池記 (Closed)

今天一個人到朗豪坊購物過後，便順道吃個下午茶才回家，一個人便選擇吃些簡單輕便的麵食，最後便來到這間老字號的池記用膳。牛筋雲吞竹昇麵湯底色澤呈現深啡，味道香濃鮮美，隱約帶有蝦的香氣。麵條外型幼身，入口煙韌彈牙，味道有蛋黃香，同時亦有輕微的鹼水味。牛筋牛味濃郁，入味可口，唯獨煮製得不夠軟腍。雲吞則外皮軟滑薄身，內餡的蝦和肉飽滿新鮮，口感彈牙爽口，鮮甜味美。炸鯪魚球鯪魚球炸至色澤金黃，外型圓潤飽滿，口感外脆內嫩，爽口彈牙，魚味香濃，配搭上順德的特色醬汁蜆蚧醬一同進食，更鮮味十足。凍薏米水薏米水色澤清澈深黃，使用檸檬、薏米、冰糖製成，口感冰涼解渴，味道清淡香甜，帶有微微清香的檸檬味，而且夏日飲用更可消暑解熱。整體而言，裝潢簡約樸素，環境整潔衛生，食物真材實料，用料新鮮，唯獨食材製作仍有進步空間，期望下次到來可有所改善。

以前池記好似只可以散叫，而家叫三樣嘢一個餐都只係$68。薏米水唔使加錢，飲到有少少薑味，可以去濕都幾好嘅。豬手麵，啲面好爽口彈牙，豬手份量都幾多，加咗醋同辣椒油好味！跟餐可以選擇糖水或者油菜，碟菜就正正常常咁啦。另外買咗一樽XO醬辣椒油，外賣自取有八折，原價100 ，依家80，買咗返屋企冇幾耐比屋企人食個半樽，食到有好濃嘅蝦子味。佢有另外一個餐係$79 ，可以配一啲小食其實係仲抵嘅，不過我已經好飽啦，下次試吓呢度出名嘅雲吞👍🏻

宜家度度都外賣八折，唔知朗豪坊呢d大商場入面既餐廳有冇呢個優惠。行到去food court果層，見到池記有外賣八折。池記既麵，之前喺又一城food court食過，但果個價錢果個質素再加埋十分鐘都出唔到碗麵既速度，真係以後唔會再食。不過今次見佢有八折，折完個湯飯先五十蚊，仲話有五六個送，一於試一試。今次既速度就好好多，等左一等就拎得，丫姨既服務態度都幾好。湯飯分開裝，拎出手好似有d輕，但份量其實都夠。一打開就見到d送鋪滿成個面，但都未見哂全部送，因為仲有兩隻餃子攝左喺底。有雲吞，蝦仁，佢地拿手既炆冬菇，仲有兩大舊鯪魚球。湯飯既湯清清地，有少少胡椒既辣味。送既份量令我驚喜，味道都唔錯，呢個價錢我就覺得好抵食。

小子今日黎到附近做野， 早時尚早要食返個豐富早午餐， 朗豪坊早上食野無乜多選擇， 小子最後決定黎「池記」食返碗麵， 11:15入到去， 都有幾枱客人， 依度每個位的餐紙都係套餐餐牌， 小子的揀左冬菇麵+炸雲吞+凍薏米水 好豐富冬菇麵： 小子加$2 轉左竹昇麵有4隻冬菇， 唔好睇佢好似細細隻， 但好厚肉， 煮得好入味， 好味竹昇麵都不太特別， 麵底都較少炸雲吞 ： 一碟 5粒， 跟餐黎講算係多， 正常味道， 小子鐘意食香口野， 覺得唔錯凍薏米水： 欣賞佢係雪凍， 不是加冰， 不會太甜， 幾好飲

我覺得🤭池記最好味就係呢兩樣野冬菰麵啲冬菰夠大隻而且真係好厚身咬口唔會太林或太硬食落個冬菰心唔會好實而且都好夠冬菰香個麵嘅鹼水味唔會太濃蝦子上湯就好香呢個配搭唔油膩好好👏🏻。鯪魚球粥有好多粒🤣質地唔會太林一咬就散而且加咗陳皮好香陳皮對身體好有益🤩粥底唔會水會見到啲米開曬花加埋乾瑤柱同葱花😋Yummy！。我都好鍾意佢啲飲品🤤薏米水同埋桑寄生茶好多fans。不過價錢方面食個麵餐或者粥餐要平均70幾至80蚊就有啲貴但係偶然食下都幾好嘅有啲配搭可以揀埋糖水如果同朋友一齊嚟仲可以慢慢坐吹下水💘

