茶語啡 (Closed)

We ordered the set dinner for 2.This includes soup and drink- and 3 courses. Everything surprised us, from the coffee flavour chicken wings to the comforting waffles with ice cream. The star of the show was the linguine with clams - beautiful.

🍔走進這家店，首度試嘅牛油果醬迷你漢堡真係驚喜連連！素雞嘅肉質彈牙得嚟唔柴，搭配滑潤嘅牛油果醬，簡直係口感同味覺嘅雙重享受！再講講嗰份喇沙鮮蝦炒粉，🌶辣得刺激，每條粉都掛滿咗濃郁嘅喇沙醬汁，嗰幾隻蝦嘅肉質鮮彈，真係令人一試難忘！飲品方面，蘋果水蜜桃翡翠綠茶清新爽口，飲一口氣爽神清，真係解渴至極。😋炸盲曹魚夠晒金黃酥脆，滿足得嚟完全無負擔，流沙鹹蛋黃富有層次，配上清新嘅菠蘿一齊入口，真係正！同埋，呢碟精緻嘅天使麵，吉列魷魚爽口得嚟唔腥，清新嘅蜜桃莎莎醬汁提升咗整體滋味，係夏日裡嘅一陣清涼。🍝當天感覺真係幸福滿滿，這店嘅食物賣相同味道都係卓越，食得開心之餘，感覺好似飛咗去街頭小食堂，每一款小食都凸顯出獨有嘅風味，實行真係值得再嚟多幾次。👍

今天外賣兩杯飲品，一杯涷黑糖珍珠奶茶（$38）＋一杯薄荷朱古力（$48）, 非常失望😔，取珍珠奶茶時，已經覺得唔對路，成杯茶只係奶白色，好似飲奶水咁，即時叫店員加番啲茶，可惜加完之後都係一樣，完全無茶味！涷薄荷朱古力份量超細杯，完全你熱飲的份量，最慘係無薄荷味😭，仲要咁貴！超唔值！

用心經營的高品質肉食素食友好小店！已不是第一次光顧了，但平日見它客量仍不多，怕它在租金高企之下也要迫於無奈結業，所以也用心寫下這好評，希望其他人能見到，吸引尤其素食者也可以和不素食的一家大小來光顧（雖然地方空間較小）。這次我快閃吃了個下午茶，因為只兩人入座，不能貪吃，只能點了茹素全日早餐，黑芝麻蛋糕，和兩杯咖啡，我點的是薑母玫瑰咖啡，先生點的是dirty, 都一如既往的好吃。烤素雞這次就不能點了，但也必須一提之前吃過烤素雞，真的連皮連肉質味道都很像雞！店員服務也有禮貼心，會關顧到同行小朋友需要（之前試過帶小朋友去）。食物準備到端上餐桌時也很感受到專業和用心的態度。其實感覺茶品飲品那邊店面其實也在當眼位置，佔空間也大，但生意卻較冷清。小小也未必有用的建議：不如把那邊也撥一點過來給人入座用餐，同時也能令扶手電梯上落中的路人也見到更多入座空間（否則往往給人錯覺：左邊賣茶賣飲品的是不是和右邊用餐的是兩家店？店內這樣小會不會坐得很擠，食物質素會否不好？），店面規模大了，或許會更吸引更多客人進來～

原本約了朋友去灣仔一間 cafe 素食，點知落雨，所以取消過灣仔念頭，後來上openrice揾素食介紹啦，點知見到原來戲院對出這間Cafe“茶語啡”有得揀素食喎，所以就轉入去寶琳食喇 用手機點餐，點咗個“ 純素 All day breakfast ”跟餐可選（餐湯或田園沙律）我選了餐湯“粟米忌廉湯” 哇！好彩無揀錯，湯嘅味道好好，好滑，無渣👍餐飲“ 抹茶拿鐵”（可轉 Oat milk）啱晒素食者需求 👍如約三五知己暢聚，而其中有朋友是素食者與否，在這區，這間是不錯嘅選擇 👍

