陳勤記鹵鵝飯店1948 (Closed)

疫情關係第一次幫親佢外賣，出面餐牌寫外賣小菜配白飯，心諗呢個價錢，都應該係一盒小菜，外賣一碗飯另上。結果就叫咗個芥蘭炒雞球和涼瓜炒豬頸肉，點知俾出嚟既唔係整盒小菜，飯盒同出面雙餸飯一樣，分兩格，2/3裝了白飯，1/3格裝了餸菜，基本上佢係賣單頭飯，唔係賣小菜。一打開就知唔係即炒，又唔熱，食物質素仲差過出面雙餸食，份量小過人家一半，但賣緊人地兩倍價錢。疫情當下，大家都捱，但無必要連呢啲外賣錢都呃得咁過份，飯盒當小菜賣，食水咁深，搵鬼幫親。

康城食店選擇少，間間我都會試下，但呢間野真係真心唔掂，話自己係米朱連，質素完全不及茶記，性價比超低，一碗湯鹹到飲唔落，炒粉麵超多油，滷味超UN，唔入味，坐入去食野好似受罪，問侍應拎杯水遭白眼，永無下次，希望快啲淘汰呢間野

話說今日5:24pm經過諗住食下午茶，下午茶餐餐牌寫至5:30pm我都有禮貌問一聲仲有冇下午茶佢哋話有咁我話我想打個電話先2分鐘後收銀姐姐：你打完都夠鐘(藐嘴嘴藐視嘅態度)當時只係5:26pm唔想做生意就好心關門大吉啦

未來外母說最近十分想念潮州菜的味道，嚷著我陪她外出同吃，因而我便特意尋來此間已奪得九年米芝蓮的有名餐廳，帶她和女朋友好好滿足一番。陳勤記是歷史悠久的潮州店，其起源於 1948 年創辦人把來自潮州家鄉揭陽的滷水帶至本港發展，並註紮於上環的三角碼頭南北行，再時至今日已是三代相傳。餐廳從 2012 年起便致力拓展業務，現時已擁有著數間分店，而是次光顧的將軍澳店舖特色是以全新形象開設，並沿用上環的原班師傅以保留原味。儘管餐廳常有獲得傳媒作訪問，已是甚具名氣，但老闆仍是親力親為，會幫忙作拆鵝、洗鵝的程序，並堅持不用味精且食物需真材實料，其極佳的品質監控著實是不得不讚。而新店的裝潢方面可見是富麗堂皇，主要使用上簡潔的灰白色調配襯多款陶瓷裝飾，整體是屬富現代化的中式設計。西洋菜豬雜湯經每日長時間煲製的新鮮湯水飲用時少油健康，富有住家的味道，其口感順喉清甜，且有著西洋菜出眾獨特的清香。涼瓜鹹菜排骨湯湯款用料豐富十足，使用了苦瓜、排骨、黃豆、鹹酸菜、薑煲製而成，味道濃郁鮮美，鹹香帶酸，更有著清熱解毒等功效。蠔仔肉碎泡粥蠔仔肉碎泡粥是店中的主打菜，除了食材足料，使用上大量蠔仔、蝦乾、肉碎、蔥花煮製外，另一

食物方面：1）叫咗個涼瓜湯，湯唔熱，暖嘅，近乎可以用凍形容，2）鵝肉雙拼飯，鵝腎無咩特別，但啲鵝肉鞋到一個點。員工方面，執嘢竟然擺其他人食完嘅碗碟放喺食緊野嘅人枱面🙄

試買一次最基本既滷水鵝飯，差唔多成舊水，又柴又鞋，完全不合格，燒鵝既價錢，蔗渣既味道，連最基本既招牌菜都做唔好真係好難再搏試其他野。叫個咁簡單既滷水鵝反無鵝味無滷水味，難食都無計當唔好彩，服務員態度都好麻麻，感覺佢地以為自己D野好堅唔憂無生意既一般嘴臉。以為佢個米芝連D野唔好食都有番咁上下服務丫，結果係舊式茶餐廳服務水平價錢唔平，什麼米芝連是買番黎架？每次經過都只得少貓3/4隻可想然之。一次係咁先，不建議試，包你後悔。

我應該二十年前在上環飯堂就是它！可惜沒有留下照片。當時都未興电話隨身。竟然在康城再續情緣！可惜，此情不再。今天來時空空無人。地方不大只有七張柱枱。我來時剛碰上tea time食了方魚肉碎泡粥。最基本的潮州一味。可惜，味道太salty.再ordered了一杯加$8凍的lemon薏米水。但入單後，聽到厨房話講了無lemon薏米水。不久，又不知為何又有。但一飲，就知發生甚麼事。只是一杯有薏米係度的糖水勁唔ok. 只有失望而去！！

