叁茶陸飯

Open Now

Now Closed

本身想返大陸食烤魚雞煲，但工作要OT咁就喺附近揀一間餐廳食，本身唔係好食得辣嘅，咁就嗌咗個奇味雞煲就唔辣嘅。其實都算係抵食既，一個雞煲加兩碗白飯 唔計+1都只係$200有找👍其實兩個人食都夠飽，但我自己比較大食就試吓嗌個出前一丁配搭奇味雞煲汁食🤣🤣整體來講價錢合理亦都雞煲好食同埋環境舒服，侍應亦都比多張枱我哋，值得一讚

今晚收工同女友食晚飯，女友話想食雞煲咁就喺OpenRice度搵到一間叫叁茶陸飯嘅餐廳就嚟試吓😁😁咁就叫咗個胡椒豬肚雞煲同埋一個客家梅菜紅燒肉。整體食評：食物上菜速度快，服務唔錯，可以再黎一試

16-12-2023（Sat）同老公，亞姨一齊送完膠食晏，經過之前食過嘅呢間（食評係喺2021年1月12日刊登嘅呢篇:https://www.openrice.com/zh/hongkong/review/%E6%AF%94%E8%BC%83%E5%90%93-e3911510），於是又再試。我哋坐低睇完menu，決定叫兩個假日午市套餐同三杯嘢飲share食，就要咗:5.-6. 套餐中嘅熱南投小農紅茶少甜同熱彰化茉莉綠茶少甜分別係亞姨同老公飲，端上嚟我嗅到好香紅茶味，而我冇飲到，佢哋亦冇comment。7. $32.00嘅QQ寒天芒果綠茶走冰由於天氣有啲凍，而呢個係冇熱飲，經理就幫我走冰。寒天都幾多不過唔煙韌，成杯嘢都唔太甜。3分每個餐都跟一款前菜，但唔知點解俾咗兩款，係木耳同萵笋，兩個爽口，不過對我嚟講係辣，少啲辣我就啱啱好。3.5分2.$68.00嘉義雞肉飯配油菜雞肉都幾多，又唔太濃味，ok嘅。3分4. 加$35.00配加肉臊燙青菜份量少，索價$35.00有點兒那個。而菜係生菜，肉臊味道都唔太濃，可以嘅。3分3. 加$26.00加配鹽酥杏鮑菇炸漿薄脆，唔太鹹，杏鮑菇juicy，唔錯

行完街搵嘢食，正值聖誕前，周圍都好多人，呢間餐廳唔使等好耐就揀咗呢間台式餐廳。2人叫咗兩款小食和兩款小菜。炸小饅頭 - 一口幾好食，金黃色而且脆卜卜，鬆脆可口。皮蛋豆腐 - 味道不錯的，略嫌皮蛋太大舊和有點鬆散。小菜酸菜炒牛肉 - 好大碟和好豐富，不過覺得好鹹，我哋點選唔辣，淨係酸菜嘅酸辣味道，唔係好食得辣嘅人都會覺得好辣。小菜臘味炒芥蘭 - 呢碟都係好大碟，味道幾好和適中，菜和臘味都係一樣多總括環境幾好，上菜快，環境幾舒服，座位唔算寬敞，晚餐價錢相宜。

今日行完IKEA 餓到不行了！一落電梯見到喱間餐廳，台式餐廳，門口牌見到有羊腩煲！天氣又開始凍凍地，就試下佢啦坐左落去環境又幾好望到街，見到都幾多人食雞煲 酸菜魚。叫左個鳳梨蝦球同糖醋排骨比小朋友，小朋友最中意食甜甜酸酸有沙律醬到主角啦羊腩煲望落唔似好大煲，比多張你地睇嘩原來有咁多肉係個底到，唔似其他地方d羊腩煲咁，散哂又碎哂！ 真係估唔到一間台式餐廳做個羊腩煲可以咁出色，服務幾好全程有伙記同著黑色恤衫唔知經理定主任幫你睇住會唔會太大火洗唔洗加湯咁！ 熱紫薯珍珠奶茶，做到好似咖啡有拉花！幾靚

友人不止一次推薦這間台式店，說她食物的味道很不錯，而且價錢相宜，份量很多。適逢看到外賣平台有優惠就即管一試。點了一個午市套餐 SetG 台式蔥油豬扒乾拌刀削麵 $51（原價$87)雖說是套餐，但只有一份麵及炸豬扒， 不包飲品。 外賣盒一打開，看見這個似乎經驗幾許風雨，亂成一團的豬扒，已經不大開胃。再看看其份量，說好的「價錢相宜且份量很多」呢？？實不相瞞，這是我吃過多間台式便當，份量算少的一間。 但價錢不是最便宜。再試試其豬扒的質素外皮勉強算脆，但不太熱。肉質是又乾又柴又韌。豬扒略有調味，雖然有蔥花點綴，但毫無蔥油味。很失望的我，唯有寄望那份乾拌刀削麵 吧。乾拌刀削麵的部分期望中的蔥油香氣，打開，沒有麵的顏色像是不錯， 應該下了不少老抽。夾起來是一團團的，雖知如果點「拌麵」外賣，難免有這些情況，但問題是，即使我再如果用力拌勻，也不太奏效。很乾的麵沒有味道，一點蔥油的鹹味也沒有。可幸的是麵體煮得剛好， 不會太硬未熟，也不會太軟，但沒有應有的咬勁。還有一點可取的是，店家送上一條青綠的菜，雖則是冷冰冰的，但她這份為我的健康著想的心， 令我不至於跌到谷底。但毋庸置疑，是很差的外賣體驗。

