池記 (Closed)

今日下午我們喺旺角朗豪坊戲院買咗3點場，見仲有啲啲時間，我們就去咗「池記」食咗個快速下午茶！我們叫咗幾個超值套餐：雲吞麵嘅麵質相當爽口彈牙，而且好幼身，雲吞皮非常薄身，可以清楚睇到入面嘅蝦肉，蝦肉超爽甜彈牙！牛根麵嘅牛根燜得好腍好入味，質感相當軟滑彈牙！牛腩麵嘅牛腩肉質好鬆化軟滑，牛肉味亦好濃郁！小食：香炸鷄翼炸得外層相當金黃香脆，入面嘅肉質好嫩滑多汁，舖面嘅香蒜令到味道更加惹味！

今日同朋友做完facial，係朗豪坊，見肚餓，就提議食埋野先走。因為想食粥，所以就話去池記，得嗰度有粥食。成10點鐘直接入去坐低，望完餐牌，發覺食碗粥都好貴，食麵平好多。而且跟餐仲要好抵，有飲品有小食或糖水送。我叫左個豬手麵，朋友點左個雲吞撈麵。雖然都夜，但入面人都幾多，大部份係遊客，因為聽到講普通話。食物上枱幾快，個豬手麵有2大嚿豬手，燜得好稔好入味，而且啲毛都清得好乾淨。雖然麵底有啲鹼水味，但唔重，個湯底單食會有啲偏咸，但因為跟餐有送飲品，所以配埋一齊食，味道剛好。朋友個撈麵份量頗多，雲吞大大粒，撈汁食，幾惹味。跟餐飲品好推介個薏米水！熱飲都大大杯，而且仲有成大半杯都係薏米黎，絕對真材實料。而且薑味好重，飲完好暖胃，好正。其實飲完個薏米已經好飽下，但仲有個糖水，我揀左海底椰燉雪耳，又係好足料。雪耳好多，有紅棗同海底椰加上好多南北杏，甜度剛好，食完好滋潤。成日經過都無機會食池記，今次一試，原來咁正。糖水熱飲十分足料，又熱辣辣，好過出面唔少糖水鋪。個餐係全日供應，幾時食都得，60零70蚊，有一個足料麵食，大大杯野飲同埋糖水送，食到好飽，真係好抵。食完仲有2張現金券送返，下次食又平啲，絕

為左有多D時間在朗豪坊shopping, 今晚就食得簡單D, 我們揀左池記，店裏9成滿座，門口有一group幾個人排緊隊，我們2個人唔使等，正 。雲吞麵套餐細細一碗仔，麵條幼長，無梘水味，而且有麻油香！雲吞皮薄够滑，蝦肉彈牙。配油菜: 灼芥蘭，唔油够健康，而且有甜甜的杞子點綴。配飲品: 熱薏米水薏米水單睇外表已經好吸引，每杯薏米與水的比例是4:6。真是好多薏米，裏面還有一粒蜜棗，不過就甜左DD。豬軟骨米粉大大碗，湯底香濃，豬軟骨腍身，米粉無咩特別，麵比米粉好食。配油菜:蠔油冬菇，冬菇大大隻，腍身有味。配飲品:熱豆漿只得有糖，如果有無糖就更好。

因為上次去食野個時，埋單個時餐廳比左張6蚊coupon比我下次黎用，所以今日嘅下午茶都係過池記食啦。叫左個牛腩米($42)飲熱薏米水。杯薏米水黎到個時有小小驚喜，因為真係有粒粒薏米係到。嘢飲唔太熱，岩岩好入到口，亦都唔會過甜，薏米煲得好淋，有淡淡的清甜味。牛腩米實而不華，米粉爽口，湯底雖然較清，但都夠味。牛腩好軟好淋好入味，真係啖啖滋味，可惜得兩舊。因為有6蚊coupon，所以埋單係36蚊，價錢普普通通都叫OK嘅。