康城商場新開張都差唔多一年，大部份餐廳我都試過，其實就同出邊普通嘅大商場都冇乜分別，都係連鎖店多。而呢一間「陳勤記」冇記錯就只有上環一間老店，同時佢都係米芝蓮推介嘅餐廳。今日我哋一行四人13:30左右嚟到呢度食午餐，唔使等位。我哋分別叫咗兩個滷水鵝飯$78x2，菜脯玉蘭炒米粉$72同埋西蘭花炒牛肉$79；同時都加咗兩個西洋菜豬雜湯$8x2。滷水鵝飯啲料都幾足，起碼佢都俾咗兩塊鵝片我，鵝肉唔鹹，有肉味，好唔錯；炒米粉好有鑊氣，炒得好乾身，乾身得來啲米粉又有彈性，啲材料就普普通通，肉絲就冇乜味，我都揀晒出嚟冇食，但淨係食佢啲米粉都夠皮。最推介最推介最推介就係佢嘅湯，我明知道Mcdull飲唔晒我都叫多碗，加$8真係好抵。碗湯好足料，入面有豬腸豬脷西洋菜，全部都係正常味，唔係乾爭爭嘅湯渣，但我今次飲落就比之前鹹，但真係好飲。西蘭花炒牛肉都炒到幾有鑊氣，當然牛肉都唔係好新鮮，個人認為西蘭花炒鮮魷會好食啲，但以出街食嘅標準黎講，都屬平均以上。真係幾奇怪點解依間餐廳成日都唔係咁多人，可能都係因為佢價錢偏貴，係咁而食個碟頭飯都70幾$80。我會繼續翻兜。Mcmug綜合評分：7/10，一定要加$8飲佢個

從未食過咁鞋嘅鹵水鵝片，仲要例牌都二百幾蚊，你收得呢個價錢又米之蓮又剩咁我就期望你唔係咁低質囉。神奇嘅係佢連豆腐都係鞋咖，大佬係豆腐呀！點可能會鞋咖。你正常去鹵水鋪只會遇到滑到夾爛嘅豆腐嘅啫，點會硬到可以夾落去個形狀完全冇變過？最搞笑係個侍應主動問我地啲食物點，我哋照直話俾佢聽鞋，佢竟然叫我地下次嗌鵝脾食唔好嗌鵝胸囉！咁唔肯接受負面意見你就唔好問啦大佬！個客覺得唔好食都老憑讚你嘅咩！究竟佢啲職員有冇食過自己啲食物幾咁冇heart?!唔怪得執淨一間啦！個老細仲係咁離地，呢間都遲早執埋添呀！以後都唔會去！BYE! 👎🏻

#日出康城商場陳勤記鹵鵝飯日出康城商場新開,多咗好多嘢食。不過我就見呢一間好似酒樓，但係價錢一啲都唔貴，加特別嘅嘢飲$8個老火湯都係加$8仲要材料十足味道新鮮唔會太過鹹。我嗌咗個豆腐滷肉河粉，味道唔錯，唔太鹹，啱啱好豆腐非常之滑，檸檬薏米水材料充足唔會太甜，苦瓜排骨老火湯，真材實料味道濃郁👍🏻位置亦都非常寬闊，坐得舒服😌環境衛生，員工服務一流👍🏻地點亦非常方便，食完仲可以去睇場戲添。佢午市外賣仲有優惠添。

今日因為有野做，所以晏左食飯，老公9點到陳勤記，陳勤記話9點15分截單，咁老公就點住餸等我地黎食，今晚點左滷水鵝，香酥鴨，西蘭花炒鮮魷，蠔仔粥，瑤柱蛋白炒飯，炸雙棗，咁我地大約9點10分到野食就陸續送到，滷水鵝一般，鵝肉都幾"un"，香酥鴨炸得幾鬆化，西蘭花炒鮮魷中規中矩，蠔仔粥味道ok,瑤柱蛋白炒飯味道ok,炸雙棗味道一般，我地一家4個人，有老有嫩，嗌左野食都唔少，9點30分就俾說話我地聽，叫我地食快d,原來佢地9點半關門，其實9點半關門唔係問題，咁就唔該唔好話9點15分截單，最嬲係關埋冷氣迫人走，成餐飯由送到埋黎，到食野嘅時間30分鐘都無，埋單承惠910蚊，真係唔會有下次😥😥😥

