Châteraisé (形點 I)

Open Now

Now Closed

平時都好中意食呢間既泡芙🥰好食又抵食👍🏿 性價比高😋$12一個-行過見到有季節限定😍 蘋果味即刻試下🤫一咬落去個餡必哂出來好滿足呀🤗 仲有好香既蘋果味🍎

西餅店的地理位置十分易找，就在一田的門口位置，西餅十分精緻，而且更有不同的節日限定，十分特別和有特色，能夠配合不同節日的氣氛，送禮一流餅店的千層蛋糕，除了原味的選擇外，亦有綠茶味十分creamy,芝士蛋糕亦充滿濃厚的芝士味店員的服務態度也很好，願意耐心地和顧客講解，更會提供冷凍包，預防食客因未能及時進食蛋糕溶化，真的是個很貼心的安排水果撻上的水果也十分鮮甜，感覺新鮮亦很美味，而且西餅的精緻程度亦10分適合年青人打卡

話說因為只有兩個人食想買一個迷你一點的蛋糕見到一個都合適到收錢的時候問店員有無生日牌個店員話無，話生日牌都大個個蛋糕（不耐煩的語氣）咁我只是隨口一問我不介意，只是如果加錢會否能有佢就答我：「唔會有，你個蛋糕咁細仲要加牌都為唔到本」個語氣勁差其實你講一句無就得，我只是想問會不會加錢有加牌的可能性，感覺真的很差勁😑其實這店都一直有食開，個服務態度都OK，係今次真係⋯⋯😡

店員首推原味千層蛋糕，頭幾啖我都覺得唔錯既，但慢慢就覺得有厭了，最後無食曬添！而個泡芙個吉士同cream都幾好食，當然個皮就無即整個d泡芙店咁脆啦最令我滿意就係個原咪瑞士卷 哈哈～個cream唔厭之餘仲好滑，令我好想食多舊添🤤🤤🤤但呢間店有個缺點，就係無得堂食，唔可以慢慢嘆我個甜品。如果想即時食，就要走去田裡面個food court 到食，雖然唔算好遠，但唔同地方食甜品，就失去左‘享受’個種感覺。

朋友介紹話呢間嘅千層蛋糕似lady M，日本直運， 味道幾好 所以屋企人生日就訂咗呢個蛋糕， 訂蛋糕有生日朱古力牌 早3日訂， 朱古力牌有得揀日文同英文，蛋糕 口感唔錯啲cream好滑 好香蛋味 ，不過只可以食一件 ，食多件都有少少溜，食過中意所以一定會再訂

前排我生日，朋友買咗個士多啤梨蛋糕俾我🍓🎂😆我本身就幾鐘意食cream，所以我一向都鐘意食忌廉蛋糕🎂🤤呢個士多啤梨忌廉蛋糕嘅cream夠多，啱哂我。士多啤梨唔酸，蛋糕面有士多啤梨之外，蛋糕入面都有真士多啤梨果肉，整體唔錯🤤size細細個，最後我係一個人食咗四分三個🎂.Chateraise出品嘅蛋糕，基本上都有一定保證😋只係我會覺得佢嘅蛋糕其實有點貴😂佢地嘅泡芺就會抵食啲，而且入面都有好多我愛嘅cream😍

等緊位食晚飯既時候周圍行，咁岩見到...超人氣精選組合，好似幾吸引咁，60蚊有6個，都ok呀，所以就決定食完晚飯買。買既時候佢會放埋包冰俾你既，佢好似話可以keep 兩個鐘...飯後甜品...其實有6個既，食左個先記得影咁多個緊係分兩日食啦，放一兩日食都ok既，盡量快啲食，唔好放咁奈啦。我覺得隻隻味都差唔多，都香既，cream超多。不過我覺得個皮太淋啦，硬番少少會好啲。買泡芙既時候我見到千層蛋糕我又引唔住買左，佢話係no.1嫁...我唔知面頭個啲叫咩，甜甜地咁，個千層口感都ok既。最特別係佢個底有層蛋糕，應該係海綿蛋糕，可能係我食慣成個都係千層，個底變左蛋糕有啲怪怪地咁...整體黎講係唔錯既，但未至於好好食要成日買，可能會想試下其他。不過泡芙同千層真係唔係周圍都有得買...

這間新店標榜日本直送，其實不知道是材料直送或是成品直送，不過都無所謂，好食就得了。原個蛋糕不比Tony Wong 便宜，但賣相外表就好一般喇，個條蛋糕圍邊真係好屋村餅店！一個外表好普通的鮮果蛋糕，生果也不見得特別鮮甜，奶油亦沒有特別香軟，CP值。另外，店員負責寫生日牌，原本嘅牌啲字好肉酸，我要求寫好啲，佢非常唔情願下再寫，一邊寫一邊同隔離同事竊竊私語好唔滿意咁，令客人好唔舒服。差評！

因為住喺Yoho Mall附近所以又介紹下D輕食我成日都去一田嘅時候都會間中買一兩件蛋糕食最平$9一件😜全部標榜日本直送位置喺一田入口直接購買俾錢就可以都好方便☝🏻☝🏻☝🏻生果果凍我都買個一兩款食其實我覺得麻麻地因為入邊係冇生果😖😖😖又偏甜價錢又要＄18我覺得係OK便利店買嘅果凍仲好食啲☝🏻☝🏻☝🏻最上兩層嘅嘅忌廉夾心同埋瑞士卷係最平，平均＄9至＄15通常有原味和抺茶味蛋糕都好鬆軟我通常會擺喺冰箱雪凍D忌廉就更加好味不過唔好期望抹茶味好濃好香😜另外仲有好多蛋糕選擇呢度出名係千層蛋糕不過我都未試過亦都唔會期望抹茶真係有勁多抺茶味總括來說：間中會幫襯下

