茶茶居 (Closed)

西餐廳既裝修，中式點心飲茶～份量都係細細碟，兩三個人去食都無問題，可以食到多幾款點心～茶壺都唔係一般中式茶壺，改用西式既長咀鐵茶壺～跟傳統茶樓一樣，有一壺水一壺茶提供～香煎糯米雞，個外皮煎得好香脆👍🏻涵料方面亦好足料～燕麥流沙包，一客兩個～燕麥味唔太出，但好有流心效果，推介～松子菠菜餃，呢個好味道！料好多，個皮又夠煙un, 加埋香口既松子，幾特別既一個點心！懐舊灌湯餃～😝有少許失望！皮太厚，無湯汁咁濟，可以不試！乾蒸牛肉賣～以為同燒賣差不多，點知道原來係同傳統茶樓既牛肉球差不多～

最初以為太古城冇咗food court,點知原來相宜嘅中西快餐搬咗去商場角落頭。anyway最多人等位都係裝修新潮西式嘅茶茶居，咁斷估都係大集團出品，質素應ok gwa.同城中多間sell新派中菜嘅餐館一樣，室內佈置、餐具都要玩吓gimmick,至於餐牌選擇，就冇本人熱愛嘅卡通造型點心喇，不外乎傳統酒樓款式。整體水準不過不失咁啦～蜂蜜叉燒酥: 叉燒份量充足，醬汁香濃，滲出少少蜂蜜味，微微甜，味道都叫夾。煎糯米雞算係不錯嘅嘗試，餡料豐富，外皮用蛋汁煎香，食完夠飽但唔會滯。酥皮蛋撻可能唔係咩特別/矜貴嘢，但而家買少見少，而且本人對酥皮蛋撻有情意結，每每諗起細個食新鮮出爐蛋撻嘅滋味上圖金黃富光澤嘅蛋黃漿，配合厚而鬆化嘅撻皮，正合本人胃口，影相又靚不過咁，佢呢度出菜都幾慢，效率有待改善，每樣點心又得2件，多啲人share都唔夠食。

太古城4期的美食廣場令我們這些上班族多了不少好選擇。尤其有即蒸點心更是少有。即使沒有飯腳，也可獨個兒品茗，因為大部份座位都是food court格局，這天也有不少同是單獨來吃午餐的茶客。第一次光顧，試了一煲鳳爪排骨蒸飯，比想像中大煲，無論是肉或飯的份量都很夠。飯亦比一般的軟身，加上排骨夠腍又不太肥，整體令人滿意。雖然每位收茶錢6大洋，也很合理。本想叫碟青菜吃增加吸收纖維，但不試試這裏的點心似乎說不過去，最好點了份茄湯鮮竹卷，一客有2件，湯底有點油，鮮竹卷主要是素菜沒有肉，餡料頗爽口，但腐皮浸得過稔。以價錢而言，這餐茶算不錯。

美心皇宮變了美心自家Foodcourt。Foodcourt裝修設計不錯，有多間不同食店，應該全是美心自家品牌。今次先試點心。整體算是中上，但地面清潔要改善。

第一次黎試下，星期六關係超多人，此店位於美食廣場內，叫了叉燒酥，叉燒餐包，煎糯米雞，排骨蒸沙河粉，花膠杏汁豬肺湯，菠菜素菜餃，叉燒酥有陳皮香味，唔錯，但好細粒，叉燒餐包好細個，偏甜，其餘嘅都係好一般，份量好細食完係唔飽。服務態度亦都唔好，有位四眼嘅後生男侍應，竟然大力拋低份點心，似發晦氣咁，送其他食物亦同樣態度，我望佢幾眼，佢直頭想發惡！唔想做可以直接辭職，唔好幫公司倒米！ 地方嘈雜又窄，唔會有下次。

牛🐂筋腩蒸沙河粉茶茶居的點心, 主食全部都係細細份, 一個人去食又得, 三五知己去食的時候, 又唔洗擔心邊個唔食邊樣, 自己一個食晒成碟都得.廚房由一般中式封閉式廚房改為開放式的玻璃廚房, 清楚睇見廚師們處理食物, 既食得放心亦吸引食客們的眼光.現場還有即製自家沙河粉, 可以在玻璃櫥窗外睇住成個過程….好鬼正! 所以我都唔執輸叫返個嚟食.牛筋腩蒸沙河粉 – 牛筋腩煮得很軟身, 而且入味, 主角 – 沙河粉吸收牛筋腩的精華醬汁, 而且帶有米香, 與現成的沙河粉有明顯分別, 非常出色

今晚黎到太古城美心集團旗下新開的TREATS foodcourt, 揀了這間Cha Cha Room試下一人自樂的廣東點心菜🍲這裡由廚房玻璃外可愛的畫風, 到餐具、墊枱紙用上漫畫風的設計, 都韭常吸引食客的眼球. 「晚市自樂餐」有4款點心+主食+菜 ($78),  而點心和主食各有3-4款選擇, 睇張餐紙上的款式就知啱哂鍾意樣樣食一點的貪吃鬼!我的「晚市自樂餐」~  點心以荔甫炸芋角和檸香叉燒酥最有Fusion驚喜, 炸芋角入面有芝士, 而叉燒酥充滿啖啖檸檬味, 將傳統點心加入西式元素, 為點心的味道加添新意.另外也點了乾蒽豆豉雞煲 ($78), 雞本身不太有雞味. 靠調味醬料帶出, 而且略為油了一點.「晚市自樂餐」這個專target一人的點心餐單設計, 份量剛好. 加上又有菜的健康配搭, 女生會喜歡, 而且比起小菜扺食得多啦!