以為他是台式，但台款不是很多，連我最愛的鹵肉飯都無，反而中式、川辣多些，坐的環境境不錯，服務就正正常常啦！因為吃的人不多，最後點了台式香腸炒飯及蝦卷，其實兩款都好食，可惜蝦卷晤熱，但價格偏貴

間唔中都會係荃灣搵野食，呢間叁茶陸飯都開左算耐了而且水準都仲保持到所以間唔中都會黎食，佢個午餐menu都算多選擇。今次點了台式鹵水拼盤飯，有雞翼，豆腐，牛肚，蛋，熱烏龍茶。呢個鹵水味道算是好味，而且整個份量都算唔小，牛肚唔算太林，所以口感可以。雞翼口感就無咩特別正正常常。熱烏龍茶，唔算是太淡，ok可以接受的。而且環境都算舒服同寬敞。總結黎講，呢間台式餐廳間唔中都會黎食亦有吸引之處，呢度要加一，抵唔抵就見仁見智了。

今次嚟到買傢俬順便喺附近尋覓美食，呢間餐廳主打台灣嘢食，不過我見都有酸菜魚雞煲等等嘅食物，仲有甜品可以食，見佢夜晚九點幾都有8-9成出席率，咁我都試吓食呢間啦！今次叫咗個台式滷肉飯，台式牛肉麵同埋椒鹽爆漿雞髀卷。台式滷肉飯雖然唔係好大碗，但係都好夠食！重點係非常有驚喜，極之推介！滷肉肥瘦比例啱啱好，而且滷得入味唔會太鹹，而且佢比嘅滷肉非常多，每一啖飯都可以食到滷肉嘅味道，食完一啖之後好想繼續唔停口咁食，我淨係食呢碗滷肉飯都已經好滿足haha 台式牛肉麵牛肉有四大舊份量都幾多，而且整得好洗淋好入味。湯底清甜飲落喉嚨好舒服，再配埋甜甜既白蘿蔔非常開胃！而且麵質彈牙係我鍾意食嘅口感。椒鹽漿爆雞髀卷椒鹽好難唔好食haha所以呢個係好食嘅！新鮮炸起上枱熱辣辣增添美味，腐皮包住雞髀肉，外脆內軟，一碟有四舊都好夠食

荃灣好食嘅食物有好多，呢間係我飯堂😂長期都保持水準，很有台灣的風味❤️✨香酥雞扒配白飯雞扒炸得好酥脆，但唔會好乾身，仲有保留啲肉汁，食完都唔會好口渴👍🏻✨糖醋魚柳配白飯可能雞排太好食🤩，相比之下魚柳比較普通，但個汁酸酸地都好啱配飯😋整體嚟講以lunch 性價比都算唔錯，因為加少少錢就可以加配珍奶或其他飲品，飲過佢啲珍珠奶茶同埋奶蓋都唔差😋餐廳都算大間，lunchtime 多人都幾嘈，想靜靜地chill下既人可能要tea time嚟好啲😂

好味指數😋😋😋回頭指數 ⭐️⭐️開心指數🤗🤗🤗 Weekend 去荃灣逛，下午茶時間未諗到食咩，因為唔想太嘈吵多人又擠迫，見到呢間店感覺都幾舒服，就去試吓！因為假日只有午市套餐冇下午茶，見到D item 都想食，都冇特別理係咪下午茶。🍴台式牛肉麵（$86）其實同正常價位差唔多，不過有一杯南投小農紅茶或彰化茉莉綠茶。牛肉麵湯底正常， 牛𦟌份量okay都鹵得入味又夠淋，麵都幾爽口，唔錯！ 菜脯同雲耳涼菜都幾好味～🍴招牌排骨配白飯（$78）排骨都幾大塊，炸得好香脆，不過乾咗少少～🍴南投小農紅茶加珍珠（+$5）茶味唔夠香，珍珠煮得唔錯有咬口。🍴小農珍珠奶茶（+$19）茶底一樣，唔夠茶香，用奶精勉強搭夠個味！🍴熱小農紅茶拿鐵（$29）都係茶底一樣，因為用鮮奶冇奶精咁濃味，變咗成件事再淡D！餐廳夠闊落，下午茶時間雖然將客人坐埋一邊，有D 位唔俾坐，但都坐得舒服。不過遇到隔離檯有小插曲，客人睇到餐牌先知道有最低消費$50唔計加一，客人想叫$4x 嘅嘢唔得，要佢叫多個小食搭夠數，我觀察到店員嘅態度都唔係太好，令個客人火上加油話「幾蚊我就咁俾你啦」嘅說話，最後客人好嬲咁走咗。睇一睇餐牌，佢嘅甜品係$3x-$

