茶狼 (Closed)

手搖界近期大熱是黑糖珍珠鮮奶，似乎已經無咩人討論飲芝士奶蓋，加上飲過幾間味道都麻麻，對香港的奶蓋都比較失望！星期六去完大館，剛好見到電梯旁有新開的「茶狼」，忍唔住一試！芝士奶蓋四季春（$30）價錢偏貴，一拎上手就見到奶蓋好足料，差不多有成1/3杯，認真是有誠意的，先試奶蓋，好飲！芝士味濃，唔會太鹹，而且夠滑，好正！由於Cyn係螞蟻人，所以叫了全糖，相信怕甜的人會覺得茶底偏甜少少，不過對於我來說是非常剛剛好的，加上飲落有種淡淡的清香，加分!!

食完飯經過呢間茶狼，之前未試過，咁岩見到有蜜瓜味既限定野飲，於是就行左過去。晚飯後既時間都唔少人排隊等。點左奶蓋蜜瓜茶，蜜瓜味好清香，個底有蜜瓜蓉，不過我揀左微糖，味道就比較淡，要撈埋奶蓋先比較好味。

係中上環附近，賣台式飲品既店多不勝數，但我不時都會黎茶狼幫襯弄！因為佢既西柚茶確實唔錯，今次黎到見到佢新出限定版蜜瓜既新飲品，好啦，就試一試佢啦！由於午市都比較多人買，所以都等左十幾分鐘先有得飲，一飲落去，唔可以話中伏，佢為有一種淡淡既蜜瓜味咁溝左D茶，但應該唔係九洲蜜瓜。又或者可能蜜瓜唔當做啦...總之就係好普通，但要買到$43一杯！其實附近$40以下大把選擇，所以下次再黎幫襯，都只會飲番西柚，始終有保証！

茶飲店之多有如便利店, 總有一間在左近。雖然茶狼於銅鑼灣開過pop up store, 但始終未能一試, 畢竟茶飲店越開越多, 試極仲有。來到中環, 就近的只有茶狼未試過, 就趁此機會試試。日本岡山巨峰提子白露茉莉奶蓋茶 $45茶狼正推出限定發售的日本岡山巨峰提子白露茉莉奶蓋茶, 被其紫色吸引, 即管一試。奶蓋頗濃稠, 味道尚可。雖然點單時特意要求少冰, 但冰感依然十足。喝了一口, 冰凍感直衝上腦, 頭痛啟動。未知是否太凍的關係, 感覺味道十分淡, 杯底有粒粒提子, 是唯一亮點。總括來說, $45一杯, 只感到冰凍而味道淡且不甚突出, 性價比不高。

1. 鮮甘蔗奶蓋青茶(微糖少冰)（＄32)🧀🍵香滑嘅芝士奶蓋淡淡嘅鹹味同鮮甘蔗嘅甜味互相融合，好滿足，飲落去，會慢慢滲出青茶味，雖然叫左微糖，但味道都好足夠彤樂評分：8/10＿＿＿＿＿＿＿＿＿＿＿＿＿＿＿＿2. 水果四季春(微糖少冰)（＄36)🍎🍐🍊🍇🍓☕四季春茶味好突出，一飲第一啖有好香濃茶味，但另一邊又好失望，因為一種水果嘅味道都飲唔到，有啲唔明點解排到第一位😥彤樂評分：5/10

做完運動口渴，經過茶狼，買左杯四季茶飲。🍎🍊🍐🍅🍵不錯，有果味，又有生果，不太甜。😋價錢$36都算ok。下次試下佢既芝士奶蓋茶，都幾吸引咁！而且地點就近。

一層厚厚既芝士奶蓋 點到人地唔抗拒呀！☺️啜一啖奶蓋 鹹香味好夠 淨飲面頭既奶蓋已經好飽🤪至於茶呢 就冇乜 😵小編向來嘆開茶 一試便知龍與鳳呢個茶底淡到冇乜味 如果能配上濃濃既烏龍會更好🤔

5-9月係桃嘅季節，自從食過日本桃，甜而多水，就欲擺不能，每年都要食～茶狼推出了期間限定～日本山梨縣鮮桃四季春🍑睇圖已被吸引，就試一次吧，第一啖有香甜桃味，感覺真的像在食桃呢，它打得有點沙冰感覺，喝下涼爽。之後就會慢慢有茶味，很好喝，本身喜歡喝茶多過果汁汽水，而坊間極少可以飲到茶味的飲品。所以極度喜歡這間店～而這個期間限定亦值得一試❤️