今日自己一個lunch，就過朗豪坊搵食啦，見到池記個招牌做得幾靚，又唔洗等位，就入左去食。入去就覺得乜咁迫嘅，個位又細，可能因為太多國內遊客啦-0-"叫左個鯪魚球河($38)飲熱豆漿。一黎到見到碗河粉好似幾好咁，唔會成個面都係油。河粉彈牙，都算滑口，唔錯。鯪魚球好軟身，咬落好似好鬆咁，仲有陣芹菜味，個人覺得芹菜同鯪魚唔夾，仲有個種鬆泡泡嘅口感個人都唔鐘意。

事緣相約友人到旺角一聚 兩個都想搵平野食 於是就想去food court睇下 點知行到半路 係朗豪坊見到池記 咁咪睇下個餐牌 點知佢6點都仲有下午茶 一見到個餐牌就決定去試下原本池記呢d品牌對我黎講只係大陸人會黎吃既餐廳 吾係話佢吾好吃 但對我呢d經濟能力有限既人黎講真係行過就算 望到呢個餐牌都真係幾有驚喜佢間餐廳係半開放式既 所以其實環境都可以既 張鄧都坐得幾適服然後我地叫左一碗牛筋面一碗碗雲吞面 我係吃牛筋面既 我覺得真係個質素真係喜出望外 個面底係幾有咬口 個湯底係鹼水加腩汁咁既味 配埋一d煮到林哂既牛筋真係好好吃 我個人比較喜愛吃蔥 我仲另外問佢囉左一碟蔥 至於雲吞面 根據我朋友說法 粒雲吞都幾多料 個湯頭同個面都吾錯（同我果個一樣嘛 差在冇腩汁）最後就係杯熱豆漿 甜度適中 岩岩好 絕對推薦你地飲呢個 佢仲有意米水 同其他 不過未試到啦總結黎講 以呢個價同質素 只要有時間 一定可以去吃

我覺得食系天下最開心嘅事，一日工作咁累，當然要食，終於升咗職，當然要食，富人要食，窮人都要食，雖然有人可以將山珍海味當成一日三餐，當然都有人因為一個簡單嘅家常菜就已經感動至極。今日我要推薦一間簡單嘅餐廳——池記！呢間野雖然環境唔算裝修得好豪華，但系煮D野都好接地氣嘎！首先我點咗份鯪魚球面，鯪魚系魚類裡面算系比較甜嘅，但系卻多魚骨，用來整魚蛋系最適合不過啦，呢間野嘅鯪魚球好大只，食得我好滿足，而且又無魚骨，開心死！淨蘿蔔都好好食，營養要均衡，所以點咗碟蘿蔔楊枝甘露都好唔錯，味道夠甜，而且呢間嘅味道有自己嘅特色，唔會同其他店一樣千篇一律嘅用料！ 

今晚我們去咗旺角朗豪坊嘅「池記」食晚飯！我們叫咗幾個超值套餐：雲吞麵、豬膶粥、金衣蟹皇粥同壹桶貴妃鷄菜飯！跟餐小食同糖水：香炸鷄翼、上湯芥蘭、海底椰雪耳糖水同桑寄生紅棗蜜棗蓮子蛋茶！跟餐飲品：熱薏米水同凍檸茶！雲吞麵嘅麵質都幾爽口彈牙，雲吞皮相當薄身，蝦肉非常爽甜彈牙！豬膶粥同金衣蟹皇粥嘅粥底煲得都幾綿，豬膶都幾爽滑，蟹皇粥嘅蟹超級細隻，而且唔算太新鮮，呢個係令比較我們失望！壹桶貴妃鷄菜飯嘅菜飯非常腍身同濕，一啲口感都無，鷄肉嘅肉質都算嫩滑，而賣相亦麻麻！香炸鷄翼炸得表面好金黃香脆，入面嘅肉質好嫩滑，香蒜嘅味道相當惹味！上湯芥蘭好爽脆同無根！海底椰雪耳糖水嘅味道都幾清甜滋潤，雪耳亦軟滑！桑寄生紅棗蜜棗蓮子蛋茶嘅味道好香甜濃郁！熱薏米水嘅味道都幾清甜，加埋淡淡嘅薑汁味，都幾好味！

