竹目日本料理 (Closed)

本人很喜歡食鰻魚，經常周圍去試吃別人介紹的鰻魚，今次見open rice有人話此間的鰻魚飯好味，就立即走去試一試，果然同其他人評語一樣，真的很好吃，下次若再去的話，一定都會叫鰻魚丼的。除了鰻魚丼，另外還散叫了幾樣小食試試:- 鯛魚湯超級好飲，真無想過，一飲難忘！原來只是想飲個湯而已，但卻飲到好野！- 火炙三文魚腩壽司入口即溶的三文魚腩，真的好吃！- 燒牛舌牛舌非常嫩！- 燒羊架/燒多春魚，一般般。- 金時鯛魚生，都是一般。

曾經傳媒介紹過哩間，比佢個鰻魚飯吸引左，今次黎試下先，鰻魚超長，蓋住左個飯，賣相已經好吸引，跟住試食，醬汁調較得好好，唔會太鹹，98蚊一個飯係有少少貴，間唔中食下都ok。

深水埗食肆林立，要突圍而出，一係平，一係抵食，星期日下午，同朋友你都附近，見到呢間餐廳裝修有別於深水埗舊區的特色，食物價錢都幾大眾化，刺身都新鮮，值得一試。其他餐牌上面都有唔知幾多嘅選擇，下次可以再試呢

今日晏晝嚟深水埗，撞正lunch time好迫多人天氣又熱，所以就揀咗呢間環境比較舒服嘅日本餐廳入到去好快就有位，睇Menu價錢當然比同區餐廳貴，但冇所謂就試一次啦！Lunch menu 選擇都唔少，最後揀左蔥吞拿魚飯，仲免費送set 添！沙律菜普通野，冷豆腐有啲炸赫係上面幾特別，最鍾意個湯夠晒多油揚我鍾意哈哈好快送埋個飯嚟，啲吞拿魚腩蓉鋪得好厚，好足料！個侍應仲話係用拖羅整嘅添！整體上唔錯，見到隔離個刺身set好靚好 fresh第日如果嚟深水埗再試過！

經過深水埗 見到呢間裝修幾靚但價位合理就入去試左個lunch 叫左3號餐 先黎左前菜 味噌湯同沙律 意外地每樣都幾好食 沙律新鮮爽口 當日前菜係豆腐 但加埋佢地整既方法同醬汁變到好好食 味噌湯都濃郁好正 輪到主菜 量幾足 一定包你飽之餘 用料唔隨便 特別有呢個叫「鳥貝」聽講話係少見既材料黎 食落都唔錯 其餘刺身表現都唔錯 feel到好新鮮又甜 係唔馬虎既選材 唔似一般既丼物定食 最後仲有甜品 有得揀柚子sorbet或者雪糕糯米糍 我就揀左sorbet啦 份量唔算大 但非常清新醒胃 唔會過酸或過甜 個味拿捏得幾好 亦食到柚子香～朋友都大讚 冇估到呢個lunch 三道菜都比到驚喜我地 仲要成set都只係$98 比起其他鋪平少少但完全冇魚生味既日本菜我真係寧願食呢個性價比高既 推薦大家～～另外環境都唔錯 下次或者再試埋dinner!

朋友突然想食日本野，平時我成日經過呢間日本野但無腳所以無食到。一入到鋪頭裝修好舒服，好清靜，唔似平時出面食野人多又嘈。原本抱平常心去食，叫左幾件壽司同刺身，出奇地新鮮同好味！侍應亦非常有禮，會介紹當日新鮮的刺身！原本叫左口魚裙邊，侍應介紹食火炙過的，的確好味，火炙後魚油出哂黎！值得一試！

Passed by Sham Shui Po and got attracted by the Japanese-style modern design of the restaurantOrdered 2 lunch setsFirst come the miso soup, salad and appetizersThe quality is good with appropriate portionsThe appetizers they serve are cute, it's so Korean-like (spicy bean sprout)Nice food presentationThe meat is just tender, fatty and deliciousThe servings of rice could be lessened, it has the amount of 1.5 bowls of rice in it lolHonestly speaking, the price is rather high in SSP district, and t

朋友讓我食飯 居然同我講食日本嘢去深水埗食 當時諗住我坐一陣間就會走，以為會係啲好難捱嘅地方…… 的士到咗之後講真周圍環境麻麻地，有少少伏伏地嘅感覺…… 到咗門口入去，先覺得有少少似日本居酒屋嘅感覺，我們要了一間包房，一行五人開始叫嘢食， 諗住先一個刺身船見佢真身 點知試完呢個船之後大家已經讚不絕口，耐不住即刻叫咗好多其他嘢食，居然樣樣都好食……串燒牛舌……我不記得咗影相， 食完好多嘢之後又不住叫多一個刺身船 兩個大蝦天婦羅……總之好多好多，連烏冬得叫埋 總之想食好嘢嘅人一定要試下水準非常高因為夠新鮮' 好期待下一次朋友又一齊去嗰度食飯 呢間餐廳非常之推薦大家去一試，一定不會令你失望，仲有一樣嘢話畀食家聽，佢哋啲魚生船 入面嘅青瓜都好食到飛'起，非常之脆和清甜 冇諗過伴碟都咁好味 如果想試的朋友一定要試下佢哋啲馬糞海膽， 後來聽店員介紹，佢哋全部都係飛機貨，最好預早兩日定，才可以滿足到你熱爱美食的心同埋胃， 後來我們想嗌多啲海膽都冇……啲嘢實在太新鮮好味食得好開心

