Castle Cafe (Closed)

荔枝角附近食早餐嘅選擇非常之多，今次就揀咗呢間文青工業水泥風格嘅餐廳，望落乾淨，餐牌上面早餐嘅選擇都幾多，價錢又唔貴，我最欣賞佢嘅飲品選擇，有好多款式，淨係咖啡都有成十款可以揀😆 🧡B14麵餐+朱古力咖啡主菜揀咗叉燒，再配午餐肉、煎蛋同轉配奶油脆豬，叉燒份量好多，脆豬好好食，外脆內軟，配埋杯提神咖啡，充滿能量 🧡B12火腿蕃茄濃湯螺絲粉配奶油脆豬+鮮榨蕃茄汁濃底味道濃郁，好似羅宋湯嘅味道，配埋螺絲粉一齊食，唔覺意就飲曬d 湯，入面塊火腿都有煎香過，再配埋杯蕃茄汁飲，蕃茄味十足

荔枝角出名多隱世餐廳，呢排咁啱去荔枝角行街順便發掘新餐廳，見到呢間嘅午餐好吸引，而且價錢都好親民，所以就決定入去試試😍 常餐(粟米火腿番茄濃湯通粉+美式雞扒+牛角酥) $60番茄湯超！級！濃！到最後忍唔住飲晒啲湯，而且通粉份量好多，配埋粒粒粟米好滿足😋。雞扒食落香口多汁，同埋好嫩唔老，牛角包更加出乎意料，酥皮非常鬆脆，好好食！焗薯套餐 (車打芝士粟米+火腿碎蛋沙律螺絲粉) $60芝士控一定要嗌車打芝士！啲芝士多到已經跌落隻碟到，焗薯包配芝士非常惹味，同埋好飽肚～螺絲粉嘅份量都好多，配埋碎蛋火腿好夾，鍾意食焗薯嘅朋友記得要嗌呢個餐！

同屋企人嚟荔枝角樓上舖拎貨，路經青山道，見到有間「Castle Cafe」，門面好清新舒服，裝潢帶歐陸風情，反正中午還沒想到吃甚麼，就一於在這裡開餐。餐廳逢星期一至六都會有唔同嘅 Lunch Set 供客人選擇，另外亦有常餐、午市自選套餐、焗薯套餐及沙律等供應。紐西蘭西冷牛扒配意粉 ($68)  西冷牛扒兩大塊，份量十足，食落肉質好軟腍，牛肉味頗濃，口感嫩滑無渣。意粉煮得啱啱好，軟硬適中，撈埋個汁食，好滋味。另外呢客全日早餐 ($62)  用料亦唔馬虎，有煙肉、蘑菇、法蘭克福腸、茄汁豆、薯餅、炒蛋、凱撒沙律同牛角酥。煙肉肥瘦適中、法蘭克福腸香濃易入口、炒蛋嫩滑多汁，而牛角酥亦香脆鬆軟富牛油香，整體味道唔錯。跟餐飲品點咗紅豆冰 同 咸檸七，紅豆冰有好香嘅奶味，加上甜度適中，紅豆又夠淋，用匙羮食真係一流！咸檸七凍冰冰，清新酸爽，消暑又解渴。

又分享下我平時返工lunch 食D咩😂 其實荔枝角都算多餐廳選擇嘅，呢間castle cafe 我間吾中都會黎食，都系平均$60一個餐🍽中午時間黎都幾多人嫁，餐廳座位都尚算多！每日都會有吾同嘅是日款式，今次我就嗌左個日式甜咖喱唐揚雞扒奄列飯$59，仲有一大塊炸雞扒，吾會炸到好乾身！本身套餐會配餐湯或熱飲，加$3就可以有杯凍飲，如果想飲D 特別款式，呢度都有嫁，例如有助暢通嘅3青汁嫁😂、經典嘅紅豆冰嫁！

今日到長沙灣做野，早到左決定搵個地方食個早餐先，望落似小品格局應該唔錯🤣。店內走簡約風，舒適的氛圍不但適合歎啡，店裡每個角落更是一眾文青的打卡勝地。入左去望到餐單選擇都多，重要價錢真係好平，平均三十蚊多D，仲要有靚咖啡飲！絕對超值👍🏻👍🏻👍🏻～👍🏻火腿蕃茄濃湯螺絲粉 配 奶油脆豬粉量好足，未食已經聞到蕃茄香味，好有食慾，以濃郁蕃茄湯配搭彈牙螺絲粉，即刻飲一啖湯，味好濃郁，配搭一齊食好正！另外仲有一個奶油脆豬，酥脆香甜，想有一個活力充沛的早晨，呢個美味的早餐是不可缺少的元素。👍🏻秘製醒神香辣蔥油雞扒煎蛋撈麵以早晨來講多數以傳統的粉麵配搭為主，但呢度就有秘製香辣蔥油雞扒撈麵，幾特別！重要係真係好香，好好食。喜歡吃蔥的朋友，絕對不能錯過這個美味絕倫的蔥油撈麵。配上這個，香氣十足，絕對能以蔥油香味喚醒您的味蕾！👍🏻凍朱古力咖啡 ＋ 意式泡沫咖啡咖啡香滑，濃淡適中，飲得出係鮮奶沖配而成，好飲醒神。不但咖啡好喝，食物更是賣相味道俱佳，我地都帶著滿滿的收獲離開。

