Catee (Closed)

之前同男朋友嚟過食，覺得環境又好晚餐又抵食，所以今日帶埋朋友過嚟一齊食晚餐百幾蚊已經有main course,沙律，餐湯，飲品同埋甜品，性價比真係超高！可以揀嘅飲品款類仲好多添，我哋叫咗一杯earl grey latte, 一杯oreo milkshakeEarl grey嘅茶味好濃郁，配上鮮奶超好味！兩杯嘅甜度都啱啱好餐湯就係忌廉薯仔湯，啖啖都係薯仔，飲完已經好飽估唔到仲有餐包添！主菜我哋叫咗蜜汁蒜香烤葡萄牙豬面肉，呢碟超級推介！啲肉入口即溶，加埋蜜汁又香又甜，好味另外我哋叫咗明太子蟹肉蟹子忌廉燴意大利麵，好多明太子醬我哋好鍾意意大利麵嘅質地又煮得啱啱好，夠彈牙本身甜品我哋打算再叫一個烤棉花糖朱古力，不過好可惜已經賣晒。所以我哋叫咗個法式蘋果撻配vanilla ice cream又好好味喎！個撻又脆又香，雪糕配埋酸酸地嘅蘋果，味道好夾

去荃灣探朋友，朋友仔介紹去catee食西餐，高質之餘，最緊要價錢好合理。兩個人叫咗一份set dinner美國安格斯牛板胛，medium。另一份set係廚師推介蒜香烤葡萄牙豬面肉。首先上咗麵包藍，啲包暖暖地，幾好食，配埋我最愛嘅橄欖油黑醋感覺好健康。我哋揀咗當日嘅薯仔忌廉湯，冇加錢要其他湯，覺得個湯真材實料夠曬creamy。個牛扒真係煎到剛剛好五成熟，牛味好香濃，又夠淋，師傅煎牛扒嘅技術高超，火候控制得剛剛好，實在太有驚喜，小小店舖可以享受到咁高質嘅牛扒，大滿足。跟住個豬面肉嘅質素都好有驚喜，豬本身嘅豬味好香，係規豬先有嘅香味，冇嗰種騷臭味，外層煎到焦香，內裏仲有肉汁，冇梳打粉嗰隻難食嘅味道，大滿足。總括嚟講，餐廳細細，價錢唔貴，食物質素好高，性價比一流。

平時都好少來荃灣呢頭，前日咁岩來呢到附近做Facial，就試下呢到既西餐廳、經過呢間貓貓主題既餐廳就入左去！估唔到幾有驚喜！店面裝潢偏暗，經過可能好易miss左！入到去比想像中寬敞，燈光令人好舒服，亦有播放音樂，以及係大螢幕到播關於貓既Video，周圍都有好多貓貓佈置～睇得出店主真係好鍾意貓！今次叫左佢地既套餐！當然附上沙律及餐湯三成熟牛板胛伴薯菜大家都知情牛板胛呢個部位相對上會比較韌，需要咀嚼得耐啲，但同樣地牛味都會比較濃。為左保持口感，我通常都會叫生啲，3成熟。呢間餐廳做到水準，好好咁保持係3成熟就上碟，令厚切既牛板胛肉不會韌口，同時鎖住肉汁，濃濃牛味滲透出來，份量亦有三大塊，過足口癮。伴既薯菜亦有經過烤焗，表面香脆，但內裡佢保留水份，薯仔，秋葵，茄子都燒得剛剛好，值得一讚！海鮮拼盤呢個拼盤包括2大塊煎爐魚，1塊燒鯖魚。魚類嫩口，表面煎得略油，但內裡剛剛熟，入口好滑，加左少少鹽，調味適合。青口，蜆肉同樣有水準。伴上的蕃茄薯仔都有經烘烤，好食！Cat On the Beach🏖 呢杯Cocktail更令人喜出望外。入口好舒服，以果汁同Rum酒作為基底，入口先有果汁的清新味道，伴有少少