早排揸車經過深水埗唔覺意發現呢度有一間日本料理所以今次專誠來試一試！今次點左佢嘅二人餐:魚生沙律只有兩三片魚生刺身同壽司都非常新鮮不過串燒拼盤就一般...甜品亦只得包裝mochi但呢個價錢都算抵食啊！

脆脆卷壽司好正，服務態度又好支持👍👍👍雖然見之前有食評話服務麻麻但今次去試下，其實唔差，而且好好聽佢地講話已經換左d人，會有所改善今日天氣好凍，試左個牛肉冬之鍋好食！湯底甜又暖胃甜品柚子雪糕都好好味👍👍👍

有晚去深水埗行街 老婆提議去食日本菜 經過呢間日本餐廳,門面有d日本私人會所feel 起初吾系好敢入去 之後有位男士好有禮貎甘介紹餐廳食品 入左去坐之後 餐廳環境感覺幾好 服務都吾錯 刺身又新鮮 由其系有款壽司好特別 叫脆脆卷 下次會再幫襯

我10:30入到鋪頭，問咗老闆娘你哋係咪關門, 老闆娘話仲有15分鐘就Last order, close kitchen, 但係你哋可以繼續坐低食！咁我就入咗去啦！餐飯食到11:20左右，當我行出門口之際，個老闆竟然講咗句：唔該下次早啲！ ！ ！ ！如果你係趕收工嘅話, 一係一早我問你嘅時候你就唔好俾我坐低！既然你選擇咗做我呢一抬嘅生意，唔該extend反應有嘅服務態度！

無飯應直接同個客講！可轉烏冬！或唔食！7個同事，一早book定位，準時一點到達。lunch time時間同事們1:00就落單，最遲我1:10到落單。等等等等等等等，等到1:35追單，侍應話今日人多整緊。向佢表示我地2:00要返工，要快少少，食唔切。之後上左兩個刺身蓋飯，一個定食飯。到左1:45，再追。之後侍應先問d飯好熱，蓋飯介唔介意轉為刺身定食上(即係分碟&熱飯上)。唔緊要，最緊要快d。見廚房出左飯，依個時候先見師傅拎碟再執刺身。問定侍應拎外賣盒，佢話要$2個。同事即話: 係你地出餐咁遲喎依家，你仲好意思收個盒錢？上枱時已經最小1:50，碗飯係好少，比起定食飯仲少。有同事接近倒落口，我根本食唔切，要打包拎走。最後盒係有收錢！我地用左2個盒，但收左$6！其實飯唔夠，師傅應該係接單時一早要知，如果唔知就建議再學下師先。我覺得飯唔夠都唔係問題，問題係處理手法！大佬，你無飯咪直接同個客講！話唔好意思，煲緊，講明要幾多分鐘，侍應可以向客提議到時分碟上or 轉其他野食，or定食都會快少少，or 直接轉食烏冬！你要話俾客知！俾個客揀先得嫁！一早知係要1:45先煲好飯嫁啦！我知係會一早轉食烏冬！仲有

深水埗算是比較常去的地方，吃厭了西九龍中心的連鎖食肆，附近的街道也有很多不錯的選擇。正值炎熱的天氣，來點清爽的日式料理正好，沿著汝州街直走到三太子宮旁，有一家外表不太起眼的店，不留意看或許會忽略掉。推門進去，面積不太大，窄長形的設計，有吧台的位置，裝修簡單低調，帶點日本的風味，唯一不太好是空調不夠。午餐時份不吃太貴，來個基本lunch set的三色丼，汽水飲品另加$8。先送來的有前菜、關東煮及麵噌湯，份量小小的，味道不錯，對餓著的人來說可以墊一墊胃。等了一段時間丼飯才上場，三款食材分別是海膽、蔥拖羅茸和三文魚籽，份量不多，舖在表面沒法蓋過飯，海膽味鮮而不苦澀；蔥拖羅茸味道濃郁，少量香蔥夾雜其中不會搶味；三文魚籽粒粒晶瑩鮮香，拌飯一流。最後還附了甜品，一顆小小的雪米糍冰冰涼涼作收尾正好。要是中午經過深水埗又想來一頓簡單的日式午餐，可以一試。

牛肉鍋 淡而無味 同清湯冇乜分別 賣$98難食冷烏冬$70一般 壽司逐件叫，三文魚壽司顏色非常淡色， 味道好一般，完全唔抵食如果喺深水埗食日本嘢咁嘅價錢真係好唔抵唔會有下次，