人值得一讚是薯條　　厚　切　薯　條！正！【水牛城雞翼】雞翼當中，水牛城是自己不會弄的雞翼，所以一見到就會必點的！因為喜歡其火辣惹味的醬汁，會想食完一隻又一隻!這家小店亦沒令人失望，火辣惹味合乎我的預計，非常好味！雖說是下午茶時段，但餐牌食物款式甚多，食物份量十足之餘又抵食。　是頗適合讀書傾project，開會，chill的地方!

之前一直都想過黎食，但因為限聚令同禁晚市堂食嘅關係，所以晚市一直都冇開，直到依個星期終於開返晚市，所以就決定同老公黎食下。記得依度之前係日本餐廳，執左後都一排冇黎過，幾年後終於返黎。我見裝修好光猛，坐位都好寬闊，2個人嘅坐位都好大，岩晒一家大細，同朋友眾餐都唔錯嘅地方，我諗之後開學後又會好多學生黎幫襯。Menu有午餐同散叫嘅晚餐，晚餐有pizza，意粉同steak之類，選擇都唔少嘅。8吋雙重芝士牛肉醬pizza ($58)8吋其實唔係好大，2個人份量係OK嘅，我鐘意佢個餅底薄薄嘅，芝士又好濃厚，會好想一口一口接住食。三重蟹忌廉汁意大利扁麵$64三重蟹包括蟹柳，蟹子同蟹肉，份量好多，性價比高。因為以上係單點，晚餐係冇set嘅關係，所以店員建議我地叫甜品set，只需另加$3x就有飲品同甜品。老公叫左凍檸茶（唔駛加錢）同埋熱情果芒果撻$38而我就叫左百香果香橙冰搖四季春，依款要補錢，加多$17.5紅莓芝士餅撻$32我欣賞佢地嘅餅撻薄薄地，非常清新，未食完就已經諗定下一次要試下其他款式。附近有水同配料可以自行去添加。唔駛加一食左$213，抵食而且環境都算幾乾淨，服務有禮貌，下次想帶埋個仔一齊黎

一出石硤尾地鐵站，附近有好多尚未翻身嘅建築物，呢個地方可作為一個具學習意義嘅文化遊，感受一下舊村舊貌都係一個玩樂好選擇。.一路向下行會去到南山村，個到有呢間裝修與舊村成對比嘅Cafe：Casa kitchen，餐廳都好多選擇，意粉/ 飯/ burger/ 据扒至蛋糕都有，今次小妹就試咗以下兩款食物：.9oz美國黑安格斯西冷牛扒配紅酒汁配薯條，原粒燒蒜頭 （$148）配熱咖啡.0.5kg藍青口配龍蝦汁 （$88）配可樂 （+$5）.餐廳食物質素尚可接受，味道偏重，行到攰攰地，係呢到靜靜地簡簡單單座低食少少野飲番杯咖啡，望出面別具特色嘅街市景都幾寫意。.而家邊到都去唔到住，不妨襯機會多感受同欣賞我地親愛的香港：）

南瓜茸雞肉忌廉燴飯 $59清新既南瓜味 配上忌廉 食落不會膩 煮飯的時間又剛好 軟硬適中 配上雞肉 這個配搭不錯😝而且價錢非常便宜 還配番茄餐湯和飲料🥤紐西蘭牛肉眼扒 $88牛排不會乾，算是多汁，肉味亦算香濃。雖然5成熟來說略顯過熟，但牛扒本身的汁水味道尚未流失；而醬汁方面是紅酒汁。配餐薯條份量挺多，薯味頗濃，另外還配有一整個焗蒜頭，整體非常飽肚。番茄湯非常有心思 是自家製番茄茸忌廉湯 味道清新 稠度亦適中 不是一般的水溝番茄湯呢前菜沙拉份量適中，雜錦生菜配以幾顆小番茄，味道清新，調味的黑醋酸酸甜甜頗為開胃。飲料叫了杯即磨咖啡☕️奶是分開上的 另外還叫了一杯凍檸茶 好大杯🥰熱情果芒果撻（+20）呢個撻酸酸甜甜咁😋食完飯食到有啲飽飽濟濟之後再食飯啲又酸又甜既野真係好滿足 諾曼第蘋果撻雖然沒有很突出的蘋果酸味 但我覺得味道頗清新 與平日吃酸甜味很突出的蘋果批不同

