Casa Luca (Closed)

🍝青檸汁蒜香雞肉意粉 冇諗到係白汁，仲要好多汁，本來以為只有青檸和蒜味，想像係清新嘅感覺。不過食落有陣陣青檸味，都解到膩，而且蒜味十分強勁，中和到白汁嘅油膩感，不過不太愛蒜嘅朋友會接受唔到。旁邊有沙律菜，補充下啲纖維。份量算多，中午食完，到晚餐都未覺餓。🍛經典法式紅酒燴牛肋條飯 飯有點硬，撈汁食尚可。紅酒汁有啲蕃茄嘅酸味，好醒胃。牛肋條都幾淋，大大舊有咬口。飲品揀左☕熱檸茶，🍵熱薄荷茶。好少餐廳有薄荷茶飲，好清新，好舒服。尤其是食到咁飽，天氣又咁熱，飲番杯熱薄荷茶反而覺得涼浸浸😌

啱啱喺附近做完嘢，就系附近九龍灣EMax同朋友食lunch，入面都幾多位置，有分普通進食區 同類似Party Room(玩樂的小角落)見有位就入去食我哋叫咗兩個午餐套餐紐西蘭西冷牛扒配薯條，揀咗medium Rare，個牛扒份量好大份，肉質鮮嫩，好juicy，薯條份量十足，炸得好脆，午餐嚟講都好夠飽美國雞肉忌廉牛油果醬意粉意粉份量都好多，忌廉牛油果醬好creamy，有好多牛油果粒，好有口感，雞肉份量都多夠足料今次仲加咗$28叫埋午餐套餐嘅甜品荔枝玫瑰芝士餅紐約芝士餅兩款cheese cake都好好食，荔枝玫瑰好特別，食落有陣陣花香味，好fresh咖啡就叫咗鮮奶咖啡同榛子咖啡，都不錯👍🏼

去emax睇展覽，睇完肚餓揾下有咩食，見呢間餐廳有位就入左去食啦🤓🍅🐷鮮茄湯脆米泡飯配炸豬扒Deep fried pork chop with crispy rice in tomato soup鮮茄湯同個飯、豬扒同脆米係分開兩碗放，食之前唔怕啲湯已經浸到佢哋淋晒👍🏻個豬扒都好大塊，大過個紙碗🙉炸到好脆口。不過如果唔洗自己切就更好。個鮮茄湯都好重蕃茄味，同啲飯食一流🤓啲脆米亦令個泡飯多一重口感，唔錯。價錢又唔算好貴，食完都幾開心🥳

今日係比較特別既日子，點解會黎9展食野呢，因為今日有我鍾意既韓團搞見面會，咁未開始前就梗係要食野醫肚先啦，9展呢度都有唔少餐廳，由於我今日想食漢堡，見到呢間有就入黎試試啦。餐廳環境都好開揚，出面都睇晒成個店面，位置都有十幾張枱都唔少，落單都似快餐點形式，門口落完單就坐底等叫號，除左漢堡之外仲有意粉同飯類，不過選擇就唔多每樣主食都係幾款。美式洋蔥圈牛肉漢堡落單等左10分鐘左右就有了，餐具配料都係自助，快餐店形式，講返食物，漢堡黎講都幾大個，包黎講烘得都算幾香，洋蔥圈就比較差d，炸過頭唔係咁靚，牛肉都係來貨野唔係手打牛肉，勝在食落唔會好粉，都仲有d肉味同肉既口感，好過某連鎖店快餐店，配料月d沙律菜同蕃茄，都算新鮮爽脆，醬汁就有d沙律醬溝燒烤醬，幾豐富，漢堡黎講就叫不過不失，勝在夠大個。薯條方面就用波浪薯條，份量好多，炸得都岩岩好，新鮮炸外脆內軟，都有薯味，呢個餐份量好足我都食剩左幾條薯條。飲品方面叫凍檸茶，凍飲加3蚊，凍檸茶唔記得叫小甜，但飲落都唔甜，比較淡茶味都唔突出，麻麻地。整體黎講呢個餐質素就一般d，但份量好足，價錢就算中規中矩啦，有野去開9展既話順便食一餐都還可以，食飽飽就等夠鍾睇

