潮樓 (Closed)

自從上年帶過來一次之後，旺角此「潮樓」已成為家人品茗的首選，其食物、環境和服務平穩之中，也給予一定的水平，價錢上也十分經濟，茶芥、加一和貼士已包入食物之內，近幾次上來，識途的茶客，也越來越多。點心是由工場運過來的，知道是稻香集團的附屬店，以早茶來說，其食物不算太出色，也不會出現十分難吃的情況。通常都是早段時間而來，除特惠的點心紙之外，十一時會有一些實惠的套餐供應，豐儉由人。今天又是全家出動，四個人，九款點心，其中兩個是盅飯，有肉餅和臘味糯米飯，雖是人家半盅的份量，不需工作下，也不需吃那麼飽，其中一道東山水芥菜十分不錯，菜質十分爽甜，薄罉是否由潮洲而來不得而知，這裡加了芋頭粒，略為厚身，味道尚算可以，其餘的叉燒包、粥品和牛肉等，一般飲茶的水準。埋單合共一百三十四元，每人連三十四元也不需要，這價錢在好多地方，只能夠吃一碟碟頭飯麵，平一點的，可以去快餐店吃一個Lunch，在這金融海嘯之下，每分錢也覺珍貴，吃得飽之餘，不太差，對得起自己了。打算在此吃一頓團年飯，試試其晚餐的水平。

一星期前讚過呢間潮樓既野食，前兩日生日飯去食潮樓，點知好失望。我地叫左一個肉崧蛋角，一個汕頭乾炒牛河，一個梅子蒸烏魚，一個川椒蝦仁。本來想七點幾去，諗住要佢個雞"鄧"翅，原來優惠已做完。佢最新優惠係梅子蒸烏魚，38蚊一條，好味喎！d 汁好清但好好味，條魚可能大細適中，肉質滑嫰，唔會厚肉，所以混合汁一起吃很入味，很不錯。當我們正讚條魚好味之時，一碟又一碟既餸就到喇，首先係川椒蝦仁，真的不好吃！我們本來問左落單阿姐呢味係咪辣既，佢話係，我地諗住應該惹味，所以落單，點知，想像唔到佢既味道點解會咁淡。完全冇味。本身蝦肉好爽，應該好好味的嘛，佢個樣又好似好有鑊氣！估唔到好睇唔好食。 本身都想硬食，但最後都係食左半碟，因為好似食d冇味道既野入口唔知為乜咁。至於另一個肉崧蛋角其實都ok，但都係偏淡，但只可以講係ok，唔會係食完一啖想追住食第二啖，成枱都係野，冇辦法都要啦！都係食唔晒。最後一個要講既係汕頭乾炒牛河，我地落單時，阿姐以為我地講笑，以為我地作個"汕頭"形容詞，跟住我地俾個menu佢，佢就話可能新出，佢都冇留意添。咁又係，汕頭乾炒牛河應該冇乜人特別會叫黎食。我地都係覺得得意，唔知汕頭既係點嘛

來吃晚飯,服務之差無人能比. 居然連主餐牌也不給我們,驟看附近的人也不見有其它的餐牌,我們便以為只有那個推介小菜的牌(很少來這裏吃晚飯呀),最後害得我們只點了推介菜式. 菜膽雞燉翅($18) x 2 - 湯不夠清,夠多油. 翅的份量算不少,另有雞肉,雞腳,豬肉. 吃半碗已嫌油膩.咸牛脷 ($25) - 牛脷很實,較難咬,味道一般.馬拉盞芥蘭煲 ($55) - 芥蘭葉全刮去,只剩下幹部,很有心思且落本. 加肉碎一起吃,送飯一流.栗子炆雞煲 ($65) - 碟子很多,但無味. 通常炆過的栗子理應很入味,但這栗子卻一點也不吸引,平常的我通常會第一時間把栗子吃清光,這夜都吃剩了. 雞亦有同樣情況,相信是先用鑊把栗子和雞煮熟才再放入煲內,所以未能入味,敗筆,半打壽包 ($25) - 兩個蒸籠,每個放3個大壽包. 壽包勝在表面不是很紅,即沒有太多染色體. 蓮蓉是白蓮蓉,色澤較淡,亦不太甜,很合我心意. 壽包即叫即蒸,所以要等大約15分鐘,但能吃到熱辣辣的壽包,等也無防呀.服務差得很,找人落單也極為困難. 這餐飯吃得頭頂出煙.

