茶狼 (Closed)

聽過好多friends試過都話好好飲，今次同friend經過，終於可以試吓啦！呢間好似比較出名芝士奶蓋茶，但係都有好多款，款款都好似好好飲><有選擇困難症嘅我真係好難揀呀！不過我見到之前有post介紹過鮮甘蔗奶蓋青茶，而且佢隔離仲有個V手勢，應該唔錯掛？😂而且鮮甘蔗同青茶聽落好似幾特別，其他店都好似冇，加上朋友嘅推介就試咗呢杯啦！鮮甘蔗奶蓋青茶 ($32)好特別！之前都飲過好多杯芝士奶蓋乜乜茶，都飲到悶悶地，但呢杯飲落係好清甜！所以無咁漏！估唔到甘蔗同奶蓋係會夾嘅。不過我覺得呢杯係冇乜茶味嘅。雖然話係芝士奶蓋但係唔係好飲到芝士味，但係都有陣鹹香，不過個奶蓋都好正，creamy, milky, 而且好厚，所以飲到最後都仲有奶蓋！總之總括來講呢一杯係一杯都幾特別嘅嘢飲，新奇嘅組合，但係味道又出奇地好喎！可以一試！

[ 新品新品 | 天啊！係桃啊！🍑😍]••有日一早睇fb見到茶狼係九龍灣開分店🏭仲出左桃味‼️即刻叫男朋友搵日同我去九龍灣(好遠無乜機會)，點知當日放工就有人買左黎比我❤️(超驚喜！之後先發現原來所有分店都有😂)⋆ ⋆ ⋆ ⋆ ⋆🔹鮮桃四季春奶蓋茶($45)⭐️8/10係超級夢幻既粉紅色啊😍💕 最近係桃既季節，寫明係用日本山梨縣桃新鮮製作🍑飲落桃味清甜，絕對唔係糖漿味👅加埋茶味，仲有啲沙冰❄️超岩夏天飲！我地去地鐵站既短短路程已經飲哂😋入面仲有好多幾大粒既桃肉，不過桃肉太大舊，塞住飲管🥤奶蓋今次有點淡，但都好好飲👍🏻-🔺點解茶狼成日都出我鍾意既生果限定架🤤-

茶底很重要所以要講3次。其實已經係6月嘅事，當時仲未有咁多間分店所以仲以為係小店。加上冇乜人排隊，抱住一試心態。水果四季春盛惠$36，聽聞係用台灣高山茶，本身都有少少期待。賣相的確好靚，打卡一流。個杯好長，好似好大杯，但其實容量好細架咋，建議不要兩個人share。印象中台灣高山茶冇咁澀，清淡一點，呢個茶底太令人失望！好彩水果補救返唔少，份量夠，種類都多，算係新鮮既。裝修佈置都算用心結論係可試可不試，同樣價錢可以買到更好的。

今日咁岩去左中環食野，諗起呢排見人成日post茶狼既鮮桃茶，就衝左去飲，呢杯鮮桃奶蓋四季春 $45，要左30%甜，無令我失望，有茶味之餘，桃香十足！飲完成個口都香噴噴！仲有果肉！呢個甜度都岩岩好！期間限定架，有買趁手！超正🤩7點半左右仲要唔使排隊！正！$45係貴左啲，開頭都有少少卻步。。但係見咁多好評，要try! 作為日本水蜜桃愛好者既我，更加要飲！隔離杯水果四季春味道顯得普通🤣水果味較輕，同樣少甜，味道較淡，飲完甜既桃茶係會容易有比較！