係附近買完寵物用品，見到這間以”貓”做主題的西餐廳好特別，除了有很多”貓”既裝飾品之外，裝修亦帶有懷舊風格。。 除左精選晚餐之外，惠顧餐牌主食也可以加$30轉套餐，套餐有餐湯、沙律、飲品和甜品。 今晚既餐湯係海鮮忌廉湯 烤帶子南瓜意大利扁意粉 $158 帶子超厚身，烤到外脆內軟，外皮微焦，肉質鮮甜，南瓜汁好creamy，每一條意粉都掛滿南瓜汁。 烤美國安格斯牛板胛 $278 安格斯牛板胛點了五成熟，烤得香口，能夠鎖住肉汁，牛肉味香濃，肉質帶粉紅色，非常軟熟，份量亦超大。 甜品係士多啤梨蛋糕，蛋糕唔太甜，好鬆軟，士多啤梨甜度亦剛好。

荃灣大商場林立食肆為數不少不過要揀間有情調嘅西餐廳就要諗諗呢間可能係個不錯的選擇 ......🔸️CATEE🔸️餐廳鄰近楊屋道以貓貓為佈置特色燈光暗暗，放上蠟燭，滿有情調先來兩件麵包配以黑醋及橄欖油所有Set Dinner 都包沙律、餐湯、飲品及甜品，真係好抵🥗沙律係麻醬沙律菜🥣餐湯係忌廉湯🍽Catee's 香煎海鮮拼盤 拼盤有好多不同種類嘅海鮮！先試三款魚柳 - 紅鮋、金鮋、黃花魚，魚皮煎得香脆，啖啖魚肉另外有大蝦、蜆、青口不用多點醬汁都有鮮味配菜有烤蔬菜同薯蓉🍽 酥炸軟殼蟹南瓜蟹肉意大利麵🦀軟殼蟹大大隻，炸得好香脆意大利麵醬將南瓜打成溶好香甜嘅南瓜味麵粉都沾滿蟹肉仲份量十足添單點脆炸香辣單骨雞翼伴蜜糖芥末炸得好香脆夠曬惹味份量較其他餐廳來得多啊🍰甜品係士多啤梨忌廉蛋糕夠香夠甜甜品控啱曬 🍹飲品點選芒果奶昔伯爵紅茶拿鐵❣為這頓晚餐作出完美句號!

今曰我同朋友經過荃灣諗住食個西餐咁岩就見到呢間catee就入去試下。本身見到佢個名catee就係到諗佢會唔會係d貓cafe😂😂但原來唔係，但係佢入面都會有好多貓既擺設入面仲播緊Tom & Jerry。😂😂😂可能個老闆好鍾意貓所以先叫catee🤫。佢除左starter其他主菜/set 都係包野飲，沙律，湯同埋蛋糕。首先，講下佢個白酒煮蜆真係超級好食🥰！佢d蜆係好鮮甜同埋好大隻而且又好入味！最重要係我冇食到有沙，所以我估廚房都用左好多時間係吐沙方面。呢個值得一讚👍🏻另外，我地仲試左個牛排。叫之前個侍應都會同我地講佢地推薦3-5成熟，咁我地就見左5成熟既牛。上菜果陣我望到佢個擺盤都幾好睇。講番正經野🤪佢個牛好嫩滑唔韌而且佢仲有配一個source兩個加埋一齊真係一個好好既combination!🥰🥰🥰根住就到西班牙海鮮炒飯，佢一上菜佢好似鐵板咁有d「炸炸聲」。佢咁樣一黎可以保持溫度同埋d海鮮唔會咁易凍而變腥，所以我覺得呢個idea幾好😂。個飯質地都好好唔會話好似其他餐廳咁太淋好似爛飯咁。

