ChaTraMue Cafe

Open Now

Now Closed

我自己係沙田友同埋非常鍾意泰國野食，知道沙田開左間ChaTraMue 就去試下，今日兩個人去, 人多但唔洗排隊, 環境都幾舒服, 今日我哋每人都叫左個主食, 牛肉湯河同埋咖喱包, 最後叫左個千層蛋糕share. 真心個勝價比高喎, 我見有其他甜品, 應該會再黎試埋其他野食

午飯時間間間餐廳都排隊先入得，唯獨呢間拍烏蠅，好奇之下，心諗，點解會仲開嘅呢？所以「以身試法」果然又係手機落單，點左牛肉河粉同正宗泰國奶茶，我點嘅時候已經喺「少甜」+左2，但好失望嘅係依然超甜，我問店員有冇漏左幫我少甜，佢話「係咁架，泰國奶茶就係咁甜」，跟住我想要杯水，佢話「冇架，蒸餾水十蚊支囉！」真係啤一聲我以為碗河粉會比較正常，點知其實唔係河粉而係金邊粉，仲勁碎，要用匙羹食先得，筷子夾會夾到天荒地老......唉，同埋好鹹，同甜到漏嘅奶茶簡直又再一次挑戰我味覺嘅底線可能我杯嘢好甜，有隻昆蟲飛過嚟想試飲咁，我一手撥走，雖然我已經覺得飲唔落.....咁樣加一就$132，完全唔值囉！我點解要咁好奇攞苦嚟辛

諗住唔使等位入去堂食，點知大伏！首先食物絕對唔好食，肉少而冇味，有最低消費，每人最低消費$60，小孩也是。點知服務比食物更差，沒有水提供🥲個短髮呀姐講嘢又倔又串，貼錢買難受！見到有啲堂食客order 左都唔食走咗，其他人就食淨大半係枱面。Blacklist 新城巿大把選擇，呢間唔係平，份量又少，服務就更加唔洗講，唔建議大家食呢間啦。諗住唔使等位入去堂食，點知大伏！首先食物絕對唔好食，肉少而冇味，有最低消費，每人最低消費$60，小孩也是。點知服務比食物更差，沒有水提供🥲個短髮呀姐講嘢又倔又串，貼錢買難受！見到有啲堂食客order 左都唔食走咗，其他人就食淨大半係枱面。Blacklist 新城巿大把選擇，呢間唔係平，份量又少，服務就更加唔洗講，唔建議大家食呢間啦。

-{沙田泰式cafe🍝}🤤泰茶雪糕牛角包🤤 ($55)泰茶雪糕好濃郁😍都幾綿滑 但都食到少少冰沙 而牛角包好鬆軟 但質感唔似牛角包😂😂😂👖褲評: 8.5/10🤤 泰茶飄雪🤤 ($88)冰好綿密 但冇咩泰茶味 要靠泰茶醬同cream去加味！👖褲評: 7.8/10🤤泰茶千層忌廉蛋糕🤤 ($45)整個蛋糕連cream都冇乜泰茶味~淨係得cream嘅甜味👖褲評: 6/10有最低消費60per person 甜品其實食過waffle配雪糕係最好食！性價比: 7.5/10服務: 7/10環境: 7.5/10🚩 ChaTraMue Cafe 🚩地址: 沙田沙田正街18號新城市廣場三期3樓A327號舖 #fuudjai #fuudjai泰式 #fuudjaicafe #fuudjai沙田

首先，一開始走到收銀處想落單叫嘢飲，一行埋去，收銀員工居然走咗去堂食區域，另一個收銀同事亦愛理不理，走去收銀處後處企第二，當我終於嗌完嘢飲，竟然等咗成半個鐘先做好兩杯飲品，但我瞄一瞄同我同時間和比我更早做好嘅飲品居然係遲過我落單嘅飲品順帶一提，此分店嘅員工手腳對比其他分店亦十分慢飲品調配比例跟其他各區分店差很遠，奶味太重。總括然而，此店服務及飲品水準不但比其他品牌差，更比其他分店大相逕庭，實在令人失望

📍ChaTraMue Cafe (沙田)沙田沙田正街18號新城市廣場三期3樓A327號舖🍦Matcha Durian ice cream $32呢間泰式奶茶好出名，今次竟然出左抹茶榴鏈雪糕，榴槤控記得去試下🤤眼見得我一個叫呢款雪糕，抹茶味吾系好食到，反而榴槤味濃d

