Chef's Stage Kitchen (Moved) New Location

每次入嚟屯門都有驚.. 有喜。好方便喺大馬路行5分鐘就到。鋪面好大，大塊玻璃向街景，裝修好醒神。有得坐喺outdoor，而家呢啲天氣真係好chill。向着窗邊嘅卡位大大張，坐得好舒服，background Music又揀得好，坐喺度早午晚3餐直落都得。- 秘製美國水牛城辣雞翼。唔使驚，雞翼本身只不過係少少辣，唔掂佢嘅辣汁就唔使驚。炸得香口鬆脆，裏面嘅肉汁嫩滑，好好食。- 酥皮cream chowder。酥皮香脆，湯身濃厚足料，啖啖海鮮。- 粗管意粉 黑松露 Carbonara。用咗粗管意，效果異想不到，特別掛汁，一口咬落去，濃厚嘅clCarbonara+芳香 松露香味 進擊味蕾。又係食到唔停得口。- 香煎白鱈魚 刁草忌廉汁。好難得咁厚身嘅 Cod 都可以做到火候剛剛好，外邊煎得香脆裏便保留原汁原味。同埋要讚佢哋嘅 黑松露薯蓉。黑松露嘅香口唔使講，薯蓉做得細緻嫩滑，呢啲係大廚房先做到。

CHEF’S STAGE KITCHEN 位於元朗千色後面一間高質素的西餐廳，未裝修前已經和老婆黎過幾次，最近新裝修完後不久就約老婆一齊食好野，當晚6:30左右到達餐廳，餐廳入面已經坐滿一半人，如果想黎食，最好預先訂位😍裝修後感覺更有空間感，入座後服務員好有禮貌幫客人斟水，玻璃樽入面放了一棵薄荷🌿叫完餐後會送上一份小食，有三種包，蕃茄包，軟包再配上特製檸檬醬汁，為之後既食物開開胃😆前菜 芒果虎蝦沙律虎蝦蝦肉很爽口 ，再配上芒果，煩箭菜和蘿馬生菜，感覺很清新😍特製美國烶雞翼配茴香蛋醬伴秋葵雞翼炸粉唔會上得好厚身，薄薄一層 ，外脆內嫩，配上孜然醬很夾，沙律菜還有秋葵，賣相好好🥗🥗炭燒美國頂級1855肉眼牛扒主菜黎啦，肉眼扒叫左五成熟，牛味很突出，入口肉質鮮嫩，還有陣陣炭燒味道，再配上牛菌肝醬一齊食，牛菌肝醬味道唔會太濃同肉眼扒一齊食好夾💯💯除左肉眼扒仲有蕃茄醬為主既配菜💯💯全餐飯已經接近尾聲，飲品叫了蕃石榴汁和薄荷朱古力，為整餐飯畫上完美的句號

自問係佢嘅粉絲，由佢未搬舖我已經成日食而我咁鍾意佢一定有原因，就係好味，性價比好高，每次食完都好滿足平時我最鍾意嗌白酒忌廉煮青口配麵包，呢個真係無～敵～咁好食，個忌廉汁可以當湯飲不過今次個朋友係午市嚟，就嗌返午時套餐啦，嗌咗蟹肉忌廉意粉、Steak同埋All day breakfast，意粉好香濃好多蟹肉，雖然食得多會有啲漏，但我就係鍾意❤️因為朋友唔食太生，所以Steak嗌咗7成熟，一樣juicy唔乾有牛味All day breakfast都無野可以挑剔啦，樣樣都好好味賣相仲一流而我每次嚟都不得不嗌嘅就一定係Tiramisu，滑都不得了，又濃咖啡味，完全唔係街邊落魚膠粉既貨色！我可以一次過食哂成份

好日都唔入元朗，難得今日有朋友喺元朗結婚，咁就係觀禮前係元朗搵食。朋友介紹試呢間，就一於試下。呢度環境幾開揚，可能新界地方大啲，唔會太迫。雖然話係食午餐，但係次次見到all day breakfast，我都忍唔住要嗌我最愛既egg benedict。不過今次有啲失望，egg benedict你話難整又唔係難整，話易又唔係易，其實砌砌埋埋，最難都係個荷蘭汁。呢個”荷蘭汁”就有啲敗筆，應該都稱唔上係荷蘭汁，似蛋黃醬味，好奇怪😥塊smoke salmon又無乜味，失望左。

