Catee (Closed)

貓～全部都係貓！！ 有貓貓掛畫，貓貓屏風，貓貓碟，貓貓箍臣... 老闆應該好鍾意貓，連餐廳入面嘅大電視都播住貓貓嘅片。**呢間餐廳好適合慶祝食生日飯****有啲枱有小蠟燭，好有氣氛****有吧枱有小食，同朋友摸酒杯底都得**英式炸薯條配黑松露醬 $68～薯條幼身，很脆，即炸熱辣辣，配黑松露沙律醬。威靈頓三文魚扒伴刁草忌廉汁 $248～我發現我第一次食威靈頓三文魚，我覺得好好食！！酥皮很香脆，三文魚好大份好厚身，三烤到七成熟，唔洗點汁都完全唔腥，口感濕潤唔乾，中意食魚朋友必食。而且份量好多，擺碟好豐富，有好多配菜，薯蓉炒雜菇，兩個人食完一碟已經有啲飽。西班牙海鮮炒飯 $168～醬汁香濃，啱哂我呢啲中意多汁嘅人，飯軟硬適中，微酸開胃，有三款海鮮，青口蝦同蜆，我特別中意食蜆！加配套餐（飲品 沙律 甜品 餐湯）+$30 **建議一定要加套餐！！****太抵了，令我覺得個老闆好大方！！**～雜錦海鮮沙律～沙律竟然有海鮮，仲要都幾大碗。～西蘭花忌廉湯+面包～個湯好有菜味，面包可以點醋，點醋果隻碟有個貓咪暗花🐱。～濃情朱古力～朱古力味濃，送一枝朱古力味百力枝，有個cream係面，應該唔係人人都中意，

初時上網research 到呢間cafe都以為係有真貓既cafe,不過原來係貓主題既cafe，實情呢到係冇貓咪既，不過就感覺到店主係愛貓之人，周邊都佈置得同貓咪有關。整體環境都幾舒服，不過如果張台再大小小就好了，但始終香港地租金真心好貴。8點黎到唔洗等， 剛好有張二人台，入面都幾多情侶同一家大細食飯，氣氛熱鬧幾唔錯，叫支酒可以係到慢慢傾。呢間羊扒真心唔錯，4件都煎到香脆肉嫩，medium rare剛剛好，連骨既肉真係好好食，而薄荷醬都好好味。其他配菜如炒菇及薯蓉都正常發揮。白酒蜆肉加入左青醬使用既香料都算係神來之算，非常濃郁又充滿香料清新既味道令我地一口接一口冇停過。食到最後仲想問可唔可以叫個麵包配個醬汁食🤣🤣🤣西班牙海鮮飯亦份量十足，海鮮鋪滿成個飯，幾片檸檬既清新味道好夾個飯，食哂都唔覺好漏。不過個黃薑味都幾出，如果唔鐘意黃薑既朋友可能要請店家提供多小小檸檬調下味。最後個set連湯 沙律及甜品，都係水準之內，推薦大家加30升級做套餐。

開放返堂食到十點,之前一直bookmark左想去呢間以貓貓做主題既餐廳好耐..上星期早已book定今日要食！一入到去已經見到電視個螢幕不停播放緊好多貓貓既影片..睇到我同朋友都會比佢地D蝦碌野笑一笑..野食方面...我地分別叫左一個Set Dinner同埋Main Couse再加個小食不過Main Couse額外只需要加$30都可以upgrade 做Set。有餐湯，餐包，沙律，飲品同埋甜品！簡直超值餐湯及餐包有橄欖油同埋黑醋汁俾你自己點個碟仔又係有貓貓圖案架跟餐嘅沙律我以為只係一般生菜加啲芝麻醬..但呢度係用貴價火箭菜..上面仲鋪滿咗墨魚,蜆肉..好彈牙食落好清新香辣蒜蓉焗生蠔🦪$88 有6隻 烤美國安格斯牛板胛我地叫左5成熟！出到黎岩岩好！牛板胛比起一般牛扒會較少脂肪..但食落又唔韌..重好嫩添！紅酒牛肋肉燴天使麵牛肋肉好淋..有小小牛腩既感覺..個天使麵仲索晒D汁..連跟餐嘅甜品都係咁有驚喜係抹茶芝士蛋糕軟硬做得好好..食落好重cheese味個抹茶又唔係太搶..成件野好夾..難怪店員一放低都已經話今日呢個cake好好食我覺得正過出面有D蛋糕鋪..不過聽店員咁講應該係每日都唔同款..

