Chef & Taste (THE FOREST) (Closed)

我係醬油蟹嘅超級fans，所以買咗一隻$280 XXL大嘅醬油蟹返屋企食。全日都超興奮，為咗等呢一餐，點知成餐飯我講得最多嘅一句係「好鹹」🥲🥲即使有撈白飯，但都係有啲偏鹹，曾經上網見過人係超推介，可能只係我唔好彩，隻蟹咁啱醃耐咗…不過我就唔會再試，始終價錢唔平，下次都係正正經經去餐廳食好過😂唔好比張相嚇親，係我自己將佢拆件，原裝係包得好靚仔，非常之吸引嘅。同埋佢係真心大隻同埋多膏，如果冇咁鹹，一定會好完美。

人太多， 買到好似唔使錢咁 ， 我今次目標係泡菜，不過要排好耐， 泡菜款式有好多， 計大中小size畀錢。推介辣蘿蔔絲、 辣雞泡魚另外又買咗芝士韓國飯捲， 價錢唔算平45蚊一條。會等冇咁多人嘅時候先會再去

之前開幕大排長龍，而家少啲人去行下。其實地方唔係好大，都幾逼，有凍肉，泡菜，凍八爪魚，醬油蟹等等好多韓式小食。但今日target係嚟買外賣，選擇都唔多，有啲韓式便當，煎餅，湯，炒粉絲咁，有特價嗰啲都幾抵。買咗牛肋骨便當，好豐富，份量夠兩個人食。有幾款泡菜，全部都好好味，又唔太辣，好開胃好鐘意。牛肋骨其實無骨，好厚切，夠惹味，仲有舊蛋捲同甜酸雞，七十幾蚊一個飯，但有咁多餸都值嘅。不過唯一唔好就唔係好夠熱，冬天都係想食熱辣辣。薯仔煎餅，海鮮煎餅，粉太多好硬，海鮮餅味道唔錯，但無一般喺街食點嗰隻醬好似爭啲嘢咁，可惜都係凍啲。啲店員好似係韓國人都幾好人，下次去食醬油蟹先