Video
Good For
Romantic Dining
Opening Hours
Mon - Sun
12:00 - 15:00
18:00 - 22:30
Above information is for reference only. Please check details with the restaurant.
Signature Dishes
見天氣寒冷，原本相約好友去吃川菜；再考慮一下，不如試試永安廣場地下的餐廳,，貪佢夠靜，平日人少少，可以好好談心。見openrice沒有食評，以為是新開張，問侍者至知已經開咗半年有多。抵步時鬼咁凍，原來諗住冬日海旁Alfresco dining好似幾好feel，都係咪啦，一陣感冒就麻煩。步進Chaang Thai，至發覺原來跟隔離的ISHI日式酒吧餐廳是連體嬰；Chaang Thai的室內裝潢好有酒吧+Spa feel，入口旁水池餐枱加上天花吊飾及精心設計的光影效果，整個佈局型格亮麗。不過侍者堅持已有客人留枱，無計，惟有坐埋一邊。未看餐牌，開始覺得椅子舒適但size略細，放完袋放多兩件褸都有困難。打開餐牌，選擇少得可憐，每樣菜的description又唔清唔楚，有ISHI的選擇搭救都幫唔到幾多。簡約=型唔apply落餐牌度囉，尤其係侍者都未必知係咩嚟。點了炒耶苗、生蝦刺身、炒蜆、青咖哩雞及炒貴刁，整體來說賣相不錯。先來炒耶苗，耶苗鮮嫩但稍硬，獻汁惹味，口感很不錯；生蝦刺身還可以，生蝦不特別新鮮，酸辣汁亦沒有什麼特別；炒蜆配搭蜜糖、三色椒及泰式獻汁，蜆的大小適中，小妹食得津津有味，朋友卻認為太甜；青咖哩雞不過不失，雞件沒有半點雞味；最後炒貴刁非常乾身，亦沒有什麼味道。 吃的有好有唔好，餐具配置同樣是好睇唔好食，金屬筷子賣相精緻，但太重使用不便，很難控制；木匙也一樣，青咖哩雞的盛盆不大，木匙就相對顯得太大，用起來好不就手。有如此怡人的ambience，餐廳如能在菜式選擇、餐具及晚市宣傳方面多加努力，成績應可以更好。儘管評價好壞參半，要數尖沙咀靜靜談心、人不多又不擠迫、環境佈置舒適及吃便宜泰菜的地方，我還是會考慮再來的。
continue reading