千味燒

Open Now

Now Closed

紅磡串燒點只美x佳，仲有好多選擇！今次呢間默默地擴張，由原先主打外賣🥡，到依家有埋樓上雅座，需要呼吸嘅朋友🚬可到樓下有丫遮頭嘅專用區，有feel🤌🏻做串燒已經夠熱，仲要行上行落送餐，哥仔服務態度依然超級好、好talkative🫶🏻。呢到應該係冇酒牌，店家非常歡迎大家自攜飲料食品🍺🍨，嗰日佢仲幫我扔埋七仔膠袋，rearrange過枱上嘅調味料擺位，等我食得就手啲🥹當晚自己去歎happy Friday，嗌咗4款食物，樣樣都燒得好用心❤️ 調味料齊備，辣粉孜然粉隨便落，為串燒味道加分，難怪有咁多熟客👍🏻🟠 秘製蒜蓉燒原條茄子｜$32條小編食串燒必嗌🍆！ 好淋好油潤，一刮輕易離肉，燒得非常資格💜 香蒜落得好重手，蒜味猛烈到有啲over，食到苦味🧄 🤏🏻燒汁肥牛金菇卷｜$21串調味剛剛好，燒得juicy到滴晒汁💦 牛肉滑嫩一啲都唔乾鞋，金菇好爽好脆完全唔黐牙，呢點好難得！🙌🏻 可惜太少太細舊，份量滿足返啲就好🥲鹽燒豬大腸｜$17串一次食到兩重口感🤤 外層燒到薯片咁脆，入面保留大腸嘅軟韌，又一啲唔難𡁻。小編身為大腸星人表示腸味 (有人會覺得係異味) 可以再濃烈啲😛爆漿芝心丸｜$18串打邊爐至愛！燒嘅

整體環境都ok 企理，有樓上冷氣位，坐得都幾舒服。仲有啲日本居酒屋既feel。野食黎講燒得好香口，唔會好乾身，都唔會overcooked/undercooked 火喉同時間控制得啱啱好。調味都適中，食完唔會話好口渴。好食。今次點左牛柳粒，韭菜串，金菇肥牛卷，蘆筍肥牛卷，雞翼，牛丸，芝心丸… total 十幾樣野再加兩罐野飲，都係四百蚊鬆啲，幾抵食。另外老闆十分熱情同健談，態度亦都好好，feel到老闆係用心去經營。小店要多多支持！

環境路邊有蓋單邊攤檔，另設有有冷氣閣樓 ，悉隨尊便。點餐紙增加新食物及廚師推介，原來剛轉了新老闆2 個月。食物質數提升不少，燒烤手勢夠火喉最怕串燒一系燒過火黑漆漆或燒得吾夠溫吞吞點名讚食物串燒魚片頭外脆夠彈牙，食物原材料高。燒蠔用錫紙杯盛載連同金菇墊底燒烤，保留原汁原味，仲有－口蠔水喝到😝總體燒烤手勢用心夠火候，原材料質數靚咗，食物燒得外脆內軟，加埋街坊價錢，招呼親切，燒烤手勢比得上日本串燒。多多支持小店生存。

放工OT咗陣，同同事吹下水食d嘢，响寶石戲院行前d有陣陣串燒香味，貢咗入去呢間千味燒。有閣樓坐位、我地揀坐地舖坐位，有d大排檔地道feel. 笳子燒得非常好，娃娃菜(記得叫佢加多些蒜)勁好味、蠔同煙肉露筍串我地encore咗兩round, 今期扇貝做買一送一，有我最鐘意羊架…本來諗住求其食少少 (呢排下午茶食散水餅食得太多好滯)，結果叫到一枱都係😅 同老闆傾咗兩句，原來新頂手經營。小店但食物水準做得不錯。

經過好多次，次次都見到有人喺餐廳隔離飲啤酒食串燒…….有一日肚餓經過決定試吓。印象中係買咗90幾蚊食物，攞返屋企食左幾分鐘，已經冇晒。果下係完全嘅空虛感。佢嘅份量真係好小。或者話串燒唔係用嚟填飽肚嘅食物，只係同啤酒絕配嘅小食，同朋友小聚時享用嘅小菜。 咁樣理解會好點嗎？

外國留學生客人變多了 已經成為小店的主流客人 今日我地一行4人 手渣野飲 櫈未坐下 已被不客氣地表示不得飲用外帶飲品及食品 （酒精除外）店員沒有確認我們手中是否酒精飲品突然隔離枱的留學生進食店內沒有提供的薯片 而沒有被店員阻止店員的雙重標準 大家自行解讀店內規矩我們會遵守但請店員好好執行對本地客不是沒有禮貌而係得失本地客 態度是為難本地客說話語氣和眼神都是不可一世食品種類非常不整全我地張單改了又改缺貨種類都偏向比較貴價的食材