今日同呀媽黎到呢間以貓做主題嘅餐廳，入到黎唔算好大，但係一入嚟已經比周圍嘅poster吸引，呢度嘅裝修都係以貓為主，有一個位係主要播貓既可愛片，呀媽睇到入晒神🐱嘢食方面叫咗晚餐set☺️包左忌廉湯，餐包，沙律同甜品。🍴catee’s 香煎海鮮拼盤主要以魚為主，煎得香口，肉質嫩滑，個汁令到煎魚食落更香甜，仲有埋青口同蝦🤪🍴烤美國頂級肉眼扒伴濃燒汁肉眼扒五成熟，岩岩好，而且都好大塊，夾埋啲配菜，唔會好膩最後跟埋甜品，係士多啤梨忌廉蛋糕

#貓奴享受美食之夜 #高質素 #真心推薦 .約咗屋企有成10+隻貓嘅妹食飯～我哋為表對家中主子嘅忠貞～所以冇去貓cafe鬼混😹😹揀咗呢間滿滿貓裝飾嘅人氣餐廳晚餐好了～我哋揀咗set dinner分享食🍽️套餐包咗一啲都唔hea嘅餐湯、餐包、沙律、甜品、飲品💕(Be要咗杯跟餐免費嘅濃情朱古力～滿滿可可味仲好有嚿cream～正😍反而妹揀咗加$14嘅果杯Oreo奶昔就麻麻地🙈)跟住重點主食非常之咁好味！認真不得了❤️❤️❤️.烤美國安格斯牛板胛 $278Grilled American Angus Blade Steak點咗五成熟～切出嚟紅心剛剛好但無血水😋牛味夠濃之餘而且一啲都唔韌😋拌碟嘅配菜無論薯仔小蕃茄秋葵都好食哦～.Catee's 香煎海鮮拼盤 $278Catee's Grilled Seafood Platter呢個夠哂豐富～share食啱啱好🍴有三塊魚扒兩隻青口一隻大蝦幾隻細蜆～夠鮮味又煎得出色～同樣拌菜一樣好食～.過咗個好chill好滿足嘅一晚^^(食飽飽再番屋企吸個貓就完美😆😆)下次喺荃灣諗唔到食乜又想享受吓美食嘅話～必回頭再食呢間💕

Catee是以貓為主題的佈置，鍾意貓嘅朋友就最適合。而且餐廳燈光環境都好有格調，亦都適合鍾意飲酒的朋友，氣氛一流。先講講菜式，個人最為鍾意係烤美國安格斯牛板胛，我哋order了五成熟， 有濃郁的肉香之餘，juicy嘅肉汁亦相當出色，廚師烹調嘅時間烤得剛剛好。之後再嚟小食拼盤，好滿足！有好多款食物，雞翼、青椒、薯條及魷魚鬚。整體都不錯，特別係雞翼炸得香口，而且炸青椒亦份外驚喜，甜甜同香香的，感覺幾特別。肚餓嘅我當然要同朋友點一個酥炸軟殼蟹南瓜蟹肉意大利麵，軟殼蟹炸鬆脆，而且咬入口仍能吃到軟殼蟹的肉汁。意粉煮得彈牙，食落有口感，飽肚感十足。最後要稱讚一下餐廳的同事，服務態度友善，主動樂意幫忙，感受到用心服務，respect!

呢間餐廳已經唔係第一次食。食物質素有一定嘅保證👍荃灣區食西餐來講呢間質素算唔錯🎉係好適合喺度慢慢食...慢慢傾偈...慢慢飲嘢嘅好地方。今晚唔想諗，求其嗌左兩個set Dinner。佢意粉嘅口感係我鍾意嘅。彈牙👍個飯偏濃味，味道不過不失...不過啲海鮮就麻麻哋啦。同左個經理反映，最後佢送咗個魷魚鬚俾我哋 ，反而呢個有啲驚喜。個汁好入味👍 Service 嚟講算係咁...如果佢知道你係share食物，佢可以做到一道道菜逐個上...唔會變咗一次過隊晒所有菜上個枱度，跟住狂風掃落葉咁食完。 所以如果大家想慢活咁樣食個晚餐，呢度係幾好嘅👍

