Video
4-min walk from Exit A1, Tiu Keng Leng MTR Station
continue reading
Telephone
22432528
Opening Hours
Today
09:00 - 22:00
Mon - Sun
09:00 - 22:00
Above information is for reference only. Please check details with the restaurant.
去日本旅行嗰陣食個咖啡奶凍，之後返咗嚟香港周圍搵，但係都未搵到此日本咖啡奶凍的。放工經過呢間日式西餅舖，見到佢有新出品，就係我搵咗好耐嘅咖啡奶凍。呢個佢叫做越南咖啡奶凍，喺新出品，賣相唔算好靚。我為咗尋回日本嘅味道，我賣相唔得都買來一試。味道始終比日本的甜，可能因為要迎合大眾口味，本人就喜歡淡一點的奶凍。味道OK，價錢只係$11 ，性價比可以接受。有機會我會再買嚟食。希望其他西餅店都會推出類似產品，但可以多個選擇。
continue reading
留意左呢間好耐，都試過呢間幾款甜品，每次都無失望。於是乎決定系呢間訂生日蛋糕，慶祝母親大人嘅生日！聽聞chaterise系用日本直送嘅生果同牛奶整蛋糕，先唔好講味道，淨係賣相，都覺得d 士多啤梨好新鮮。切落去，都覺得佢哋嘅cream 系唔同啲。食落去，佢嘅cream都係優勝其他連鎖店。特別香同滑同埋新鮮！以呢個價錢來講，雖然略貴其他連鎖店，但對得住呢個價錢，算性價比高啦！而且士多啤梨份量都唔少，又甜又大粒，屋企人都食到好滿足！可以encore!!
continue reading
千層蛋糕 唔掂, 不過因為買得急, 區內又冇得揀... 所以先諗住試. 點知唔好食. 好似$220 , 咩折都冇, 其實佢d款得好少好少, 撞正SUMMER仲要係密瓜....又係唔LIKE...平時D泡芙好食架. 雪條牛奶味都係一般另, 想提返, 呢間舖成日得一個收銀又收錢又拎CAKE, 其實可唔可以長期2個人放係度, 唔係等到人多先派多個落黎呢.... D人落ORDER D味又煩又長氣. 搞到次次買都要排一輪
continue reading
318 views
來自日本的人氣法式蛋糕店Chateraise於1950年代於日本創立，數十年後Chateraise已進駐亞洲多地。自2017年在香港開設第一間分店之後，短短三年多已在香港設立超過30間分店，最近一個星期終於進駐屋企附近的商場，並趕及在農曆年前開業。今年情人節雖然可以出外午飯，但始終欠缺一份正式甜品。回家途中經過這家開張未夠一個星期的「Chateraise」，決定買兩件日系風格法式甜品回家品嚐。典型香港人風格，每逢有新餐廳或新餅店開張，特別多人排隊⋯⋯好唔好食就要試過先知。不過，「Chateraise」作為日本過江龍集團式餅店，而且是直營，質素應該有保證。這間分店雖然面積唔算太大，但除了賣相精緻的日系法式甜點之外，「Chateraise」的其他出品也算相當齊全：（新派）和菓子、獨立包裝芝士撻、日式忌廉蛋卷、冰條等。各款法式切餅每件大約HK$30～38，較日本當地定價約¥300/件貴，但標榜雞蛋、麵粉、牛奶、朱古力、水果等等各種原材料全部日本進口，香港工場製造，保證口味及質素與日本當地總店接近相同。各款冰條定價$12～$17不等，較日本¥70～90/條貴了超過一倍，可能因為日本製造、然後原裝入口，成本更高的因素吧?! 總是覺得唔抵食。外賣紙盒設計屬於典型日系風格，純白色、設計非常簡約；除了餅店名稱之外，就只有簡單的線條圖案，但又印刷了正確的外賣紙盒封口方法，指導客人將吃不完蛋糕放入雪櫃⋯⋯ 往往就是這種簡單而窩心的包裝設計，給予客人餅店着重出品質素及各種細節的信心。脆皮朱古力蛋糕（$35）共有四層海綿蛋糕，每層蛋糕之間塗抹了鮮忌廉及牛奶朱古力忌廉，再加上表層的厚身朱古力忌廉及朱古力粉，賣相吸引。海綿蛋糕鬆軟，朱古力忌廉入口幼滑。略嫌朱古力忌廉味道偏重甜膩及奶味，可可成份較少，香味未夠濃郁。不過，在每層朱古力忌廉內，原來夾有一塊脆皮朱古力，每啖蛋糕增加了一重脆卜卜口感；脆皮朱古力的可可香味亦較濃郁，可稍為彌補不足之處。士多啤梨鮮忌廉蛋糕（$38）選用了其中三種最常用的原素：海綿蛋糕、鮮忌廉及士多啤梨，重點當然是選用了日本產士多啤梨，質素已經有保證。由工場統一製作，海綿蛋糕口感鬆軟，質素與餅店其他蛋糕出品一樣穩定。鮮忌廉香滑，牛奶味滿瀉。日本產士多啤梨無論是那一個品種，向來是質素保證；甜度高、兼有少少果酸，味道平衡；難怪即使本地品牌餅店的士多啤梨忌廉蛋糕，也要採用日本產士多啤梨。至於這件鮮忌廉蛋糕的士多啤梨，味道當然唔會差；整體來講，好味過脆皮朱古力蛋糕。蛋糕定價同本地連鎖餅店「東海堂」、「Italian tomato」差不多，出品質素也不見得勝過這兩間本地薑；不過，「Chateraise」就標榜日本直營過江龍餅店、大部分原材料日本進口，又會採用時令日本產水果製作特色蛋糕，今期就有「不知火柑」。就是這三個原因已經足以吸引大部份香港人，難怪短短三年多，「Chateraise」分店已經遍佈港九各主要商場。
continue reading