籃子咖啡店

Open Now

Now Closed

同朋友行完青山，落左藍地睇下有咩好食chill一下，本身想試隔離個間，不過實在太多人等候既關係，我地走左過來呢度，都算錯有錯著，因為相當寧靜，可以慢活一下。🎵💖同朋友各自嗌左一件蛋糕，一份芝士火腿三文治同一件沙律蛋牛角包一齊分享，朋友亦都嗌左杯熱咖啡而我就嗌左個凍蘋果汁。坐係度享受左好耐放空🤣餐廳應該屬於輕食餐廳，餐牌上既選擇並唔係好多，亦都係走簡約路線，如果係想食打卡類型既食物就唔太適合了。餐廳有室內外位置，室外位置都幾靚，始終都少去呢頭，留影下保存翻個回憶。❤️

一間cafe, 評價兩極, 孰真孰假❓當日同一眾會員一樣踩完單車搵地方醫肚, 老闆一口答應單車可以放平台, 可能已經見怪不怪🚲🏃除了飲品以外, 餐牌上食物只有三類, 意粉、牛角包、蛋糕, 偏向早餐店, 午市靠意粉勉強可以捱過, 難道晚市都靠麵包? 後來才發現我們入座時已經過了營業時間, 難怪餐廳空蕩蕩, 還以為店東在拍烏蠅🍃店東是有少許白頭髮的夫婦, 問餐牌上加"果醬"是指哪個餐加果醬, 男店主九唔搭八, 說"只有草莓醬"💁上社交平台看看發現是黃店, 於是食物價錢雖然偏貴, 但點滿一桌子☕由於是咖啡店, 友人堅持點了一杯latte, 拉花正常, 沒有失敗啊, 倒是味道偏濃, 我平時少飲咖啡也就受不了食物方面, 蛋沙律牛角包是一般cafe水準, 拿破崙意粉腸仔份量偏少, 但味道是好味的醬料包級數🍝意粉開在中環是正常價, 開在屯門呢…其實食物賣相instagramable, 加上室內吊燈裝潢很有格調, 大可打造成另一個南丫島😙🍃

先嚟總結：值得一試♥️平日經過藍地大街，未必會留意到呢間舖頭！適逢weekend大街好多人，好多出名嘅小店都排長龍，於是決定試吓呢間隱世cafe😆舖頭嘅佈置、地方同埋餐具都可以用「簡潔、乾淨」形容，其實坐得幾舒服。最後叫咗蛋沙律牛角包、卡邦尼意粉、凍嘅Americano & Latte。味道都好ok，另外一提，當日只有一位年紀大嘅伯伯打理舖頭，煮嘢食沖咖啡同埋樓面一腳踢，服務態度仲好好，respect 🙏🏻如果到訪藍地，不妨一試！

某日行完藍地水塘特地前往呢間cafe試下呢度既咖啡，有別於鬧市中既cafe,呢度有種世外桃源既感覺，好寧靜好舒適,最難得既係星期六都唔多人個人覺得奶啡既奶味完全蓋過左咖啡既味道，唔係好飲到咖啡味而朋友就點了一杯有蕃茄口味既手沖咖啡，比較推薦呢款

上星期踩單車去藍地，搵間cafe坐下。入去想問下個平台可唔可以以擺單車，我野都未講員工就剩係講一句：無位。就無再招呼我地。咁咪自己再問擺唔擺得囉，知道擺得咪等下囉。咁有人走咗，等咗兩三分鐘就執野，又係無招呼過，抹完台請坐都無句，落單又無講點落。去到櫃枱落單。男仔明明見到我想落單佢又扮睇唔到，繼續做自己野，之後老闆見到，又再叫老闆娘落單。落完又等啦。飲品價錢貴，細杯，americano 得少少酸味……好淡。牛角包就ok，不過有餡嘅包同意粉就……自己上網睇下相先決定嗌唔嗌啦。最深刻嘅係，門口有一對情侶等位。老細今次連無位都無講過，情侶就一直係度等，但明明老闆娘就睇到，因為佢俾牛角包我而我坐正門口……結果情侶等咗接近十分鐘，我相信係嬲爆爆咁走咗……仲有一件事，因為果日太陽好大，我坐正門口好熱，於是自行落窗廉（唔通等老細發現我流汗咩）。過咗一陣，老細見個廉甩咗，就想收返佢，我就話剛剛太熱所以我打開咗。佢：咁好天就吸收多啲維他命D喇！其實呢，都可以問咗客人意願先嘅。有時啲嘢唔係淨係做過服務業嘅先知點做，而係當自己係客人時會想受到點樣嘅對待。即使間舖係你自己嘅或者你根本唔憂做都好啦，你都想生意好啲

