查理布朗咖啡專門店 (Closed)

與好久不見的中學同學難得一聚，知道地點在尖沙咀時有點擔心星期六下午難以找到適合暢談的地方。在朋友的建議下到了CB，以漫畫人物為主題雖然算不上新鮮，不過整體氣氛實在營造得不錯，可愛的裝飾令人重拾童心。最初坐在高腳椅上實在不太舒服（東方人比較矮小大抵適應不了這種外國式的桌椅），而且一張小小的桌子圍了五張椅子未免太多了吧？還好等了不久即可轉到沙發的位置，沙發非常非常舒服，很適合三五知己消磨下午的時光。我點了冰的至尊朱古力和藍莓芝士餅，差不多花了八十元，有點貴，但可以坐上兩個多小時，又好像挺值得。至尊朱古力味濃而偏甜，藍莓芝士餅份量很夠（同行的一位朋友也點了這個，最終吃不完），味道也很有水準，質量並重。其餘有人點了waffle，也有好幾塊，外面烙上了漫畫角色的頭像，非常有趣。儘管點菜時採取自助購票形式，不過店內的服務員也很殷勤，清理空碟子時很勤快，但也未至於騷擾到我們聊天。最終在這兒坐了兩個多小時，愉快得幾乎不捨離去。整體感覺很好，尤其是環境舒服，令人感到親切這點實在難得。一定有下次！

(26/12/07)上次飲過,難忘得很,今晚與好朋友「再戰」蘋果玉桂茶。每人一杯,慢慢嘆。試試佢既pasta,雜菌飲管粉黑松露汁,飲管粉係意粉中間有孔成飲管般,口感十足,黑松露汁比想像中濃,雜菌大大粒很滑,很不錯。芒果朱古力卷,薄脆的春卷皮包住,極酸的芒果、溶了的朱古力,與軟心朱古力類似,不過沒軟心朱古力咁漏。i like it!

海鮮配蝴蝶粉$45 -如果是白汁就好。都有不少海鮮，蠔仔比較多查理薄餅$35 - 簿餅皮係用意粉整出黎，好特別！

不想逛街，只想到café坐坐，沒有主意下就來了。因為不想喝咖啡，於是選了wild berry frappa。味道嘛，就是很清新，有少少酸甜，甜味不多，蠻不錯。不過我覺得冰融得太慢了，每喝一口都要再等一等才可以再喝。這間分店應該是最大的了，環境也很舒服，也有不少snoopy的擺設，我更看到不少人在拍照呢。不過冷氣太大了，不能再坐久一點。另外樓梯比較狹窄，又長，走得頗麻煩。

(1/11/07)想不到原來這裡咁大,坐得舒適,還不用等位。今次唔飲咖啡,飲茶。好朋友飲玉桂蘋果茶$28;我飲非洲甘露$25。非洲甘露聞下幾香,飲就無乜味,沒特別。玉桂蘋果茶非常好飲,蘋果不是香精,是真正蘋果味,少許杰杰地,玉桂味約有40%,調調味,從未飲過咁好味的果茶!兩者都係茶包,係蘋果的沒有散賣!打消閒時泡泡念頭。軟心朱古力,唔係好夠熱,朱古力味普普通通,ok啦。

與好友到此食tea, 上到去好多人無sofa位,要等一陣所以周圍參觀吓先, snoopy & friends 周圍都係, fans 一定要拎相機之後一人叫左一件cake:new york cheese cake 超濃味,用料十足, 正!blueberry cheese cake 也是yummy yummy不過飲品成幾十蚊, 貴左d鍾意食cheese cake 的朋友不要錯過呀!

環境不錯，難得星期五夜晚食野唔駛等位。點左煙三文魚香草包三文治、芒果雞肉沙律、焦糖咖啡、南瓜湯、甜品心太軟同埋窩夫。芒果雞肉沙律- 雞肉同芒果切成薄片，大約各五片。雞肉略為鞋d、幾un，而菜既份量都少。(見到薯仔沙律廿幾蚊都幾好味)煙三文魚香草包- 大份，煙三文魚幾多，香草包烘成邊位少許脆，好味。心太軟- 冇加雪糕球，不過都好好食。窩夫、咖啡同埋南瓜湯側味道一般。同朋友坐得耐飲野係不錯既選擇。幾多梳化椅坐得舒服，不過我發現有好多麵包碎...食完餐器都會有人執，但污糟都冇抹枱。反而女洗手間好乾淨，但要小心洗手盆隔離係門口，有人入好易會被撞到。

20070919想來這裏看看很久了，今天終於有機會：）奇幻之旅是在登上樓梯的一刻已經開始，只見櫥窗裏射燈照著幾尊塑像，牆紙也可愛起來，樓梯扶手上那只小小的查理布朗，鼻尖與頭頂都已經被人摸得掉了色。上一層樓，才是主場。“L”字形的店鋪，短的那邊有臨窗高凳俯瞰街景，架子上滿滿的堆著各式公仔紀念品，蠻喜歡一隻趴地的Snoopy公仔攬枕，傻傻的，看著就令你也覺得睏起來；店鋪“L”字形的長邊則更像一間主題咖啡，低低軟軟的沙發，電視裏不停播放著花生動畫，所有的桌子、標示、牆紙都重複著同一組圖案，許多學生樣子的人三五成群的散坐著，聊天，或者做功課。我們行走其中竟然有些不慣，像是不小心闖入了另一個年齡的世界：）環境趣致之餘，食物質素也不錯，從晚餐到飲品，一應俱全，價錢又合理。我們點了一杯熱的濃情朱古力、一杯凍的香蕉乳酪，再share一件白咖啡慕絲蛋糕。朱古力比想像中好，很香濃，加上Woodstock的拉花形象，更添可愛；香蕉乳酪則一如意料，也算綿滑；慕絲蛋糕唯一的好處倒是它的賣相，修了圓邊的三角形，一個深咖啡色的鉤線查理布朗頭像印在白白的慕絲表面上，四邊圍著染有咖啡色的薄朱古力片，很精緻，切開以後見裏

