千味燒

Open Now

Now Closed

呢間響紅磡寶其利街轉角位既串燒店，由本來幾個月前無咩人食到依家要等位食，真係有佢過人之處既。雖然係街坊既價錢，但哥哥仔燒得好有心機！今日我點左雞翼，九菜，冬菇。雞翼外層好香脆，而上面加左鹽同辣粉做調味，非常惹味。入面既雞肉好多汁又嫩滑，每次黎我都會食幾串雞翼先走。記得加幾蚊要蒜蓉，真係好香！而九菜都好香，不過食落會發現都幾多油，注意健康既你就唔好食喇！ 冬菇一客有3隻，粒粒彈牙多汁，好抵食！

飯後，朋友表示想食串燒，區內一直有一間馳名的串燒店「美x佳」，可惜試過一次被其囂張氣燄和漫長的等候時間嚇怕，於是來了黃埔街與寶其利街交界新開的千味燒嘗嘗。 店外有六張椅子，後來才知道原來樓上有位。一過偶爾坐在路邊吃串燒也挺有風味的。 我們點了燒韮菜、原條燒蒜蓉茄子、雞全翼和司華力腸。 可以隔著玻璃看到師傅製作的過程。 燒韮菜，份量不少嘛。 司華力腸十分香脆，正！ 燒茄子也很美味，蒜蓉量也很足，推薦。 雞全翼外皮香脆，不過肉質較霉而且好像沒有醃過，味道一般甚至焦掉的地方有點苦味。 我們劃了小辣，不過好像沒有什麼辣味，幸好有辣粉調味。總的來說，雖然環境不太舒適，但食物還不錯的，而且員工老闆也很親切，總比起貼錢受氣的某店來得好。有機會會再來。

睇完演唱會又有少少肚餓吾知食咩好，今次去返紅磡食野，其實紅磡都有好多好野食，特別串燒都好出色，今次選了一間叫千味燒的店舖，價錢比旺角其他地方出色，所以可以任叫～ 而啤酒只有青島選擇，而問了還可以出外買飲品回來，當然買最好味的日本啤酒啦。坐下看餐紙都多選擇，價錢都比市區平一點，所以可以任叫！～超開心粟米用鍚紙包住紙所以吾乾身好味道。牛肉都還可以吾乾身有少少用味。菜只需9蚊就可以食到，食一串實在太少。魚第一次黎食到1／3原來未熟，佢地即時收起重新燒比我地，烏頭油不多，但都滑同香，醬就冇咩味。但以＄100可以有一條魚都吾錯質素。青椒超辣但好香口，食左一條只有男人食晒佢，牛舌吾夠厚身但都淋吾乾身。羊就比較失望。雞翼偏乾同細隻冇肉。燒菠蘿難得燒香但吾乾身，仲要記得都吾貴，比出外份量多。總結黎講，質素不錯，服務態度都好，但姐姐侍應要提多次先會跟單。價錢比出外平而選擇也不少。

每次經過都以為這兒就只有街邊的幾個bar枱式座位，但這次來聽店員說，原來有樓上舖位的，不過已滿座了，唯有坐街邊~燒牛舌，肉厚爽嫰有汁~燒牛丸，彈牙有牛肉味~燒雞翼，皮脆肉嫰有汁，不過仍有雪藏味~燒虎皮尖椒，青椒夠大份，不過未能做到真正的虎皮，辣不辣就視乎青椒來貨吧，是日的算是中辣程度~燒雞軟骨，辣度絕對是冠絕全晚所點的，只是一小口足以令口腔發熱，辣得過癮，但味道又不怎樣特別~燒墨魚丸，爽口彈牙，有墨魚粒，不過還是覺得觀塘的墨汁墨魚丸好吃得多~燒京葱，半生熟，保持爽脆，帶原有的辛辣，但個人喜歡熟一點的，會多一點鮮甜~燒菠蘿，是我最愛吃的串燒之一，暖熱多汁又甜美，是很好的甜品  幸好早來，被安排坐在離燒烤處最遠的位子，否則燒烤是冒出的濃煙都飄到身上，又油點亂彈，全身定必遭殃   眼看旁邊的圓凳都滿是油光呢~整體價錢和品質成正比，秋冬時再來幾串，配上啤酒，就更perfect 

今日又出咗紅磡同老公食飯，由於臨時決定，所以都冇乜頭緒食 d 乜，咁啱行過見到一間新嘅燒烤店，都猶豫食唔食，因為隔幾間舖位就係「美味街」，不過間舖主打即燒，加上價錢唔算太貴，本著大無畏精神就去試試。舖頭係喺街角位，一邊放咗6張高櫈，望住師傅即場燒，由於即燒，要等的時間一定耐，一邊傾計時都會望下 d 人喺到做梗乜，其實整體員工都好有禮貌，而師傅係 keep 住有笑容，雖然坐街邊，但感覺尚算舒服，不過到夏天就真係唔敢講🙊其實食咗好多款食物，不過最值得推介係茄子，因為真係原條茄子燒，同埋見到師傅燒嘅時候係 keep 住拍打茄子嘅不同位置，去到大半時就𠝹開中間再落蒜蓉同鹽，咁大條茄子都只係賣 $9，簡直超值。其餘的食物都好好食，不過最抵都係茄子，有機會可試試。新張期間有 $80/3隻8寸虎蝦，見到有人 order, 見到都幾新鮮，有機會試下先

偶爾經過發現滿滿堂食及外帶客人，明明晚餐已用，仍決定小試牛刀。小店(店鋪面積堅小)設計全為廚房，風格帶點日系。店前以高身板作枱，可容納八至十人作堂食之用，高高的bar椅讓食客可以欣賞廚師燒烤0既風姿，亦可以同大廚談風說月。因為宵夜關係，試食菜食不是太多，但全部即叫即整。包括……金菇牛肉卷($9)的的骰骰，牛肉唔鞋，金菇唔卡牙，一口過好和味﹔瘋狂雞脆骨卷($15/3串)堅香脆，加上指天椒粉，辣丫！真正香辣脆﹔金銀蒜燒勁大扇貝($48)大大隻，夠哂鮮味﹔燒菠蘿卷($9)又大又多汁，帶少少菠蘿酸味，正﹔燒聖女果果卷($9)既是甜品亦是蔬果，熱度爆點，係一個完美ending。全部都好好味，一定要再食。 唯一美中不足係等食時間偏長，起碼要等十五分鐘至半小時。奉勸先叫外賣，到附近逛逛再回來。