茶理史 (Closed)

收錢個阿姐簡直倒鋪頭米🤷🏻‍♀️我落單時候同佢講少甜，佢寧轉頭同後面同事講”少冰”。我聽到佢好似講錯，於是我重複一次提佢”少甜呀吾該”佢態度同表情都勁差，啤完我，然後同後面話講”少冰又少甜喎”講真，我真係好怕貼錢買難受。將自己啲脾氣發錯客到既鋪頭，你黃到發金都吾想幫襯你。如果吾係見佢係個list到，我根本吾會去試。P.S. 我最後杯飲品係完全無少甜到 ..... 成杯糖水咁.... 只有面個層個奶蓋係正常的...失望

芋香鮮乳地瓜小芋圓有驚喜其實飲過呢間好多次間間配方一樣 但唔同人沖就係會唔同味終於要寫下呢杯芋香真係有芋泥唔飲大部分茶飲都係得芋粉沖嘅茶入面芋泥仲好多食哂都幾飽要左小冰小甜都仲係幾甜下怕甜可以試走甜因為芋茶已經有甜味小芋圓偏硬 唔好期望太高另外飲過佢地嘅雲頂配茶茶香足 可惜雲頂好淡好稀完全唔係大家追求嘅奶蓋不過個名改得幾好 雲頂 聽落高級啲但真係飲完第一啖 再飲唔到個奶蓋如果個奶蓋要打挺身啲會好好多唔會咁快溶哂落啲茶到 變左奶茶咁

因為這一間店剛好做緊一啲活動嘅關係，所以要購買一杯手搖杯熱飲，我來買咗一杯海鹽雲頂芒芒。飲第一啖已經覺得中伏了，奶蓋屬於正常，因為加咗海鹽嘅關係所以有一啲鹹鹹地。問題係奶蓋以下。實在淡如水！！！芒果肉又碎又無芒果味，而茶身絕對唔係什麼冷泡茶⋯⋯⋯⋯係淡！水一樣！雖然黃店，但都希望保持應有水準.....

早排放工約咗朋友喺旺角食飯，食之前見行到口渴就去咗茶理史買杯嘢飲。😋見到佢有咁多唔同款嘅嘢飲，有選擇困難症嘅我都企咗係度揀咗好耐，咁啱見前面個女仔買咗杯綠色嘅嘢，覺得幾特別，問店員知道係碧璽白玉奶綠就叫咗杯。.🐽碧璽白玉奶綠🐽佢嘅奶綠望落同平時飲開嘅唔同，平時飲嘅都係淡淡地嘅綠色，但哩杯係真係全杯好綠咁，好特別💚飲落綠茶味淡咗少少，但如果平時驚綠茶苦嘅朋友都可以試下🌱而白玉就煙煙韌韌，好有咬口😺.總括嚟講都算唔錯，店員幾好禮貌，仲要有好多間分店，隨時想飲都好方便👍🏻

今日放工走左去旺角，想買去良心飲品店💛杯芋香鮮乳地瓜小芋丸，邊搭車邊飲😋我唔鍾意太甜，叫左半糖小冰，甜度剛剛好杯飲品做到粉紫色漸變～好靚🥰 裡面有一大塊芋泥 成杯飲品有真正嘅芋頭香，而唔係好假好甜開粉沖嘅味道😋 味道無得彈! 呢個價錢咁大杯，抵!唯一不足，係店員比錯熱飲蓋我 要坐完55分鐘巴士返到屋企先有得開蓋慢慢飲😣 好彩我叫少冰，飲品無變到好淡...但就無可奈何變得暖左啲啦😭 同埋飲品唔係密封嘅 會比較容易倒瀉...