喺附近做嘢，做咗六年第一年食完個下午茶冷靜已經隔咗四五年冇再入過嚟，今日趕時間，諗住俾多次機會佢叫咗個牛扒意粉，仲衰過啲茶餐廳三件牛有兩件完全咬唔到，意粉完全淡而無味真係永世不會再去….垃圾

眾所周知，荔枝角是美食的好地方，附近餐廳林立，選擇有非常多，今次選擇了這間castle cafe。裏面座位舒適，可以正整選擇一個角落坐低享用午餐。打開餐牌，午餐有多款選擇，每天的套餐也不同，非常有創意。今日試了露絲瑪莉香草檸檬烤雞扒，可以選飯，薯條，意粉🍝薯菜等。我今次選了意粉。這份午餐的雞扒非常大塊，意粉的份量也很多，雞扒的肉質非常嫩滑香口，成個下晝都可以不用食下午茶。因為天氣比較熱，很想飲凍飲，所以只需要加$6就可以享用涼浸浸的紅豆冰。好抵飲。#castlecafe #荔枝角 #荔枝角美食 #foodie #hkfoodie

呢度早餐時間較晒長，由7:30去到11:30 ， 有時唔太想食飯嘅時候， 有早餐揀都幾好😜😜早餐餐牌有好多選擇🤓☝🏼， 🥐有輕量級麵包加餐飲、🍜中量級嘅粉麵餐， 🥩亦有重量級嘅扒類配搭， 任均選擇😚😙🤤美式早餐相當豐富😋😋，有包(+$5轉奶油脆豬），有自選一款扒類， 仲配多2款配料🤠我地仲要忍唔住加$6加多一塊薯餅🤭🤭🤭正豬扒同牛扒都好味😋無鬆肉粉「拿」過，亦唔係快餐店嗰啲細細件～好味👍奶油脆豬夠晒脆，一食就知係新鮮焗脆😌呢度早餐平靚正～食得過😆😆

今日lunch同同事去左附近li間castle cafe break 1 break,等左10分鐘就有位，li間cafe有好多野食，咩都有，ALL DAY BREAKFAST、常餐有，set lunch就每日個SET唔同，都幾有新意 👍🏻👍🏻👍🏻今日就試佢個燒美國牛仔柳配黑椒汁，個牛仔柳份量十足，有兩大塊，肉味濃郁，配埋d肥膏，一流，黑椒汁夠香濃，個辣度啱啱好，最中意食黑椒牛扒配飯，好好送飯，夠曬飽，又好食🤭🤭🤭食完就返公司繼續做野😩😩😩

今日同朋友上完興趣班過就喺附近搵嘢食,行經呢間餐廳望落都幾骨子,入面都唔少人,見個午餐價錢都幾實惠就試下。朋友揀咗德國黑椒蜜糖豬手餐，我就揀咗薄燒紐西蘭牛扒餐。好快食物就準備好，個份量都好多，非常之超值而且食物味道都好。豬手好大件，皮脆多肉唔會太肥，食落夠晒香口仲帶有少少甜味，配埋蒜蓉汁意粉，好味。我個牛扒亦都好大份跟咗曲薯條，牛扒雖然無揀成數但都煮得岩岩好又唔會鞋口，啖啖肉，配埋曲薯夠晒滿足。我地仲加少少錢就升級配紅豆冰同埋花茶。 佢個花茶非常之好味，佢係桂花烏龍茶包配荔枝汁，飲落特別清香同清甜，高質素！朋友都話個紅豆煮得夠晒淋，好好味。兩杯飲品都昇華左我地呢餐嘅滿意程度！