好得！一向高要求既老公都話：樣樣都好味😋😋叫左個二人餐加tiramisu附送的包包，蒜蓉牛油好香！！略嫌唔夠source炸芝士好好味👍🏻👍🏻👍🏻雞翼無咩特別，但白色個醬好好味😋😋酸酸的，橙色就唔太岩口味，微辣同有d印度味🤣老公讚好👍🏻一上就無停口😋我唔太好肉，龍蝦彈牙好味！牛都juice, 6成剛剛好👍🏻蛋糕我俾十粒星！令人回味！！好正宗！同係意大利食既質地好似，但意大利酒味再重d👨🏻‍🍳餐廳備bb椅及餐具👶🏻👧🏻門前有標位🚘🚘但限1.5小時用餐‼️

講到食扒，安娜必定係心水推介，肉眼同隻豬手都無得輸，但成日食真係會厭架!!!所以今次去元朗另一間幾有質素既西餐，不過它好快會搬喇!!!下次再食應該會係新店(千色附近)~~~講真呢度無乜裝修可言，但食物的確唔錯~~坐低就會比枝水我地(玻璃水樽，裡面有薄荷葉)，同埋好快放低麵包+餅乾條(都好味)最後我地決定▪板燒美國頂級1855肉眼牛扒拌薯菜$338▪板燒穀飼澳洲肉眼扒拼香草牛油焗波士頓龍蝦尾$368一個跟沙律一個跟餐湯沙律係紅菜頭泰式沙律餐湯紅菜頭紫薯

【美食偵探社精選報告】一間餐廳有冇用心經營，食客係會感受的。除左一d買好評既賤格餐廳，食客係openrice 既正評的確多少能夠反映出一間餐廳用心經營既程度。#chef's stage kitchen係open rice有零個負皮，全部都係正面既留言同評價，中過幾次openrice 伏既我地，本著半信半疑既心態，係狗年既最後一個lunch試左呢間零負評餐廳。我地叫左一碟卡邦尼長通粉同一碟手打安格斯牛肉漢堡包。 一碟用心製作既美食，由上碟、裝碟上已經睇的出，個漢堡同配菜的擺位不會雜亂無章， 酸瓜與薯條不會放得太近以免酸味滲到了薯條裡頭， 漢堡包已經幫顧客一分為二，方便顧客食用，不會讓食客因處理不了巨形漢堡而露出難堪的食相。用餐上細微的考量，更感受到餐廳是在食客的角度去烹調， 所有的步驟也經過思考。漢堡扒一咬落去，充滿肉汁，味道有層次而不單一，碎肉中的肥肉與瘦肉比例均勻，令漢堡結構不易鬆散，口感軟熟而有回彈感，加上熱騰騰的芝士與外脆內軟的麵包，只能用三個字黎形容：好好味呀！！長通粉對美食偵探黎講，好唔好味既其中一樣要素，係取決於廚師對pasta軟硬度的拿掐程度。chef's stage k

依間基本上我每個月都食一次lunch 甘滯因為佢個all day 同埋lunch set 其中有個意粉男友超級鐘意！！佢每次都係食個種，下次再同大家share lunch 食d 咩今次特登去食dinner, 因為dinner 可以儲印花卡換食物，我地有一張已經可以換甜品，之前未試過佢地既甜品，所以特登一試我地叫左一個牛扒set 同單點左個全蛋面～～牛扒set 包沙律/湯同埋野飲， 包係每個人都有揀左紫薯紅菜頭湯～口感偏杰身，淡淡既蕃薯味～～不過紅菜頭陣獨特味就未必個個人接受到，但飲落係足料，同埋ed 新穎配搭無可能溝粉開牛扒揀左五成熟肉眼，薯角係無得揀五成岩岩好，有d 餐廳叫五成都係比七成。。牛味重同埋質感夠嫩敗筆係個薯角。。無薯味。。唔脆。。一食落口就知係超市急凍個種再炸過。。食左幾舊就無食肉醬全蛋面～～～個汁超濃勁好味～～依度d 意粉汁底都係偏濃味，所以我地先勁鐘意送既甜品～通常都係好hea 細細舊。。。omg!!!!係送平時三倍份量既tiramisu咖啡夠濃，cream cheese 質地夠滑連話食到好飽同埋平時唔點食甜品既男友都搶左一半黎食我同男友都食到好飽，晚餐大約二百幾一個

