櫻桃麵飽西餅

Open Now

Now Closed

深水埗嘅物價真系有啲嚇親 平勁多😳發現大家都好鐘意食麵包史努比尋覓咗一間麵包舖喺舖頭門口已經見到有啲出爐麵包倒出嚟見到麻糬波波 菠蘿包 牛角包 多種款式都只系$3.5😳一於試下佢😎-因為第二朝先食嘅關係 史努比焗翻熱佢先食味道有機會受影響🙌🏿.👍🏿原味菠蘿皮麻糬波波 $3.5以麻糬波波嚟講Size唔細 搣嘅時候都幾有韌力外皮做到好輕微好輕微嘅脆口食落煙煙韌韌咁都唔錯😆甜度正常～唔會系死甜嗰隻雖然稱唔上話好好食 但呢個價錢有呢個質素 值得一試🤪味道: 7.5/10性價比: 9/10.👍🏿菠蘿包 $3.5菠蘿皮就唔脆架啦 純粹系甜甜地咁但又唔會太甜 略嫌佢油咗啲啲菠蘿包嘅size比起茶記嗰啲稍為細少少值得一讚嘅系佢唔系空氣包而且質地非常鬆軟呢個價錢抵啦😎味道: 7/10性價比: 10/10.♡ 椰絲奶油包 $5.5呢個貴兩蚊 但size大個好多😳史努比冇試到媽媽👩🏻話cream嘅份量好足第一啖就已經咬到大大啖cream幼滑得嚟甜度啱啱好如果麵包嘅質地再鬆熟啲就perfect啦😆味道: 8/10性價比: 10/10-另外仲有啲舊式唐餅賣 好似老婆餅 合桃酥咁都系4蚊件😍瑞士卷又系好抵 真正系

去換錢之前未食飯,所以買麵包當午餐買了一隻蛋撻,火腿芝士包,一隻餐肉包,午餐肉蛋包全部都係新鮮出爐,所以芝士都係熱溶,食起來特別香,4蚊一個,好抵食午餐肉加蛋,飽滿既麵包身,有光澤,麵包有甜味,咸甜夾埋好滋味蛋撻夠甜有脆口

巴士改路,誤打誤撞去了深水步未夠鐘食飯,先走去買個平價麵包醫肚見到櫻桃麵包未關門,走入去買見到4蚊個有餡料包,賣相普通,但勝在抵食芝士火腿,芝士餐肉$4一個,食既時候仲暖,SIZE不算大,但味道唔錯,有餐包既甜味加上餐肉同芝士既咸香加上黎,4蚊就覺得超值了!

最近很喜歡幫襯小店，呢d小店嘅蛋糕真係好好食價廉物美，每次買蛋糕時都總想起它！只係幾十蚊，就能夠買到個咁好食同足料嘅蛋糕，真係抵都爛呀！就連d生果都十分好味！支持！Support！

記得好耐以前經過都會買佢個蛋撻黎食，熱辣辣咁真係好好食。今日行過就決定再試下。晏晝五點幾到已經淨係買剩兩個牛油皮蛋撻，於是我就買咗個嚟食。一拎上手就發現佢已經凍左，啲蛋仲得個甜字，味道大不如前。我諗可能真係要趁佢新鮮出爐先至好食啦。

之前屋企買左花生醬喎，最啱自己攞黎整奶醬多啦咁今日行過買定1磅方包返屋企啦～雖然而家連包都貴左但買1磅方包自己整奶醬多都抵過去茶餐廳食出奇地普通方包都好鬆軟，唔會好薄喎，之前食過屋企附近個間d方包又薄又無口感呢間反而唔會，就算就咁食都覺得鹹鹹地有味的

星期日與友人出深水埗買東西，又是個機會找到好藉口到這平民美食天堂覓食！😋😋之前看電視報張均介紹過這間良心麵包店，為了與草根階層共度時艱，堅持十四年都不加價，款款麵包都是$2.5一個，連蛋撻都是$2.5。在通漲加劇、租金上漲、百物騰貴的社會中，老闆這份良心更顯得難能可貴。鋪外道路闊度有限，每一秒都熙熙攘攘的，很多人來來住住，而鋪面更是擠著不少街坊夾著大大個麵包為明天的早上作出準備。紙包蛋糕$3蚊個，老婆餅、豆沙酥、鮑魚酥、皮蛋酥各種酥餅類全都是$2.5，麵包類也是$2.5大大個！麵包款式不少，有甜包、咸包、牛奶包、蒜蓉包、牛奶芝士條...本來盼望著吃的牛油蛋撻早就賣光光，但可能因這邊街坊多，麵包蛋撻去貨都快，等了一等，眨吓眼快快脆又有新鮮的一盤出爐！我立即買了半打，因姐姐說半打才有盒子！（P.S.這邊的姐姐較有霸氣，有點粗粗魯唷～）蛋撻果然要熱辣辣新鮮出爐即食！色澤金黃，牛油皮鬆化但牛油味不重，而蛋漿不錯，甜甜的，有淡淡蛋味，這個價錢有這個質素算不錯的但拿回家後的質素就另計啦～他們沒有米芝蓮的推薦，沒有名家食評的嘉勉，為的是支持他們的一份真心和一股人情味，不知這個光境能在這慢慢變得更地產

呢日返工有d趕, 隨便係深水埗買個麵包就走.買左個菠蘿包, 雖然係仲熱既, 但賣相麻麻地, 好扁塌塌, 唔係脹卜卜, 但咬落口個菠蘿皮好脆, 好香牛油味, 個扁塌塌既麵包意外地鬆軟, 唔會又乾又硬, 味道真係唔錯.後來上網查返, 原來麵包扁塌塌係因為無加化學品, 純材料做.

與家人途經此店，見到有芒果布甸，賣相吸引(多芒果)，便進去買一杯嘗試。可惜，取給我的並不是如玻璃雪櫃見到的多芒果，起碼少了一半。這也不緊要，重點是，買芒果布甸時，已聲明想再買一個蛋攤，但該店職員，除了全程藐咀藐舌，亦於包好芒果布甸後便離開，我們需要多次叫她，才藐著咀回來，但她竟然可以只將蛋攤從攤模取下放入紙模便交給我們，我們一呆，請她給予一個袋，她竟叫我們將蛋攤放入芒果布甸的袋內.........實在是匪夷所思~~~將新鮮出爐的熱蛋攤放進於雪櫃拿出來的芒果布甸上﹖﹖﹖這是甚麼CONCEPT﹖這店的職員的態度及服務真的令人莫名其妙、匪夷所思、摸不著頭腦~~~PS,芒果布甸﹕少芒果，味道一般﹔酥皮蛋攤﹕酥皮OK，蛋漿卻無味。

首次來到,這邊的環境真的挺不衛生的旁邊是街市,所以來這裡買麵包的多數也是「師奶」而且店鋪較隱密,因此不受發現這裡買的麵包都是大路款式,一般的薄餅包、菠蘿包同埋雞尾包都有賣只係聽聞呢間既酥皮蛋撻好好味,但係之前媽咪係呢間買過俾我食,都係覺得冇咩特別今日,陪媽咪買餸,剛好經過,所以入左去睇下我發現最多人買既係鹹卷,與豬仔包無咩分別,只係在麵包面撒上幾粒白芝麻見到咁多人買,我貪得意又跟著買左4個點知,食落去真係冇咩唔同,得麵包同芝麻味-.-可能特別係價錢方面,真係好平$2.5/個算啦!我下次真係唔會再貪得意試D咁既野啦~