查理布朗咖啡專門店 (Closed)

      我的成長錯過了花生漫畫( Peanuts)火紅的年代，二千年作者Charles M. Schulz過身時，我比Charlie Brown大不了多少。而我對之最初的深刻印象是當年麥當勞換購Snoopy公仔，人龍與今日九龍塘排隊買一送一雪糕的不遑多讓。但排雪糕不過一兩天，就算新Ihpone開賣，亦不過三數天，但當年人龍持續了很多很多天。雖然作者過身後，世界各地報章仍然轉截花生漫畫，但我始終沒有很喜歡，以至連香港原來有花生漫畫的主題餐廳也渾然不知，直到那天休假，在尖沙咀避雨之際偶然發現了這家在金馬倫道的旗艦店。      上網一查，原來這間餐廳早在2006年就開幕，當真是香港卡通主題餐廳元祖級代表。時至今日差不多十年了，風吹水打，招牌都有點褪色了。不過比起其他以pop-up store的形式經營的主題餐廳，店內的裝潢明顯有質感很多，並不止是一味以卡通貼紙堆砌出整個店面。木製的樓梯旁邊展示了不同造型的漫畫人物，上至天花，下至地板全部都一眾花生米肖像，彩繪天花板和樓梯就像一條絢麗的歡樂隧道，通過這裏進入花生漫畫的世界。            雖然是採取自助形式點餐，但一上樓梯，就有熱

其實冇乜諗法，個fd 叫我去試下呢間cafe，就過左去。一開始都唔知係Snoopy 主題餐廳，見到有d surprise。連杯coffee 都有snoopy 角色個樣係度。飲落個感覺幾舒服，coffee 味飲落唔算好濃，落番少少coffee sugar 就啱啱好。杯面d 奶同糖都唔算太甜，飲落有少少野黐住個咀咁。食到成咀都係，不過感覺好happy 

無意中上網發現左呢間查理布朗的餐廳，周圍去的我們當然要帶小孩去食下，去到樓下已經有snoopy的蹤影，小孩已經開始snoopy.snoopy，一路行上去，一路有他們的公仔擺設。他們員工的服務態度好好，皆因我個日無哂紙巾，問他們攞，雖然他們忘記左，但之後都好有禮貌比反我食物呢到的全日早餐比較一般，但我覺得個個雞腿真是好好食，甜甜的，小孩非常容易入口，一定要食喔，意粉都幾好食架

和客人傾好生意，客人主動邀約來此坐坐，吃件蛋糕，喝杯咖啡，再吹吹水。人有百分之五十的快樂指數來自朋友，只要是談得來，我都會樂意再談。客人和我上來，第一句說話就是：「這像是 Pacific Coffee 的 junior 版！」上到去，感覺真對勁，冷氣足夠坐得又舒服，招呼也很勤快；可能是尖沙咀太貴租，她們都意會如不主動生意就難做。但我今天上去，其實是很多人的，而且他們也很懂 cross selling，店內除了 serve 食物以外，還有大量紀念品可供購買。我叫了芝士蛋糕，感覺中上，未很物別，但也不難吃：另外也叫了Ice Latte，好喝，但未至於一試難忘。這裏的主菜，我覺得不是食物，即如去曼谷 Siam Square 去 Hello Kitty Cafe 一樣，志不在咖啡，而是在那裏的特色佈置。這裏也是一樣。你會看到很多特色的佈置，你會忍不住不停拍照。這是吃下午茶的好地方，真的，都市人生活繁忙，必定要把握時間讓自己 relex。

同朋友行到攰行到熱，差個幾鐘先至有下場，於是就決定去charlie brown cafe坐下～ 入到去好多charlie brown既野，waiter們都幾有禮貌。朋友叫左杯latte，我就叫左杯soy cap，幾開心係可以落soy milk，因為唔係間間都得啊！比左錢就坐低，有人拎咖啡比我地，唔洗出去拎幾好。咖啡唔酸，不過就淡左少少，但d奶同泡個份量好好！個環境好 cozy，可以舒舒服服坐低傾下計，唔洗就住就住

一個人到尖沙咀不知道吃什麼 突然想起常常路過卻從來沒真正來過的查理布朗。上來之前看過了openrice大家都點些什麼和評價。古法肉醬螺絲粉評價不錯，決定一試！肉醬不錯 唯獨覺得螺絲粉有點乾 ！點了一杯 芒果沙冰一解夏天的悶熱得清爽 芒果味不會給沙冰掩蓋！ 👍👍👍Charlie Brown 的杯裝很可愛！最後不少得岀動第二個胃吃個飯後甜品看著眾多的甜品 選擇了馬卡龍馬卡龍夾雜着Cream和士多啤梨 不過覺得cream太多了 但整體不錯的。除了一個人之外，亦得適合帶上小朋友來玩 。最後與查理布朗拍照後便完結了晚餐。