約了舊同事吃飯為了方便大家來，便選了在旺角我地叫佐3樣食品潮式炒河.拼盤.胡椒豬肚湯啱啱好食晒食物味道一般, 尚可接受起菜速度自算係幾快...但食物都幾油,同埋唔係咁夠熱值得一提是這裡裝修好古色古香，坐得好舒服，用餐時見到有幾位外國遊客光顧，而隔離位的內地姐姐就食粥和生灼魷魚、大腸，看起來很好味，下次要試。環境正，值得再來

晚飯時段，一月一日夜晚八時入席，以為會要等位，原來都幾吉。一入就有位，對佢的十八蚊雞湯翅好有興趣，只是。。。。當然是賣晒啦！因為六時至九時供應，有興趣食十八蚊一碗翅的朋友就要早呢！我和老公點左鹽香脆皮雞，卥水併盤，沙茶牛肉，紹菜魚頭豆腐湯，冬菜蒸九肚魚粉絲。兩個人食當然食唔晒，好飽。份量其實唔細，樣樣野都好食，除左沙茶牛肉，冇乜味，完全唔覺有沙茶味，太清淡。卥水併盤，好味，鵝件都好入味同唔ｕｎ。　鹽香雞皮好脆好薄，肉都滑，６８蚊都好抵食。紹菜魚頭豆腐湯好好飲，好有魚湯味，佢料同湯會分開上，我食清光ｄ料呀！真係有住家湯既感覺。冬菜蒸九肚魚粉絲好好味！濃味的冬菜滲入粉絲裡面，真係唔捨得唔要淨番既粉絲。九肚魚又滑又有味！好得呀！但賣單四百蚊左右。。。雖然都好似叫左好多野食，但感覺都好似偏貴，即係每位成二百蚊，又唔覺食左好名貴既野丫！

可能係全港最抵食既中餐。4人除夕夜，一共食咗$256；仲要唔駛等位，我估好難再搵到第二間。梅子明爐蒸烏魚，熱辣辣頗惹味。南瓜芋頭酪第一次食，有驚喜（係甜既）。欖菜肉松四季豆略咸，不過送飯都唔錯。其他潮州打冷和蠔仔粥都唔錯。

難得可以同媽媽飲早茶，哈哈！叉燒大包($5)：比一般叉燒包大少許。d餡唔似叉燒，不過唔會太多肥肉，以瘦肉為主，味道ok。臘腸卷($5)：包身好軟熟，有d臘腸既油係個包度，好味不過好肥！臘腸偏甜，不過都好味。芋蓉煎堆仔($10)：好脆口，一路食都出緊煙。d芋蓉都幾多，唔太甜。上素腸粉拼牛肉腸粉($14)：上素包括蔥、蘿蔔、秀珍菇同栗米。餡少d但味道不錯。牛肉就係一貫溝左粉既牛肉，太腍！服務好一般，唔多夠侍應，叫點心都要搵好耐至有人黎，不過侍應們都算有禮貌。同埋好多人，坐得幾迫。不過咁平既價錢就冇謂咁挑剔！

Now you can enjoy 40% off for all cold and hot dishes (except noddle, rice, sweet soup) for dinner on Mon-Thu. From Fri-Sun after 21:00, you can still have 30% off. This special offer is so great!!! I have booked a table at 20:00 on Tue but still have to wait for several tables after arrived. Booking seems not so useful as there only have few tables waiting outside when I arrived. The restaurant is so full in weekday maybe due to the special offer.$18 菜膽雞燉翅 is out of stock. you better order