要星期六日係荔枝角搵食，都唔係好容易，因為大部份餐廳都只係做週中返工人士生意，週末都唔開。不過今次經到呢間工厦地鋪，見有開就試下！唔單止連星期六都有lunch set ，套餐以外的Menu選擇唔少。見佢style都係接近西式或者冰室，啱晒香港人口味。唔好以為星期六就會Hea 啲，上菜速度係同週中翻工節奏一樣極速！我同朋友揀左：👍🏼 蒜蓉汁雙倍薄西冷牛扒配螺絲粉俾佢嘅雙倍吸引咗，二話不說就點呢一個。果然一上菜係超大塊！牛扒兩面都煎過下，脆脆地，更加香。螺絲粉份量超多，就算係男士都夠哂飽！👍🏼 黑椒汁德國蜜糖豬手配飯非常有驚喜！唔單止size 大過我拳頭，而且豬手表皮脆脆地，又唔會太多肥膏，又無豬騷味。讚！我哋仲叫咗兩杯特色咖啡試吓。推薦意式芝士餅咖啡，好香好滑，而榛子咖啡偏甜，就算平時冇飲開咖啡，都容易入口！呢到性價比高，人手夠，上菜速度快，絕對會返嚟再食！

今日跟同事去左公司附近既cafe 食晏，我地等左5分鐘就有位啦！我地坐低左就叫左2個set lunch !薄燒雙倍紐西蘭西冷牛扒配洋蔥汁（薯條）$68 配凍檸賓 另加$6: 西冷牛扒屬於後腰脊部位，較有嚼勁，肉味比肉眼濃郁，油花不算多，但分佈平均，而且有彈性，配埋洋蔥汁一齊食更有口感，薯條🍟熱辣辣很脆口，飲啖凍檸賓爽一爽味蕾！德國黑椒蜜糖豬手配黑椒汁（薯條）$61 配紅豆冰 另加$6: 豬皮烤得超香脆又唔會太厚，肉質味道加上蜜糖甜甜地唔錯，加埋薯條🍟香脆感，食完有飽腹感，飲品紅豆冰，啖啖紅豆香加上順滑濃郁的淡奶香！😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

Castle Cafe位於荔枝角，如果途經這裏可以來一試。🏰👨‍🍳👩‍🍳這裡的食物質挺不錯，是工廠裏面的必選，餐廳環境嘅比一般的工廠大廈附近食肆好。🍽️💯他們的全日早餐$62，包括煙肉🥓，蘑菇🍄，法蘭克福腸🌭，茄汁豆🍅，薯餅🥔，炒蛋🍳，凱撒沙律🥗和牛角酥🥐。每樣食材都經過仔細挑選和精心烹調，煙肉香脆🤤，蘑菇鮮美多汁😋，法蘭克福腸和薯餅也很美味👌，炒蛋更是口感豐富👍。凱撒沙律清新可口🥰，牛角酥外酥內軟🤩。常餐$58，包括粟米火腿蕃茄濃湯配通粉🍜，脆香雞翼🍗和奶油脆豬🐷。粟米汁與火腿的完美結合，味道濃郁而不膩🤤，通粉的口感挺不錯👍。脆香雞翼和奶油脆豬也是美味可口👌，香脆的雞翼配合甜甜的奶油豬🤩。我們也點了些特飲，牛油果鮮奶🥑和香蕉鮮奶🍌，兩者都非常濃郁，口感豐富，是解渴的最佳選擇🥤。總體而言，如果經開荔枝角這個工廠區，Castle Cafe是一個不錯的選擇👍。Castle Cafe (荔枝角)荔枝角青山道483香港紗廠工業大廈6期地下D1舖#CastleCafe #荔枝角 #食評 #食物攝影 #美食 #foodie #foodporn #foodphotography #foodstagra

Lunch time 得1個鐘頭多數喺荔枝角區搵食今日試試呢間外賣午餐 - 滑蛋鰻魚飯 配 凍檸茶 落單： 可以用whatsapp落單，方便 送遞時間：大約12:15落單，13:00前送到👍🏻 份量： 鰻魚有1條細size, 滑蛋正常份量，飯裝滿外賣盒，對女仔嚟講份量夠晒味道： 鰻魚本身有鰻魚汁，所以唔會難食😆😆 價錢：荔枝角區食飯都唔算特別平，價錢$50、60數起跳

諗住去D2 place之前搵個地方食快lunch。剛剛就見到呢度裝修幾得意之外，價錢都可接受，值得支持🌱卡邦尼珍寶鱈魚蟹柳帆立貝意粉意想不到，兩條超長炸蟹柳夠晒吸晴，意粉爽身，汁醬夠濃而且黏口，配料嘅煙肉，蘑菇都夠味，幾好呀🌱全日早餐：套餐有跟湯同野飲，價錢算抵食，雖然唔係特別靚料，但食物質素唔差，夠晒飽。樣樣都有啲，煙肉、蘑菇、法蘭克福腸、茄汁豆、薯餅、炒蛋、凱撒沙律，牛角酥。 🥤咸檸七：俾足成粒咸柑桔，ok~ ☕️意式泡沫咖啡：正正常常，算係咁喇