老公同我慶祝生日，Book咗元朗呢間餐廳，因為聽聞呢間食物質素幾好，而且環境都唔錯，雖然入到去唔係我想像中咁靚，可以打卡嘅Cafe，不過佢嘅食物真係冇得頂我哋叫咗一個德國鹹豬手，同埋羊肉漢堡平洋蔥圈先講講個鹹豬手，份量都幾多，而且好香脆，好入味，我好鍾意食鹹豬手，呢間都真係整得唔錯至於個羊肉漢堡，非常大塊，好厚身，而且好juicy,好有羊肉味，個包係一但食唔到，要分開幾層食，係就係麻煩啲，但味道搭救最搞笑嘅係，間餐廳本身會有背景音樂，但係如果有人慶祝生日，佢就會突然之間轉左一首唔係幾好聽嘅生日歌，哈哈，不過係好驚喜同好有氣氛嘅，而且佢嘅切餅費你同佢嘅餐廳平，如果想去慶祝生日，都係唔錯嘅選擇🥰

係元朗老地方雞地搵食，竟然發現仲有間美食未寫過🤔 好似哥倫布再發現新大陸咁😂Chef stage 算係連鎖店，元朗店平時都人流滿滿要排隊，今日夠早加埋周一唔駛等😘 舖頭空間好大，坐到40幾人，枱同枱之間有足夠空間，店員棒住大盤碗碟🍽️都可以輕鬆走動🏃‍♂️🏃‍♀️加埋樓底較高🔁內部唔會嘈，但有少許投訴係佢哋啲碟頭太大😂😂枱面位置就唔夠放😆😆Menu 比較多樣化，比較多人order牛🐂同意粉🍝 肉眼扒改做跟餐，先黎餐包同西蘭花忌廉湯🥣 餐包同個醬好多人都讚，包似係加咗蘿蔔🥕，而醬就似有鵝肝菌🍄（估錯請指正）湯就夠晒熱上枱，少少creamy淡香，作為開場唔錯👍跟住有加錢叫既法式香煎鵝肝🦆，一片法包塾住厚重鵝肝，加埋伴碟無花果同蘋果醬🍎，仲有沙律菜伴碟🥬 切開鵝肝，油份流入麵包，係啲油未周圍流時快快入口，感受到韌實既表面包裹中間油份🤤🤤然後到今日五成熟既澳洲肉眼🐃（今次唔係表熟底生😆😆），簡潔牛扒同薯條🍟跟埋茄汁🍅牛扒內部既嫩紅係最美既顏色🎨食物根本唔需要多餘修飾🤩 咬入口五成既柔軟肉質比出最好既咬口，切開時，肉汁係粉色肉慢慢滲出，不過稍嫌溫度未夠高🔥 可能我太專注影相，等耐咗😩另外有意大利燒烤

放假好開心，同朋友黎到元朗呢間Chef’s stage Kitchen食美國菜。蟹肉意粉好驚喜，啖啖蟹肉碎混合蟹膏忌廉汁，香濃但不黏口，蟹肉汁口感好豐富，可以成蝶舔曬而且調味剛好，唔鹹～最後飲埋杯咖啡，咖啡好濃郁，真心推介，我已經Encore左幾次啦

貴店鋪雖然有限制時間用餐，但我朋友遲了30分鐘到，我用餐時間短促，計算時是否應該提我坐下計時，我當時帶著嬰兒，晚餐未食完，食物還剩一半都冇食，飲品都未飲，就趕我哋走，店員只給我哋5分鐘時間食完台上的食品！這樣的態度是否值得客戶再去？價錢不是茶就記價，但對顧客的態度比茶記還要差！！！我要5成熟的牛扒，出到嚟係硬而乾！龍蝦又太熟!海膽飯的米係生嘅，因時間關系，沒有叫店員換用咗成千蚊一個晚餐食到成肚氣其實每一個食客都想食好嘅野，換嚟效果係令人失望！工作已夠辛苦，想在晚餐食好一點，享受一下食品，用多少少錢去餵自己的味蕾，點知貴店鋪令我太失望最後希望大家可以不要像我這樣，有個不愉快的一幕

