Video
Above information is for reference only. Please check details with the restaurant.
同朋友慶生所有買Chateraise 嘅蛋糕嚟試下，揀咗呢個士多啤梨日式芝士蛋糕。外表睇落都幾靚，可以加$5有朱古塊寫生日名牌。日式芝士蛋糕嘅蛋糕體甜而不膩，唔會話食兩啖就漏，而係好輕盈嘅口感。我哋三個人食，食完晚餐，再每人三份一，都唔會感覺太多，而係好好嘅飯後甜品。另外佢嘅士多啤梨都好香甜，唔係hea嘅士多啤梨，夾埋個蛋糕同啲Cream，非常好食。佢嘅Cream都有奶香，香滑但唔漏，都係好好食😋！同人慶生都推介呢間蛋糕！
continue reading
好友買來的，沒吃，然後外帶回家才吃。大大件的卷蛋，即使雪凍了亦不覺得有冰粒，中間的還以為會是忌廉，可能白色的有少許忌廉，而我綠茶的，不太吃到忌廉，好像全部都是綠茶雪糕，質感夠幼滑，而且配合卷蛋味道比配合泡芙比較好吃。有次再買泡芙，泡芙內的是雪糕，畢竟由雪櫃拿出去室外，再雪返，再攞出來才吃，一定免不了有點兒冰粒不過冰粒都不算太多，質感還可，上下的泡芙都有點兒軟掉了，以這些雪糕店的外賣甜點來說，可能蛋卷會比較優勝。
continue reading
難得今日係Happy Friday,咁就買兩件cake返屋企食。行過見到有大約十個人係店入面買緊，湊熱鬧嘅心態就走咗入去。蛋糕款式勁多，令人花多眼亂。最後買咗千層蛋糕同濃郁焗芝士蛋糕。先講個千層蛋糕。入面真係有勁多層，而且蛋糕質地鬆軟。而且唔會話太甜，呢個蛋糕都幾啱我口味。另外濃郁焗芝士蛋糕就有啲失望。首先入口嘅質感一pat pat咁。雖然係有芝士味，但芝士味加埋入口個種質感會令人覺得食完好漏。整體嚟講都ok嘅。但下次會試下其他味道。
continue reading
是團子啊🍡🤤🤤🤤🤤🤤🤤平時都是以蛋糕🍰出名想不到連團子都十分出色四小串每串兩粒的的骰骰團子不硬口感q軟配上芝麻醬咸甜咸甜意想不到的搭🤤🤤🤤🤤🤤重點是只需$18
continue reading
試左個主打蛋糕---士多啤梨忌廉蛋糕。個蛋糕係幾層蛋糕體同忌廉，夾心有士多啤梨醬，食落唔會好『漏』。蛋糕體夠濕軟，就算食唔曬第二日雪櫃拿翻出黎食，個蛋糕體濕度都仲Keep到，口感唔錯。忌廉細滑，味道比較清淡，一食就知道唔係連鎖麵包店用個D普通cream。比較薄身，啱一D怕食cream既人。不過我就覺得唔係好夠甜＆唔夠奶香味。士多啤梨唔酸，微甜。士多啤梨醬我覺得唔算好突出，份量亦比較少。整體感覺佢用料係比連鎖蛋糕店好，不過味道上仲可以有進步空間。
continue reading
You may be interested in