上週五,傾完個Project放學同媽咪晚飯由於大家成個星期冇見過...想搵個地方坐得舒服D...又想食完行下街..就決定到平日去飲茶的「潮館」開飯本身打算同上星期一樣叫倉魚...點知己經轉左PROMOTION...變左「菜膽雞燉翅」...重要只係$18...咁我同MAMI當然2話不說..豪畀佢LA未幾...D菜膽雞燉翅已經到LA..真係有好香的雞湯味...D菜都好多...亦有雞..當然主角係「魚翅」.,,唔好以為平野就畀「粉絲」客人..真係翅來GA...重幾有咬口...$18真係超值...食完個菜膽雞燉翅...我地叫左個「潮州炒飯」同埋一個「脆皮雞」...2樣都好好食...MAMI仲留左D來帶飯我地2個人食左150左右...以晚飯來講...又坐左成2個鐘...都算係唔錯LA...所以大家可以襯佢仲做緊PROMOTION...來試下個「超抵翅」

小金魚屋企人好鐘意去酒樓嘆"一盅兩件",但係小金魚好多時嫌早茶要太早起身所以都好少陪屋企人去,前排因為唔舒服,請咗成個星期病假,所以難得可以同魚媽媽試下午茶HEHEHE潮樓係小金魚屋企人經常去的酒樓之一，下午茶係由2點鐘開始到4點，我地去到都2點半，唔算好多人等位(因為多數都入坐啦)，我飲茶一向都唔鐘意搭枱，所以要等耐D至有位，不過都係大約等咗20分鐘左右，唔介意搭枱的話就大約等5份鐘到啦我見。入到去見環境幾嘈(好多人吖)，D位有少少迫(雖然叫做唔搭枱，其實只係唔洗坐圓枱，我地張枱同隔離枱都係"痴"埋一齊)，不過旺角區D酒樓多數都係咁，要求唔好咁高啦。呢度下午茶除咗一般點心之外，真係有幾多其他選擇，居然連牛腩河(or米)都有得食，不過小金魚都無要(係酒樓食牛腩河，感覺好奇怪，再加上魚媽媽唔多食牛)，最後小金魚叫咗：娃娃菜 + 醬汁炒手：呢個係一個set，價錢我忘記了不過肯定唔係好貴(大約好似28.00啦)，除咗娃娃菜仲要可揀碗仔翅(去酒樓食碗仔翅??)，不過魚媽媽鐘意食菜，所以都係揀娃絓菜比較好，份量大約有一棵娃娃菜 + 5隻雲吞(大約)，因為呢個係醬汁而唔係紅油炒手，所以唔會辣，而係

約半年前曾經光顧尖沙咀北京道的潮樓，無論環境、服務、食物質素都令人滿意。上星期某晚上在旺角搵地方開餐，在荷里活商業中心屬同一集團的潮樓令我覺得入錯酒樓食錯飯：服務員 - 人數少、言語不清、不能提供餐牌上菜色資料，鹵水拼盤 - 緊合格，但潮州鹵水應該更香，茄子斑塊 - 太鹹，香酥鴨 - 多油，應該改善火候控制，只見芋頭、蛋及肉碎，完全吃不出任何鴨味，糖醋麵 - 麵身全無彈性，先煮得太"霖"，煎得又o吾香，不能相信潮樓是潮州菜館，雷沙湯圓 - 皮太軟餡太多油，總結：選料差、廚師手藝差，所以食物質素差，以後無幫襯

陪媽媽飲茶,諗住試下潮洲茶樓.遇正奧運.環境同人都似快餐店原本想叫炒飯,但侍應強烈推介龍蝦伊麵.話好抵食.因為叫個飯都6x.家下只需99.就可以食到龍蝦伊麵喎~點知一上菜.賣相閃令令.唔多對路.d 蝦..超差!!!!食緊假蝦,好似用膠做咁.麵超咸!!!!.重味精.食落超口乾.差!!!本身對潮洲胡椒豬肚湯飯都好期待...都係咸.重味精.跟住將豬肚同個飯分開整.無胡椒味.個湯咪平時煮麵個d 味精湯lor..食個湯飯都口乾..硯介魚球.依個ok 少少.但份量少.依餐加埋一.都幾貴...