《花生漫話大電影》今年將於聖誕上映今天就來食住花生等睇戲啦～這裡06年開業，那時我還是學生，已經間中會來這裡。原因很簡單～因為環境靚，從樓下門口，到樓梯沿途，到餐廳內裡的牆身、燈罩、檯面、模型雕塑都是滿滿的靚花生角色。但這裡沒有一般主題餐廳的大排長龍；店面寬敞，沒有一般cafe的侷促；而且座位不在店員視線範圍，他們只會於送餐和收餐時出現，完全不會有趕你走的感覺，感覺很relax。所以少女時代總是點一杯橙香朱古力便坐上一個下午～快10年了，一間有些年日的餐廳，常見食評失望說已不復當年～ 對一間卡通主題餐廳，食物質素一般都不怎麼突出，總是奉上最簡單的食物加上卡通人物圖案交貨，很多人拍過照打過卡便不會回訪。這裡的食物，我不會說特別好吃，像我今天早上來到，點了Egg Benedict，要更好吃的成行成市，我會形容是普通自家製的水準吧～還是吃得開朗的。比起食物，要保持環境氣氛的水準絕非易事。許多餐廳，打掃清潔只做表面功夫，隨著時日過去，不是出現杯杯杯碟碟的崩角或已甩色的圖案，就是牆身的污漬就是座椅的破損，再來就是裝飾或燈罩的厚厚灰塵。這裡差不多10年的經營，感覺依然新淨企理，讓我還是可以舒適地慢

朋友介紹來Charlie Brown Cafe 下午茶，一上到餐廳，見到環境舒適，已經感覺唔錯。我order 左一杯"椰子菠蘿沙冰", 味道清新，又唔太甜，仲要做緊優惠，是半價。😁另外，朋友order 左洋蔥圈，蘋果玉桂茶。味道都唔錯！可以在悠閒的環境下，享受下午茶。這個地方確實不錯。

中學之後都無再黎過呢度lu, 今日想搵個地方睇下書, Starbucks 又去到悶, 朋友建議黎呢度. 同朋友一齊黎吹下水, 睇下書. 朋友食左lunch我未食, 點了煙三文魚意大利飯. 意大利飯味道尚可, 不過嚼勁則強差人意, 飯不像意大利飯, 全顆都很腍身, 質地較像煮腍了的白米飯. 三文魚數量亦不多, 煙三文魚只有中間一片, 飯中有熟的三文魚. 環境幾舒服呢個就真嘅, 想過一個好悠閒嘅weekend, 呢度都不失為一個好選擇, 可以坐足成個晏奏. 甜品選擇都唔少, 雖然我無試, 不過見到都覺得賣相好精緻.

幾個女仔食完個晚飯都係8點左右，就搵間cafe坐下傾下計啦，行下就搵到呢間，經過好多次但就未試過，今次就試下啦。點左杯焦糖鮮奶咖啡，每杯都有唔同角色，我呢杯係Charlie brown. 平時我唔多飲咖啡，就算飲都係焦糖或者latte之類，很怕咖啡有很濃的苦澀味，呢一杯焦糖鮮奶咖啡都算不過不失，沒有很濃的苦澀味，如果能多加一點鮮奶就更好了.我地坐到間店關門，但唯一唔好就係我地都未走又冇話我地知就熄左一半燈

30 MARCH 2015(MON)同小小豬去完搵熊本熊之後(按此重溫)，我地又去搵另一位卡通朋友，就係去搵SNOOPY食個HIGH-TEA呀~ 其實我之前都嚟過幾次，不過小小豬都係第一次，當然要捉佢周圍影下相啦~其實除左依幾個影相點之外，周圍都有好多SNOOPY呀~睇下有咩食先~哈哈哈...嚟得SNOOPY CAFE，當然要食啲特式嘢，件件蛋糕都好靚，真係好想食晒佢呀~真係花多眼亂，最後經我地一輪考慮，終於都決定食咩，仲好快就送到我地枱上，開餐啦(哈哈哈...我地兩口子緊係食唔晒咁多嘢啦，其實同行者仲有一位唔願上鏡嘅金金呀)~首先就係小小豬嘅芝士火腿三文治，估唔到芝士都幾多分量，所以都OK呀~有嘢食嘅小小豬幾開心~我嘅玫瑰草莓杏仁餅，我個人就覺得幾好食，整個餅仔一啲都唔甜，有好香嘅草莓味，不過就食唔到個玫瑰呀~神祕人嘅查理布朗西多士，面嗰層麵包係真係炸的唔錯，脆脆地口感唔錯，不過如果可以係中間加啲醬，咁就應該更加好食呀~有嘢食當然唔少得飲品啦，我ORDER左士多啤梨忌廉冰(唔知有冇記錯個名)~相信唔洗我講，小小豬飲左我大半杯就知係好飲啦~神祕人就飲朱古力咖啡~我嚟幾次都冇留意，估唔到