平時係旺角行街，都會留意到旺中附近有間茶理史。雖然旺角有好多間手搖飲品店，但茶理史個招牌都幾搶眼，仿古代牌匾嘅感覺。因為怕肥，自己平時好少會買肥仔水飲。不過呢排同人出街，多咗買野飲。聽講茶理史都好值得支持，當日行過都決定試下。-芋香鮮乳地瓜小芋圓 $28初嚐內有芋圓嘅手搖飲品，粉糯芋頭配煙韌芋圓。口感不俗，入口清新，味道唔會死甜。芋圓混合蕃薯同紫薯口味，芋圓份量都唔少。混合埋鮮奶，粉紫漸變色為飲品增添夢幻感。

呢間茶飲開頭好似冇咁多間分店但慢慢越開越多~仲要係黃店更加要支持下😋之前一直都係飲佢有小芋圓嗰個系列❤️今次就試下新野😋🍴竹炭鐵觀音白玉奶茶($26)朋友叫左呢杯黎試~比平時飲開嘅鐵觀音珍珠奶茶茶味淡啲啲~但係加上竹炭同白玉嘅味道都幾好😉而且竹炭嘅顏色令到成杯嘅漸層好靚👍🏻🍴海鹽雲頂雪桃($36)本身好鍾意桃/桃類嘅製品😋見到呢杯即刻就叫左黎試下~❤️飲品叫左半糖味道淡淡地有桃嘅清香好正~好值得讚嘅就係入面有好多桃肉~每一啖都會飲到好多👍🏻❤️兩杯比較我比較鍾意呢杯🤤

第一次幫襯，話說幫人買野飲，直接比WhatsApp 給店員看，冇留意張單寫乜。事後在open rice 看大家post的menu ，原來是不同。 。。未飲。。。今次是自己大意，下次都會幫襯嘅！😅😅

龍珠鐵觀音+白玉 $22+570%糖+70%冰龍珠=寒天 白玉=白珍珠店舖都好貼心咁有貼到出黎提醒客人 係加分位～估唔到嘅係 杯嘢飲嘅珍珠寒天加埋一齊竟有二分之一之多！有被驚喜到了(⁎⁍̴̛ᴗ⁍̴̛⁎)（唔知係我地幸運店員擺多左呢定係真係會有咁多啦haha）珍珠係比較軟捻 煙韌度唔算高 寒天就正正常常 唯一扣分位就係 說好的鐵觀音茶呢？ 茶味少到想講粗口 差唔多大半杯糖水黎 有啲失望如果想試下嘅朋友仔 嗌翻半糖/微糖會保險啲 真係就試下好啦haha 鍾意甜嘅朋友仔隨意啦～味道 : 6.4/10價錢 : 8.2/10環境 : 8.2/10回頭度 : 7.0/10人均消費：$20-36⭐⭐⭐⭐⭐⭐⭐⭐⭐⭐⭐⭐⭐*今次係喺旺角店買嘅 其他分店唔知係咪一樣*以下係較熱門嘅三間分店地址茶理史 (旺角)旺角彌敦道688號旺角中心1期地下G25B1號舖茶理史 (尖沙咀)尖沙咀厚福街9號豪華閣地下B號舖茶理史 (葵芳)葵芳葵富路7號葵涌廣場2樓2007號舖

朋友推介，加上黃店，當然要去支持一下。價錢大眾化，由$20起，但一上就去到$32，差距好大，最後選擇最平嘅款式試試，諗住淡淡地（怕濃茶瞓唔着）綠茶相對冇咁濃，於是放棄烏龍茶，試綠茶jelly (龍珠翠綠），少甜，茶味濃，茶香多覺。雖然總共有三位姐姐，但係出品較慢，佢哋亦寫明熱飲要5至10分鐘，要試就要有耐性，預留多點時間等。

睇和你eat話，茶理史早係85三罷就六間分店罷市。出到旺角見無咩人排緊隊，就去嗌杯懲罰下。$26杯熱海鹽雲頂龍膽抹茶走甜。本身唔鍾意飲加糖既野，但店面妹妹好心咁提醒我話抹茶唔加糖會好澀，但我都硬頸照嗌。結果黎到，啲抹茶粉濃到真係好苦，係面頭果層有奶蓋中和下先順口，飲到一半真係頂唔緊。但熱飲個杯黑底金字又幾有味道。