難得去荃灣行街，朋友話想食好啲見哩間好似幾受歡迎 又多好評🤣就決定試試佢入到去見到個環境幾好feel 仲有好多貓貓裝飾好啱情侶或者同朋友嚟食飯傾下計😚當日廚師推介🌟全部性價比都好高，不過去到魷魚筒已經賣曬 好可惜😭😭💙貼心位1️⃣雖然塊牌係擺門口 但侍應會主動提出如果你ok既 佢可以用你電話幫你出去影咁就唔洗行嚟行去，真係好細心😳雖然佢地價錢比起一般西餐廳較平民但一樣有西餐式嘅服務~💙貼心位2️⃣落完order個陣，侍應問我地係咪share食我地話係，之後佢即刻拎定左隻碟比我地仲話如果share食既話 咁我地會輪住上主菜比你地 免得啲野凍曬🙈一嚟到上餐包同餐湯個陣 侍應會再另外係隻碟到倒橄欖油同黑醋🥰細節位都做得幾足👆🏻餐包+餐湯(薯仔湯)一般餐湯都冇乜野好講不過估唔到佢個薯仔湯做得好濃之餘仲好滑而且仲有啲薯仔粒係入面，幾有咬口👻連餐湯都冇hea整，有誠意👍🏼👆🏻美國安格斯牛板胛哩個值得一試😍牛板胛食落好有肉味之餘仲好淋問侍應攞左啲岩鹽加落塊扒到食之後，個牛味變得更加香口😚🌟大家不妨試吓哩個方法🌟佢個洋蔥汁我攞左嚟配薯仔食🤣食落濃得嚟又唔會太咸🤤啲配菜一啲都唔馬虎，仲要有曬擺盤咁👍🏼值得一讚嘅

平時都比較少去荃灣覓食🙈經過朋友介紹之下嚟到呢一間酒吧格調、以貓做主題同埋會有大螢幕播放一啲經典電影嘅 @cateehk 餐廳雖然細細 晚市都好多人絡繹不絕👫🏽👫🏽.🐟香煎尖吻鱸魚🐟同朋友share之下每個餐都係一道一道咁送上💁🏽‍♀️香煎鱸魚係熱辣辣外皮超級脆🔥肉質滑溜 一啲都唔腥🌝少少鹽同埋黑椒調味食落都幾鮮味🙂.🐮烤美國頂級肉眼牛扒🐮肉眼扒來講非常大件 兩個人share剛剛好🍴食落都好軟腍 邊邊有一啲嘅油脂令整體更加腍身🥩呢個價錢黎講不錯吃 ☺️配菜份量都好多🤗 又好colourful 🌈.跟餐仲有餐包、餐湯同埋台式飲品🍹當然仲可以order紅酒白酒🍷🥂餐後仲有伯爵茶蛋糕🍰 食落非常驚喜☺️茶香味濃郁蛋糕又鬆軟👍🏻👍🏻呢間餐廳價錢唔算好貴 食物分量都比較多🤟🏻絕對係平民價錢嘅高質西餐🏡

香港西餐廳有好多, 但仲記得名既真係無咩幾多間.位於荃灣既Catee 係我少有記得既西餐廳, 第一係服務真係好好, 店員好nice同有耐心. 第2係店內裝修都幾特別, 英倫雜腸拼盤 (98$) 耐無食腸仔點來試下, 首先腸整無煮得過火, 油都唔算過多, 水準可見.紅色既係香港常食既腸唔多講, 白色腸係豬肉腸口感比較彈牙, 口感似係肉丸個隻口感.灰腸就比較硬身小小,但味道比白腸濃D, 個人都係中意食紅腸多D.藍莓乳酪(13$+套餐)冰磨得好碎, 飲落比較滑, 算係唔錯既一杯, 份量都十分足, 入面藍莓都十分之濃唔會只得乳酪味算係幾正. 建議可以一試!黑松露野菌意粉 (168$)其實我係為食呢到意粉而來, 之前聽講呢到意粉彈牙, 醬汁又夠濃, 今日一試同傳言一樣.不論野菌香味, 同埋松露味都十分之濃, 對我呢D比較中意濃郁既食物既人來說岩岩好!必試!西班牙黑毛豬辣肉腸炒飯(198$)醬汁煮得好好, 入味包住D飯得黎, 又痴飯. 味道香香辣辣, 黑毛豬口感比較鮮甜.我個人最中意反而唔係豬肉, 而係d飯, 煮得小小硬,夠爽口. 口感比較正!整體來講呢間餐廳如果經荃灣既話必定要試下!人均200-