以前成日都聽人提Charlie Brown Cafe,真係去食都係近排。最近同男朋友成日都會去食，其實最主要係環境好，我地去既時段都比較靜，食啲野飲杯咖啡好舒服。我既韓國男朋友好奄尖，如果佢都話好食咁就真係好食，所以我地去多過一次既餐廳真係唔錯。呢個螺絲粉唔錯，煮得岩岩好，肉醬唔會太咸太漏。一路食開都覺得意粉類最好味。芒果芝士蛋糕，芒果味唔夠。咖啡可以自選公仔。另外菲巴冰我都覺得幾好飲，推介抹茶！

marketing呀sir話香港嘅主題café通常都生存得唔耐，咁Charlie Brown Café應該做得幾好，所以先一直喺度，而我真係幾鐘意去呢間café! 呢間café我已經去過3次啦，3次都幾開心。cafe嘅環境好好，用Charlie Brown呢個卡通人物而唔係Snoopy，可能用一個人，大家更可以identify with。由招牌、樓下、樓梯，到2樓嘅餐廳，裝修好貼主題，周圍都係Snoopy漫畫嘅角色，而且張張枱都有一個，杯碟都有，連廁所都有。第1次去係喺Openrice見到之後同兩個friends特登去試，食咗sandwich同飲凍朱古力，味道都好好。第2次去就同個friend飲野。第3次去就同個friend食甜品。塊cake有Snoopy喺上面ga，而且係食得ga，好得意好唔捨得食呀! 芒果味嘅cake真係好好食呀 我最鐘意呢間cafe嘅一點，就係可以傾好耐好耐計，真係好舒服。同埋有wifi ga，不過要password overall真係好鐘意呢間cafe

下午漫無目的噤逛到尖沙咀，見到好耐都無嚟過嘅查理布朗咖啡專門店，仲有一絲絲童心嘅我，見 lunch都未諗好有咩好去處！不如就上去 café hea一陣啦上到去，當然唔單只得食噤單調啦，其實都係俾 Snoopy嘅 fans瘋狂一番，影吓相，食吓同飲吓有 Snoopy樣嘅食物！鍾意嘅，仲可以去 cashier附近嘅產品區，買番一啲紀念品我睇完之後就搵到個位坐定定睇吓食咩好，見到 set lunch但唔吸引，於是就散叫喇，雖然散叫係好唔抵（每個意粉同飯都要 80幾到 90幾蚊，都唔包括餐湯同飲料，所以真係只有 Snoopy fans先會噤 crazy！）諗咗好耐，都係叫咗卡邦尼意粉同１個羅宋湯！Snoopy fans嘅我，都保留咗一點理性，叫咗好難唔好食嘅組合，始終太耐無嚟，唔知宜家嘅食物質素去到邊！等嘅期間，我都有周圍影相野食嚟喇！ 羅宋湯先上，我覺得最特別嘅地方係個碗，只談得上係麻麻地，好似平時買方便包番屋企翻熱的質素料足但味道唔足，有少少偏酸卡邦尼意粉嘅蛋黃醬做得唔錯食落口個時，有陣陣香蛋味！蛋黃醬果腹住每１條麵條！但唔知係咪太黏口，係咗幾啖就好飽喇，所以本身覺得份量細嘅，但食食吓到最

已經好耐沒有到查理布朗咖啡專門店食嘢, 趁有空檔時間, 就去嘆番個下午茶. 我點了扒芝士火腿三文治, 原來在下午茶時段, 飲品可以減十蚊. 我就點了熱至尊朱古力.先送來熱至尊朱古力, 見到個公仔已經好開心. 我本身鍾意飲朱古力, 但唔係間間的朱古力飲品沖得好飲. 而這個是至尊朱古力, 上枱已聞到朱古力的香味. 入口香滑, 最重要朱古力味夠濃郁, 啱晒我的口味.扒芝士火腿三文治, 款式是較為簡單. 上枱時熱辣辣, 三文治是烘底, 入口好鬆脆, 加上火腿配上少許溶的芝士, 雙重口感, 非常好味.平日下午時段, 人流不太多, 可以靜靜地一邊睇雜誌,一邊飲嘢, 享受悠閒的下午時光.