又係星期六日要帶仔出去放電嘅日子，因為天氣麻麻，放棄咗去露天嘅兒童遊樂場玩，決定去室內九龍灣E-max，因為有間大嘅歡樂天地同埋有吹氣彈床玩😍😍😍去到搵地方先食野，行過二樓都有好幾間食肆，另外中間有啲位係common area咁，有啲似food Court形式，不過就略嚴比較暗同焗。行過呢間店有自家座位，比較光猛，都有唔少食客，檯面野食好似都幾靚同吸引。睇睇menu啱唔啱口味先阿仔呢排都算乖，又肯自己主動食飯，今日獎勵吓佢食少少薯條同漢堡包喇。叫咗最穩陣嘅選擇和牛漢堡配薯條。跟餐已經包咗熱飲，如果凍飲就要加$3。跟餐嘅野飲選擇唔多，都係大路嘅飲品。特飲就要半價換購。終於等到喇，佢出餐都要啲時間。等到叫咗號碼就要自己去返bar檯自取，如果單拖帶阿仔黎呢樣野就唔係太方便，好彩今日三人出動，所以就唔太大影響😌佢用嘅係木盤，另外手柄度印咗佢嘅店名。有呢啲details位，唔錯唔錯，加分加分。漢堡入邊嘅沙律菜配料都算多，醬汁係蛋黃沙律醬，味道幾好呀。可惜今次漢堡同薯條都係啱啱微暖嘅狀態，如果再熱啲會更好。凍咖啡😍😍個餐$73加野飲$3，呢個價錢對比外邊算係相宜，漢堡包足料，又有薯條同沙律做配菜，

(自費食評) $78午餐有少少失望但OK大家網友們吃這個$78午餐要注意一點就是，大家要先看看人龍和自選午餐食物尚餘數量否則到時只能選擇自己不喜愛的美食或中伏的美食給你選擇燒雞脾配茄子雜果沙律，燒雞脾最後一隻，幸好可以能夠吃到，雞脾好吃，肉質好滑，不過不夠熱了。雜果沙律只有最後這一份，不太平均，全蘋果肉粒，焗茄子也可以接受燒雞脾配茄子南瓜雞肉沙律南瓜蓉很香濃，而且它裡面也有很多很多的雞肉粒粒十分美味可口。茄子美味可以接受

(自費食評) $78有咁豐富美味的午餐❤️💯今天又再來到九龍灣分店Casa Luca吃午餐，今天來試吃他們的午市自選是什麼質素$78午市自選午餐，可以自由選擇一個沙律，一個配菜，以及一個主食。我就選擇一個鲜雜果沙律，配菜就選擇了忌廉長通粉，最後最重要的主菜我會選擇豬叻骨因為他們的賣相十分吸引。豬叻骨由熱辣辣的烤爐出來，放上我們的盒子上，立即嗅到十分香濃的豬叻骨味。豬叻骨肉質很軟，又好多汁長通粉份量大，爽口沙律很好味，又多醬汁，份量又多。整體$78 自選午餐Set 是可以推薦一下

(自費食評) 今天來到Emax CASA LUCA 吃了一頓賣相非常吸引，美味十分美味的午餐招牌黑松露海鮮意粉 $69元雖然海鮮不太足夠材料，只有一隻青口等。幸好，意粉很濃黑松露味美味又好再加$3可以配冷飲品，今次點了凍檸檬茶走甜

放lunch本身想叫burger ，但個職員話有排等，推薦我地食飯同意粉，話會快啲有。結果其實都係要等好耐，同排後面叫burger嘅人一樣時間出餐，員工完全係呃人。仲要上到黎，個招牌雞排飯十分唔好食，就係一塊雞排擺喺白飯上面，同街邊茶記啲碟頭飯冇分別，但人地收$40，你就收$60。個卡邦尼意粉就好「結」，汁多過麵，配料淨係得煙肉同洋蔥，意粉就有啲太硬。總結而言，呢間餐廳十分令人失望，建議大家千其唔好去。

今天來到九展Emax午餐，乘扶手電梯上到food court就見到這家西式快餐很吸引😍有潛艇堡、沙律、燒豬頸肉、炸魚柳和燒春雞等陳列在櫥窗內，令過客也勾起饞嘴。 落坐後也發現餐牌還有即煮意粉和漢堡等廚房出產食物，供應餐點非常多元化📒不過看旁邊的食客就好像要等較長時間，所以我就去吧檯自選一人潛艇堡配沙律套餐。 沙律有多款選擇🥗例如飽肚的南瓜蕃薯、凱撒沙律和蜜桃沙律等。配菜有忌廉粟米和炒雜菇等，潛艇堡亦有幾款主料，包括吞拿魚、煙三文魚、雞肉和蟹柳。點選潛艇堡後🥙職員會先拿去加熱，令餐點添上暖意。 蟹柳絲、蕃茄和生菜填滿包內，一口很滿足有味道，旁邊的芝麻令香氣更發散。沙律菜很新鮮，和清甜的紅椒及蜜桃形成清新自然感😋