在新都城打算同朋友下午茶吃少少點心 見到尚有午市套餐 決定試一試 餐湯及Latte就正常水準辛香卡邦尼意粉 普通卡邦尼意粉因為忌廉的關係 吃到後期會容易覺得膩 但餐廳加了辣的元素 令意粉整體更清爽 香辣味道更開胃 但會越食越辣 粗意粉軟韌剛剛好 份量比想像中多 意粉中有大量洋蔥 煙肉同蘑菇亦不少窩夫配香蕉及雲尼拿雪糕窩夫擺款精緻 除了香蕉 還會有藍莓 士多啤梨及果仁碎點綴 賞心悅目 味道亦不錯外面脆身 但不會太乾 配合香蕉及雪糕一起食用剛剛好 作為主菜後的甜品令人滿足 食物不錯 不過餐廳位於露天位置 冷氣較弱 而且因為店員要兼顧咖啡吧檯太忙 服務一般 

⁡將軍澳coffee shop又一好選擇😛之前試過啲啡不錯今次同朋友過黎食晚飯試左佢地新推既夏日menu估唔到驚喜處處🤩！⁡流沙鹹蛋黃炸盲曹魚配燒菠蘿🍍 $148唔好以為鹹蛋黃就會好膩未食已經聞到好香既鹹蛋黃味🤤濃郁既流沙慢慢融化 帶點顆粒感盲曹魚肉質好嫩口 炸漿唔厚最正係配埋香甜的流沙南瓜同菠蘿食落好有層次感 一啲都唔覺得漏！⁡吉列魷魚蜜桃莎莎天使麵 $88魷魚炸得幾出色～夠彈牙又厚肉refreshing既蜜桃莎莎配搭番茄同車厘茄反而係天使麵未係最夾 做唔到掛汁用返蕎麥麵整體感覺會更加夏日～⁡朱古力七重天 $60脆皮裡面包裹住雪糕更加保持到冰凍感加埋朱古力brownie 脆脆 可可豆碎濃郁得黎唔會過份甜膩👍🏻⁡日落黃昏 $46Espresso Tonic加上血橙酸甜既血橙加上咖啡配soda 入口超級涼爽😝

1️⃣ 流沙鹹蛋黃炸盲曹魚燒菠蘿佢有兩大塊嘅盲曹魚佢連皮炸嘅嗰種 食唔到任何細骨魚身幾厚切 冇任何雪味外層炸漿冇分離跡象 亦唔刮口鹹蛋黃做到流沙嘅感覺就咁食都唔會覺得Heavy配埋新鮮菠蘿食就好清新有另一種煥然一新嘅感覺仲有少少黃椒配菜係一條溫柔嘅炸🐟😌😌😌2️⃣ 吉列魷魚蜜桃莎莎天使麵呢款好啱想食開胃菜嘅人先講醬汁部份 用嘅version 係較稀身 但出奇地入晒落天使麵到所以食落會較清爽 酸酸甜甜吉列魷魚唔會有太多調味所以如果重口味嘅可以同天使麵一齊食🍹藍色天空Coconut smoothies Curaçao Soda 呢杯飲品非常igable 上層白色係椰子smoothies藍色係curacao soda夏天飲都幾清爽 又打到卡😂🍫 純素果仁軟心朱古力💕特別推介呢個甜品就咁睇個名 係咪以為係零食嗰隻果仁朱古力？原來佢係混合左無糖可可粉同埋nuts 混合而成嘅朱古力所以比起食到粒粒杏仁其實會多咗種榛子嘅感覺整體係偏向Dark Chocolate好啱唔食得太甜嘅女女/男仔上層裝飾有龍珠果同藍啤梨黃色嘅龍珠果有種雪梨嘅感覺藍色嘅藍啤梨就似酸嘅提子以往食甜品 見到呢啲係會直接skip🤣🤣但如果一

