昌哥粵菜館

Open Now

Now Closed

在中環返工，試新餐廳。－肚氣所以沒有影菜式。商務餐兩餸不包白飯，菜式非常普遍，多菜少肉。份量不合理地少，每一個餸份量比前菜還少。以一個中環女OL應該要order兩個餐才夠飽。味道非常一般，魚有腥味。職員一直趕客，坐多一會就叫你加餸。未食完就收碟。食完坐一陣再返公司又催你加甜品。勸大家不用試，浪費金錢。其實午市，主要做公司生意，份量吾多，味道又吾出色，服務又差，性價比低。就算公司約客人商務午餐也非常失禮。食了45分鐘走人。

食物（主菜和甜品） 6.5/10 ，合格但不是impressive。環境，6.5/10。 服務，0/10。 全晚服務本來合格冇問題。但埋單就出錯，單上冇茶錢，但卻有一項開瓶費$450，我哋都冇開瓶。之後把開瓶費改返茶錢$108。 收多成三百幾，好彩有睇單。埋單之後，朋友突然醒起去旅行買了一盒朱古力請大家食，每人都係食一粒。個疑似部長/經理嘅人就行埋黎同我哋講唔食得外面的食物。真係小家到呢。我哋甜品都差唔多$400 ，亦已埋咗單，食多一粒自攜朱古力唔會影響你食店收入，又冇要任何餐具，消費$2800 食一粒手信朱古力都唔得？ 就係因為呢啲唔人性化服務態度，香港人咪北上消費囉。服務員本身都唔係特別殷勤，做返本份都ok 啦，但個疑似部長/經理就真係唔鬆化。不會再去。

昌哥粵菜館在2024 年一月初開張。與他們的經理及厨師認識多年。現在原班人馬大展鴻圖，所以昨晚去支持一下。與家人慶生及團年。去到時，埸內早已食客高朋滿座十分熱鬧。我預訂了一間房及菜單。價格合情合理。特別他們的招牌菜：雲腿鵲鴣羮，燒雲腿鴿片，玫瑰豉油雞，及合桃露。還有好多出色的。不能在些盡提及。上菜有條理，服務又好。食物不失水準。每碟菜都合口味，食得開心。－定再去捧場。－間地方細細的食肆，但能夠坐得舒服，態度又好，菜色又最適合小型派對。值得推薦的食肆。不會令人失望。

新開張既昌哥粵菜館，上個月嚟食過一次之後一直都好想再次幫襯，決定今次同屋企人嚟提早食個”團年飯”。菜館裝修雅致舒適，落地玻璃感覺開陽。今次我地一家人八大兩小，菜館安排咗我地坐房間，小朋友在房間內玩都唔怕影響到其他人。每道菜一食就發現同一般菜館不一樣，用料上乘，食物質素有保證，就算簡單嘅菜式都食到不平凡嘅味道，突顯大廚工架。😋杏汁白肺湯：很足料，湯好鮮甜，飲完感覺很滋潤，小朋友都追住要再添😋蝦多士：好香脆，唔油，食完嗰碟一滴油都無，係我食過最好味嘅蝦多士😋芥蘭炒牛肉：質感同味道都很好，牛肉用料應該係高質素，芥蘭鮮嫩無渣😋古法鹽焗雞：雞嘅鮮味同鹽味配合得啱啱好，配上薑蓉，又有另一番滋味😋菠蘿咕嚕肉：肉嫩不肥，酸甜味道適中😋脆皮燒乳鴿：皮脆肉嫩，食成隻都唔覺油膩😋薑蔥炒蟹煲腸粉底：蟹好肉多膏，腸粉吸收咗蟹嘅鮮味，好滑好入味，食完好想再食😋楊州炒飯：叉燒粒蝦仁豐富，飯炒得粒分明，好食😋合桃糊：新鮮鮮磨合桃好香又唔太甜，超正👍🏻👍🏻呢餐飯大人同小朋友都食得很開心很滿意，家人都講好要下次再嚟食！👍🏻😋

每逢節日都會同屋企人預約港大校友會食飯。今次農曆新年前先發現舊有師傅都轉陣去左樓上「昌哥」。今次專登同屋企人團年去左新開張既「昌哥」試試手勢。出乎意料水準保持得好好，有幾道傳統小菜都係出面搵唔返咁好食，係消失左既粵菜味道！傳統菜館買少見少🥹🥹🥹雖然搬左新環境，但配合新裝修都坐得幾舒服👍🏻服務又周到好抵比讚🫶重點推介︰1. 菜膽杏汁白肺湯 ⭐️⭐️⭐️⭐️⭐️2. 原隻鮑魚扣鵝掌 ⭐️⭐️⭐️⭐️⭐️3. 芋茸香酥鴨 ⭐️⭐️⭐️⭐️⭐️

無論係屋企人做冬，同事聚會都幫襯咗港大校友會昌師傅好幾年得知佢自立門戶喺樓上2樓開餐廳今年即刻盡早book同屋企人食團年飯杏汁白肺 湯🥣蝦多士 🦐炸鮮魷 🦑每次例牌今次昌師傅介紹我哋食砂鍋薑蔥炒蟹腸粉底啲腸粉滑口，米味濃蟹又夠火候👍🏻👍🏻👍🏻😋😋😋燒乳鴿 外皮香脆處理得剛剛好啲肉極鮮嫩仲有小朋友最鍾意食嘅蝦片仲有特別推介嘅係薑汁牛肉炒芥蘭看似普通嘅菜式都突顯昌師傅嘅心機牛肉嫩口唔韌每一條芥蘭都用心處理過入口冇渣新環境坐得又舒服員工服務及時又有禮屋企人又食得開心❤️❤️❤️

超水準的美食，令人回味無窮，我們預約了1月26日晚上到昌粵菜館食飯，大膽地問可否訂避風塘炒蟹、炆鴨及盤龍鱔，超出預期的好味，胃口最細的朋友也吃過唔停。避風塘炒蟹：鹹、香、辣味非常恰當，鑊氣十足，極度推介盤龍鱔：現在是食鱔的季節，不容錯過的美食芋頭炆鴨：除咗八寶鴨，大家可以試吓季節美食記得提前三至五天點菜

今晚同屋企人食晚飯，想食正宗粵菜，就諗起「昌哥」。1️⃣菜膽杏汁白肺湯～ 必食～ 湯好濃厚，非常足料，真係好好味😋2️⃣豉椒炒聖子皇煎米粉底，肥大肉厚聖子，好鮮甜，米粉底加上豉汁好正 3️⃣菜遠英䱽球，英䱽魚起肉炒球好刁鑽，考師傅刀工，英䱽炒球有驚喜！4️⃣菠蘿咕嚕肉，個汁酸甜味啱啱好，外脆內軟～必食～5️⃣ 杞子桂花桃膠羹，桂花好香👍🏻清甜清新坐位舒適，服務一流，樣樣都好好味😋，大家食到好滿足😊

已經係昌哥熟客，屋企人都好鍾意昌哥手勢，一路由港大校友會追隨。叫左平時最常食嘅送，味道出品質素完全keep到水準班伙計好友善，做開之前會所式，service好好！見到新裝修嘅地方有包房，環境都光猛舒服。菜品方面，出品一路都好穩定，菜單上嘅送特別寫住「昌哥推薦」都值得一試。有平時出面唔常見嘅功夫送，例如金華玉樹雞、煎釀鯪魚，都係屋企人聚餐必選送。其他常見中菜水平都好高，價錢亦都好相宜。留意有d送需要提前一日預訂