Châteraisé

Open Now

Now Closed

疏乎厘芝士蛋糕🧀平時成日食實實哋嘅cheese cake，今次試吓新嘢😯 呢個疏乎厘口感好鬆軟，又好香芝士味😍 真係好surprise！推薦！😚紅茶牛奶布甸☕️🥛呢個同樣好有驚喜，紅茶同牛奶味好平衡🤤 布甸非常creamy，份量啱啱好，價錢算係好平好抵食😆

Chateraise之前收到U Lifestyle得獎電郵，中咗Chateraise $50現金券，最近先得閒去兌換返，差d擺到過哂期，好彩醒返起就衝咗去換啦！🤣🤣🤣1.雙味泡芙（吉士及忌廉）$14（8.5/10）呢個雙味泡芙個泡芙食落有空氣感，中間吉士醬比較甜，店舖仲寫係人氣No.1，我又唔覺咁好食，反而抹茶味先係我No.1！2.雙味泡芙（烤蕃薯及忌廉）$14（9/10）呢個雙味泡芙個泡芙食落有空氣感，中間烤蕃薯好有香芋味，唔會好甜！3.雙味泡芙（抹茶及忌廉）$14（9.5/10）呢個雙味泡芙個泡芙食落有空氣感，中間抹茶味香濃，唔會好甜！4.抹茶瑞士卷$17（9.5/10）呢個抹茶瑞士卷唔會好甜，蛋糕實中帶柔軟，食落有淡淡綠茶味，入面中間仲有北海道十勝產嘅紅豆蓉！2人總共價錢$59，出示$50現金券，補回$9個人口味總評分：9.125/10地址：葵芳興芳路223號新都會廣場2樓216號舖

✨tiramisu千層蛋糕🤎 （$32)最底嗰層係cake嚟，上面就係一層層咁～整個千層都好香平時啲tiramisu味，有淡淡嘅咖啡香 仲有啲「芝士」+朱古力粉味。食完唔會好膩，味道上係幾好食‼️

做嘢做到攰，朋友想食啲甜野做下午茶，於是在附近呢間一直都想試嘅餅店買咗一個雙味泡芙，我揀咗抹茶拿鐵味泡芙非常鬆軟，裏面嘅忌廉甜度剛剛好，唔會太甜，搽茶味好突出，拿鐵味夠香滑，正😍😍😍😍😍

今日娘家提早幫老公慶祝生日，細佬喺Chateraise買咗個特濃朱古力蛋糕。其實一直對哩間餅店嘅蛋糕感覺一般，以往嘅經驗都係一半好一半壞，同埋成日覺得咁嘅價錢可以有其他更好嘅選擇。所以自己心底裡對今日個蛋糕亦不敢抱有太高嘅期望。可能正正因為咁，所以食嘅時候有驚喜。個名真係唔係呃人嘅，朱古力真係好香濃，好邪惡呀。蛋糕中間係幾層的，所以口感好豐富！大家都異口同聲大讚好食，連怕甜嘅老人家都食到舔舔脷，朱古力香濃得嚟唔會太甜，唔知係咪用咗黑朱古力呢。希望我會慢慢對哩間餅店改觀。

去完喺葵涌搞嘅香港美食展，行到有啲熱，裏面又冇即食嘢食，又禁示食嘢。於是去返新都會廣場，即刻諗起呢間甜品店，入去買咗兩支雪糕食。朱古力脆皮雪條 15元脆皮朱古力係脆嘅，不過雲呢拿雪糕太甜，可以一試，唔算好好食。 朱古力甜筒 20元size比起平時嘅雀巢細一啲，賣20元有啲貴。 朱古力味都幾濃，不過最失望嘅係個筒，係淋嘅，一啲都唔脆。雀巢雪糕個筒仲脆過佢，有啲失望。我記得之前幫襯過佢嘅雪糕三文治，個皮都係淋嘅。試過幾次覺得呢間啲雪糕都係一般，寧願食啲平啲嘅雀巢，反而覺得抵啲。

大前日(23-9-2021 Thur)老公放工後返嚟,拎住兩袋嘢,其中一盒係呢間,係為我前日生日而買,嗰晚我哋只食到A1嘅哈蜜瓜杯,而呢兩個就喺前日食啦,由於朝早未肚餓,唔使出行食早餐住,於是攞呢兩件cakes食,係:1. $46.00嘅白桃波波切開呢個食先,呢個白桃算濃,乳酪mousse輕盈,味道唔太濃,底嗰層蛋糕較A1嘅實同有啲燶底嘅濃濃焦香味. 2. $33.00 嘅菠蘿雪山呢個用個膠杯裝住,要食咗一半至睇到橫切面,呢個味道比白桃波波清啲,但好似清到食唔到菠蘿味,就算裡面真係有菠蘿肉.而我哋係食到脆脆珠嘅.抵食係2.8分題外話:上嚟openrice search,至發現原來呢間都係A1嘅.

星期天突然很想吃忌廉水果蛋糕，別無他選，第一個諗起Chateraise嗰果鋪滿🍓🍓🍓🍓嘅🍰🍰🍰🎂，不過今次貪心啲，買了一個15cm嘅鲜忌廉水果特式蛋糕。 蛋糕軟棉棉，忌廉好滑好soft, 滿滿嘅雜果🍑🍓🫐🥝又甜又新鮮，家裡五個人分，每人分到大大件！🍰🍰🍰有時想食🎂🍰🍰都唔使擇日子嘅！想吃就吃吧！超滿足！😋😋🥰

復活節好想食蛋糕，所以趁聚會期間，訂了這家連鎖店的蛋糕。其實有好幾款都想試，但因為最愛還是忌廉，就選了這款招牌的忌廉蛋糕。葵芳店蛋糕的選擇也不少，每次都放滿成櫃，令人經過都會望一下。這個忌廉蛋糕有7寸，不過$250，好抵食！切開入邊，有士多啤梨果醬，蛋糕亦濕潤鬆軟，加埋香甜又滑的忌廉，成個蛋糕好好食。大家食完晚飯其實都好飽，但一切蛋糕都秒清，可見這個蛋糕深得大家歡心，下次有機會要試埋佢另一個招牌水果千層蛋糕！

行街街 , 在 Chateraise 買了個靚蛋糕返屋企食 ~Benihoppe Strawberry Bar Cake 特級士多啤梨長條蛋糕 (期間限定) : Available 3月6日 - 3月31日 , 日文 "Benihoppe" 是解作紅臉頰的意思 , 而在日本 , 當進食非常美味的食物時 , 會以「好吃到臉頰都要掉下來」去形容 .... 這個蛋糕 , 質感鬆軟且微帶濕潤 , 忌廉幼滑奶味濃厚 , 士多啤梨的味道更是果香味濃又甜蜜 , 真是「好吃到臉頰都要掉下來」~本篇完 ~

在荃灣買過幾次，好好味。見到這裏新開，立刻試試。今次試了雜果蛋糕，蛋糕好軟熟，忌廉好滑，不會太甜，生果好新鮮，好好味。士多啤梨蛋糕亦是招牌蛋糕，好軟熟。還買了兩個signature的忌廉吉士泡芙明天吃，大滿足！這間分店一邊賣蛋糕，一邊還有得賣好多種類的曰本雪糕及雪條，下次好想試北海道牛乳雪糕甜筒及咖啡雪條，一定好好味。