Chautari Restaurant

Open Now

Now Closed

本來一心想嚟試隔離間ABC, 點知full晒, 之後就去咗呢間食印度餐.呢度雖然係熟食中心, 但衛生環境比想像中乾淨.Order了3款食物:先送一客烤薄餅, 香料味好重, 好薄, 好脆.什菜咖喱角: 一客3件, 脹卜卜的~ 入面好足料, 有肉碎, 薯仔及青豆, 好香咖喱味!沙爹雞(6件)及印式烤包: 沙爹雞串皮多肉少! 雖然將雞串起, 但唔覺得有燒過, 感覺似用微波爐番叮.印式烤包: 唔夠熱! 而且唔脆.印式什菜炒飯: 無咩驚喜! 只係什菜粒炒飯. 味道較淡.食物質數真係一般. 唯一可加分的就係友善的服務態度.

閏五月十八‧熱到庳！ 「Chautari」就是在樹下閒偈的地方，但是日熱到不堪，還是安坐在有空調的地方有益身心一點。 可能真的很久沒來皇后街街市，原來也換了點新面貌，新張了泰菜館。上次來吃泰菜的時候，發現這邊也很旺場，決定再找時間來吃，而這裡之前也是賣印巴食物的，現在就換上了新的名字。這裡連餐牌或午餐的內容也跟以前的大同小異，就要了個咖哩羊的套餐。 先來的餐湯是蕃茄湯，味道很「罐頭」，而內裡的青豆、紅蘿蔔粒等等也煮不稔的，聊勝於無；食物也是全放在一個銀盤上送來，前菜是用茴香籽漬了的蘿蔔絲，在吃印度菜而言，很少見這一味。但卻又漬得幾好吃，蘿蔔絲爽甜，帶點酸酸的味道，也有茴香籽的幽香，轉眼吃清；吃咖哩羊肉之前，先撕塊naan來看看，這裡的做得對辦，熱辣辣，邊位脆，而內裡很鬆軟，未吃已吃有水準；羊肉是羊腿肉，肉質較實，但味道是全去了咖哩裡，佐以鬆軟的naan，三兩下手勢又吃完； 兩位星哥的服務是不錯的，收碟收錢也用雙手，很有禮貌。 埋單38蚊，想便宜一點的吃印度菜，這裡也是選擇。

背景: 於7月8日睇過生果日報飲食版嘅報導, 介紹這一間倉店, 好奇心驅使下, 和朋友一同前往食店位於皇后街, 各位唔好攪錯係上環文娛中心嘅熟食中心, 因為我之前去咗果度, 搵到個舖, 但係又搵唔到目標食店, 原來係攪錯咗, 個皇后街熟食中心, 係位於帝后華庭後面, 該熟食中心,除咗有呢間食店外, 仲有泰國/越南, 潮州等等, 口味大眾化轉回正題, 生果日報係散叫, 但係衡量過價錢後, 覺得叫餐抵d夜晚套餐主要係: samosa( 雜菜咖哩角), 雜菜, 白飯/ 薄餅(印式), 再配以魚/ 蝦/ 羊/ 雞/ 雜菜, 飲品(可以轉飲咖啡或茶)講番d 食物, 由於我唔係食過好多印度菜, 所以認識唔深, samosa雜菜咖哩角 ~~ 附以綠色醬汁, 內裡係雜菜為主, 炸得香口, 但唔油膩, 睇番裝住samosa 嘅紙托, 唔見油漬, 呢間食店嘅紙托, 唔係用牛油紙, 係用壓花紙, 難得, 呢個套餐, 係包一隻雜菜 ~~ 多片生菜, 兩片青瓜, 一片蕃茄雜菜 ~~ 係辣, 內有紅蘿蔔粒, 粟米粒, 青豆, 睇落係超巿一包包嘅材料, 薄餅(印式) ~~ 呢種印式薄餅, 其實同pizza 嘅批底