岀去食晏既時候經過茶狼，已經諗定一陣要買黎飲。食完晏行返去3點幾，冇乜人得兩三個就到我地落order。埋到去一睇先知冇左好好飲既鮮桃茶😭😭依家轉左係日本岡山巨峰提子。唉！見佢係seasonal限定發售就買黎試下啦。等左十分鐘終於有得飲。朋友杯柚子普通啦，喜茶好似柚味重d好飲d。我杯微糖巨峰飲落幾有提子味，間唔中仲會吸到d提子肉。不過放耐左飲好似會有少少喼。整體黎講杯巨峰都ok既，但同桃茶就爭好遠。可惜丫，桃茶已經冇得賣。

小編今日終於都試左呢間茶狼、次次經過都爆多人，今日早食飯經過見到大約4、5個排梗就一於試下啦見到佢地有個日本直送巨峰提子茶，小編order呢個而同事order豬士奶蓋小編覺得茶味勁濃郁可惜巨峰就唔太突出，拎我突然唸起兒時回憶添，如果太多牛奶味朱古力味冇定企、等到朱古力味翻返黎牛奶味又唔爭氣真係，細個ｏ個陣係最開心既同事話佢杯嘢奶蓋味好夠反而茶味不足wor，any肥，大家一致認同回頭率頗低、持中等評價

“茶狼”最初是在希慎popup時已經飲過，之後轉到在中環開第一間分店，我都是昨天才第一次再幫襯，現在茶狼已經再開多了2，3間分店了，想飲茶狼都非常簡單方便。今次嚟飲一杯🍇巨峰百露茉莉茶，是期間限定飲品， 甜度適中，冰量剛好，不會太凍，味道都可以，仲飲到有粒粒巨峰提子果肉添呀😁😁。好友就飲鮮甘蔗青茶🍸，少甜少冰，朋友話清甜解渴，飯後一杯可作消滯之用😆😆。現在開了很多不同品牌的台式飲料店，而且黑糖鮮奶飲品都比較火熱，但茶狼堅持做水果茶及奶蓋飲品為主，飲品質素都keep都好好，下次我都會再嚟幫襯佢哋嘅期間限定及水果茶飲料。

之前飲過白桃茉莉花茶走左甜之後都有桃既清甜十分清香！今日想去再買原來已經冇出結果試左新限量發售既巨峰提子奶蓋！樣就係咁既！其實濃淡紫色既飲品都好夢幻一啖飲落去滿滿既厚奶蓋芝士味濃厚而不膩 飲多兩啖都唔覺肥～咁當然啦 其實真係好肥既⋯下面既巨峰提子係有真果肉雖然冇人知係咪真點巨峰但食落的確清甜完全不帶酸同茉莉花茶混和一齊一樣好夾！所以大家真係把握時機黎試下啦！！！我覺得同喜茶既芝芝桃桃個類完全有得揮！至少喜茶未有巨峰

落左幾日雨最近又開始熱番嚕😙好需要飲杯清涼嘅凍飲chill下😝如果唔係幾時先等到星期五😭今次就試下公司附近間茶狼嘅 #鮮甘蔗青茶🍵嗯...已經要左少甜 (70%)，但係飲落對我黎講都係有啲太甜☹️因為果隻甜味唔似只係來自鮮甘蔗嘅甜，而係有小小artificial糖漿嘅甜，飲左半杯已經唔係好想飲落去🤦🏻‍♀️唔知加奶蓋balance番會唔會好飲啲呢🤔都係我上次飲果杯期間限定嘅日本鮮桃四季春奶蓋茶好飲好多😭

係茶狼初初登陸既時候就聽到朋友的極力推介，今次終於經過其中一間分店，經過考慮再考慮下(就是有選擇困難症)最後揀左碳焙烏龍奶蓋茶Order後等左一陣，等待途中我留意到蠻多人叫水果茶的！我的茶弄好了！取茶後腦袋出現了很久沒有過的期待！一口喝下，太好了，沒有令我失望的茶！是我喜歡的，茶味夠，跟茶上的奶蓋很配！飲了幾口茶後，望到有幾款蛋糕賣，想了一想....忍唔住買左一件碳焙烏龍芝士蛋糕返屋企，蛋糕一樣都係咁好味！因為返到屋企太心急食，竟然唔記得影蛋糕既相！唔緊要，下次補返

每次跑完經過都很想買一杯來喝。但每次都很多人排隊。不得不打消這個念頭。難得這次不使排。咁啱有朋友說它期間限定的日本桃桃四季春茶超好飲。好👌一人一杯試下佢。我選了四季春茶 說是主打。應該算是吧。事關酸酸甜甜 沒有什麼不好。很隱陣 不過欠缺驚喜。可能之前已飲過類似的吧日本桃桃春茶真是超讚。味道很鮮甜。看來好像落得很重料。不過桃味蓋過了茶味。但都很滿足而且他細心位是有一支長叉給你飲完來拮水果吃。叉子很靚。我用完回去洗乾淨循環再用😬