喺附近啱啱行完街，就同朋友周圍搵嘢食。一入到餐廳，Waiter 先比左menu 我地，轉個頭就放低左個小食，面包同餅乾條，個醬又幾好味喎！Menu set dinner 就由$200-$400 咁上下，原來價錢都唔平喎！最後嗌左個美國PRIME 西冷同黑毛豬,西冷扒五成熟，食落啖啖肉汁，再配埋粗薯條，一個正常男士係絕對夠飽！黑毛豬扒非常厚切，肉質爽嫩juicy，非常符合我的口味。雖然我一直都愛牛扒多於豬扒，但不得不承認這間餐廳的黑毛豬烹調得極為出色，實在非點不可，建議大家一定要試試！嘢飲方面熱朱古力味都夠濃，如果book位時話有人生日的話仲可以加配tiramisu添！

前菜:他他牛主菜:比目魚 及 牛扒甜品: tiramisu首先講聲唔好意思，純粹文字描述，因為當晚氣氛唔係好應該影相。先講餐廳環境雖然燈光有啲暗但係氣氛好好， 好多後生仔，三五知己成班friend一齊嚟食生日飯，好開心仲笑得好大聲添。。。入正題，餐包，可能係咁多個環節當中相對比較失色嘅一項， 啲包有少少硬 同埋如果有少少微暖會好啲， 另外點餅乾棒嗰個醬就好好食， 好醒胃。 另外，他他牛嘅味道其實係偏淡嘅，好多人以為生牛肉味道一定好濃烈啦， 但係食起上嚟其實一啲都唔濃，味道仲幾輕盈添，開頭我見到佢咁大份，仲驚食完已經滯到食唔到主菜，好彩廚師明白前菜嘅真緒，都幾輕手。加錢轉咗個牛肝菌湯， 因為唔係我飲，所以我只可以敘述畀大家聽味道夠濃，屬於重口creamy類型，但即使味道真係濃郁，我坐係對面係聞唔到香味既，可能當晚爆場，週圍太多吾同既香味令我聞唔到跟餐既沙律前菜好大份差唔多有二人份量， 而且味道唔差， 除咗黑醋檸檬汁橄欖油之外仲有其他香料/汁醬，不過我食唔出係乜，不過絕不揸流灘，係誠意之作主菜先嚟咗比目魚，相比起餐湯，呢個比目魚嘅香味一拎埋枱就撲鼻而來， 啱啱煎起嘅比目魚，果種香味令我講咗

之前已經喺荃灣食過，今次去佢另一間位於元朗既分店，睇翻個menu 先知原來2間係同一間😂😂😂元朗分店位置較小，坐得無咁舒服，位同位之間好迫，如果想談心聊天，就唔係幾建議😅同係有交枱時間既，大概一個幾鐘。同樣朋友眾會要吹水既要另找另一間店我地嗰日叫左set menu 😂懶得諗送既餐包，個醬幾好食，包軟淋淋，不錯加錢叫左杯啤酒同本身送既玫瑰花茶，玫瑰花茶幾好飲，唔會太甜餐湯個人認為太酸,💁🏻‍♂️又話ok,不過蕃茄味濃既依個炸得over 左，個雞翼太燶，不過附送既醬汁有2個，依個非常值得讚另1個跟既salad ,普通，無咩特別，同炸嘢旁嗰個沙律差不多，不過依個多左青瓜主菜叫左牛扒，依個扒質素一般，好多斤，有d 勒，龍蝦就整得好食最後，都叫左同上次荃灣食嗰間一樣既蟹肉risotto,荃灣嗰間蟹肉多勁多，依間相對較小，不過飯既濕度質感都唔錯總括嚟講，個人認為荃灣嗰間較好！不論環境，食物質素等