門面幾靚 ，尊重泰國人飲料加勁多冰傳統，fine ! 蝦多士 蝦餅都出色好味，但海南雞真係可一不可再，入貨有問題雖然平但超靭鞋口！黃咖喱飯我吃，只是雞肉少了一點，仲有得選紅咖喱及綠咖喱。下次想試佢的麵包金枕頭其實喺商場開餐廳已經不容易，泰國菜香港人試過很多次，但佢舖頭的最有特色飲料就係玫瑰系列，店員叮囑會飲完會屙係瘦身用途，我相信有好多女都想一是keep fit減肥。期望他帶來更多泰國特色的飲料例如是一包包的，又或是泰式椰青，又或者同泰星聯乘，一啲系列飲料，就係造福香港的泰星文化了

數一數二最差體驗呢間cafe員工服務全部都好差同朋友各買左杯雪糕，首先Counter落Order個女仔，冇笑容都算，我有禮地同佢講要咩味雪糕，我聽到佢落錯單，再有禮地同佢重覆講：「一個奶茶味杯裝，一個兩溝筒裝」，但佢態度好差問：「咩呀」，然後我再重覆多次…咁簡單既落單都聽唔到楚，唔緊要，但黑面皺眉地對客人咁既反應，態度無法接受。之後打算拎入cafe食，當時只得1個食客，全部都係位。我地一坐低，就有個中年女人黎趕我地走話堂食有每人最低消費$60。但我地比錢時，Counter冇寫有最低消費，落Order個女仔又冇講，原來只係得cafe門口好細隻字寫。但呢間係cafe / coffee shop形式，相信10間有9間呢類Cafe都係比完錢買飲品/食物後拎入去食， 試問有邊個會留意餐廳門口有冇寫最低消費，就算係，都應該係Counter再清楚寫番堂食有最低消費，唔果唔寫，比錢時都應提點。因為指示唔清楚，我地同個女人理論，話最多我地一食完雪糕即刻走，況且當時全間店得1個人！！！但佢都係要趕走我地，仲話「因為堂食貴D，如果個個好似你地咁，就搞唔掂。」之後我地建議佢地Counter要寫番清楚有最低消費

食完呢度嘅正餐嬲咗💢份量極少，好似食咗一陣風落肚😒（冇影相）甜品味道正常，但又係迷你portion，好似去咗小人國🧌但明明價錢唔平😐肚餓的話千祈唔好嚟呢間嘢🫥⋄ ┄ ┄ ┄ ┄ ❖ ┄ ┄ ┄ ┄ ⋄❄️泰茶飄雪 ($88)🍰泰茶千層蛋糕 ($65)⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：沙田沙田正街18號新城市廣場三期3樓A327號舖⋄⋄#hkig #hkfoodie #hongkongfood #hkfood #hongkongfoodie #foodblogger #hkfoodbloggers #hkfoodies #相機食先 #openrice #香港美食 #hkinfluencer #foodiehk #香港 #香港生活 #香港旅遊 #香港探店 #香港美食 #香港打卡 #香港必吃 #ccrreami沙田 #chatramue #chatramuecafe #chatramuehk @chatramuehk @chatramuehkofficial #沙田美食

📍ChaTraMue Cafe #5🫶🏻係最高環境：🫶🏻🫶🏻🫶🏻🫶🏻食物：🫶🏻🫶🏻回頭率:❌服務態度：🫶🏻🫶🏻🫶🏻-泰式香葉肉碎炒飯 -$88味道上其實唔錯 咸味岩岩好 因為有辣椒 所以食落都有啲辣 但飯好濕 濕到食落好似粥咁 所以就算味道好 都唔會再食黃咖喱雞飯 -$78相反咖喱嘅飯無炒飯咁濕 咖喱嘅椰奶味好重 薯仔都不錯 飲品方面 今次兩杯都有加斑斕珍珠 但係啲珍珠好硬 硬到懷疑係未煮熟🤦🏻‍♀️