起旺角中心行完野 都會去平時幾鐘意去既茶理史 買佢既海鹽雲頂芒芒飲🥰雲頂係奶蓋不過比起其他手調飲品更獨特之處係佢唔係主打有啖芝士味🤨而是選擇左以海鹽調味 搭上好濃芒果味加上輕輕澀既茶 😛做到呢杯同時感覺到芒果同茶既輕怡 又嘗試到奶蓋既厚實 配海鹽破格得黎又好飲 😘有時食飽 無咩胃口 定係起旺角掃街食得太多油肥食品 食到個肚唔太舒服 🥺可以黎茶理史飲返杯海鹽雲頂芒芒都係一個唔錯既選擇 飲落喉嚨舒服 個肚都舒服啲 真係心情舒暢啲呀👍🏻不過飲過幾次 好似灣仔分店沖得最好飲

茶理史有幾間分店，這品牌我是未試過的。見網上有限時優惠劵，又見未試過就買了一張，這天來到旺角分店買杯飲品。餐牌上的選擇十分多，名稱都改得好像很好味的似。大部份飲品都可以更改甜度，若飲品名稱右邊有張盛著糖的匙羹，就代表該飲品不能更改甜度。除了未試過茶理史，我還從沒有試過這段時間都幾受歡迎的芋圓。經朋友推薦和想試芋圓的好奇心下，最後選了地瓜小芋圓系列。芋香鮮乳地瓜小芋圓($28)，點了50%糖少冰。他們的杯是高身的，拿上手第一感覺是磨砂面的膠杯很好摸😂飲之前要用飲管拌一下，好讓鮮奶跟其他材料融合，拌好就是這個樣子了。最初飲到淡淡的香芋味還有奶味，甜度剛好，食到比較細碎的香芋，就知道他們真的有放鮮香芋進飲品增加味道和質感。喝著喝著，奶味更出之餘，還食到較大粒的香芋，很香，正啊！如果香芋味再重一點我也接受到地瓜小芋圓方面質感有點煙韌，又很容易咬開，比起芋香鮮乳味道就不重了，主要都是用來增加口感，不過就幾飽肚的，胃口細的朋友應該不用食飯了沒有誇張，我覺得愈飲愈好飲會再回頭的！

💛🧡木瓜鮮乳地瓜小芋圓($28)🔻#兔_良心黃店推薦指數:🌕🌕🌕🌗🌑甜度:適中🌕🌕🌑🌑🌑質地:奶滑 順口🔺好耐之前飲，記得再之前飲過一次牛油果鮮乳小芋圓又係幾好飲！木瓜層和鮮乳層兩層十分明顯，顏色好鮮豔，鮮乳奶味重🐮順口，木瓜層是新鮮打的木瓜蓉👍🏻份量不欺場，撈均後喝不會太稠也不會太淡而掩過木瓜味😚加上小芋圓嘅芋香地瓜味，比想像中明顯😱細細粒都好煙韌分明！只係成日覺得依種細芋圓，食落係有少少顆粒沙感🤔

一直聽過茶理史嘅手搖飲品好飲，而平時有飲開手搖飲品嘅朋友對呢個名都唔會陌生，但我今日先有機會試！不過果然冇令我失望，有驚喜，值得encore！朋友之前係介紹我飲冷泡茶嘅系列，但我最後竟然係茶理史入面冇飲到茶，揀咗木瓜鮮乳地瓜小芋圓，一樣有驚喜！木瓜味好濃，牛奶鮮甜，而且芋圓煙煙韌韌，好有口感。即使食完晚餐好飽但都唔覺唔覺好快飲晒成杯！朋友嗌左竹炭鐵觀音白玉奶茶，佢呢一杯賣相好靚，打卡一流！竹炭其實係芝麻，飲起上嚟有淡淡的芝麻香，試過幾啖都覺得唔錯啊！好開心今日終於有機會試，下次試下冷泡茶系列先！