都有一段時間冇嚟，正好在附近行街於是就過嚟食晚餐。平日晚餐時間到，不用等位可以直接入，相比起之前感覺明顯人少咗好多，下單後等咗10分鐘就有了。塔香鹽酥綜合拼盤 Assorted Taiwanese Style Deep Fried Appetisers 前菜揀咗依個拼盤可以一次過滿足幾個願望，台式香腸十分juicy，咬下啖啖肉汁花枝丸鮮味十足，鹽酥雞和甜不辣在搭配外層淡淡椒鹽香重點都係蒜片，搭配一起吃不會太辣之餘令椒鹽味更香。不過可能反潮鹽酥雞有部分不脆鴨血腸旺(煲) Stir-fried Pig Intestine (Liver, Blood Jelly) 台式的辣偏溫和不嗆，鴨血嫩滑，搭配韮菜及芽菜令口感層次豐富，配飯一流不過略嫌配菜款式偏少，性價比不太高。蚵仔煎 Oyster Omelet 不太似蚵仔煎反而似蚵仔煎蛋。蚵仔十分嫩滑鮮甜也比普通蚵仔煎較大粒。不過蚵仔煎精華在於個醬汁及煙韌麵糊，醬汁可以，不過沒有麵糊口感有啲可惜台式鳳梨香腸蛋炒飯 Pineapple and Taiwanese sausage Fried Rice 相比其他菜式較正常，鳳梨香氣滲透到每粒飯，另外因為鳳

三年沒有出國了，有時候會特別想念台灣的美食。今天跟朋友去了荃灣一家台式餐廳，餐廳環境很闊落裝修很新穎。食物的選擇很多，還有平時比較少見的台灣家鄉菜。當中以鳳梨蝦球最讓我感到驚喜！香港人比較不常接觸，可是曾經在台灣短住過的我被台灣朋友影響下，吃過就愛上了這道美味小菜。所以看到有就馬上點了。鳳梨加蝦球的組合十分配搭，鳳梨份量超多，酸酸甜甜的，蝦球爽口彈牙。面上再淋上沙律醬汁配搭繽紛色彩的朱古力碎，看著讓人感覺特別歡樂，味道也酸甜討喜，十分開胃。我們也點了一道台式小食拼盤，裡面有鹹酥雞、台灣香腸、甜不辣等。 鹹酥雞炸得香脆，可惜調味稍為淡了一點，椒鹽味如果再重一點就剛好。香腸配生蒜是台灣人的吃法，是以前在台灣餐廳聽老闆教的，加了蒜片後味道大為豐富。以前很喜愛吃台灣三杯雞，這道簡單而美味的菜色絕對非常好下飯。醬油味濃，特別喜歡是餐廳加配了很多九層塔，香味突出。餐廳沒有限時，很適合跟朋友來個聚會呢。我們坐了一個晚上，邊喝著桂買紅棗茶，甜甜的一口接一口，解渴養生。大家暢聊了很多，感覺真棒。

第一次來吃這家，之前就想來了但是一直沒空，今天是在金山行山，下山是葵湧，然後搭巴士去荃灣站再走去大廈，餐廳環境不錯也不是很多人，菜品種類多除了這些炒菜以外還有烤魚，味道也不辣，合適！

一家大細外出食飯，揀食台灣野大人細路都有岩食既野講下個環境先，座位闊落，坐得得好舒服，但冷氣超級凍🥶另外，上菜速度勁快，落左單唔夠5分鐘，全部上晒枱😂咁岩我好肚餓，所以即刻覺得好加分🤭頭盤叫左個皮蛋豆腐同埋古早味滷水拼盤皮蛋豆腐 - 我第一次食，好有驚喜，皮蛋同埋台式嘅醬油膏，鹹鹹甜甜好好味，豆腐加埋肉鬆，再點醬油膏好醒神開胃古早味滷水拼盤 - 成碟滷水嘅料都係偏硬，滷既時間唔夠，個人鍾意食比較軟身既滷味，但味道係唔錯嘅，除左豆腐，因為呢隻豆腐外皮似豆乾，入面係軟淋淋既感覺麻麻地台灣蔥油雞扒乾拌刀削麵 - 雞扒同一般台式鹽酥雞扒冇乜分別，外皮都係好香脆，唔會有油溢味，唔錯。至於咁刀削麵偏軟身，味道方面好淡，我要加埋皮蛋豆腐嘅醬油膏食先覺得夠味台式香腸菠蘿炒飯 - 呢個飯最受小朋友歡迎，炒飯粒粒分明，香腸嘅味道係平時食開台灣腸嘅味道，甜甜地咁，而菠蘿食得出係新鮮菠蘿唔係用罐頭菠蘿，呢個炒飯好推薦！飲品方面淨係叫咗杯茉莉綠茶加珍珠，冇少甜嘅情況下竟然唔會偏甜，淡淡嘅茉莉茶香加煙靭嘅珍珠，整體黎講滿意。