After dinner in Khyber Pass, we went to Charlie Brown Cafe to have dessert. Last saturday, we went there to have lunch. yummy yummy!Tonite, we ordered a 'chocolate soft heart cake', of course. It's my favourite!!!!! The waiting time is rather long, more than 20 minutes.wow, what a delicious cake.. It's very warm, and the chocolate is flooding out slowly and slowly.... but if there is one scoop of ice cream, then this will be perfect!

5點鐘,尖沙咀熱到人都溶,周圍搵cafe,唔係無開就係比人包埸....黑....卒之走左去snoopy cafe,但係個度最多只係"空調", 並唔可以叫做"冷氣"比街好少少,但我地都係不斷攞menu黎撥涼...之前都未試過charlie brown cafe,估唔到d 野食又幾ok,我叫左個煙鴨胸薯仔salad, 最初以為係擺係出面salad櫃個份,原來係會新鮮做的,我平時唔多好煙鴨胸, 就算之前試過都係煙到又咸又乾,但今次個煙鴨真係好食, 竟然可以用juicy黎形容,係好嫩,有肉味得黎又唔咸,仲保留到d肉汁,完全係驚喜之作,$25算好抵,好食過pret同starbucks 同pcc個d多多聲另外,叫左份雞翼share 黎食,都幾好食,並唔係普通既豉油/瑞士汁hea煮個種,係有香料,去左一條骨($32有4隻),仲送左1/3份薯仔salad (無錯,同我叫既salad係一模一樣的,好彩我有煙鴨,佢無)唔知點比環境分,裝修都有4分,但個"冷氣"我只會比1分

7.8 (SUN) late tea朋友嬴左，今次輪到佢請喇，congrats 我地想食cake，立到有間charlie brown就上左黎，好大間呀呢間自助cafe，我都係第一次去charlie brown，snoopy fans一定狂影相冇cake set，都係要散叫，要左兩個cakes share：american cheese cake ($28) & charlie cheese cake- american cheese：幾好味，重cheese之餘幾滑、唔會勁實，穩陣之選，不過幾滯同埋曲奇餅底味道唔突出- charlie cheese：話明係"cheese cake"但其實只食到朱古力，朱古力幾滑。但最底o個層oreo餅底又係唔突出- 我飲wild berry frappa，味道ok，唔會太甜／酸，不過細杯都要$33就貴左少少冇cake set，如果平日想叫個cake加杯野飲都要50幾蚊都幾貴喎。

snoopy好得意~~ 裝修好得. 有雜誌睇.成班人黎. 我飲左杯cold mint chocolate. 好味. 其中個friend叫左牒炸雞腿. 佢話幾好.唯一唔係太好係冷氣唔係好夠. 有d侷~~ 另有部份凳唔係好舒服.

朋友仔生日，明查暗訪之下得悉這裡可包場攪Function，就要了半個場，在週日下午來開個生日Party。這裡包場，食物方面主要是由這裡餐廳廚房以自助餐形式提供，由意粉、三文治、油炸小食、沙津、焗薯、雜菜等都有提供，食味方面不過不失，但以生日Party的自助餐食物來說，已經可以了；另最精彩之處就是這裡的多款西餅亦有提供，是這個餅隸櫃內的相同款式，Size是小小丁方的，多掃幾件亦不會滿佔胃納。服務員勤勤快快，尤其位Manager，每每親力親為；環境這裡不容置疑，加上是自已友攪Function，玩完笑完，再Order一杯咖啡半趟在梳化上聊天，多狹意！

第一次去Charlie Brown Cafe. 其他既分店係點就唔清楚喇, 不過呢間好正! 好大好寬敞好舒服, d 裝修好靚呀~又因為年初三, 大部份人仲忙緊拜年呢, 所以都唔太多人, 完全任坐. 我同個fd各自都叫左一杯咖啡同一份三文治.不過d 咖啡唔夠濃, 我杯skim milk cap 唔落糖都唔苦.但係d 三文治very good ar!! 佢地既三文治選擇都幾多架, 有大約8款包同5款餡任你配($32). 我地要左Farmer bread + chicken salad & Rye bread + smoked salmon. 好足料好好味呀~ ^0^一定會再去!

一班人飲宴前,來個賽前熱身,捨棄歡樂時光,來查理布朗,應該會坐得舒服.周日晚上,店內小貓三數隻,大抵是這段時間是晚飯時段,所以沒甚客人.小弟都係唔飲咖啡,來杯凍朱古力,再拿本劉若英作封面的Jessica,扮下野.嫌其朱古力味唔夠濃,可能熱飲會好一點.計環境,比星巴克更加舒服,單係周圍的裝飾,擺設,會令到小朋友歡喜.就算身邊的大朋友,走前也同門外的公仔,影相留念.始終,對好多人來講,史路比,查理布朗,也是一個童年回憶.