晚餐就食過幾次，第一次喺中午時間來踩踩場！疫症個案減少咗，而家晚市恢復返！多左人出街食飯，午餐期間，比起往昔需要排隊或提早訂咗，而家walk in不需要排隊就可以有座位！亦不需要等候！餐廳周圍都可以見到關於貓貓的東西，甚至乎播緊的卡通片是「卡飛貓」午餐有餐包、餐湯、主菜及餐茶◻️餐包橄欖油及黑醋隨自己喜好加減，自己調校比例麵包鬆軟◻️茶，平時一般的餐廳都會在客人坐低後想水，而他們上的是熱茶包😊◻️餐湯味濃、雜菜分量足◻️煙鴨胸意粉超鍾意，好好味，好creamy 既sauce 掛在每條意粉上，蘆筍爽口，煙鴨胸亦香口，不會好乾身！◻️牛扒Lunch set 既牛肉只用一般貨式，不過熟度及火候都啱啱好◻️飲品最後仲送咗兩塊曲奇🍪午餐真係性價比好高

一間貓主題的餐廳，內部裝修神秘，但十分有特式，畫作，擺切都有貓原素🐱🐱餐前有杯熱茶🥰 香味茶度吸引，所以大擔地問店員，原來係 「薰衣草普洱茶」是自家制作👍🏻👍🏻👍🏻「香辣蒜香焗蠔」好香蒜蓉味，原殼主理😊「白酒羅勒煮蜆」白酒味香濃,湯底yummy😋「香烤黃金帶子」帶子煮至5成熟，咬口剛好👍🏻「烤紐西蘭肉眼扒」7成熟，烤至金黃色，配菜有薯容，十分滑🥰 仲有炒什菇，絕對係我至愛😋😋備註：店員十分nice主動招待！🥰

第一次黎尼間餐廳食飯，覺得超級滿意啊雖然佢門口唔太起眼，但入到去見到佢勁多🐱🐱既裝飾品，加埋啲燈光同店員友善既服務態度，就俾人一種溫暖既感覺👍🏻食物方面，叫左兩個主食，一個小食，同兩杯餐飲：紐西蘭肉眼牛扒伴香濃燒汁。 8/10揀左7成熟，烤得剛剛好，容易切割，唔會太韌伴碟既薯蓉份量好多連埋啲炒過嘅沙律菜，好飽好滿足！蒜香蜆肉炒意粉。 9/10超好味啊食完個扒已經飽飽到，但再食尼個一啲都唔heavy！蒜香加酒味超濃！一定要試！英式炸薯條配黑松露醬。 9/10熱辣辣又鬆脆！ 黑松露醬一啲都唔油膩(o^^o)是日餐湯+餐包+沙律。 8/10全自家製既感覺，好有誠意！餐湯係西蘭花忌廉湯，味道有啲淡但幾fresh。沙律份量好足，而且沙律菜既款式都好豐富，唔會淨係得幾條菜😆小紅莓汁/榛子咖啡。 8/10份量剛剛好，小紅莓汁加左片檸檬，味道酸酸甜甜榛子咖啡層cream好滑😽是日蛋糕 - 朱古力蛋糕。 8/10朱古力味濃，又唔會太甜！薰衣草普洱茶。

前牌經過荃灣食咗間貓貓主題的西餐廳😋感覺味道和氣氛都唔錯。本身有啲唔開心但去到嗰度都有放鬆嘅感覺🥰。再講食物，每個餐都幾大份架！今次我哋叫咗燒羊架同埋德國豬手做主食😛😛豬手脆卜卜，外脆內軟。羊架油脂豐富而且伴碟的薯蓉都好高質😋另外跟餐仲有湯沙律飲品和甜品🍮值得一提的是朱古力蛋糕忌廉好細滑。另外我哋加咗六隻焗生蠔🦪，配埋蒜蓉食都幾惹味。而且店員全部都好友善。..🏠 Catee (荃灣)荃灣楊屋道73號地下