那天星期日，是全個星期最熱的一天，意想不到！當日比預期好天呢！以屯門約 28 度最高溫之下，我跟好幾位女生一起去行山！我們先約在屯門杯渡站等，由屯門何福堂附近的麥理浩徑第十段開始行，經過最驚喜又特色嘅打卡位係彩虹欄杆！ 由上午 11:00 行到 2:00，花了3小時，行到終點藍地灌溉水塘！她們帶路，一起走到藍地大街的一間咖啡店 <藍子咖啡店 Cesto Cafe>！價位拍得住連鎖咖啡店，勝在餐桌不多，地方顯得空間感充裕，老闆的服務態度又細心！就算我第一次來，也帶給我一個良好印象！可是，洗手間暫停使用，當時，我唯有做，等待回家才去吧！這裡先付款下單，稍後，食物便會送上！吞拿魚牛角包 $32吞拿魚牛角包本身已經是穩陣的配搭，店方特別加上新鮮蘋果的沙律，賣相更加吸引！ 牛角包經烘過，既散發香氣又鬆軟！塗上薄薄一層吞拿魚，巧妙以圖案唧上沙律醬，入口已是美味！熱朱古力 $38質感濃稠，香滑甜美！我覺得麵包加有牛奶的飲品，是可以快飽呢！

一直都鍾意本地制作嘅小店，今日去左藍地大街嘅籃子咖啡店，店外有戶外空間,但沒有放其他座位，應該只是觀賞作用🤗🤗感覺老闆已退休，慢活心態，而且店內客人不多，所以坐得耐都無問題，所以下次可以帶書去睇店內裝修簡潔，座位有足夠空間，如果坐滿容人都唔會有壓迫感。店內食品款式不多，有三文治🥪，牛角包🥐，意粉🍝及cake🧁，而且變化不多，三文治及牛角包種類一樣，只是包唔同左，飲品款式亦少，比平常cafe選擇少... ...火腿芝士牛角包~牛角包有翻熱過，但餡料比預期中少，味道便正常，沒有特別感覺。吞拿魚牛角包~其實跟火腿芝士情況一樣，味道正常，但餡料少到有d嚇人，真心覺得唔值Cappuccino~拉花沒特別，而且圖案不成功，感覺仍要多多練習，☕味道便一般

話說假日自己一個人冇事做踩左單車入藍地。本身想去旁邊間Cafe因為見到網上評分唔錯，但係個間鋪店面較細坐得比較迫，我又拎住部單車唔太方便就冇入到。跟住就見到呢間鋪頭出面有個平台仔放到單車 咁就入左黎啦。環境都幾闊落同舒服，老闊應該係一位Uncle ，好有禮貌，咖啡都係佢自己沖既。上網叫左Latte同一個松露朱古蛋糕，咖啡同蛋糕味道都算唔錯，個拉花都好有心思，冇其他評論講到咁差（可能我冇試意粉啦）。整體黎講野食OK，坐得又舒服，老細又有禮貌。睇唔出有咩原因俾差評。價錢蛋糕同咖啡分別都係三十幾，都OK啦。我坐左接近一個鐘都冇客入黎，可能大家都去左旁邊個間，其實呢間都不況一試，鼓勵一下。（後尾返查，原來呢間係黃店黎，詳細可以睇佢地社交平台)

