潮饗

Open Now

Now Closed

平常都在將軍澳站開餐，今日多搭一個站到坑口去尋找未去過的餐廳。【潮饗】位於在一條不起眼又昏黑的小巷內，一不留神便會走過。【潮饗】門面簡陋，貼了一些報章報道。莫非這是一間隱世食店？在門外等一陣便可以入內，店子不太大，座位空間不太多，舒適度只是一般。餐牌製作精美，菜式選擇多，價錢合理。【滷水鵝片 $105】鵝片份量比預期中多。 鵝肉柔嫩，但欠些彈性；有鵝味而且不帶腥膻，略嫌油香未夠。師傅刀功都可以；鵝片完整，連皮連肉，略嫌不過大小不太均一。滷水比較清香淡雅，不油膩，不霸道。豆腐軟腍有豆香。這家食店的份量頗多，看看這碟【沙嗲炒牛肉 $72】 真是性價比高。沙嗲味道有花生香而且帶微辣不似坊間沙嗲只有甜味，味道都稱得上正宗。牛肉大大片而且嚡口又有渣，質素一般。筆者不太喜歡芥蘭的苦澀味，而且不少餐廳都是炒得硬或帶苦。幸好這個店方處理得宜，倣到了爽脆不苦的質感和味道，不過有點老。筆者喜歡的椒鹽鮮魷是那種沾有一層蛋漿及撲上乾粉才泡油炸香，有香脆口感的椒鹽鮮魷。可是這個【椒鹽鮮魷 $80】 表面的脆粉漿比較厚身， 不能緊緊黏在魷魚表面因此有鬆脫的情況，少了香脆口感。椒鹽鮮魷表面雖然只有些微香辣，但味道平

第一次來到坑口商場以外的地方吃東西，友人今次帶我到潮州粉麵店吃午餐。地鐵出來大約要走5分鐘，走入一條小巷，店舖的面積不大，大約只可以坐到十多二十人。我點了雙拼鵝片豬耳河粉，友人點了雙拼鵝片墨魚河粉。坦白説，鵝從來不是我杯茶，但朋友一番熱誠推介，所以就前來試試。鵝片入口嫩滑，味道可口，沒有羶味，第一次覺得鵝原來可以是好味道的！至於豬耳彈牙可口，味道夠入味，但河粉有點鬆散，不算出色。整體是一個可以再來的小店，讚！

上星期天，向坑口周圍shopping，晚上去左呢間到食，之前朋友介紹話都幾抵幾好食，所以去試下。其實呢間野唔易搵，向一條好窄既巷轉入去，門面都好細小，主打潮州小菜，入到去座位都好細，位子都不多，2人食一定要搭台，唔緊要啦，最緊要好食! 試下先!叫左兩碟，兩碟都係佢地招牌菜，椒鹽魚下巴，沙嗲牛肉炒菜心，嘩! 魚下巴好有驚喜，好特別，椒鹽好香，魚下巴夠入味，又好滑，越食越上癮，而且又冇乜腥味，好脆口，見到大廚既功夫! 份量亦好多!而沙嗲牛肉炒菜心都唔錯，沙嗲唔錯，牛又夠滑，菜心正常，餸飯一流，大大碟最好埋單原來唔貴! 冇加一! 抵! 一定再encall!

經過坑口，見有潮州菜，平時少吃，入到潮響，估唔到那樣好味，抵吃的屋村餐廳。鵝片入味份量都多，粗麵有鹵水汁，還可叫店員加汁，濃郁鹵水味。蠔仔粥多料，湯味清甜，好像沒有加味精。還可加錢叫餐飲，叫了杯檸樂，整罐上枱，很滿足。

店面很小，喺嗰巷入面，問咗人先搵到。週末上午11點半，我哋係開門客。入到去有六七張四人枱，地方不太大不過算係乾淨。食潮州嘢當然係滷水、蠔餅、蠔仔粥，叫多個粉絲雜菜煲，份量夠大，兩個人食到超飽，仲剩返兩塊蠔餅需要打包攞走。味道非常好，滷水入味，蠔餅新鮮滾熱辣，一口咬落去好滿足，蠔仔粥夠料，雜菜煲清新。再加杯鹹檸七買單一共299。唔算好平不過勝在足料、好味，整體都唔錯。同埋招呼的姐姐態度都幾好。值得推介，會再來。

一間滷味潮州菜的食店，位於坑口常寧路安寧花園的細巷，第一次去的朋友可能要找一找地圖才能找到，聽朋友說梅花邨也有一間分店，某些菜色要先預訂。價錢一般，款式甚多。今次試了金薯安格斯牛粒和必叫的鵝片飯。隔離枱的粥、煲也非常吸引，有機會會再嘗一嘗地方不大，味道不錯的看見這份推介餐牌，便點了第一味燒汁金薯安格斯牛粒$88主角安格斯牛粒雖然有點韌，但相當入味，燒汁的味道非常不錯，而薯仔非常脆口，點絕其他的配菜也挺美味。滷水鵝片飯$60滷水汁野味的鑲入鵝片，非常出色，送飯一流。

