Video
Opening Hours
Mon - Sun
12:00 - 22:00
Above information is for reference only. Please check details with the restaurant.
新鮮炸雞又平又好食，自助形式拎餐具和買飛order，減少人手好安排。而且價錢合理便宜，味道好，適合一家大細，齊齊share~!炸雞：味道與kfc不同，但炸得同樣香脆好吃，皮雖厚但炸得不林。而雞肉也滑身，熱哄哄，味道偏向較濃食客進食。焗白汁火腿意粉：白汁濃烈，配上短身意粉也match到口味。香煎雞翼+格仔餅(小食)：雞翼味道一般，沒有特別。格仔餅也沒有什麼雞蛋味。
continue reading
上回去附近的茶記吃東西時，看見對面有所快餐店，主打是又炸雞又薄餅，之後也就找了天來試試看。午市也有多款套餐選擇，本人貪吃，想盡量試到不同的食物，最後要了個皇牌套餐，選了意粉及薄餅一件，另外再加多件炸雞，皆因單點炸雞的價錢是要比單點薄餅的便宜，真的是忽然師奶上身。先來的是餐湯，捨了汽水而取餐湯，是日的口味是忌廉薯仔湯，喝入口很多薯粉，不過湯身稠得來不Creamy，薯仔及忌廉香也欠奉，簡直就是如開粉的杯杯薯蓉再加多點鹽及水了事，零星的煙肉雖然軟腍而帶點肥肉，吃起來蠻好味，但也是未能單天保至尊。之後就來吃薄餅了，吃餐沒有得選吃什麼配料的Pizza，只可以吃是日的精選，而是日的就是千島醬吞拿魚薄餅，材料當然有千島醬及吞拿魚，另外也有磨菇、粟米與及不可或缺的芝士，Pizza的餅底是厚批底，吃起來如鬆脆的麵包，也不算太油膩，芝士的香味雖然不高，但至少下得夠多，做到以量取勝，加上千島醬及吞拿魚混成的汁醬，入口帶點酸酸甜生的魚肉碎，間中有數粒磨菇及粟米帶來不同的咬口，都總算是不錯的了。另加的炸雞一件九元，看起來真的有點似肯德基的，炸漿厚而偏油膩，不過勝在夠新鮮滾熱辣，一咬入口又真的幾香脆，而且雞件嫩滑，雖然味料沒肯德基的下得那麼重手，沒那麼惹味，但個人認為絕對可以收貨；脆薯皇一客就原來只有兩條，看來認真孤寒，入口粉腍不夠脆，又不夠熱又沒薯香，吃畢真的開心只有兩條。最後的肉醬意粉份量也不少，雖然意粉明顯是灼過後沒炒過，又沒有撈過橄欖油或牛油，但由於店家下的肉醬下得夠慷慨，加上那肉醬的茄汁味濃，酸度夠而當中又有點甜味，間中更有點蕃茄膏醬的粒粒，茄味十足，件起意粉來吃，縱使意粉的味道普通，口感也不煙韌，但已經驅使我瞬間吃光它。四十元真的幾乎吃光這店所有類別的快餐食物，偶爾吃餐Junk Food，用僅有的Quota去試未吃過的快餐店，間中亦不太要緊吧。
continue reading
自從帶男友去CHEESE PIZZA食左一次之後.佢就愛上左CHEESE PIZZA.喜愛既程度係,只要諗唔到食咩,就係食CHEESE PIZZA.食到我都認為"駛唔駛咁誇張呀......."CHEESE PIZZA已經可以代替左KFC同PIZZA HUT兩間店.依家系我抗衡之下,平均每個都依然會幫襯3~4次.而幫襯時段多數都係星期日既下午茶.是日亦如此.兩個下午茶餐($18/兩款小食+飲品)另加兩件炸雞.~PIZZA+薯角男友最愛這裡的PIZZA.之前曾問過負責人,原來佢地既餅底係自己搓.仲要係每日新鮮搓的.有誠意的店就係要用心去做.GOOD.薯角熱辣辣,好好味.~吞拿魚多士+春卷.多士的餡好FULL,好滋味.春卷一般啦.炸雞~雞滑多汁.但我自己就覺得炸漿太厚.男友就很愛很愛.飲品:因為都唔想飲罐裝飲品,奶茶咖啡又很一般,所以選擇了餐湯.$24蚊~食得飽飽~GREAT~!!另:每次黎,都有一個侍應妹妹會同D男客人玩得好癲.仲要每次的男客人都唔一樣.其實系舖面,都係要有返D界線好D~
continue reading
對PIZZA的熱情係會蔓延的！！！以往又名「PIZZA小公主」的我，終於成功感染到屋企人一同喜愛PIZZA啦！！！！好開心～～～咁又點可以唔讚下我近年新歡CHEESE PIZZA呢??已搬開住的我，今日返娘家食飯，DADDY MUMMY 竟然提議叫PIZZA！！！ 即刻九秒九打去最近的明德坑口店～～～～一如以往，等咗唔駛一個鐘就到了 - 星期六，我6:30PM 打去叫的～7:30PM 開始食剛剛好食物維持水準，熱辣辣～ 一家三口，食咗130蚊(每人只40蚊)，晚餐，抵到爛，速遞去您屋企，好過食33蚊o既粟米班腩飯啦～～～ 叫咗個普通批 - PIZZA 熱辣辣，而且好足料，抵讚！！！ 最喜歡食咖哩角 + 春卷 - 好好味呀 － 必食之選！！！ 雞翼亦是我最愛，必食頭三甲！！！ 意粉我無乜點食，媽咪話味道唔錯 (我MUMMY好嘴刁架！！！）總結一句，CHEESE PIZZA 實屬必食推介！！！誠意之選！！！ 繼續支持支持！！！！
continue reading
去友人家團拜， 唔麻煩人地的最好方法係叫外賣。今次叫咗２間， 其中一間係芝脆雞， 我就未食過， 不過友人推介， 就試試啦。食物：白汁西蘭花：一般。炸雞：個賣相幾好， 不過ｄ肉好un、又多油， 好唔得。粟米pizza：個底好厚， 又燶燶地， ｄ料唔多， 全完唔好食。白汁焗飯：好唔得， 白汁唔夠味， 仲好“杰”。蒜蓉包：ｏｋ好味。之前睇openrice評語， 都幾擔心外賣delivery的時間， 好彩今次都ｏｋ準時， ７：４５ｐｍ就到。不過個人覺得食物麻麻地， 未必有下次。Total: $160
continue reading