翠明軒海鮮酒家 (Closed)

朝早同朋友來飲早茶（但都差唔多11點先坐低），場內都幾滿座，最後要搭枱，同3家人一起坐。叫左叉燒包- 我覺得叉燒餡有點甜，唔係好同平時食開個叉燒包。蝦餃 - 好多蝦，好新鮮爽口，皮薄餡靚炸兩 - 炸得唔夠脆，腸粉好薄。燒賣 - 好大粒同埋好新鮮，啖啖肉。雞雜-入面件芋頭好粉好淋，而件雞亦好大件。總體而言，間茶樓唔算貴，而且食物十質素好，可以再來。

睇番食評原來我喺好多年前我已經嚟過呢度唔怪得之有似曾相識嘅感覺每次都係人哋帶上嚟佢竟然裝修過地方比起以前光猛好多服務非常好尤其是瘦瘦哋嗰個阿叔服務十分欣勤都係嗰句啦真係冇乜人幫襯因為冇一個鎮場之寶呢度嘅客路走麻甩佬路線如果你鍾意大排檔傳統粵菜咁就啱曬你老火湯夠曬足料芝士龍蝦伊麵夠曬芝士汁龍蝦又夠龍蝦味新鮮金銀蛋莧菜皮蛋超級好味主角嘅莧菜亦都唔會老最後竟然 有糖水送個糖水都好滋味黑椒炒牛肉牛肉夠曬嫩蒸魚夠曬滑

第一次寫食評就係為左寫負評。間野一入去已經無人手，帶位都無，行入去先有經理叫你坐呢張枱。五個人叫五樣野，其中一樣叫左條海清斑仔（$188），埋單時經理話今晚根本無清斑仔，張單收左條東星斑仔價錢（$348）。餐飯已經食左，所以唔理論，最多無下次。間酒樓處理手法有問題，成間酒樓無正常酒樓點菜卡，係經理自己記低張紙再入機，令到我又無得等上菜時對點菜卡，然後埋單又收另一條魚價錢。如果無海斑仔，應該要通知客人先可以轉魚呀，講完

本身想去個間walk in已full，我地就再行住搵又係求求其其入左黎😂😂成間酒樓都好暗人不可貌相，酒樓都係雖然黑蚊蚊，又唔新淨不過d食物唔馬虎叫左七碟，除左個小籠包我係唔滿意之外，其他都過關(小籠包好乾，咬開冇湯汁不過環境都有小小嘈最後埋單7碟係266呀！抵食啦！

前陣子，有親友新居入伙請食飯，於是我們去到位於銅鑼灣的翠明軒，當晚我們都食得很開心滿足，宴席的菜式很豐富，大家都盡興而歸。首先，宴席的頭盤是有六款小食，分別是麻辣鳳爪，燒肉， 炸豆腐，黑椒牛柳粒，青瓜配海蜇，炸大腸。麻辣鳳爪初時食第一口不覺很辣，慢慢才感受到非常辣味，食了一點已經要喝很多水，嗜辣的朋友應該很喜歡這道小食，而我則不太愛吃辣，所以淺嚐輒止；炸豆腐外脆內軟，味道不錯；而燒肉亦很脆；黑椒野菌牛柳粒則很惹味，牛柳粒夠稔，野菌很入味；青瓜和海蜇爽口，但較為辣；炸大腸則略嫌有點氈味。吃了這些小食後才正式開始主菜，主菜真是十分豐富，當中包括炒班球，蒸班腩，羊腩煲，芝士炸蝦球，蒜蓉蒸聖子皇，炸子雞，菜乾豬肺湯，生炒糯米飯，水餃，紅豆沙等等，我最欣賞的是芝士炸蝦球，外層是香脆的炸蝦丸，十分大，起初以為是平日食到的炸蟹鉗，但原來內有乾坤，炸蝦球的內層竟是流心芝士，對女士而言真是非常邪惡但又很吸引。另外羊腩羊腩份量十足，而且羊腩沒有半點氈味，十分難得；聖子皇很有鮮甜，炸子雞炸得很脆，雞肉亦夠嫩滑；另一重點是菜乾豬肺湯，眾所周知，豬肺湯是很難煲的，因為做法較為複雜，所以一般很少在酒樓裏有這款湯。

銅鑼湾飲茶酒樓多的是，但是价格便宜好吃又容易揾位就不多。翠明軒是其中一間。位于總统戲院傍，門口不起眼，要坐扶手电梯上二樓，装修也比較舊，冷氣有時不太夠。咁它有什么可取之處呀？燒味点心餐：一碗义燒飯＋兩个点心 = 48元。义燒好食，白飯甘香。点心即叫即蒸，也做得可以。例如水晶上素粉粿，漲卜卜，皮薄又煙靱，粿料豐富。

一入去, 黑麻麻, 'up up dup dup', 装修又舊唔係懷舊嗰隻舊喎, 要攪攪佢啦加埋星期日銅鑼灣唔爆+冇乜人心諗:'死啦! 食唔食得架?'又ok喎因为冇乜人, 我哋劲無赖咁坐咗三粒鐘, 係三粒鐘喎冇人赶, 但又冇好好嘅服務一睇就知唔够人啦!D人都ok niceD嘢食都唔差, very good 嘅係莱苗餃皮薄餡靚燒賣nice! 唔會成口油叉燒包皮唔够鬆軟小龍包皮薄餡靚紫芋流沙包皮唔够鬆軟煎釀虎皮尖椒正正正... 够辣, 食得好開心油菜菜够新鲜, ok

因為表妹下星期走，所以我哋全家決定提早團年。聽人講話呢間唔錯，於是放胆一試，點知今次團年飯人多，所以訂咗二圍，訂位時已通知個經理可唔可以比靠邊位置我哋，佢應承咗，點知去到時二圍枱都放係中間，張枱勁細，我訂十二人一圍，但張枱根本座唔到 12 人，於是立即叫佢轉枱，個經理黑面。有冇攪錯，我都未黑你黑…… 重新擺枱後，人都到整，於是叫起菜，但唔好食，好失望！不過食物失望都唔夠佢啲服務咁失望，成晚冇換過碗碟（未試過有一間酒樓好似佢哋咁食飯食成晚都唔換碟），水壺開蓋又唔加水，最後所有都係自己做，但係唔係人客多，唔計房嗰圍，大廳只得幾枱，最多人算係我哋。最後埋單我冇比貼士，因為真係比唔落手囉，啲服務態度：十個差，一定唔會再試。價錢：六個字形容‘一分錢，一分貨’！

Came here for dimsum after noontime with a friend, so only ordered a few dishes between us two.Food: Overall, the food was good, exceeded my expectations considering the restaurant is tucked away on Cannon Street, on the 2F of this building accessible by escalator. I ordered Har Gow; Chicken feet; Taro drippy buns; Shrimp rice rolls; Chicken/pork/mushroom sticky rice wrapped in tea leaves. The har gow were the standard, the shrimp here was diced pieces instead of whole. The chicken feet had