我都算係潮樓的「粉絲」，無論係早/下午茶的點心，抑或係晚市小菜，我都覺得唔錯。食物的質數唔差，每次都會有一兩碟特別驚喜；服務又ok；又唔收茶芥加一，所以都冇咩可以再挑剔。今日朝早同媽媽飲茶，兩個人，叫左四碟點心。叉燒飽($5)：特價點心。得一個，不過比平時d叉燒飽大一些。冇咩特別，叫佢只係因為佢特價。糯米卷拼饅頭($5)：又係特價點心。(注意：以上兩款點心九點前至供應！) 上枱既時候只係微暖，不過都幾好味。煎蘿蔔糕拼煎餃子($12)：呢款就比較失色啦，上枱已經凍冰冰。餃子好細隻，同埋因為凍左，所以好油。蘿蔔糕尚可，幾香蘿蔔味。叫碟蘿蔔糕好過叫雙拼。芋茸煎堆仔($10)：呢碟就係今日的驚喜之作。四個煎堆仔脹卜卜，炸得金黃，一d都唔過火。咬開一啖，仲出緊煙架！d芋茸份量剛剛好，又唔太甜，食左兩個都唔覺「漏」。下次會再encore！服務幾好。一去到七點個批客仲未走，所以d侍應都比較忙；九點半之後好好多(同埋靜好多！)。侍應答問題都幾有禮貌，例如問佢地d點心有咩材料，有幾多件咁，全部都答得好清楚。結論：係一個又抵又好味的早餐！

星期六(12/7)去食, 6點幾無咩人, 坐到7點幾就好多人啦, 差不多全滿...我哋兩叮, 叫咗4樣嘢, 芋頭香"蘇"鴨 + 花膠什菜煲 + 蠔仔肉碎粥 + 柑桔紅豆榚...香"蘇"鴨 ... ok la...花膠什菜煲 ... 花膠 no ok...蠔仔肉碎粥 ... 我哋兩叮, 叫咗一窩 (真係好大鍋,有8小碗,落單時,以為一窩只有4碗,個"是應"又唔提吓人哋,得兩叮友仔點食啊...)柑桔紅豆榚 ... ok la...總括... ok 啦... 兩個人$198,幾好的啦...(下次試下其他餸...)

２００８／６／１８午餐無記錯的話，第一次在潮館飲下午茶。下午茶價錢都幾抵的，加上有一批特價點心，沒有加一又不收茶錢，所以一到兩點鐘，要和一班師奶阿叔爭飛取位。‧糯米卷拚饅頭＄８：糯米飯夠軟，味道普通，四件也細細件的，不過十分抵吃。‧芋絲春卷：非常脆，可惜餡料不夠熱。‧煎蘿蔔糕拼煎餃子：蘿蔔糕煎到很硬，餃子的皮幾厚，底部沒有煎到脆身，餡又少，兩樣也是不夠熱。‧胡椒豬肚泡飯＄１４：有咸菜粒和少少豬肚碎，胡椒味不重，湯是清湯，都算不錯，但是非常細碗。‧雞扎＄１４：有冬菇﹑雞肉﹑蟹柳和魚肚，每樣料也蒸到夠淋又索了很多汁在內，好好食，魚肚是非常大塊，抵吃。‧芋泥棵：之前未吃過棵點，原來是熱的甜點，樣子就不討好，棵皮軟林林，餡是豆沙，質地鞋鞋地味道不太甜。實屬一般，對我來說有新鮮感而已。入座後以至離開，其實場內是有很多吉檯的。臨走前見隔離上樓同一樣價錢的下午茶市，有空+有機會要去一試。