睇到有食評寫到尼間野同北角梅花邨有關連，同朋友食過梅花邨兩次，印象唔錯，反正黎到坑口尼區都無咩野好食，就試下潮饗。餐牌價錢唔貴，我同朋友兩個人又想試多點款，唔小心叫多左，4道菜，無諗過咁大份，結果都係食唔哂，眼闊肚窄。叫左咸菜豬肚湯、蠔仔粥、橙花骨、沙爹牛肉煲。咸菜豬肚湯好飲，大大煲又足料，係有點辣口，因為胡椒味重，不過飲多兩碗覺得有點咸左少少。蠔仔粥，入潮洲店必叫既，蠔仔幾鮮，清得哂成煲粥。橙花骨酸酸甜甜幾好食，不過我地食唔哂😂😂太大碟了。沙爹牛肉煲惹味好香，不過都係咸左少少。總括來講係值得推介，不過多一兩個人食會好d, 價錢唔貴又可試多點野又唔會好似我地浪費左d食物。👍🏼👍🏼

已來過這裡數次，但無論是上2人桌、4人桌（實際坐了5人），還是8人桌（實際坐了10人），大家都是坐得挺親密，只因為店舗地方細小，所以份外擠迫。桌上如放滿各種餸菜，更是針也揷不下。雖然如此，店舖還是非常旺場，因為大家都是為了美食而來。鹵水鵝是必叫美食。千萬不要叫鵝片或鵝肉，因為雙拼的鹵鵝份量是不能讓人食個痛快。還有，鹵水鵝墊底的鹵水豆腐亦不馬虎，絕不是鹵得死實實的一喜歡吃潮州粥的，這裏不會令你失望。無論是蠔仔粥丶肉碎粥，粥料十足，皆令人回味無窮。各種小妙也絕不欺場，鑊氣十足。不過，如果不想等太多時間，一是飯市前已到，一是記緊訂坐。

安寧潮饗一直都好多人排，每次都會刻意早啲或者特別晏去會易啲搵位，雖然入面比較細比較逼，不過服務態度好好，食得好開心。細併盤同大併盤差$18，不過細已經好大份，人唔多，細已經夠食，要留意係無鵝片，喜歡食嘅話要另外叫！臘味粒時蔬好大碟，臘味粒都好多。斑腩煲都突出，斑腩件數多，都好滑，送飯一流！

堂食超多人等位,上次叫外賣等左差不多40分鐘,今次外賣自取諗住快D啦,點知等左差不多2個鐘,但有原因既…大家記住外賣紙轉左呀!!!!!唔好用舊既外賣紙叫,因為爸爸唔知所以叫錯,佢地好好人肯重新煮過,所以先再等耐左少少上湯瑤柱浸時菜$65竟然係菜苗黎既,驚喜,而家菜苗都貴啦!個湯唔重味精,份量都幾多金銀蛋時菜$68 超好味,真係好鐘意食咸蛋皮蛋,好香,個湯可以飲番,想食素個日叫依2個時菜真係唔錯!!魚香茄子炆米$55 炒得好香,但差少少咸魚味唔夠重咸魚雞粒炒飯$55又係咸魚味唔夠重,但加左菜絲口感多左,真係太鐘意食菜XD蠔餅$70潮饗麵線$70

去左朋友屋企大家都累唔想出去食，但又想食住家飯的味道朋友推薦不如叫依間外賣滷水拼盤(小)$70入面有滷蛋、紅腸、腩肉、豬耳、豆腐；只有豬肉滷得非常入味，其他有點一般紅燒豆腐$60依個豆腐一定要叫，外皮好有嚼口，咬落去之後仲有滑溜豆腐既口感，特別係鹹、甜2種醬香交錯的醬汁真是令人一口接一口魚香茄子炆米$52 米粉好有咬口又彈牙，而且吸哂魚香汁非常惹味，有小小辣辣地令人好開胃蒜蓉炒菜苗菜嫩得黎有鮮甜味，除左可以品嚐到菜的甜味同爽脆口感。用蒜頭炒令到整碟菜蒜蓉味勁香，幾乎每一啖都食到，吸引d唔鐘意食菜既朋友，如果你連蒜味都憎就無辦法啦🤷🏽‍♀️整體黎講今日全部有點咸，好咸🤢真唔知點解，同埋外賣差不多40分鐘先到，但食物種類多，平時堂食大份又抵食咖！！