池記都算係香港雲吞麵界既老字號主要以港式雲吞麵，粥，點心為主某日係朗豪坊諗唔到食咩又見池記唔洗排隊就碌左入去今次食左牛筋雲吞竹昇麵賣相非常好！牛筋同雲吞數量都算多d牛筋燜得好柔軟而且好入味，好好味而每隻雲吞都真材實料，每一粒都有一隻鮮蝦，爽口彈呀，幾甜，好味！兩個topping比我expect好味不過可惜個麵可能係因為煮得太耐，唔夠爽口，好淋，我印象中既竹昇麵唔係呢個質感雲吞既份量合理，湯底好普通，不過麵既份量有d少，食完唔覺得飽，唔飽又唔會想飲埋d湯叫左兩個小食叫左炸雲吞同埋芥蘭炸雲吞幾好味，配埋泰式辣醬，出奇地夾芥蘭正常味，無乜特別總體黎講，池記唔算係一間特別平又唔係好貴既餐廳，都算係一個諗唔到食咩既時候又唔係想食貴野既時候的好選擇

睇完戲再午餐及下午茶時間之間見到池記不用等位而且粉麵有套餐，於是入去試下3人行，叫左3個套餐，一齊分享小食，包飲品1. 牛腩雲吞河2.豬軟骨雲吞麵3. 牛筋麵再加配小食1.炸雞翼（有4隻，仲有炸蒜）2.吉列豬扒3.紅油雲吞水餃鯪魚球 飲品叫左凍薑汁薏米水（ +$3）x2,熱豆漿由於份量足夠，大家麵食到好飽，坐得都舒服，唔會急住要交還枱池記既辣椒油點雲吞都幾好食，即係少食辣既朋友都應該食到，入面仲有啲瑤柱，都幾足料！星期一到5先有下午茶餐，所以今日假期叫唔到，但套餐都抵食！

今日下午到朗豪坊逛街，大約6點左右已經感到有點餓。見到池記不是人很多，而且之前都吃過，總有點保証，就早點入去食個晚飯。我叫了一個蘿蔔豬軟骨菜飯🍚，再陪配一杯熱豆漿🥛及桑寄生蛋糖水☕️。蘿蔔豬軟骨非常入味，味道偏龍，一點都不覺得油膩，而且入口即溶😋😋😋。本身我很喜歡吃菜飯，菜粒切得較細，方便進食！豆漿充滿豆味，好味道。最失望就是桑寄生蛋糖水，味道一般，比較苦澀，喝了一啖就喝不下去😖。整體上其他都接受！

今日本身諗住回家食飯但我朋友突然問我去邊，之後就話咁不如一齊去旺角朗豪食池記啦其實都係第一次去朗豪池記食，之前去過九龍灣果間，不過已經好多年前，可能落雨又係星期一所以都好好吾洗等位，環境都好乾淨，不過中間有個小插曲，d職員本身安排左兩個位比我地，突然黎左6個人，之後就叫我地坐過隔離，又話覺得逼呀，坐過去卡位果邊，咁其實個職員都好好安排我地坐一個寬鬆d個位，但轉黎轉去，好在未叫野食，吾係都幾煩之後我地叫左套餐，每人一碗雲吞麵，加雞翼，菜心，雞翼真係必食，好好味同埋佢地既雲吞麵，鮮蝦大大隻，皮又薄，麵係無鹼水味😆🌟，再配埋杯豆漿🥰真係好滿足呀

平時朗豪坊池記都係要等位的，所以未曾試過，但當日晚上九點幾才吃晚飯，見池記不用等位就去試一試。餐牌入面好多配搭可以選擇，最吸引係有甜品又有餐飲我選擇了最簡單的雲吞麵，碗麵係細size，而雲吞是一啖一隻，有成隻蝦係入面，整碗的份量就我當日係食late dinner而言是足夠的，但如果是午餐和正常晚餐，就可能會覺得太細份我選擇了熱薏米水和凍海底椰雪耳糖水，兩樣都好味，不過中式糖水還是熱食會比較好，下次會選擇熱糖水不需要加一，都幾抵食

