櫻桃麵飽西餅 (Closed)

公道來說，價錢係平，好多地方都好難做到呢個價，不過個包好細好細，所以除翻開，其實同其他地方差唔多。環境差，店鋪漏水，仲要近住收銀，好易滴落d包度......收銀姐姐態度惡劣，有一次想分袋裝麵包(方便老人家在外吃)，佢已經黑面，點知裝完發覺個d袋係無手抽，問姐姐有無手抽袋，話要收1蚊，我都知我買少少包要攞人多一個袋係麻煩，但都唔洗個客行左出鋪頭，都不停依依哦哦係度講話個客點點點。其實，不如一開始就同人講：你消費太少，唔可以分袋裝，咁仲好啦。

叫幫手夾包，因為啱出爐擺係佢收銀後面，態度極之惡劣特登拎遠果個濃晒面嘅麵包比人，同佢講番又話好忙呢樣果樣，如果d人主動去夾又比佢鬧，叫佢幫手夾心地極之差，順手邊唔幫你夾特登夾個濃晒面嘅俾人，叫佢換一換，佢仲惡過咩咁，大家消費者買野都係求正常服務，希望佢係出邊消費都俾人用呢啲態度對佢有時見d啊姐經常性鬧客，其實包係比正常價錢平，但唔係唔俾錢啊嘛，唔該用番正常態度

有一次，我見有啲婆婆唔識打開面包的蓋子，因為裝修後所有蓋子係拉出來的，婆婆要求幫手夾麵包，啲職員態度好差講：自己夾喇，唔得閑啊……！啲婆婆夾得慢、行得慢都比啲阿姐鬧。真無耐，比錢買爛受

櫻桃麵包~全旺角街坊都知道呢度嘅麵包夠哂平，但係平就未必一定係唔好，D麵包、蛋撻、平得嚟仲要新鮮出爐，呢度有各式各樣嘅麵店西餅~如：蛋撻、蒜茸包、咖喱雞肉包、皮蛋酥、瑞士卷蛋等，真係有好多款式，而且仲有冷凍甜品供應，如芒果布甸等，嚟到櫻桃~真係用廿幾三十蚊就可以買到一大袋麵包😋，簡直係平民嘅福音，所以呢度我係經常都會幫襯，皆因呢度嘅包餅實在太經濟實惠，實在揾唔到理由比自己點解要去貴價麵包舖買麵包，哈哈，今日好滿足啊！☺🤗🤣

旺角行去奧海城，途中想起買早餐，好自然就想起呢間，因為係喺旺角比較好味又便宜的一間，原本想去買小蛋糕，但賣哂了，旁邊見有幾個呢種包, 仲寫住紅莓, 又乳酪, 即是聯想到太子有一間名人開既麵包店, 見到只係$13, 又係我鍾意既乳酪, 就買黎試O下葡萄紅莓乳酪包- 我都係隔日先食呢個包, 發覺仍然好軟熟, 未似一般麵包變得扁和硬。撕開發現配料都有好多, 不過奇怪都在上下面, 中間反而沒有, 做包時加配料搓包不平均, 但沒有影響食欲。鬆軟而微甜, 但配合原來已有自然甜味的葡萄乾紅莓乾, 所以整體個包好好味不過包的本質都與一般麵包無異, 這個仍有好大的改善空間。

椰檳($6)相信是我吃過及在此店最差的一款包。椰檳頗大個，內裏椰絲不算少，可惜味道有化學怪味，所以我吃了兩口便沒有吃，我告訴家人後，妹妹才感覺到有化學味，而媽媽仍然愛吃啊。特價包($5.5/3個)比正價包沒有那麼油及細少許，有時是菠蘿包、雞尾包、提子包等，有三款選擇。特價菠蘿包的表層比較薄，但仍不失菠蘿包的風味。特價雞尾包饀料都可以，味道不錯。特價提子包也可以，提子干只是像徵式。24.9.14細瑞士卷(7.5)質感細緻軟綿，不算過甜，少量的奶油對於我來說已足夠，它不比連鎖店差。至於墨西哥包味道不錯，只略賺面層不夠多，以致奶味不夠，不過它比其它包店便宜，這便無可話說，但也較健康。

返工成日都有買開呢間麵包鋪，$5  3個波蘿包/豬仔包/提子包~有好多街方都買呢個，又真好平，又新鮮出爐，仲有我至愛的芝士包$3.2   2個就$6，d包好好味，好香的芝士味，皮又翠。。^^仲有丹麥條，好鬆化，好似食緊牛角包。@$4都幾長下，好抵食。服務一般，因為早上比夠忙，所以佢地好快就比錢收錢走人，早餐必買。