煙三文魚他他蛋沙律迷你漢堡呢間已經食過好多次，鍾意佢嘅位置夠晒開揚，同埋喺正戲院附近，有時睇戲前都會嚟呢度食嘢！呢度都好多素食嘅選擇，CHATROOM全日早餐（$108）有炒雜菌、車厘茄、紫薯著餅、田園沙律、炒蛋、司華力腸、煙三文魚同牛角酥超豐富！再叫埋煙三文魚他他蛋沙律迷你漢堡（$85）唔好睇佢好似好迷你咁樣，都好飽肚！呢排佢哋仲為健身人士推出咗慢煮雞胸肉沙律，個雞胸質地好嫩滑，加埋檸檬汁色落去超開胃，呢個一定要試！

放工後又想食個tea，就去試下先。叫左煙三文魚炒蛋貝果配果茶。第一次食貝果，我以為係軟軟地嘅，呢款就係外脆內軟，好似脆豬包咁樣，餡料都多嘅，有兩塊煙三文魚，炒蛋略為油左啲啦，跟餐配蘋果茉莉茶，都幾香。環境開揚，但唔嘈嘅。可以再唻。

☕️茶語啡牛油果醬素雞迷你漢堡意外地幾好味～無諗過素雞都可以做得夠味有漢堡口感～麵包小小脆口要讚👍喇沙鮮蝦炒長通粉有一定辣度🌶唔食辣既朋友要諗一諗🤡醬汁夠哂掛汁～粉多料多仲有三隻大蝦仁🍤推介大家黎到要試～～食得辣的話🤭蘋果水蜜桃翡翠綠茶清清甜甜幾好飲～夠味之餘唔係好甜👍盛惠💰$2xx好味指數(7級最佳)▁ ▂ ▃ ▄ ▅ ▆ ▇—————————————————☻非專業食評·純個人口味☻—————————————————📍總結:黎！會再黎食～環境舒服好坐·食物出色🤤服務亦係滿意👍推介大家黎試下😉

已經嚟過飲㗎啡同茶好多次，今次終於記得寫食評。哩度㗎啡同茶都出色，我尤其喜歡Matcha Latte, 隔離最鐘意叫四季青萱烏龍茶，各有特色。要讃嘅唔單至係飲品，仲有工作人員嘅服務態度。無論你買外賣定店內享用，無論你叫一個餐定一杯㗎啡，佢哋都好有耐性同體貼，送餐時又有禮貌同笑容。突然想起上個月去102樓望海食嗰餐，服務員隻眼生喺額頭到，隔離枱食電子煙又扮睇唔到，埋單仲要3千幾…. 睇返哩度，幾個靚仔有講有笑，做嘢時又可以好認真。希望這間㗎啡店生意越做越好。

有一次同朋友去新都城，諗住搵一間咖啡店坐下傾吓計，點知就發現咗呢間咖啡店，就係商場最底層，一入門口就係，非常方便，買一杯咖啡歇歇腳，已經可以消磨一個下午了！❤️❤️❤️❤️我同朋友都點了latte、cappuccino ，咖啡的質素都唔錯，甚至係比一般質素要高，所以如果喜歡飲咖啡嘅人，都可以選擇去呢一間咖啡店試吓！至於環境方面，呢間咖啡店唔算好大，只係有幾張枱，所以有時候可能要排隊，要有心理準備啊！但是整體環境都是舒服的❤️❤️

新都城一向唔係好多咖啡店，所以今次發現又開咗呢間咖啡店之後就決定去試吓~餐廳唔大但裝修得幾精緻，食物種類都不錯，價錢又唔貴，覺得幾值得推薦叫了一杯熱咖啡及全日早餐，都夠熱及味道不錯，侍應服務態度都幾好，整體來說是不錯的用餐體驗

餐廳環境以open area為主，對住商場門口及電梯，行人路過都望，所以係度食要稍為注意一下食相😆。今日中午點了喇沙大蝦意粉，粟米湯和flatwhite，喇沙意粉賣相ok, 材料整個配搭連配菜表面上會好香口，但可惜只得辣味唔覺得香口及開胃，另外粟米湯飲到有粉漿，味道好單一，粟米味都唔夠濃，只有咖啡ok。整體呢個餐只會食一次，唔會再叫。