祥發茶餐廳

Open Now

Now Closed

食過2次，2次都受氣食到無引。有次太夜無食店開就入去呢間食個麵，因為附近無咩食店仲開。我叫個雲吞麵，比佢大聲o接左一聲，我自問好脾氣都覺得難受，點呀都無客我又唔該前唔該後你都咁，真係買杯麵都唔食佢。另一次多年前剛黎青怡不久，落黎試下，叫2個餐，落單又唔聽清楚又唔好老脾，上餐又大大力放落台。食物一般食得落肚。但加埋佢d氣就唔食都飽。多謝曬wo.都唔知點解呢間店唔執反而格離執。如果讀緊呢篇comment既您只能入呢間食，有定心理準備啦…

同屋企人隔咗好幾年再去食，點知啲服務質素同食物都差到咁。。。一入餐廳，都未坐低，就有一位灰白短髮女侍應企係度問食咩？大佬啊，未睇餐牌啊未知有咩食啊。。想我答你咩？叫咗佢唔洗理我哋住，等我哋自己睇吓有咩食先，佢就chur住話：咁咪食麵囉，就炒麵啦！飲咩？我家人話想食飯，佢就即刻落手寫炒飯一個，飲咩？我話：未決定啊！你唔好寫落單啊！跟住個女阿嬸就勁串話：你哋唔係諗住坐兩粒鐘之後先落單啊？當下真係反晒白眼答佢：係呀！咁又點？俾人諗吓食咩先啦！然後個阿嬸就鬧我同家人:超！你哋都'霎on'㗎！傻㗎！我哋都當聽唔到算，對呢間餐廳嘅服務態度極失望，然後勉強叫咗兩碗牛筋腩河同麵，牛筋都算還可以而牛腩好麻麻，唔入味又鞋，啲粉麵直頭係差到接受唔到！河粉又硬又鞋又碎又厚身，好似食緊未煮熟嘅粉團咁！麵係明顯求其煮，咬唔斷又無味又硬！肯定全部都唔新鮮！呢個價錢絕對算好乸貴！唔值！真係覺得呢間餐廳好唔掂，今次嘅經驗好極差！所有嘢都退步到咁！永遠唔會再犯賤幫襯！浪費金錢同時間！

我未試過食菜遠鮮魷飯，上菜嘅時候成碗都係湯，得3-4塊菜葉，加五六片小塊鮮魷。啲飯完全唔得硬梆梆好似說左幾晚食落口熱嘅冷飯，從來未試過食完一間餐廳嬲到我要特登上嚟寫差評

晨早流流去茶餐廳唸住食個快既早餐，咁就叫左三個常餐五香肉丁麵湯底少少辣，湯底本身都偏向鹹；肉丁冇乜肥肉，咬落去一絲絲。面底比較淋。香煎雞扒配煙肉煙肉比較鹹，雞扒的皮比較硬和厚身，感覺上是炸了。肉無咩味道。凍OT 正常甜度，冰用碎粒比較容易溝淡味道。熱檸水飲落略帶有苦味，檸檬切得比較薄，水都夠熱，適合凍冰冰嘅冬天。芝士腸蛋通心粉芝士腸比較似雞尾腸的味道，太多芝士味。通心粉煮得比較淋身。簡簡單單唔貴食個早餐都OK，最緊要夠快夠方便，整體正常質素

經過青衣又掛住祥發茶餐廳，兜過圈入左去食牛筋腩麵。D牛筋腩夠嗮入味而D味又超正！值得一讚係師傅燜得有水準老字號可以保持水都唔簡單值得下次光顧！行過一定會再去的餐廳

呢間茶餐廳係青怡入面都算有啲歷史，因為附近既餐廳好多都已經轉手幾轉，面目全非。一向都幾鍾意佢既奶茶，茶膽味道剛好，唔會太濃有苦澀味下午茶選擇都幾多，要飽肚或輕食既選擇都有。豬扒拼炸薯條，凍奶茶少甜 - 薯條屬幼薯條，剛炸好就立即上檯，夠新鮮。豬扒有一塊，都算大塊炸魚柳沙律，凍奶茶 - 沙律份量多，夠凍。但炸魚柳略嫌無味午餐肉煎蛋公仔麵，凍啡 - 好驚喜，下午茶既價錢，但竟然有三塊午餐肉，仲要唔係薄切雞蛋亦係煎到剛熟

又到星期五，同事尋找到新的午飯目標，就是來公司附近的屋苑尋找隱世餐廳～由公司步行10分鐘就到達，午飯時間也不太難找位置坐，可能是午飯時間，人人都來得快，吃得快，走得快～我們不用等就找到位置坐了！我點了茶餐廳的安全之選：茶餐～咸牛肉奄列和牛油方包，再配雪菜肉絲米（$39)很久沒有吃咸牛肉，配炒蛋比普通奄列好吃多了！雪菜肉絲米的份量剛好，不會太少～如果方包有烘底會更好！因為走過來有點熱的關係，餐飲點了凍檸檬茶少甜少冰（加$2)！最後來到的時候，果真有少和少甜！（得多茶餐廳會漏掉沒做）