今次係自疫情以嚟第一次返嚟幫襯, 餐廳用咗啲心思佈置枱之間隔板, 我真係第一次見唔到有餐廳會肯使錢嗰啲臨時間隔板度, 令到餐廳環境配合裝修風格(周圍都係喵). 講番啲服務同埋嘢食先, 服務一如既往十分之周到, 這些食物方面. 今次叫咗個紐西蘭肉眼扒套餐同埋西班牙海鮮飯, 另加黑松露薯條. 今次我發現咗餐廳用咗薰衣草香片茶包(免費供應), 陣陣薰衣草味, 都幾吸引. 頭盤上咗蔬菜湯, 飲落去幾清甜. 之後上咗個杏仁餐包配黑醋同橄欖油. 再有一個雜菜沙律, 味道中規中矩. 之後食咗黑松露薯條, 薯條係我鍾意嗰細身, 不過黑松露醬就味道唔算特出, 份量ok 2人用. 跟住個紐西蘭肉眼叫咗五成熟, 煮出嚟啱啱好, 有肉味及油香, 但如果厚返少少就perfect. 至於海鮮飯, 青口同蜆肉都新鮮彈牙, 個飯係用咗risotto嗰隻米, 配咗個蕃茄芝士汁, 都幾惹味. 餐飲叫咗個菠蘿汁同埋朱古力, 朱古力勁好飲推介. 最後今日個甜品係生朱古力糕, 食落有啲似千層糕. 總括嚟講水準冇乜下降, 反而部分地方有驚喜...期待下次再食

呢間貓主題嘅酒吧餐廳🍴係冇真貓架🤣但係幾有情調，我慕名威靈頓三文魚扒而來😂，今次冇令挑食嘅我失望😼三文魚熟度對我黎講剛剛好👍唔會好似罐罐咁鞋😂個酥皮同魚扒，比想像中夾同埋厚😍食西餐黎講整體幾抵食，蒜蓉焗蠔88蚊有6隻，唔會好鞋套餐Free Drink情迷朱古力又勁！朋友話西班牙海鮮飯嘅海鮮有酒香，連埋沙律、湯、包、油醋、是日甜品：蛋糕🍰Addressss:Catee 荃灣楊屋道73號地下

全城抗疫，最近晚市堂食也逐步開放。難得星期日晚上沒約，於是即興來個一人浪漫。 這間貓貓餐廳位處荃灣西心臟地帶，離荃灣西鐵站7分鐘距離。餐廳處處洋溢店主的心思-到處都有貓為主題的畫作，裝飾，擺設，甚至餐桌間隔都係🐱版畫。 暗黃燈光配上90年代的懷舊英文歌，確實是悠閒一下的好地方。 我點了一個意粉套餐，先上的沙律清新開胃，酸甜醬汁配合適中。黑炭麵包本身已經特別柔軟，加上黑醋令人忍唔住食多兩啖。番茄海鮮湯需要另外加錢，不過一碗濃郁的番茄湯配上啖啖青口，三文魚同魷魚足以值回票價。 主菜是黑松露蘑菇意粉，值得一讚佢地既擺碟有心思，黑松露調味亦適中，蘑菇經過輕煎充滿油香，意粉亦見彈牙。值得驚喜既奶茶蛋糕唔算太甜，奶油清淡，再配上清新薄荷檸檬茶一解油膩，一個人的浪漫大概如此吧

成日都好想去食既一間餐廳 ＃catee奈何限聚令成日未成事，呢日甘岩經過見到佢推出左幾款限定手打漢堡餐外賣，一共四款,岩岩好可以一人食一款。(問過好似每日唔同款架)🍔火箭菜照燒豬柳芝士漢堡 $18🍔巴馬火腿黑椒汁牛肉芝士漢堡 $24🍔經典貝羅菇牛肉芝士漢堡$20🍔照燒豬柳牛肉芝士漢堡$28包果汁／汽水特色飲品＋$12-$14飲品我轉左2杯特飲🥭🥤芒果乳酪同薄荷朱古力奶茶四款漢堡牛肉同豬柳都非常多肉汁，好入味，貝羅菇係平時食既大大隻啡菇。芒果乳酪，有芒果肉向裡面架薄荷朱古力奶茶，薄荷味唔會太搶每款漢堡都大大個，包埋野飲，非常抵食。