茶狼popup完一輪，開始陸續多分店，原本興趣不大，不過最近見唔少人分享，襯桃當造時節，茶狼都趕上推出桃茶，成功吸引左我。桃嘅手搖杯我只係試左喜茶同一間已經執左嘅本地茶飲。難得過海，就去會一會狼。中環店位於扶手電梯附近天橋口，位置便利。假日關係，約莫有十人排隊，仲有好多遊客，見人排又走去排下餐牌供應果茶、芝士奶蓋茶、冰滴茶、冷泡茶等，定價$22-48，一律大杯裝。難得見到有飲品店係沖泡比買飛快，一來收銀店員唔夠效率，二來一部份人係埋到位先慢慢諗買乜，再慢慢攞錢。所以我淨係等買飛都差唔多十分鐘，反而等左一陣就拎到飲品。日本山梨縣鮮桃奶蓋茶 $45用日本山梨縣鮮桃製作，屬於限定產品，鮮桃系列可配四季春或奶蓋茶，相差兩蚊。奶蓋質地稠身，底層為桃汁，而非沙冰底，所以倒入奶蓋後，都會快速向下流，承托唔到奶蓋。慶幸我呢杯都算整得幾靚仔，分層明顯。純奶蓋除左有奶香，都會有少少鹹味，可能我飲開喜茶產品，相對之下呢個已經係正常鹹，算係香港飲過合格嘅奶蓋桃汁確實香甜，糖水感唔重如果買杯桃茶唔甜，你又話唔抵啫，哈哈，真係好怕甜又要飲嘅就建議少甜啦。認同茶味較弱，不過都係預期之中，又不至於話弱到完全感覺唔到，

我是一個奶蓋茶控，今天是來中環吃午餐的，但是在走去餐廳途中看到從前的雪糕店已換成這間茶狼，就看看有什麼好喝。。。因為今天天氣也太熱啦！一看menu，我對夏日限定沒興趣，看到奶蓋還要是碳焙烏龍奶蓋茶，二話不說就點了這個。這麼熱的天氣，喝杯冰茶，真是很爽！拿到了，店員跟我們說不用飲管也可以，所以我們就直接喝，茶味不錯，挺濃的，再配上奶蓋，不太甜，味道剛好，下次也可以再喝啊！只是，等得時候真是太熱啦，因為這裡外面是沒冷氣，又在天橋口，熱上加熱😅

中環呢間茶狼一開嘅時候成日都大排長龍，呢排終於唔洗大排長龍喇！星期日嘅下午左右，有大約5個人排隊，等咗約15分鐘就有得飲。店員推介水果四季春，係呢度嘅皇牌，用咗自己帶嘅杯仲減咗幾蚊，鼓勵環保，值得一賺冇用佢個杯冇得打卡，唯有借佢張leaflet一用四季春好清香，甜咗少少，下次可以試下少甜，水果都好足料，夠晒大杯，食埋都幾飽肚，非常適合夏天飲，健康過啲珍珠奶茶！如果下次經過又唔洗點排隊，一定會再買黎飲

鮮甘蔗奶蓋青茶($32）🎋🎋奶蓋口感Creamy而且濃稠度適中，唔會搶走茶香。一開始先飲到芝士鹹香，再到陣陣甘蔗清甜，最後係青茶嘅甘香，三種味道層次分明而且出奇地夾。

台灣嘅珍珠奶茶飲品店開到成行成市，雖然好多好多，但係每一間都勁多人排隊捧場，呢一間亦都唔例外，以🐺做logo都幾可愛午飯時間條龍排到勁長，今日食完午飯仲係咁多人排隊，天氣咁熱，經過我都頂唔住要買番一杯消暑解渴降溫！突然間好想飲芒果嘅飲品，就叫咗芒果百露茉莉奶蓋茶，人太多等嘅時間都長，嗰個地方好焗，淨係企喺度都出汗，只係想快啲拎我杯野飲，等咗大概20分鐘，就拎得，好大杯啊，飲落去好清新，芒果味香濃，有好多果肉，仲好有層次，因為佢有茉莉嘅味道亦都有芒果嘅味道，而且奶蓋同下面嘅芒果層次分明，奶蓋白雪雪，仲好香芝士嘅味道，好濃郁，一杯嘢飲有幾個層次，而且好冰涼好好味，甜度又剛剛好，可能芒果唔會咁漏，但係杯野實在太大杯了，飲完係勁飽，下次有機會再試埋其他先