真係好過份 熟客都忍唔住要打評分我已經差唔多一星期3，4日係帶小朋友返學前都會去呢間餐廳食野但今日真係好嬲 其實每次都只係12點45食到1點15分 講緊只係30分鐘時間 但今日為求要接出面客人 要求我地4位再坐埋d 好 接生意重要 當然無問題 已再坐埋 3個位既位置 叫埋我其中一個家人走先埋單 點知仲覺得要再坐埋d 你唔係咁樣唔比我小朋友坐啊嗎 仲要個時係好點08分 我15分已經會走 5分鐘既時間都唔可以等嗎？之後仲要求我小朋友坐係凳同後面凳之間 個個拿位何來放到張凳啊 做生意做到咁 網顧小朋友安全 我唔會再嚟 你慢慢接你d大生意

去朋友家竹戰，力求多啲時間對戰，所以叫外賣，落單後大約30分鐘左右送到上屋企普通發泡膠飯盒，包裝尚算企理！雲吞麵（$48）湯分上，雲吞放湯內，麵幾好爽口彈牙，湯幾熱，味道頗味精，雲吞皮嫩滑，蝦肉爽口，不過豬肉頗粉，一般！油菜（跟餐）揀咗菜心，已經淋咗，莖部仲可以，菜葉已淋晒，味精蠔油味道太鹹，一般朋友食：乾炒三絲炒瀨粉（$46）味菜牛柳絲炆米（$49）牛腩河（$50）中式牛柳飯（$48）送外賣嘅送到就走，落單就好爽手！唔想出街之選

今日去青怡花園果頭做野，午餐同friend 去青怡食，近近地。見到祥發茶餐廳個樣好有舊式茶餐廳feel,出面仲貼住好大個「粥」字!! 咁就入去食啦....午餐時間都好快有位，好多一家大細係度食lunch..我好想清清地食碗魚蛋河，常餐比較抵食，但係冇河粉(( 單叫一碗河粉又冇野飲 ((個伙記介紹個$51既套餐，一碗河粉，加有野飲、有碟菜。咁就叫左呢個餐諗落其實唔抵個生菜都算青綠既，好彩佢蠔油係落側邊個碟仔，健康d個魚蛋河d魚蛋好彈牙，唔錯既熱檸蜜就普通啦求其食一餐算係咁

這家餐廳，其實常餐一向不太划算，而午餐也只是與常餐差幾元，很多時你都會想叫午餐，但其實午餐都是那些頹飯，例如排骨飯，肉餅飯等等到頭來入到來又是兩難，沒甚麽好選。 結果還是叫了個常餐，因為覺得頹飯實在太頹。常餐的鹹牛肉奄列，其實已經是比較吸引的，大大件的奄列，但這是煎得比較油膩，內裏的鹹牛肉，其實也只是罐頭鹹牛肉，沒有什麼特別。 由於叫了鹹牛肉奄列，所以經常都會選配豬扒麵。豬扒，不算是用生粉醃得非常之軟林那種，因此還是會痴牙的，因為肥肉不足。 奶茶，可說是這家餐廳唯一吸引之處，茶味濃郁得來不算是酸澀，因為坊間很多奶茶，茶味不濃，只有一美夠澀。生炒排骨飯同樣頹，那汁又稀又沒味道，沒啥意思，還要不配飲料。

其他唔講，細佬叫咗個肉餅飯，話好肥完全食唔落，我就諗，有冇咁誇張呀，不嬲茶餐廳肉餅飯都肥，你叫唔係預咗嫁咩?叉一舊嚟睇，壓扁佢，哇，真係肥到....一啖肉入面，得3“點“瘦肉!?!?!?會唔會太誇張呀

我男朋友極力推介的祥發，要不是他死都要進來吃，我也不知是這樣的好味。沙嗲牛肉麵夠牛肉味，湯底夠濃，凍檸茶夠茶味，平時街外的凍檸茶只會給3塊檸檬，但這裡會給5塊，意想不到啊！我想我之後也會一直光顧！另外，員工服務夠好，一坐下已經笑著問我需要什麼，就算坐了半小時也不會催促我落單，值得一讚！差不多吃完先記得影相

午餐有五款，以為搵左個穩陣既選擇，點知原來係最唔得掂。時菜牛肉炒河，好快上食物。感覺似已經炒左陣，唔係即炒。炒粉最差係唔熱!牛肉好硬，好多筋，難入口。越食越覺得肥膩，食到尾睇睇，成盤都係油。搞到油浸河粉咁，怕炒焦用油過量....過多油份，調味失色。牛肉粗糙。 下品，失望。只係得一樣可取 : 時菜用菜芯，有幾條，算係咁。

去朋友家玩，打麻雀中，肚餓打算叫外賣，不過朋友家無外賣紙，所以上網搵到電話打去食店，食店阿姐逐項午餐講出來！我哋落單後，食物好快到，一袋4個人嘅食物！ 濕炒時菜牛肉米：米粉煎過，外脆內軟，牛肉好多，唔算太韌，菜唔多，索晒啲獻汁，唔太鹹，濕濕地幾好！ 熱檸茶：茶味濃，茶餐廳水準，但檸檬唔靚，啲澀味勁到飲唔到！差！食物包裝簡單，水準一般！店員態度幾好！