一心諗住食隔離果間但偏偏又休息🤦🏻‍♀️諗住呢間都有啲人唔會太差掛入門口叔叔阿姨好nice，係有個年青人唔知是咪他們兒子就⋯⋯做人父母甚艱難Menu意粉得三種四種好快就選，姨姨仲特意問我地急唔急，我話唔急反正我黎hea嘆咖啡既～～香草野菌意粉，真係有啲耐哈哈但等待同期待唔成正比🙈意粉硬，香草汁都還可以，菇片會唔會少左啲呀仲要上碟似茶記趕上碟咁收58⋯⋯第一碟到呢碟之間都等左好耐⋯⋯哈哈我有望個錶具體係約十五分鐘😅卡邦尼是白汁樣同味⋯⋯無蛋香又唔黃又係幾片菇叫多左幾片火腿絲……收68⋯再等左好耐⋯我地等埋晒兩碟再一齊食完都未有一杯黎到🤣雖然我真係唔趕，但吹咁耐水都口渴⋯⋯溫尼拿同焦糖latte，又係等左一段時光哈哈 ，但期待佢會好飲好香咖啡但沒有🤭兩杯⋯⋯一樣味…唔～～拉花有心機既⋯⋯唉⋯我有啲擔心⋯⋯佢又唔平，又唔係特別有野打卡，煮又有點慢，仲唔係咁出色⋯⋯地點又吊腳希望好人叔叔姨姨諗諗點改善下，俾個普通評價🙈算啦

我喺藍地洗衫，等45分鐘咪搵個地方坐，39蚊嘅coffee，細杯都算，仲要唔記得落糖漿，要我問佢拎，又無開冷氣，無下次。嗰2個老闆仲要坐喺度傾舖頭嘅未來大計，算啦…一杯咖啡都未沖得好，做好啲基本工先啦

男朋友住屯門泥圍嗰邊，今日入去搵佢食個下午茶，佢就帶咗我踩單車去藍地嘅咖啡店。係咁多村屋之中竟然有一間休閑嘅咖啡店梗係入去試吓啦。我哋帶咗卡邦尼意粉$72，拿破崙意粉$58，同埋一杯Latte。意粉係較硬身的，我個人本身係比較中2硬d既意粉，所以覺得不錯，卡邦尼個碟食食下就見到有忌廉芝士未溶得晒，不過都無影響味道，幾香口，拿破崙個碟酸酸甜甜幾野味。Latte好飲，拉花好靚。整體來說，食物較為細碟既，但感覺到店主係有誠意做生意，店內播放既音樂，環境都好舒服，所以小店值得支持一下！💪🏻會再黎幫襯！

山又長水又遠翻入屯門，同父親大人食晚飯，翻屋企前不忙要試下屋企附近呢間cafe，位於藍地大街入口，成日經過覺得好chill都想試，終於有機會😎 Cesto Cafe 藍子咖啡店咖啡店裝修好簡潔，一d都唔花巧，只有8張枱左右，就算滿座都唔會好嘈。Latte☕️以鮮奶咖啡黎講，咖啡味偏濃而且唔酸，奶泡入口好滑，無諗過一間位於村口既小店會有呢個水準Egg salad Croissant 🥐 牛角包相對就比較遜色，沙律醬吱到出曬界好明顯用普通卡夫沙律醬😂 牛角包應該唔係homemade個d而係買現成再焗翻熱，不過加左蛋沙律就點都會好味既😋 咖啡店食物種類選擇好少，基本上只有幾款classic 咖啡、三文治🥪、牛角包🥐同cake🍰供應，適合想一個人晏就想靜下睇下書或者打發下時間。呢間小品咖啡店証明做得多不如做得專，只要質素好唔一定要選擇多先係好既☺️

本人經常出外進餐 雖然此Cafe選擇食品不多 最緊要是食品的味道及感覺到是人情味 今天吃的是拿破倫意粉酸甜比例ok 卡邦尼都好味和吞拿魚三文治都很好 希望小品Cafe努力帶著人情味工作

環境好，安靜冇乜人。可以係到安安靜靜坐一個下午。咖啡就比較失望，做出黎既咖啡同連鎖店 Starbucks 或 Pacific Coffee 差不多，而且更細杯。你可能會問連鎖店有乜問題？最大問題就係咖啡冇咖啡味，d 泡打得粗。不過凡事都有例外，屯門巿廣場都有一間好嘅連鎖 Coffee Shop。

好失望，開舖裝修差不多用左大半年，但裝修普通最普通嘅蛋沙律三文治都食得出廚房無熱誠，位於藍地嘅一杯咖啡要用中環嘅價錢而且餐牌上選擇唔多，雖然住在藍地，但都無打算惠顧下一次