櫻桃麵包西餅

Open Now

Now Closed

真有趣，在元朗區這麼久，都沒有特別發現其實有哪些新開的舖頭特別吸引，反而只有以前舊有的那些餐廳，比較穩打穩扎，你看看那些所謂新式的餐廳，其實很多都站不住腳，很多時候，來到這區，還是要搵返10年前食過的那些餐廳😨。這次甚至毛是買麵包，都要搵返以前10年前喜歡吃的麵包舖，新式的麵包店很多都不太穩妥。之前兩次食咗港島區嘅所謂人氣麻糬小店，發現其實味道都沒有怎麼出色，亦都不覺得特別彈牙煙韌，反而食返港式傳統連鎖麵包店，櫻桃麵包的麻糬，反而質地更加煙韌，你睇睇中間那些質地，一層一層，質地咬落去都相當煙靭，就是要這種煙靭到小朋友不太容易咬開的彈牙程度，才叫做麻糬包吧。

［📍元朗｜櫻桃麵包西餅］呢間餅舖周圍都有 街坊麵包舖既表表者呢到既脆皮麻糬波波 好脹卜卜 又好大粒見到都開心 加上呢到既麻糬波波係偏空氣感 麻糬部分唔會太厚身 搞到好實的的咁就算空氣感 都保持到個煙韌度 很不錯！另外 呢到有賣椰撻仔 係童年回憶坊間已經唔多麵包舖有得賣見到即刻拎返一盒過下隱先～

好耐冇見過呢種啫喱啦, 細個嗰時成日去酒樓見親都會叫, 但係而家唔係度度都有, 啱啱買麵包嗰時就見到, 即刻買返杯嚟試吓, 我最鍾意就係食青檸味同提子😋😋😋仲要$10一杯抵到爛有下次

而家麵包小店真係買少見少，要多多支持先得！❤️提子包，蒜蓉包同菠蘿包都係$4/一個咋，好耐冇見過$4瑋個麵包啦，味道ok，經濟之選😌呢間麵包鋪好近屋企，每次收工返屋企都買黎做聽朝早餐😋

之前喺安寧路嗰間分店買過$10嘅瑞士卷，嚟到又新街，見到原來仲有另外一間分店，同樣嘅瑞士卷都係平，不過就賣得貴啲， $12，所以就望下其他嘢。見到蛋撻幾抵，$4一個，買五送一，於是就買半打返去。蛋撻係擺係鐵殼存放，客人買先換成紙包裝。食落唔錯，對得住個價錢，性價比高

呢間街坊麵包店係新開既，唔上openrice都唔知，原來呢間麵包店已經有好多間分店，相信質素有保證。勁耐無見過呢啲經典既啫喱糖！一見到有就即刻買黎試下，重拾兒時回憶！另外仲試左綠茶瑞士卷，估唔到綠茶味濃得黎又唔算太甜，重點係只係賣$12，證明平野都有好野👍🏻👍🏻

啱啱去元朗行街，見到呢間街坊麵包店，就抱住不妨一試嘅心態入去睇睇。入到去見到有豬仔包(有芝麻嗰種)同咸餐包，感覺好似好新鮮，而且重要好平，只係$2.5一個(而家香港仲有幾多間麵包舖係咁平)，就順手買咗三個。點知未出門口咬咗一啖，嘩，呢度嘅麵包真係好正，好軟熟新鮮。急不及待再入翻去買多一包厚切方包($11)，返屋企整三文治。總結：千祈唔可以以貌取人，街坊舖嘅嘢食都可以好出色。下次再嚟元朗，一定會再幫襯！