一個人在朗豪坊 shopping, 有些肚餓，必須想食小小野。行入池記，叫左一個下午茶餐 : 鯪魚球粥，魚球彈牙不腥，生菜脆口，粥夠熱，味道好好，可惜感覺有些像糊;油菜份量 ok, 菜不老;杯桑寄生茶好濃，夠味，足料煲，只是個人喜歡飲小甜東西，所以感覺太甜。如果喜歡甜飲料朋友，應該 like. 總結低食，不错之選。重有 cash coupon 送。

好喜歡吃雲吞，池記的雲吞塊皮好滑，入面當然有蝦添，爽口又彈牙，而且不是霉蝦，一碗有4粒，細細地，啱曬我，面好爽，唔會淋曬，細細碗，夠曬女仔食，事關跟餐有碟菜，我就叫在芥蘭，又甜又爽脆！仲有幾粒杞子，明目架餐飮係我必點既熱薏米水！不甜，又有薑既辛辣味，驅寒又去水，薏米又有咬囗，簡簡單單又一餐，Like

買完野中午經過池記，突然想食雲吞麵，記得以前都試過，睇下有冇上次禁好食，落完單上菜都好快，雲吞食落都ok虾肉鮮甜，爽囗，最重要D虾同豬肉比例啱啱好，外邊食多數好多豬肉，麵條食落爽口，有彈性，湯底鮮甜應該煲够時間，材料足，熱意米水都ok，好有薑汁味，下次我都會來。

上星期去咗langham place行完街諗住食個麵快快趣趣返屋企，印象中池記 d野都 ok (食開 銅鑼灣個間). 點知 d食物質數可以差咁遠，我地 2 個人叫咗 2 個 set, d野都係唔好食。d菜勁老，d餛飩麵 既湯底杰身既 麵質都唔好食。佢送咗 2 張 voucher俾我再去幫襯我都唔想返去 真係好難食。

食個快飯，趕睇戲南乳豬手菜飯豬手唔夠淋，但唔係硬，爽爽地，不過都大舊嘅，菜飯d菜黄黃的，當然係煮好左，要先上碟，焗住一定黄，冇計，小小咸肉，係幾開胃又唔會太咸蘿蔔牛腩菜飯蘿蔔甜甜又夠淋，入口溶溶又冇查，掂呀，加上牛腩又夠入味，而且煮得夠時晨，係上品，個飯都係一樣，同一個飯煲出架麻，咁更係啦

早倆日同F去果邊睇電影，睇完電影5點幾，有D餓，就霖住早D食完野再行下。朗豪坊四楼，果日排隊算小人，10幾分鐘一陣就到了。點咗個，金衣蟹黃粥，果然算照片，D蟹都幾新鮮，不過食落就D麻煩，好彩唔系同拖友來，如果唔係，唔會系拖友面前吃蟹粥。D蟹算肥，唔系好大只，粥底都好鮮下。仲有個牛筋撈面，牛筋還算入味，but有D難嚼，我鐘意食味，但係覺得D牛筋癡牙。D面食落都可以。幾爽，可以給及格分。薏米水，裡面應該有D姜蓉吧，冬天飲覺得OK喔。暖暖地。味道好清新，其實系第一次飲。總之都系NICE都系值得3分嘅。

大前天我同朋友去了附近玩，雖然天好凍，但係之後我地又轉戰去咗池記，哈哈哈。蟹黃粥很出名，其實我也食過，但係我都唔知點咩好，所以就食蟹黃粥喇。蟹黃粥依然是滿滿的粥，顏色是黃黃的，睇落好靚個樣，好大的一隻蟹在裡面，我首先撈咗好多蟹肉，蟹肉新鮮熱辣，鮮美多汁，至於粥的話也是很正。講真喇，我覺得蟹黃粥都算佢地嘅招牌中的招牌了吧。最後冬天醒翻個糖水，海底椰雪耳糖水，肥非常的滋潤，唯一缺憾就是木耳比較大和多，因為我不是很喜歡木耳，但是還可以接受吧，不過價錢倒是比較平，吃一餐不用很多錢，服務也不錯，挺周到的。