終於慢慢慢慢外出晚餐了🥣特別享受晚餐時可以享用美食，彼此分享～這晚享用了久違的西餐呢🍽-這晚到了荃灣的@Cateehk 😽一進門感受到溫馨的西餐廳佈置，服務員好快為我們安排位置！ 而且還用心分享餐單呢！ 很用心！ -我們分別點了Set Dinner😻真的忍唔住要說一聲，好耐無食了～我們點了2個Set dinner, 分別係黑松露野菌燴扁意粉🍝及烤美國安格斯牛板胛🥩每個Set入面包括餐包、餐湯、沙律🥗、甜品🍮及飲品🥤淨係呢幾樣野已經覺得好抵食！ 特別一提是餐包配上橄欖油及黑醋😍開胃又好食🍞-至於主菜，黑松露野菌燴扁意粉🍝濃濃的醬汁配上意粉，香氣撲鼻而且味道濃郁～而且也有好多菇菌， 絕不欺場呢🍄-另一份主菜是烤美國安格斯牛板胛🥩服務員溫馨提醒我們要三成熟/五成熟最理想～否則會over-cooked! 我們選了五成熟呢！ 十分大份！ 肉的比例剛剛好🥳好適合牛魔王來試一下！😋而且配菜也很用心！ 推薦大家要試🍴-還值得分享餐廳當日播放的音樂很對口味🎶🎵美好的音樂伴隨美食，把煩惱一掃而空🥰📍 Catee：荃灣楊屋道73號地下

身為貓奴嘅我去咗呢間西餐廳食晚餐，幾有氣氛，周圍的畫都係有貓貓，仲有可以開酒飲，由於佢地會定期更新，所以冇一個特定嘅wine list，欲想知更多可向職員詢問~.🐟煎焗原條星斑籃子魚🐟 ($228)多魚肉，係魚腩位置多少少刺，口感鮮美！好少餐廳會原條上，場面都幾壯觀！佢處理得幾好，不會好腥，佢提供咗忌廉汁比你點，但就算吾點汁都好好食～配菜有薯仔，蕃茄仔，仲有秋葵🥗🦀酥炸軟殼蟹南瓜蟹肉意大利麵🦀($208)賣相好靚！軟殼蟹炸得好香脆，咬落真係嗦嗦聲！意大利麵份量十足，好似落左二人人份量咁，加上值得一讚佢將南瓜打成溶，真材實料吾係罐頭南瓜汁！每條麵都沾滿蟹肉！！👍🏻以上兩個套餐都係Chef’s Recommend，menu冇㗎！我估餐廳會定時按照季節調整邊種食材係最好就推出，夠曬有新鮮感。套餐會包括餐湯(呢個有少少似罐頭湯😿)，麵包有香草、竹炭，仲有沙律，甜品(奶茶蛋糕😋好清新，不會太甜，正！)，仲有飲品！(我+$16試左伯爵鮮奶拿鐵☕️好似太多冰，覺得有少少稀😉另外一杯，+$9試香桃紅茶，普普通通～）.最後，加左小食:日本鰻魚汁燒魷魚鬚（為左避黑雨，吾好意思坐咁耐😂) 口感係濕濕地，因為用