在網絡世界上，如果找將軍澳區的美食，好像在本網頭十大，也是連鎖餐廳，看來非常沒趣。幸好，友人親自試過這間潮式餐廳，於是便可以脫離連鎖餐廳，試試這些地道小食餐廳。晚餐先到將軍澳，在坑口這個地方吃了一頓潮州晚餐，不喝啤酒真難得。一個滷水鵝片，滷水的味道不算非常出眾，鵝片薄薄的，沒有什麼渣，但又不太感到鵝味出眾。可能由於平日不怎吃滷水鵝，所以我也不太分得出，究竟好吃的滷水鵝片是如何的🤔。另外，那幾片墨魚，沒有醃到像平時的橙色墨魚一般，好像比較天然清新，白色的墨魚，爽口彈牙，味道還好。八珍豆腐煲，原來八珍豆腐煲內擁有這些：豆腐、雞柳、冬菇、韭菜等等，唯獨是沒有豬膶，這個汁醬調較上來，我覺得其實挺配合豬潤，唯獨就是沒有豬膶。起初我還覺得，豆腐好像有點兒酸味，但是之後再吃，沒有了酸味，大大件，可能都有五六件豆腐。另外的雞肉，不太入味，之後面後尖到步內的醬汁，咬開雞肉之後，中間仍然是白色的。蠔仔粥，我一向對這個潮州菜館必點菜式，表示不太喜歡，通常只會「禮節性」吃一兩碗😏，總是覺得蠔仔粥唔湯唔水，不似湯，也不像飯，亦不是粥，還好的是，這是的蠔仔粥，內裏的蠔仔不太細小。真叫人驚喜，原來細細間的潮州菜館也

轉咗新工成兩個月仲未學識用個system 實是慚愧是日姐姐offer作客佢家中學system咁就學前打過冷熱下身啦小店位於巷仔，離遠已見長長人龍因為唔介意搭枱所以較快能安排入座二人點了三道菜，凍烏頭，鵝片拼墨魚同埋蠔仔粥本身想試試凍大眼雞，但當日冇貨凍烏頭雖然係淡水魚，但呢道處理得幾好，冇泥味提供普寧豆醬，但我獨愛魚露鵝片併墨魚墨魚爽口而鵝片比例適中食落唔油膩，正蠔仔粥有落埋紫菜味道同口感即刻豐富咗下次嚟坑口可以唔駛再食連鎖食物啦

好友新搬入將軍澳呢區...尋味發現哩間潮洲食店, 舖頭細細吾起眼, 但食物水準吾錯...所以今晚(周日) 訂定位帶我地去試...供不應求o既條件底下…晚市限定每桌客人只能食一個鐘!!!...一個鐘呀!!...諗起都趕!!...但店員話上菜速度奇快…咁有時為左試食… 唯有張就張就…Booked 7pm…到來已見有堆人企晒响門口...等入座or外賣!!!...店員亦好快手帶我地入座, 雖則 店窄窄…但都冇話感覺"屈質"o既!!... 快快手點菜…上菜亦如店員所講…………..好快手!!滷水鵝片$100…鵝肉肉嫩, 滷得夠入味, 熱熱厚切豆腐亦吾錯啊!滷水併盤 (大) $98…夠份量亦豐富!! 有滷蛋、紅腸、墨魚、豬腩肉、豬耳、鵝翼、豆腐…都讚!招牌肉碎粥 (大) $110…材料滿滿, 喜歡加埋有紫菜…添!! 煎蠔餅 $70…好厚大一件…但粉太厚冇乜蛋咁, 而且邊位有點硬…似乎遜色唷!! 上湯瑤柱蝦滑浸芥蘭 $78…芥蘭應該吾多合時, 有澀味!!...個蝦滑落盬重手左, 好咸耶!! 檸檬蒸烏頭 $90…大條但吾特別覺得肉質肥美, 自己都係喜歡凍烏頭o既製法多D…蜜餞梅花骨$70…後加o既一道菜

咁岩在附近放工，突然想食打冷，想食蠔餅，所以即刻search open rice, 見到潮饗，揀佢因為見佢有其他分店，覺得都應該唔會差，一入鋪頭，原來是一間細店舖，無乜空間行到人既，7張4人枱仔， 一坐低，有杯有熱茶飲，睇下餐牌，um...價錢算中位啦，叫“細 鹵水拼盤”，侍應話無鵝片，其他就有，咁我話咁俾多少少腩肉我啦，唔該。再叫凍 大眼雞，侍應話無大眼雞， 我改叫凍烏頭魚，侍應話睇下廚房先，無烏頭魚，今日無魚啦。再叫細 蠔餅 ，細 蠔仔粥， 黃酒雞。