身為潮州人，每個星期起碼都去一兩次潮州飯店，知道有呢間老店新開張，特登下午二時後冇咁多人嘅時候你試吓。去到唔駛等即刻有位坐，地方比較逼夾，枱亦都比較細，如果唔係坐咗雙連枱，嗌咗個四碟菜根本就唔夠位放，Anyway人唔太多所以都可以接受，有好多特價午餐下午茶餐，好抵，不過想試吓佢真功夫，所以散嗌左幾碟菜。先來一壺冇乜茶味嘅普洱茶，之後餸菜就陸續送上。滷水鵝片，味非常淡，碟底係冇滷水汁，肉比較乾，咬落去比較韌，不過就幾厚肉，皮唔係太肥，份量都OK，碟底嘅豆腐切得好薄，比較粗硬，係有名氣嘅潮州老店之中最失色嘅一碟滷水鵝。蠔仔粥幾大碗，侍應原本提議我哋一人一碗，我同一個老人家，嗌咗四碟菜，其實都算幾多，好彩唔聽佢講，淨係嗌左一碗兩個人分，成個雞公碗咁大，真係幾夠，講返碗蠔仔粥，蠔係幾大隻，煮得剛好，唔會太熟，粥裏面嘅材料都算豐富，整體係幾好嘅。椒鹽雙併，因為冇九肚魚，所以就嗌左鮮魷併白飯魚，上枱一望落去，以為得白飯魚，睇真啲，先至見到有幾條好似白飯魚size嘅魷魚，魷魚嘅份量亦都好少，咁嘅價錢比咁嘅份量，真係有啲唔抵，食落去味道又冇乜特別，椒鹽嘅味道又唔夠，炸嘅漿粉又比較厚，一啲都唔值。到最後

星期日朝因為睇籃球直播遲左落樓，過左11點冇早餐食，經過陳勤記，同女友講開成日經過都未試過，今次就試一試佢啦！睇完餐牌，散叫唔平，於是睇lunch set menu抵食d，揀左兩樣：鹵水鵝飯同沙爹牛河，睇睇呢d基本野好唔好食先！鹵水鵝飯先上，食落個汁就有d鹹，同埋冇乜鵝既香味，所以呢個鹵水鵝就質素比較普通，冇果種食完嘩一聲既味道.然後輪到個牛河，反而有驚喜，個沙爹醬幾香，好濃郁，牛肉亦大大塊份量夠，唯一覺得扣分既都係鹹左少少，師傅有d重手左，不過牛河依然係不錯。另外當日加$8有兩款例湯叫，我地試晒兩款，分別係涼瓜排骨湯及胡椒豬雜湯，不過飲完就覺得完全係味精湯，而且偏鹹，所以下次若果再食，就一定唔叫湯！總括黎講，名過於實，而且口味偏重味，純粹個人意見，不喜勿插！

仲記得上環潮州巷未清拆之前，多次同大學同學去幫襯。一如其名，巷內全部係唔同級數嘅潮州菜館。唔好以為只是條橫巷，就一定係平價潮州菜，其實小巷臥虎藏龍。當年香港最出名、最貴嘅潮州菜館「尚興」、「兩興」及「斗記」都係喺附近（按：現在只剩下「尚興」仍然在上環老舖維持經營），三間皆以潮州翅、金華嚮螺、凍蟹等高級潮州菜聞名。潮州巷內則是以平民打冷及小炒為主，味道並不差過三大名店，尤其潮州滷水就更加是每間店都有自家秘製滷水膽，每盤滷水大大話話都超過二、三十年，邊有可能唔好味？其中一間就是「陳勤記」，也是潮州巷清拆後碩果僅存，直到今天仍然繼續打拼的潮州滷水打冷老店。「陳勤記」始創於戰後1948年，當年上環三角碼頭一帶很多潮州人聚居及打工，創店人陳適勤先生適逢其會，紥根於文咸西街及皇后大道西之間的一條橫巷，將潮州滷水文化帶來香港發展；之後陸陸續續又有其他同鄉進駐，逐漸於1950、60年代形成了聞名香港的潮州美食巷。到後來潮州巷清拆重建，陳老先生兒子堅持以第二代接班人身份遷往皇后大道西地舖發展，延續陳老先生當年創店的精神。到了第三代，更曾經想大展拳腳，在灣仔開設分店，只可惜最終結業。估唔到去到2020年，

由上環總店搬到日出康城新商場嘅新勤記，帶着米之蓮推介嘅光環黎到將軍澳區，今次叫左外賣，滷水鵝片併鵝腎、鵝肝同鵝腸，承惠$468，老實講，一開始見呢個價錢，真係覺得有啲貴，但舖頭堅持用獅頭鵝，聽講來貨價都唔平，所以即管試一試。（發生咗一個小插曲，就係我喺落單嘅時候用app揀錯咗鵝脾，但其實我係想要鵝片，價錢是一樣的，我打返電話去舖頭，職員都好有禮貌咁幫我改返）成盒野有大概一張A4紙咁大盒，講真，比我想像中多！鵝片size切得適中，唔會太韌，仲有好香嘅鵝味，底下仲有另外一層，竟然係鵝脾，真係喜出望外，而鵝脾比起鵝片更加嫩滑，好味！另外，鵝腿滷得好入味，而且份量好多，正！腎同肝都好味，唔會太硬，但確實鵝腸比較出色整體：大推！康城有咁出色嘅滷水店真係幸福！未試過嘅一定要去試吓！真心好味！