精緻西餐@Casa Kitchen地址：石硤尾南山村南山商場地下1號舖Shop 1, G/F, Nam Shan Shopping Centre, Nam Shan Estate, Shek Kip Mei我大學時期是在CITY UNIVERSITY 讀的, 除了學校CANTEEN, 去得最多一定是平民化南山村, 覓食平靚正見稱‧畢業十多年了, 今個星期六在看電影前, 特意走到南山村吃LUNCH, 回味一下讀書時的光境。很多新派年輕的食店, 想必是為逝合附近兩個大學的學生口味同消費, 中午MENU只要 $60-80元, 甚是便宜。環境光猛, 本人很喜歡木色系的桌椅, 看上去柔和。套餐跟湯或沙律，各要一。蕃茄忌廉湯，唔太重蕃茄味，反而飲到淡淡奶味。沙律則淋了油醋$56 招牌雞扒煎蛋飯，$56 芒果蟹肉雜菜沙律，夏天熱到沒靈魂了，不能吃熱，一客salad,芒果肉甜度夠加小食$29蜜糖香華麗雞翼，滋味皮會甜甜地，香口。蒜香炒雜菌$22 都清淡得易加飲味一餐只是$80元，屋村中高質西餐

今日去南山村探朋友，佢話帶我去街市据扒，本身仲以為佢講笑，估唔到行到街市盡頭真係有間小清新嘅西餐廳 Lunch set有8款選擇，價錢大概$50-90不等，每個set都包左餐湯/沙律同餐飲 餐湯幾有驚喜，係蕃茄洋蒽湯，濃杰度剛好，飲得出真材實料嘅味道，冇加多餘野～ 鮮芒果蟹肉雜菜沙律 $56沙律比想像中大份，黑醋汁加埋新鮮芒果酸酸甜甜咁好開胃，蟹肉比較碎，建議撈勻ｄ先食～紐 紐西蘭牛肉眼扒 $88賣相唔錯，表面煎得幾靚仔，可以鎖到裡面嘅肉汁，係邊位略嫌乾身；另外餐廳冷氣比較勁，好快就吹凍左塊扒，有點美中不足；配菜有粗身嘅薯條，薯仔味濃～仲有燒原粒蒜頭，感覺可以再燒耐少少等佢再香甜ｄ 蒜茸白酒炒雜菌 跟餐 +$22雖然話係小食，但份量都唔小，雜菌炒得夠乾身，但咬落juicy，充滿住蒜茸白酒汁嘅味道，值得推介 諾曼第蘋果撻 跟餐 +$20成餐最大驚喜，餅底係冰凍嘅芝士撻，上面係炙燒過嘅蘋果，零捨香甜，估唔到兩者可以咁夾，完全顛覆我對蘋果撻嘅印象～好想encore!

平日午餐時間，唔洗等位，一入去就有好好嘅服務帶位，又介紹我點order (但唔洗收加一👍🏻)順帶一提，我有d食物敏感，店員都好有耐性咁答得我好詳盡間餐廳有少少自助形式，出去比咗錢，自己倒杯水，好快就送餐來了。今日好好彩，係雜菇湯，好飲！雖然美心好飲d，但呢間都唔差，係差少少香氣，可能同菇嘅種類有關！跟住就係個餐 : 香煎慢煮美國黑豚睇佢我以為濕濕碎，好易食哂，點知舊扒有2cm厚，飽到飛起！d肉又淋又有豬味，肥肥地好好食。個磨菇汁都幾好味好似食緊牛扒咁！食完仲有餐飲，飽到食唔落甜品🍮！如果唔係加19蚊就有得食埋！成餐飯冷氣足，又夠靜，裝修又新，係一流嘅餐廳😋下次試吓外賣先得

同朋友係疫情前食既呢間餐廳, 係佢屋企樓下, 所以都幾方便就腳我點左既係香煎慢煮豬扒套餐套餐係包左既有餐湯, 麵包, 餐飲, 仲有另一個甜品SET但係我怕太飽所以冇點到香煎慢煮豬扒講得慢煮個口感同味道一定同普通既不一樣, 呢一個口感好嫩, 加埋個汁真係無得頂份量都算大而且加埋個飯, 飽度十足餐湯呢度既餐湯味道濃而且好多材料, 好足料麵包估唔到都幾好食, 唔洗點咩汁或者醬本身已經好夠味凍奶茶呢個奶茶有d水準, 好香濃既奶茶味道, 唔錯

今日食既呢間餐廳係位於石峽尾, 位置都算幾入, 但係估唔到質素都唔差今次食既係招牌雞扒伴虎蝦蒜容汁, 呢度加套餐只係要$42, 就有齊前菜飲品同甜品!性價比都幾高首先黎到既係白湯, 呢度既白湯係自家制的, 同飲罐頭既分別好大再加上自家制既麵包, 口感一流, 夠哂鬆軟雞扒伴虎蝦蒜容汁超大隻的雞扒同埋虎蝦, 仲可以揀配上白飯或者意粉薯菜等等今次揀左既係白飯同黑椒汁雞扒皮脆肉嫩, 而虎蝦就燒到香口彈牙, 無得頂最後加埋甜品係完美的!! 自家制的蘋果批口感同味道都係一流!!