一句說話總結【茶狼之日本山梨縣鮮桃奶蓋茶】前幾日見到網上有報導講茶狼季節限定新推出日本山梨縣鮮桃芝士奶蓋茶即刻心心眼於是今日放工立即第一時間衝去買杯至愛的芝士奶蓋飲第一啖已經立即上癮完全停唔到口芝士味濃厚不特止仲要鹹香味十足配上鮮蜜桃水果茶清新可口仲有幾片山梨縣水蜜桃果肉用料十足雖然同我預期佢會放半個水蜜桃果肉落去有明顯差別但至少都係有新鮮果肉好過用罐頭肉絕對係香港目前飲過最好飲的一杯芝士奶蓋水果茶沒有之一！

之前去九龍灣，見到有間正進行裝修嘅舖頭，外面圍板上有隻豺狼，店名叫茶狼，好得意咁，好想等佢開咗就去試點知今日無啦啦又响中環見到呢間茶狼，冇人龍，只有十幾個等拎嘢飲嘅人响附近等，我梗係要試試啦我問收銀員姐姐邊樣最好賣，佢話 top 1係水果茶，top 2係碳焙烏龍奶蓋茶，top 3係…由於我原本都打算要碳焙烏龍奶蓋茶，我就叫咗碳焙烏龍奶蓋茶一入口⋯奶蓋好滑好軟綿綿又好夠厚，再飲就飲到茶(連埋奶蓋)，茶…恰到好處，唔太濃唔太淡，好夾！我覺得＂無得彈＂

每次外出用膳都看到此飲料店大排長龍，令我忍不住試一下此店到底有何厲害之處。沒有港人至愛的珍珠奶茶，而是提供較清新的一眾茶式飲料。細看之下，哇，價錢也不平宜。第一次試當然試第一名的水果四季春，排隊點餐至拿取飲品約20分鐘，幸好一邊跟同事聊天等候。其實這麼長的等候時間，經過仔細觀察後，認為主要是店員手腳較慢，不論是收銀員，店內製飲品的或是叫人取飲品的員工。回到主題，水果茶內水果豐富，但有時會不小心吸到一些小小的籽，有點苦及難咬。茶是台灣高山茶，清新但茶味不濃。水果茶超大杯，如果有小杯裝便更好了，現在有點過多。總括這個價錢又要排這麼長的隊，是不會再光顧了。

茶狼又來了😍之前在ʜʏsᴀɴ的ᴘᴏᴘ ᴜᴘ sᴛᴏʀᴇ 已喝過好幾次現在終於有實體店了 還要在中環‼️.我點了微甜的水果茶的確是不太甜了 但勝在酸酸的好解膩 而且水果量好多有叉子附上可以把水果吃完很不錯.茶底是濃濃的 茶味好夠✅而且大大杯 一定夠飲👍🏻

之前在希慎的Pop-up store大排人龍今日經過中環一於試下可能商貿地方係假日較少人，今日排左幾分鐘👍呢排台灣飲品愈來愈多過江龍一係水果茶一係芝士奶蓋之前飲過水果茶都覺得好糖漿唔太中意今次一於試下芝士奶蓋(之前飲過另一間覺得幾香但幾滯)呢間芝士奶蓋幾滑同濃郁的芝士咸香味份量不多但覺得不會太膩👍今次選擇正常甜度(第一次通常都試下原味先)點知唔會太甜，覺得岩岩好 (本人不太喜歡太甜)而烏龍茶味香但不會有苦澀味配合埋芝士奶蓋，不一樣的味道十分解渴🍹🌞

午後周圍走走，見到呢間茶店條人龍差不多廿人，甘熱既中午都甘多人等，搞到我都想試試看。Happy Friday 做什麼都開心D 友人點「水果四季春」，我點「炭培烏龍奶蓋茶」，2個都係店長推介。 前者水果茶非常賞心悅目，生果五顏六色，非常吸👀，適合欣賞茶香既人及健康人士之選，皆因它也非常清淡，不是我杯茶。烏龍奶蓋茶，飲既時候上層淡淡鹹香既奶蓋，配上下層香濃烏龍，出現一個特別既味道，頗新穎吸引！如果再試，都會係它