ChaTraMue在銅鑼灣開茶飲店時, 我已試過其飲品, 感覺只是一般。見其在沙田開了首間cafe, 曾經猶豫要不要光顧, 好奇心驅使下, 即管試試, 看看有沒有驚喜。餐廳提供主食, 小食, 沙律, 飲品, 雪糕, 甜品和烘焙食品, 繁忙時間設有最低消費。1) 泰式冬陰功炒飯 $882) 正宗泰國奶茶 (少甜少冰) $32 + 斑蘭碧綠珍珠 $63) 午市優惠 (凡惠顧主食加一杯飲品) 可減 $104) all + 10%泰式冬陰功炒飯份量看似偏少, 但飽腹。炒飯頂放有蝦3隻, 肉質爽口偏實。炒飯炒得乾身, 香口微辣, 當中有蘑菇和香草同炒, 增添層次, 唯香草質感較硬, 影響口感。飲品點了正宗泰國奶茶(少甜少冰)並追加了斑蘭碧綠珍珠。奶茶味道中規中矩, 由於要求了少甜, 甜度略為不足, 正常甜度應該較佳。雖然要求了少冰, 但冰量依然多, 難以吸食珍珠。斑蘭碧綠珍珠斑蘭味道明顯, 質感Q彈。對於堂食的餐飲, 餐廳採用外帶杯, 甚不環保。

ChaTraMue 沙田分店裝修都搞左一排每次經過都諗幾時開呢結果去完旅行返來就開左分店茶飲連cafe，鹹甜都有賣店外的走廊通道人來人往在場未見到 cafe 個邊的客人食緊d 咩所以甜品鹹食都係留下次先試在收銀隔離的凍櫃有千層蛋糕和布丁數量一個起兩個止，未算吸引到人買今次淨係要杯招牌正宗泰國奶茶少冰，甜度不變野飲都整得快手實物是有少到冰味道就飲落係少甜左...而且奶茶味感覺比其他分店淡...等呢間店開耐d，員工熟手d 再試吧

嘩十萬年冇打寫評 真係忍唔住要打間野完全唔掂前菜泰式泰爪，啲泰爪完全冇味 仲要有陣雪味 啲汁喺曬底但得好少 菜就正常啦 但咁簡單既野都唔好食 一黎就失望了正餐叫左海南雞飯，飯係白飯唔係油飯啲雞腥腥地 個醬唔係平時啲醬唔係肚餓一定唔會掂呢個飯😂生牛肉湯河，生到勁多血 但個湯又唔夠熱 要將啲肉收埋曬喺最底等好耐先勉強變熟少少 突破心理關口先放到入口 食落去又冇咩肉未 簡直唔知食緊咩🥹咖哩雞飯 最正常 但只能說正常野飲叫左泰式奶茶，係好飲既甜品叫泰奶奶茶個冰，只可以話係個奶茶變左冰 再倒啲冇咩味既奶同埋涼粉落去 完全冇誠意餐廳得2個waitress 完全唔夠人 上菜慢3個人3個餐3杯野飲1個前菜1個甜品 差唔多6百蚊言語表達唔到幾劣 冇下次😀簡單黎講 淨係飲野可以了 其他bye bye

ChaTraMue茶飲店已進駐香港數年，因個人少飲癈水，一直都未有幫襯。但沙田新城年開咗間cafe，有主食、小食、甜品及飲品，當食個Lunch都好。主食 - 泰式香葉肉碎炒飯 ($88)上枱時見到出煙熱辣辣，個飯係濕濕地個種，唔算好辣，算中規中矩吧!小食 - 泰式肉碎多士 ($58)一碟4件，多士非常鬆脆，口感有啲似蝦多士，不過換咗肉碎咁。甜品 - 泰茶雪糕窩夫 ($55)呢個甜品性價比高。泰茶雪糕唔算甜，有少少甘味，唔膩好味，軟雪糕質地所以都幾快溶。。。同當日我見有幾枱都同我個杯一樣，個雪糕塔有少少斜咗。 窩夫方面外脆內軟，味道不錯。正宗泰國奶茶 ($32)叫咗少甜但仍然覺得少少過甜。泰國蜂蜜玫瑰花茶 ($38)這是排毒瀉茶系列，QR code點餐時仲寫多句可能會引致肚瀉, 不過我自己無事。味道方面有種花釀既味道，雖然叫少甜都係略甜，但味道上我係鍾意既。總結是小食同甜品都好食，適合下午茶來的餐廳。

已經設有每人最低消費！入到去坐低，QR cord自助落單，有個妹妹仔侍應企正我地枱前面打喊路，發吽哣！我見到都攰！毫無服務態度可言！最搞笑堂飲，仲要收加一服務費！好似Menu無打會收，侍應亦無講！只係收錢時候自己發現先知！憑什麼？可一不可再！👎🏻👎🏻👎🏻👎🏻不推薦👎🏻