覺得中左伏既西餐廳，見到網上面咁多好評，忍唔住諗住試一試，點知一入到去覺得舖頭好大浸up 味，環境其實好逼👆🏻自家焗麵包加黑醋汁😼個麵包太硬，點左黑醋汁依然有啲難入口👆🏻是日餐湯忌廉湯😿以為係普通白湯，質地稀如水，冇咩味，似係生粉開出黎嘅感覺👆🏻明太子蟹肉忌廉意粉😼小蟹肉，明太子嘅味都叫濃，蟹子加埋意粉食都尚算有口感，不過不失👆🏻西班牙海鮮炒飯😼有人叫嘅西班牙炒飯，飯底嘅汁海鮮味唔濃，海鮮既份量都唔算多，飯粒有dd硬，真係算唔想一個出色嘅risotto👆🏻伯爵茶蛋糕😿個蛋糕冇茶味可言，蛋糕質地唔軟，似係出邊街普通嘅海綿蛋糕.⚠️非進食時記得帶口罩⚠️除左口罩再消毒雙手

💰威靈頓三文魚伴刁草忌廉汁$248💰澳洲肉眼扒配意粉$98初嚐salmon wellington🥰 覺得呢度整得好好味😹 雖然酥皮唔係我想像中嗰種咁酥脆 但都幾正😜 似酥皮湯面頭嗰層 加少少脆 個三文魚生熟程度拿捏得好好 係半熟狀態 唔會太鞋 佢入面夾住parma ham 我覺得仲有少少芝士 加左份咸香但個份量真係恰到好處 balance得好好 openrice寫有落到鵝肝 但食嗰時又唔係真係特別覺 但整體黎講成個真係整得好出色 呢個價錢黎講真係抵食🤪 絕對會為咗佢再專誠去荃灣食！ 不過記得最好嚟之前bk一bk定個wellington 唔好摸門釘相反個肉眼扒就十分普通 絕對唔建議叫😂係大大舊但係肉質似落左鬆肉粉但又多筋意粉質地ok 收貨的餐有跟麵包 普普通通 可點olive oil食~

威靈頓牛柳大家就食得多，今次黎呢間餐廳轉下口味，試下威靈頓三文魚扒。三文魚扒以酥皮包裹再放入焗爐焗，烤焗後的威靈頓三文魚外層酥脆，切開三文魚扒呈誘人粉紅色，肉質依然鮮嫩鬆軟，生熟程度控制得剛好。肉汁依然保留到，而且完全冇魚腥味。當日我地8點左右到餐，點左最後一份威靈頓三文魚扒，如果想食的朋友就早d去食啦!西班牙黑毛豬辣肉腸炒飯用上西班牙米飯，煮得外軟香口，有微微的飯焦香，每粒米飯都吸收曬鮮濃的湯汁。配埋惹味的辣肉腸同埋黑毛豬肉粒，咸香十足，帶點香辣，更添一份火辣滋味。用料沒有一般海鮮西班牙飯的用料華麗豪華，但更鮮香惹味。黑松露薯條係散叫的小食，黑松露味道好突出，而且薯條份量好多，又香脆，不錯!!

今日又去咗荃灣行山，落山梗係搵啲好野食慰勞下自己🥰叫左小食拼盤 ($138) 有六件炸雞翼，魷魚鬚，炸墨西哥辣椒釀芝士，炸薯條，炸雞翼係單骨，食得超方便，味道好似麥記既雞翼好正！最鐘意係個魷魚鬚，有埋個照燒汁，夠味得黎又唔熱氣，超級推介😎酒香火炙烤雞 ($178) 加$30有沙律餐湯飲品同甜品，今日餐湯係粟米忌廉湯，好creamy好好飲😛 呢個烤雞一上枱已經好矚目，店員會倒啲酒落去然後再燒一燒，啲火燒到好紅🔥燒雞既香味一路傳過黎，旁邊既人都望哂過黎😂 睇得又食得，雞肉好嫩滑，皮脆肉嫩完全係用黎形容呢隻雞明太子蟹肉蟹子忌廉汁燴意大利麵 ($188 dinner set ) 加$20轉蟹肉忌廉湯，蟹肉忌廉湯同粟米忌廉湯味道差唔多，但係呢碗湯就多咗好多蟹肉比較鮮甜。意粉份量大到好誇張！2個人都食唔哂😂 而且係好足料，好多明太子好多蟹肉超級正😍