係旺角學完瑜珈又唔想食太多嘢，行到朗豪坊見到平時好多人排隊嘅池記今晚冇咩人，終於可以坐得舒服好多，所以同friend飛奔入去。叫咗牛筋雲吞竹昇麵配淨桑寄生茶，再加上湯菜心，麵質彈牙，牛筋雖然不算腍，但加咗腩汁真係好正。上湯菜心上面有幾粒杞子，甜甜地幾好味！整體來講，晚餐$76有飲品、菜同主食，都算係咁啦！隔離鋪頭$78都係得一碗麵咋！如果想食清清地，池記都係唔嘅選擇！記得每一張單只可以用一張6蚊現金卷呀！如果想兩個人抵D，就可以分單，咁就可以減12蚊！

星期六到到都大排長龍，專登去朗豪坊睇燈飾，出面又迫人又落住大雨，所以就諗喺裏面搵食！呢排食得油膩野太多，想食返啲清淡野就揀咗池記！入面八成都係國內人，佢哋真係好欣賞香港嘅粉面同奶茶，黎到就梗係要食佢招牌雲吞啦今日食咗雲吞撈麵，面積有點鹼水痴埋一舊，要放少少湯鬆開佢，麵質爽口，雲吞就唔使講啦，蝦好彈牙，啲皮唔會林謝謝牛筋湯面都唔錯，牛筋膠質好豐富，有少少漿口，搭多兩舊蘿蔔唔會齋食牛筋咁漏！小食揀咗腩汁蘿蔔同雲吞水餃鯪魚球(每樣兩粒)只係嫌佢個蘿蔔唔夠入味，水餃都係好彈牙好好味，鯪魚球就一般啦！

This place had good wonton noodle and they had meal sets that included drinks, dim sum, and dessert.  I thought that was a great value.  The set were just enough for one person.  It was too much food.  My parents enjoyed this restaurant so much they went three times during our 10 days in Hong Kong.  This restaurant is located inside the mall which was very convenient since we stay at the Cordis.  This place gets busy at night.  We went around 4pm and there was no wait.  This isn't cheap or an ex

週日有事需要去朗豪坊處理、辦完公事後路過巧遇久違了的雲吞麵、作為一個地道的港人、一於入去幫襯碗雲吞麵、順便安慰一下心靈。坐底叫咗一份雲吞麵套餐（糖水+豆漿）、另加一碗雲吞麵～ 雲吞麵(選擇 加2 蚊轉改人手做竹昇麵）一上枱就有些失落、點解？第一：熱度不足、呢個係煮麵師傅嘅功力同樓面同事送餐配合嘅失敗。。。第二： 竹升麵入囗除咗鹼水味之外其它一點味道都沒有、而且麵質本身一啲都唔爽口彈牙、同期待中嘅人手做竹昇麵真係有一大段進步嘅空間。。。。。。打麵師傅可以用多D心去做嗎？第三 ： 湯頭薄、歞得味道淡淡的、是否想話係老廣州的傳統做法？有機會去印證一下。～ 桑寄生紅棗蜜棗蓮子蛋茶可以～ 凍豆漿交來貨、無特別整體來說食物質素仲有好大進步嘅空間、期待下次有機會再來時試試其它出品。

做完靚靚的facial ~~ 跟住就去池就食下喇😚😚 友人黎陪我食晏就，真開心～～我中意呢d中意麵鋪，雖然池記連鎖經營，但我食過幾間都真係唔差唔係第一次食，每次去都必叫的冬菇麵冬菇忟得入味，好濃既蠔油味，林林地，唔會硬身，個湯好飲呀，飲落似係大地魚湯味，加左少少蝦籽，味道真係唔錯，加埋醋一齊食，就絕配啦佢個醋唔會過酸搶喉，醋味香，我真心中意同埋佢個辣椒醬係用余均益架，支持本土製作👏🏾仲叫左個薑蔥麵又係加醋去食，yummy!!仲有上湯芥蘭👍🏽爽的，清清地！薑汁薏米水飲完暖胃，薏米又可以去濕🤣🤣佢個餐係冬菇面+一杯野飲+一道菜/甜品精明既消費者，當然揀一個套餐，再加一個麵，就岩岩好兩人份量一齊食價錢當然比出面大排檔偏貴，但物有所值啦，食完我地仲有$6 coupon😂😂係個環境迫d,坐得唔係太舒服，同埋旺角呢間有好多同胞.. 不過野食都好推薦👍🏽