買左少女心滿滿既蛋糕做早餐~士多啤梨蛋糕太可愛！！cream加士多啤梨係好夾，甜甜的但我都係比較喜歡千層蛋糕~吉士味重d，入口即溶，又夠結實唔會一叉落去就散依間既甜品都幾有水準，另外仲買左忌廉蛋卷，忌廉既奶味好香~下次想試埋芝士撻！

這家來自日本的餅店位於一田超市旁。旦糕櫃放著各式各樣的旦糕，臨瑯滿目，十分吸引。今日要試吓佢嘅人氣泡芙同千層蛋糕。原味泡芙$16這泡芙的皮好薄，內裏充滿忌廉饀料。忌廉好輕身滑溜，呈流心狀，沒有一般忌廉嘅甜膩。可惜泡芙稔稔地，口感一般，如果脆的話，應該會更好。綠茶千層旦糕$36這件旦糕由有十幾層綠茶班戟堆疊而成。旦糕班cake皮好薄，中間夾有忌廉，底層仲有紅豆蓉同朱古力蛋糕底。有ladym咁滑溜，但味道相差唔係太遠。這綠茶味唔係咁突出，味道甜美，沒有甘口嘅感覺。香甜嘅綠茶班cake，加上甜蜜蜜紅豆同軟熟的朱古力蛋糕，真係好夾。雖然口感同味道無Lady M咁正，以呢個價錢來講，是ok.雖然蛋糕來自日本，但味道未至於驚喜，價錢唔係咁貴，一是無妨。

《#Chateraise》 #Yohomall一田📌千層蛋糕 $35🍰平時唔多食千層蛋糕 最經常食應該係LadyM 所以如果以LadyM黎比較 的確係差好遠嘅 雖然價錢平一半 但過下口引還可以 未至於要專登再買黎食💬千層皮唔算薄 做唔到入口即溶 Cream唔夠滑 個底係雪芳蛋糕 又扣左幾分📌鮮忌廉蛋糕 $38🍓🍓🍓只係想食下士多啤梨蛋糕 但呢個士多啤梨真係極小 食落去只係得雪芳蛋糕 都係滿足唔到我想食士多啤梨蛋糕嘅慾望-byT: 4/10instagram: 90sfoodieshare #食在元朗#cake#hkig#相機食先

買完咖啡，行去一田，見到呢間cake shop好多人排隊,所以又走去8卦下，點知好似都幾吸引喎，所以又走去排埋一份甜品中，朱古力永遠都係首選，今次有2件，2件都係朱古力慕絲，我就揀左呢件有聖誕氣氛既聖誕老人呢間鋪好貼心，買一件都有個好靚既盒仔，而呢個盒仔可以撕開拉件cake出黎當然聖誕老人唔係要黎食，件朱古力cake食得出係新鮮，唔係雪左好多日，質地同層次都好好，朱古力cream好滑亦好香濃，但係食既時候要小心，因為件cake面既朱古力粉好易濁親

今日父親大人買了蛋糕做下午茶，當然是第一次食啦，一試究竟是有幾好先。左手起，千層蛋糕，十分鬆軟，有淡淡的奶油香，表面有甜甜的焦糖。吉士千層蛋糕，比千層蛋糕更軟，有入口即溶的感覺，淡淡吉士香味，十分回味。什莓芝士蛋糕，淡淡的芝士味，加上什莓，有種清新感覺。之後是脆皮朱古力蛋糕，十分濃郁的朱古力味，不論表面的朱古力粉，朱古力碎，中間的朱古力片和朱古力慕絲，朱古力都用唔同的手法游走您的口腔。最後的香軟梳乎厘芝士蛋糕，比芝士蛋糕淡，但多了一種梳乎厘的蛋香，而且比較軟。而歡樂熊貓寶寶是慕絲蛋糕和鮮忌廉蛋糕，感覺就比上面的一般。而另外三隻泡芙一樣麻麻，因為泡芙皮唔夠鬆，破壞口感。蛋糕唔係貴，而且多種選擇，淡淡的味道同鬆軟口感都唔錯，值得一試。

YOHO MALL掃食之旅，第二站來到日本法式甜品店Chateraise！Chateraise最引人之處在於選擇太多，西式蛋糕、泡芙、和菓子、蛋卷......還有飲品供應，更難得的是定價不高，各式忌廉泡芙才$10而已。Chateraise的產品都是日本直送的，百分百日本製造，論價錢而言真是十分吸引。本想試試為食Mojil推介Chateraise的泡芙，但被這可愛的Panda Cream Roll吸引住了，可愛的熊貓蛋卷才$15而已，就當成是飯後甜品吧！Panda Cream Roll主要就是奶油忌廉、朱古力片和海綿蛋糕，蛋糕十分鬆軟，忌廉奶香十足。不過忌廉跟蛋糕的比例是一比一之下，那膩感不是人人受得了，不為可愛的熊貓造型，那傳統的日式Cream Roll會是更好選擇吧！