岩岩搬過嚟第一日因為好想食串燒 所以同老公行咗黎呢間轉角串燒舖 貪佢有得坐街邊位 開揚啲又可以食返一兩支煙不過地面唔平所以要坐得好小心估佢唔到啲野又幾好食喎 但如果多啲選擇就仲正大多以丸，雞肉，菜類為主 切記，豬大腸同韮菜必食 （如果大粒啲好咬口啲就仲正）如果多啲牛選擇就好啦 因為我太愛牛 提提大家，估計佢無酒牌，所以要去隔離便利店自己抬，勝在周圍都多總有一間係左近以後宵夜抽筋起上嚟想食串燒 就無問題啦 佢收2.30am! 值得推介

夜媽媽先放工已經無咩餐廳可以揀咁就食少少串燒算啦今日試新嘢！呢間千味燒晌轉角位出面有位泊車🤫方便👍🏼下面舖位有吧枱位置不過如果堂食佢會叫你上樓上樓上係個小小舖位有冷氣有廁所晌下面落完單就可以上去坐等食不過都可以直接上上面坐住落單有人會上黎收單的等左一陣d食物就到喇今日叫左 雞軟骨($21/2串)，牛柳粒($31)，牛脷心($31)，司華力腸($19)，豬腩肉($15)，豬頸肉($15)，芥蘭($11) 同茄子($29)牛柳粒好稔，正👍🏼👍🏼牛脷心都好好味不過芥蘭就有dd咸，咁人地係叫鹽燒芥蘭嘅🙈其他都不過不失啦晌夜媽媽又無乜其他好嘢食黎講呢間串燒都可以再食嘅🙃

平時食啲餐廳就算差極都有個譜，但呢間野實在太差造就左我第一個劣評。夜晚11點半係黃埔收工肚餓諗住去美味佳食串燒但撞正佢休息，見附近見到呢問舖就去試下。仲記得我地係11.55坐低，落埋order就12點左右，然後12點半都仲未有野食，然後就搵左個侍應啊姐追order，跟住佢就話今日好忙，啲order係續張枱排住隊做。好啦，等多15分鐘都係仲未有野食，然後再追多次，佢話已經燒緊。最後係前後等左45分鐘先有第一轉野食上枱。仲有我地一開頭嗌多春魚，隔離枱問姐姐佢地個多春魚整好未，個姐姐先話佢地知多春魚賣曬🤷🏽‍♀️然後我地自己問姐姐:<咁我地個多春魚係咪都無咖啦？>，個姐姐就好理直氣壯同一啲歉意都無咁樣答我地:<賣曬咖啦！>。聽到真係一肚火，唔係因為多春魚無曬，而係冇曬佢都唔通知翻一聲。最後，佢啲野食真係好一般，又貴過美味佳。仲要用膠兜去裝串燒，好唔環保。真係以後都唔會再去食

今日本來係想食美味佳的，但適逢星期日休息(一時忘記了)，就錯有錯著去了旁邊沒多遠的千味燒。雖然環境燈光較昏暗，用的又是即棄餐具，但仍無損我對呢間舖的串燒的印象，就是一個字：正！本來見到呢度有兩個負評，心諗唔通最近食物水平較以前低了？但點知其實又冇講到咁差。去到舖頭依然坐滿客人，外賣單夾到成枱都係，廚師手忙腳又亂，就咁睇就知已經唔會差得去邊。我喜歡這裡的特色，就是所有食物都不會因為是串燒而變得太乾身，調味亦算適中，可以食返食物的原味。先講韭菜，長而大份，加了少許醬油、鹽和芝麻調味，感覺同用孜然調味又有不同食法，成件事好juicy。燒菠蘿一向係我摯愛，呢度仲只係一串的份量，食落口熱辣辣，如果可以加多少少幼鹽調味，肯定更好食！呢條燒茄子勁啊，佢唔需要燒到燶哂，都可以做到成條都軟淋淋入哂味，等你連皮食哂成條都仲得，保證唔會嘥野。雖然呢度冇得揀辣/不辣，但覺得以佢地的經驗黎決定每一樣食材用邊種方法黎燒製，其實對食客黎講都係一種享受，因為佢地知道點樣係最好食。同場仲有京蔥肥牛卷、多春魚和雞軟骨，呢三樣我都好推薦！！