南山村是又一城的後花園，這裏的餐廳相對親民。這家餐廳面積不小，座位很多，以仿綠葉裝飾，落地大玻璃還能看到外面的風景。在點餐紙上自行點餐，然後交店員，紙巾也是以自助取用。⭐️泰式冬陰功鮮蝦意大利粉$82加 $42 奉送是日手打餐湯—番茄忌廉湯和酸種麵包一份，還有飲品一杯和甜品一份。 番茄忌廉湯入口濃稠，味道不俗。麵包烤得微熱，較綿密。泰式意粉適合喜歡吃辣的朋友，平時吃BB辣的我有點招架不住，不過男朋友就覺得沒什麼。另外還有爽脆的蝦點綴，很爽口。⭐️扒露荀黑松露雜菌忌廉燴飯$92義大利飯米飯軟硬適中，配上露荀令我滿足，我較喜歡濕潤的飯，如果湯汁再多一些更棒！⭐️脆炸薯條$40最好吃就是炸薯條，粗薯條更有口感，輕輕一咬，熱呼呼的薯條吃起來很過癮。最後還有蛋糕。⭐️檸檬蛋白撻上面軟綿綿的蛋白，下層是檸檬餅底，檸檬醬的比例頗多，較甜。⭐️熱情果芒果撻主要由熱情果和芒果醬組成，味道較甜。檸檬茶熱檸水▫️這家餐廳的西餐相對便宜，尤其是加$43便有湯、麵包、飲品和甜品，很便宜！

南山邨除左影相熱點外，以前city時期都好中意係度搵野食！周末假期就黎左呢間隱藏係南山邨街市入面嘅街坊西餐hea下～午市套餐$50幾起，每兩星期轉一次餐牌。下午茶套餐就$40幾左右，但有pizza供應。係街市入面呢個環境都算唔錯。凍飲要+$3 可選湯或沙律。今日係忌廉蕃茄湯,好順滑又唔會太酸。紐西蘭牛肉眼扒 （紅酒汁)$88 （跟餐湯、薯條）叫左5成熟，配粗薯正!order5成熟剛剛好，突顯肉味唔會膩～下午茶套餐最抵食 2:30pm後供應雙重芝士辣肉醬薄餅$45 包熱飲 Pizza 皮薄邊位脆，夠足料。熱奶茶屬於茶味較濃少奶果種。+$20就有件檸檬蛋白撻 檸檬撻皮唔夠脆，檸檬果醬偏甜。

在網上見到很多人到石硤尾南山邨打卡，自己未去過那邊，趁著周末就到那邊走走吧！原來是一排舊屋村，圍著的遊樂場。下面則是街市、一些熟食中心及餐廳。離開之前，難得來到，先覓食吧，沿著樓梯下行至最底街市那層，竟然有家格格不入的悠閒文青餐廳，價錢相對較其他高一點，但是環境優雅，座位寬敞。另外，這兒全日免收加一，除了侍應送上食物外，其餘都是以自助形式，在外面收銀處下單，自行拿餐具及水。晚餐的主菜都可加錢升級轉各款套餐，我選的那款跟是日餐湯、酸種麵包及餐飲。不得不提這款酸種麵包，較平日普通的小餐包特別；一大片脆口帶微酸的麵包，沾上橄欖油或是蘸點湯一併吃挺美味。香煎三文魚扒配香草燒新薯 醬汁：檸檬牛油汁配菜有燒薯及雜菜，如小粟米荀、車厘茄、露荀等。三文魚扒以煎的方式烹煮，油脂不算多，表面及魚皮位置香脆，唯略嫌醬汁牛油味太重，檸檬汁卻不太嚐得出，令本身魚扒增添膩感。招牌雞扒伴虎蝦配香草燒新薯 醬汁：蒜蓉汁 雞扒表皮焦香，肉質易撕，淋上醬汁，蒜味惹味；上面那隻大虎蝦巨型，蝦肉結實入味。時令蔬菜也是經烤焗過的，所以味道不會太寡。