大大廚美食外賣

Open Now

Now Closed

近排調左過嚟銅鑼灣返工 🙆‍♀️港島區食嘢出名比較貴，公司又唔方便帶飯，同事介紹這間專做外賣的茶餐廳，佢都係日日幫襯，價錢非常之親民，不需要30大元就可以在港島區買份早餐，仲要要七個套餐選擇，午餐有A-E選擇，都係只需要$33，凍飲+1，呢個價錢真係抵，食嘢味道都不過不失 ！叫左份早餐C餐$28,外賣自取$27😂吉列魚柳配腸仔蛋，加熱奶茶⭕️份量都算大份，魚柳唔係薄切切⭕️凡熱飲，本身餐廳係會加埋糖水係內面 ，如要走糖，要落餐前講定！

今天買了一個楊州炒飯，一個蒜蓉雞扒火腿意粉🍝，太肚餓，而且茶記冇影相習慣，所以冇影相，説真的，楊州炒飯材料是沒問題的，正正常常，但個炒飯真係好唔掂，一來個味好唔似楊州炒飯，二來個飯唔係一粒粒，三來唔夠熱，最後係個飯有陣好怪嘅味，好似放咗好耐咁。。。我知價錢好實惠，其實24小時惠X都有得買類似，都叫好一般，而且價錢平好多，但我寧願食佢，仲有對面間快餐我都試過，無論味道同熱度都係好好好好多，難怪食飯時間，人哋間野咁多人排隊，希望之後有機會再試時會好好改善，希望有機會。。。另外個意粉🍝就正正常常，偏重味，但可以接受，份量就比較少，男仔會唔夠飽。個例湯就好淡。。。又係唔夠熱。。。總括，暫時唔會再考慮😬給你們一個中評吸你們改善(本來想比😩)

大大廚美食外賣 (銅鑼灣)意想不到港島區都有呢個價錢又大份既下午茶😆 而且質素不錯😍下午茶2pm 至 6pm 供應，今次試了這個柚子雞翼拼沙律薯條🍟 連熱檸茶 $32唔好以為茶記等於頹餐，即使是外賣，賣相也不錯，薯條、水果沙律和雞翼分開3格裝，不會混雜，食物送到黎仍然保持熱度😍 最有驚喜是柚子雞翼😋，柚子蜜酸酸甜甜，雞翼色澤金黃☺️ 不過薯條始終是外賣，所以焗淋了不脆，整體來說$32 食到咁既豐富既下午茶，抵👍🏻地址：銅鑼灣渣甸坊40號地下

平時返工食Lunch，多數會去附近一間叫「興x」買外賣返公司食；不過，今日去咗對面另一間外賣店「大大廚美食外賣」，因為見到佢今日個Menu有菜食這間外賣店有手機App可download，估唔到佢哋都追上潮流😅；不過，這間店暫不接受八達通付款印象中這間外賣店都扎根係銅鑼灣十多年，以前和「興x」嘅價格一樣，但近年價格比「興x」貴少少🤏($1)，所以我比較少幫襯至於味道方面，我覺得佢哋比較重手(鹹)一點價格💰：$32 (自取)味道😋：好一般

今日係銅鑼灣做嘢，返咗Office，所以中午有出咗去買抵食午餐👍🏻今次去咗呢間大大廚美食外賣，本身有啲想食麵類，所以叫咗個肉醬意粉！😂都幾好，話整就整到！🙈仲要整得好快，唔夠10分鐘左右，就拎得～ 我見唔係快餐menu，仲以為整得好慢🙈 返到去打開，已經好香，唔記得影相，就已經開始食！佢嘅肉醬整得比較流質少少，唔係好結身，不過幾好食，意粉好軟身，唔會太硬，醬汁夠多👍🏻😍唔好食到最後意粉撈唔到汁食～ 不過就唔夠滋味，下次都係叫返有鑊氣嘅飯款🤣🤣