第一次點這間外賣，食物沒有味道，鹹辣味都沒有，一顆普通的黑椒牛丸連黑椒味也沒有，4個人吃平均100蚊一個，太不值了，奉勸大家不要試，選擇少價錢略貴以後都不再光顧！

食過一次咁大把，比格尼幾間都貴啲，又唔係特別好食，海產類仲要貴得好唔合理。最重要係佢地超級唔環保，用啲即棄微波爐盒(本來可以重用)，不論外賣定堂食都係用依啲，每次經過見到都製造勁多垃圾，真係好嬲。

我同老公老係千味燒嘅常客老公唔中意其他串燒店既深圳風味，皆因乜都加孜然粉同大量調味料，所以千味燒嘅粵式串燒係我哋嘅至愛由開業至今食過不下二十次，終於捨得打下食評，相片係前兩日買左外賣反屋企影既呢度有室內有室外，室內係樓上有冷氣，但我們獨愛室外食，以前係坐街邊，而家係有瓦遮頭既位置，泊車方便，望住架車食又係別有一番風味唔好諗住係街食就污糟又唔衛生，小女子係腸胃差到不能夠再差既人，但每次食完都無事，就知衛生情況係無問題啦，佢地亦係用即棄既餐具，雖然有點不環保，但勝在衛生一定有保障！最驚曱甴既我係曱甴sensor，視線範圍之有曱甴就wewa鬼叫，但係呢度我只係見過一次咁大把，之後次次食都無見過，所以怕曱甴而唔敢食街邊野既你地唔洗怕啦！以下介紹嘅食物絕對係必食，食過一定翻尋味翠玉瓜咬落去啖啖都係汁，好清甜既翠玉瓜，燒到啱啱好熟哂，諗起都流哂口水，每次去我都最少食兩串！汁燒冬菇好香冬菇味，加上佢地既燒汁去食真係一流呀！多春魚燒到皮脆然後d魚子完全唔苦，咬落去bibibaba好爽呀！本人唔係太食辣，食親多春魚都要點少少辣粉去食，好惹味！燒雞脾係我同老公至愛，雞脾皮脆肉軟，咬落去啖啖都係肉，次次都會

同朋友黎哩度食宵夜傾下計係唔錯嘅選擇。串燒整體黎講都燒得幾好，唔好太燶或者太乾，味道都唔錯。雞翼，雞皮燒到好脆，但又唔會好乾，雞肉依然有肉汁。牛油金菇，好香牛油味，如果加埋蒜蓉應該會更加好食。芝心丸，燒到中間嘅芝左融融地又唔會太熱。正!煙肉韭菜卷，韭菜都新鮮，煙肉又唔會好油。秋刀魚唔腥，加埋檸檬汁食好鮮味。

嚟到呢間開喺轉角位嘅串燒 本身一見到就心諗「為何美食總要在露天」點知原來喺天外有天 隔離就有樓梯上閣樓涼住冷氣睇住奧運等食-最令我念念不忘嘅第一位就喺祕製蒜蓉燒大扇貝 ($48/隻)我想講佢個蒜蓉真喺令我無懼口臭都要倒哂落口個蒜蓉唔喺行貨 唔喺求其俾啲超市買到嘅蒜蓉醬敷衍你祕製蒜蓉食落好有咬口 仲唔會只得死咸味 食到最尾喺有陣甜味 超級惹味隻帶子仲要喺大過個5蚊銀好多 喺街食多數都喺同1蚊銀差唔多size 呢到嘅帶子仲要好味彈牙 無腥味人嚟 唔好阻我 我要食多幾隻😭 我已經脂肪喺咩嚟㗎-其實我想講佢個蒜蓉真喺超級無敵勁好味 落咗佢就咩都覺得好好食而且重點喺佢唔會搶咗其他野個味 就好似茄子呢啲淡味食材 都唔會有喧賓奪主嘅感覺反而喺有種昇華咗個味道嘅感覺之後忍唔住八卦一問下師傅點解串燒咁好食 原來啲祕製蒜蓉喺每日手切 蒜香味先咁濃❤️所以真喺唔好吝嗇個$2 一定要加多蒜蓉 唔加包你後悔-之後實在不得不介紹佢嘅雞類串燒 因為各個部位都做得出色 實在唔喺易事嚟拿 今次真喺親身上陣 表現俾你地睇何謂大過塊面嘅燒雞脾 今次都算喺為藝術而犧牲所以一影完相 我即刻先食為快嘩我嘅犧牲總算無錯 一入口肉汁就