Video
Above information is for reference only. Please check details with the restaurant.
Recommended Dishes
呢次去咗長洲平記糯米糍呢間外賣店，專賣唔同口味嘅糯米糍，我試咗全部七款口味：芒果、榴槤、香蕉、士多啤梨、紫薯、Oreo曲奇同花生。每款味道都有佢獨特吸引之處，但講到最鍾意，我實要提芒果同花生味。芒果糯米糍真係超正！入面嘅芒果餡好新鮮，甜而不膩，每一啖都食到芒果嘅自然香甜同多汁。外皮包裹住咁濃郁嘅芒果餡，每啖都係享受。至於花生味糯米糍，呢個係另一個我嘅大愛。花生餡非常香濃，帶有自然嘅甜味同淡淡鹹香，食落去口感豐富，每一啖都有花生碎嘅脆感，真係令人停唔到口。對於花生愛好者嚟講，呢款糯米糍絕對係必試之選。其他口味都有佢哋各自嘅特色，榴槤濃郁、香蕉自然甜、士多啤梨清新甜美、紫薯獨特健康，而Oreo曲奇則係創意十足，融合咗西式口味入傳統糯米糍，好啱想嘗新嘢嘅食客。
continue reading
長洲平記😘😘😘長洲人氣小食長洲雲集了各式各樣特色美食、以長洲芒果糯米糍最著名！週末來到長洲遊玩、一落船、沿岸轉左向前行三分鐘、遠處見到一條人龍、懐舊士多店、每日新鮮製作！除左芒果糯米糍、挑選咗幾款人氣、創意、味道幾夾嘅糯米糍😁😁✨芒果糯米糍煙韌軟糯綿綿薄皮、包卷甜蜜蜜、手掌大芒果肉、咬一口、爆汁口腔、超正👍🏻✨貓山王榴槤糯米糍榴槤關注組、必食之選、榴槤清香樸鼻、入口溶化口腔、齒頰留香🤩✨花生糯米糍軟綿綿糯米皮色裹香口花生碎、包滿脹卜卜、味道超濃香口😍✨士多啤梨糯米糍香港版大福菓子、不同之處、以皮薄更優勝、原粒果肉、清甜美味😋✨紫薯糯米糍细腻清香不粘牙，軟糯香、咬下去啖啖紫薯蓉，綿密香甜😛✨曲奇糯米糍香脆oreo曲奇、壓碎粒混和cream、軟軟糯糯的質感、口感鬆軟無比😆✨香蕉糯米糍創意味道、健康之選🤣長洲平記長洲北社海傍路19A號地舖
continue reading
好耐冇嚟長洲玩，每次嚟都會食呢間芒果糯米糍😆而家12月尾啲芒果都係甜嘅😋今次仲試咗佢其他唔同味道，比較推薦花生🥜入邊有白芝麻同糖粉好似細個以前食嘅甜茶果☺️士多啤梨都唔錯，仲試咗紫薯同香蕉，鍾意佢哋芒果糯米糍個皮真係好薄，咬落去芒果又好Juicy，啱啱好可以平衡到糯米嘅甜膩👍🏻平記就喺碼頭海旁一路行過去，見到佢新出咗個Oreo味，不過今次冇試🤣而家呢個天氣嚟長洲玩真係幾好，下次會再嚟試吓
continue reading
嘩，一定係長洲馳名嘅糯米糍。雖然糯米糍最好食係糯米皮，不過唔駛用糯米皮包糯米皮包再包榴連，真係要好好品嘗一下咁珍貴嘅榴連味糯米糍。以為第一件係錯版，估唔到係我錯晒。第二件榴連糯米糍嘅皮厚到嘩一聲。下次有冇得買原味糯米糍？
continue reading
今天在長洲平記買了5個芒果糯米糍，原本以為平記如網上所推介的在長洲很出名，質素有保證。我買之前看到櫃裏沒有包著的糯米糍外表沒異樣，怎料這店員把所有賣給客人的糯米糍都已經用紙包著，我根本看不到裏面。回到家後打開才發覺糯米糍的皮沒有完全包著芒果，好像切開了一半，有些形狀更不規則，好像不夠粉用來包著芒果，整個糯米糍好像縮了水，味道方面，有些芒果冇味不甜、有些過熟變灰、有些出水。回想起我過往在市區買的芒果糯米糍比這間長洲平記更新鮮好吃得多！
continue reading