在中國冰室吃完西多喝過冰, 本來已經很滿足, 但多走2步, 1間像在發光的麵包店, 1盤盤熱烘烘的迷你麵包就放在店面前向小妹招手,,, 有提子包、菠蘿包等基本港式麵包, $5/ 4個, 太貪心了吧~ 吃了整個下午茶餐的少爺又飽得幫不上口, 就$2 買了個迷係菠蘿包~大概是薄利多銷的策略, 包餅的turnover高所以密密出爐, 客人就能以相宜的價$$吃到新鮮出爐的美味麵包~~~迷你菠蘿包溫熱而鬆軟, “菠蘿皮”更是非常香甜脆口!!! 實在是最地道的港式麵包口味 >v< 就算是日本或是法國麵包都比不上這種溫馨甜美的美味!!

同阿媽去買送,途經呢度,俾佢既香味吸引左...大批人係門外輪住等,好犀利!見到菠蘿包新鮮出爐,要左一個,只係$3.5,但係超好味,皮夠香脆但唔易甩,包夠軟,一路食緊都一路聞到香味,完全唔滯,話咁快食完!見到$2一個撻,$5.5有三個,好抵呀!不過一出已經售完,勁!

一直都好鍾意食美心西餅的牛油蛋糕，而這間位於街市內的小店也做得不錯。有原味和提子兩款選擇；這天試了提子這一款。提子份量不多不少，恰到好處。酸酸甜甜，令人覺得冇咁「漏」。不過如果牛油味再濃一點就更好了。而且售價只係$3，真係好抵。

麵包成日翻炒唔重覆comment今次試栗子蛋糕但有d失望囉雖然蛋糕依舊鬆軟但栗子蓉份量太少面頭太多cream好在d cream唔會太甜但食完都有d漏圍邊既cream竟然帶有我唔愛既咖啡味所以overall係失望下次都係食番黑森林好d

黑森林蛋糕好有細個時食o個種感覺除左外面舖左朱古力碎之外內面既朱古力蛋糕亦幾軟熟難得既係兩層之間夾左啫喱加埋唔太多既cream幾好味面頭有好多生果新鮮又幾甜唔差

成日路過見佢門口d唐餅好正5蚊有三大件本來想試多幾款但點知佢有個規則係花生酥只可以配蛋糕仔但其他唐餅例如老婆餅,豆蓉餅o個d就可以配酥皮蛋撻本來想食花生酥同老婆餅既我唯有只係食花生酥但花生酥無以前咁鬆脆雖然有好多花生粒但始終味道唔及以前好失望

經過這間街坊麵包店無數次,今次才第一次幫襯;由於雙手已拿滿東西,為方便起見,只在門口幾盤麵包裡選,只是五元4個,便宜到發笑!!雖然價錢超便宜,原來都是新鮮出爐的,膠袋裡的包仍是溫熱,自己好像有點拾到寶的喜悅,傻瓜!!自己只試了鮮奶包,體積沒有坊間其他鮮奶球般大,質感也相當柔軟,包面有些甜甜鮮奶餡,香香甜甜的味道當然不會難吃,雖然鮮奶餡份量較少,但吃起來又沒有那麼甜膩,而且又超便宜,當然收貨啦!!由於麵包新鮮柔軟,回家後發覺所有麵包已由圓形的個體歸納成為一團,狀況有點慘不忍睹,所以照片欠奉了。其他的雞尾包和菠蘿包還沒有試,相信能夠屹立在這段人流不少的廣東道那麼久,水準也不會太差。另外餅櫃內的蛋糕外型不俗,有機會再試試。包餅價錢街坊價,但售餅阿姐態度卻是相當有禮,只是買了十元麵包,阿姐都多謝前多謝後,不錯!

又平又好味又近屋企仲要每次食都有驚喜點會有唔幫襯既道理丫我差唔多隔兩日就黎買除左必食既鮮奶包,菠蘿包,雞尾包外椰絲奶油包奶油多又唔會太甜食一個都唔會漏餐肉包仲正除左餐肉外中間原來都加左少少芝士好香好正pizza包唔算好多料但個汁真係幾滋味蛋撻雖然係酥皮非我所愛但中間既蛋好滑有蛋香可惜丫款式唔夠多我都差唔多試晒