住係啓德,假唔時就行去九展睇下戲食下嘢同行下outlet,過親去多數都幫襯Casa,貪佢夠抵食,疫情後就冇咗自選吧,得返D set食,但都高質今日阿囡都食意粉就叫咗個卡邦尼同埋一個經典和牛漢堡,意粉個汁夠香濃嘅個汁唔會稀到水咁,出面食一個漢堡冇薯條冇嘢飲有D都要成90蚊個,所以呢度60幾蚊包薯條同埋嘢飲真心物超所值,咁嘅價錢就叫做好食,性價比高餐廳係自助形式,比完錢叫號碼就自己出去拎,餐具同調味料全部係出面拎,一個人去就好難搵位坐定定咁等嘢食嚟到面前

唔知大家睇咗《媽媽的神奇小子》未🏃🏻‍♂️之前幸運地抽中戲飛去E-Max睇午場🎬入戲院前梗係要食個lunch嘆下先😚🔸香蒜檸檬雞肉意粉（$59）蒜香忌廉汁味道非常濃郁🧄但越食越覺腬🤥而且雞肉肉質較嚡🙈質感略為一般🤔火箭菜份量算多🥬以黑醋調味🍾酸甜開胃😉整體嚟講不過不失👌🏻🔸招牌香酥炸春雞（半隻）（$78）大大隻炸春雞上枱時相當震撼眼球👀雞肉外皮口感酥脆😋富有層次✅不過部分位置明顯有點過火🔥味道偏鹹😕但勝在伴碟薯條即叫即炸🍟香口惹味👍🏻飽肚感十足🤰🏻配搭新鮮沙律菜🥗份量相當豐富💫抵食之選💓🔹熱檸檬水（跟餐飲品）

是日睇完 #BabyShark drama 實在太餓啦 見呢間外觀四正又有位就直入啦 其實就是環境稍微好點的快餐啦🔸香蒜檸檬雞肉意粉 $59全日最好果樣 個汁都算香既 但不斷出現既生蒜粒令個口感好詭異 雞肉鞋口 菇應該最吸引了🔸粟米忌廉雞球飯 $58以為係粟米6粒飯既朋友 誰知係不中不西既搭配 飯粒弄起來非常黏口 入口也咬不太到🤨 雞球粉漿厚而不脆 內膽肉鞋 少有食唔晒🔸經典漢堡配薯條 $68正常味道囉 $68黎講就份量很少同貴🔸熱檸茶正常野 最得意係個糖用糖果紙🍬包住🔸凍朱古力 +$18非常淡口 唔抵加🔸焦糖鮮奶咖啡 +$18好很甜 連愛甜既我都覺得嫌棄😅除非黎玩又間間餐廳都full 否則好低機會再考慮

之前見到有comment話店員唔識沖咖啡覺得好好笑，點知我遇到嘅係繁忙時間沖唔到有熱奶類嘅咖啡，我作為一名barista真係覺得又嬲又好笑。既然你哋會嘥時間去磨豆，嘥時間去填平咖啡粉，嘥時間去將手柄扣上咖啡機去沖煮咖啡，點解唔可以多少少時間去打奶泡。。。你哋慳咗嘅呢少少時間，我唔知點解啲食物仲要等成7個字先有，係多客架啦，我去過好多更多客嘅地方都唔洗等咁耐。我叫咗杯凍latte，正常嚟講杯咖啡係唔會幫客人落糖水，除非客人要求，店員亦冇問我要唔要糖水，咁當我衰，冇講唔要糖水。。。食物方面：叫咗個黑松露意粉，和牛漢堡set，漢堡都叫做好食，薯條亦都唔錯，意粉聞落好香黑松露味，食落cream味較重，冇咩黑松露味道，而且越食越鹹，食到一半真係食唔到落去，我都唔想浪費食物，但真係食唔到。

🍽Casa Luca (九龍灣)📍九龍灣展貿徑1號E-Max 國際展貿中心2樓34及34A號舖.🍱138二人餐 $138.九龍灣返工嘅一定要食呢間。我同啲同事叫佢138，因為$138嘅二人餐，有沙律有配菜有主食，仲有嘢飲，飽到上心口。今次四個人食，基本上已經見晒所有組合。沙律佢有得揀番薯，唔鍾意食草嘅男人通常都揀呢個，有狗飽肚。配菜可以揀蝴蝶粉或者菇。啱晒大食細食嘅朋友。主食方面，通常都有豬頸肉同雞扒，有時仲有鹹豬手粒，同埋豬勒骨。生酮飲食嘅人都啱！