喺銅鑼灣做嘢，成日都要食得好貴，如果唔係就要等下午茶！午餐就比較難搵到一啲$30/$40嘅～ 渣甸坊後街嗰度有兩間外賣自取嘅飯店，超正， $32有嘢飲有盒飯～ 不過就要外賣返office食！今日食咗椒鹽豬扒飯，超級多豬扒，份量足又多，飯都啱啱好男仔食量~ 味道方面，好似小炒店咁樣，有鑊氣！豬扒嘅肉夠軟身同嫩~ 飯都唔硬，軟身，但係就唔夠豉油！下次叫佢俾多啲🤣🤣 同埋佢好快，即叫即整， 5分鐘就拎得，慳咗好多時間！

有時翻工路過見多人排隊都會留意下，今日早左翻去，於是就試下大大廚既早餐。點左最愛既沙爹牛肉公仔麵，再加隻蛋，飲凍咖啡，翻到公司慢慢食。翻到黎打開，d麵完全冇因為打包而浸得太遠，牛肉唔錯，最想講既就係杯凍咖啡，真係冇得彈，抵食又好味，抵讚

工作太忙，忙到完全忘記了時間，過曬食晏時間都唔知，咁啱同事仔又未食晏，於是一齊叫外賣，外賣勁快送到，而且味道尚可，勝在夠快夠平，唔可以期望無味精，但幾十蚊，可以話完全無投訴啦

大大廚, 這是一間做外賣的店.一般港式早餐, 午餐, 下午茶, 都有供應.今天早上, 去買了個餐蛋治+熱檸茶做早餐.熱檸茶不是太濃, 但帶著茶香, 暖胃.餐蛋治, 餐肉和雞蛋厚厚的, 雞蛋也算炒的嫩滑.$19, 在銅鑼灣, 實在是太太太價廉物美!!!

這一陣子要在像迷宮一樣的銅鑼灣站出入，心中也想把早餐的熱店轉一轉，而是日試試在渣甸坊的出口轉上地面，當然就是要試試這兒的小食店，看看他們的早餐出品行不行。在渣甸坊看見了這一家小店的門口擠滿了人，好自然地，因為有人潮而令我決定試呢一間。而且時間不夠了，有位坐的早餐小店暫不考慮。這一個早上，就簡單的要份三文治，而且我亦真的好耐沒有吃三文治，以前純熟的大叫 "蛋牛治" ，現在的我只能錯誤地叫了咸牛蛋治，雖是同一物，但叫起來沒那麼親切。即叫即做的 (像是)，不過應該是即叫即包才正確。用上了硬膠的三文治盒包起，雖夠衛生但不夠環保。因為一直都只是抽住個袋，沒有留意三文治的凍熱，回公司一拿出來，這個三文治竟然連微暖也沒有，幸不是雪過的。打開一吃，雞蛋同牛肉的混合物可以說是即日煎好的，令我發現其即製的詫思只是即場包，其餡料是一早煎定，有order就夾，有乏港式三文治的傳統。奶茶就不過不失，而我始於都是覺得這兒不就腳，早上盡量少來......

七月下旬‧晴就算不是前晚吃了不少，早上也不想多吃。但，不吃去喝咖啡，又不行，就要一件奶油多吧。這裡專做外賣，沒有堂座。但見隔離天香牛雜的門外有擺檯椅，就借來坐一坐。奶油多是夾心的，奶多，牛油也多，但多士就烘得不脆，吃起來韌韌的，感覺一般。熱咖啡不太濃，有點水水的，純粹頂住。已代下糖，幾甜，如果再來，要少甜好了。吃至中段，天下起大雨，天香牛雜的伙記又同時回來開門。大佬，使唔使咁夾？

呢間野我都係叫外賣~同隔離o個間係我公司最多人叫既~我覺得大大廚比隔離o個間好少少~佢d咖哩其實都唔錯!d沙律蛋三文治仲幾ok tim!不過由我o岩o岩黎做20蚊加到而家23蚊...都再冇食過喇...

其實我們叫外賣的話, 一般對食物質素不會有太大的要求. 然而, 食品質素實在太差, 西多士炸得像豆卜一樣, 還要跟我們說面色是新番的...電話內的人態度惡劣, 沙律賣完卻沒有向客人主動提出, 隨便給些薯條了事, 還要是乾乾的連茄汁也沒有.還要落單之後等了足足個半小時才送到勸喻大家一句, 切勿再叫這間的外賣, 否則後果自負