祥興咖啡室

Open Now

Now Closed

一個悠閒既下午 又點少得一餐下午茶呢去完灣仔做野之後 見有時間可以食個tea 就搭叮叮趕去5PM之前到祥興一踏入餐廳 伙記已經即刻通知我無曬蛋撻同菠蘿包我4點幾到 已經無常餐 但仲有其他下午茶餐既然無曬祥興既名物我就隨意叫左個脆蒜薑蔥牛腩撈麵 加杯奶茶食物係唔係做牛腩專門店食牛腩麵我都無乜期望但有驚喜喎牛腩抆得好淋 好入味 仲有一两舊牛筋係bonus麵底係公仔麵 我嫌佢淋左啲奶茶唔知搞乜 一黎到已經有不祥預感就咁睇茶色唔對路 比一般的暗沉表面無乜張力 唔掛杯第一啖就知唔得 成杯五花茶咁既味exactly涼茶舖既味道 咁我第一次黎唔知佢地平時表現如何係今日師傅失準 定本身茶葉有事明明咁多人讚呢度既奶茶無理由架另外朋友叫豉油雞髀正正常常 無乜特別環境裝修設計好懷舊 下午去唔係太多食客 坐得寬敞啲 兩個人可以坐卡位服務正常茶記水準 遇到幾個伙計態度都ok既  無其他comment講得咁差

堂食雞髀，味道不錯，不用刀叉，用手拿着一口一口吃進肚子，感覺很放縱，好開心。可惜，我的快樂只維持了一段很短暫時間，因為店內的三位員工，不停大聲惡意負面批評每位離開了的客人：顧客一：還有蛋撻嗎？店員：沒有顧客離開後，店員：啲人有病，咁大個牌都唔睇。顧客二走近西餅櫥窗，點了一件包和西餅，離開後，店員：搞咁多嘢賣得兩舊，以為喺大project買20,000件，原來買得兩件。顧客三帶着可愛的女兒外賣雞尾包，離開後，店員：而家啲阿媽冇腦，唔識教小朋友，俾個小朋友周圍摸。(實際上小女孩沒有周圍摸東西)我不想知道我離開後，店員會怎樣惡意批評我；我只知道，以後唔會再去。

跑馬地區高尚及有錢人住嘅地方.亦都係名人出活地.比人感覺好似有啲高攀感.所以一向都好少在這區活動！係跑馬地綱上見到一間好多名人出活嘅餐廳.佢嘅食評都唔錯！今日專程去試吓.去到門口有人群排隊.因為我哋第一次嚟.唔識點樣攞籌或登記.所以入去問下.點知一個男侍應.不由分說.擺動兩手驅趕我出門口.態度惡劣.到攞到籌在門口等.見到蛋撻出爐.又未入得去.便立即買一個試吓新鮮趁熱食.蛋撻夠大隻.蛋漿夠厚夠滑.唔夠蛋香.蛋撻皮酥皮.但係唔係最好嗰隻.只屬於一般般.未有驚喜！（蛋撻唔記得影相）等咗20分鐘都未輪到.見入便餐室有空位.但無人安排入座.好似制造人群效應.再等咗多10分鐘.見到嗰個不禮貌嘅男侍應走到餐廳近門口.都未行出嚟.就叫我哋嘅籌號.我立即回應.喺度.點知佢可能聽唔到.再次叫下一個籌號.我立即再回應.佢即刻鬧我.話唔應籌號.真係佛都有火.我回應.係你聽唔到咋.呢一餐食到一肚氣.見山長水遠.無謂掃我太太興.唔係我就立刻轉身就走.呢間嘢肯定無下次.你驚有錢我無埞使.吹脹！😡😡😡點餐如下：1. 午餐（B）香煎豬扒喇沙米粉 X1 $56元 配：炒蛋/牛油厚多士. 餐飲：熱鴛鴦 （走糖）

Cheung Hing Coffee ShopG/F, 9-11 Yik Yam Street, Happy ValleyPineapple bun. The butter is not too thick, but the taste ofbutter is very good.Egg tart. It has a fluffy crust, not too sweet filling, andthe egg is so thick and smooth, it is the best egg tart I have ever had.Noodle. Good for regular meals! The scrambled eggs are sorich and fragrant.Old decorated café with history.

送完太太係跑馬地返工，有時間係附近食個早餐先自己返工。早上7點，天落緊雨🌧️，隨意泊🚗在小巷，便走入這間老餐廳。還記得20多年前在跑馬地工作，經常在這裹填肚，更不時在餐廳內撞到明星🌟，郭富城、邱淑貞、謝霆鋒、陳奕迅都見過。多年無來，餐廳己重新裝修過。點了個通粉餐，不過不失啦。通粉湯底比較稀，無麼味道，同澳牛、華星無得比，但火腿都幾重手。蛋治就幾好食，雞蛋炒得不會過熟。杯咖啡☕️亦幾香濃。有10多年無來，食個早餐都幾多回憶湧上心頭。

🎈行山前去搵早餐吃，選了跑馬地《祥興咖啡室》，由西灣河出發要轉一次車。食店是一間有歷史的舊裝潢咖啡室，要感受懷舊氣味不失望，但有要求的我，就覺得室內環境衛生麻麻。😆🎈在門口等了數分鐘，被安排坐卡位，算是不錯位置，餐牌就在桌上玻璃面底下，第一個點當然要吃菠蘿包啦！5厚切火腿煎蛋菠蘿包三文治豐富組合，咸甜相當夾菠蘿包包面皮香脆蛋撻酥皮鬆化，餡料不甜早餐雪菜肉絲米粉，配多士煎蛋米粉湯底味較淡凍咖啡食店星期日頗多人，我是早上9時多，出面已開始排隊，可能人多，服務員態度一般般。😂

祥興咖啡室好多年歷史，好多明星都去食過，入面嘅裝修仲係以前嘅茶餐廳格局，雖然喺跑馬地，但價錢都冇特別貴佢嘅酥皮蛋撻真係好出色，酥皮唔會一咬就一絲絲咁散開，而蛋好香濃同滑，暫時係我食過最好食嘅酥皮蛋撻菠蘿油都好正，面頭好脆，食落都好香，牛油雖然唔算好厚，但食落口牛油味都好出最後叫埋去茶餐廳唔少得嘅凍奶茶，好滑，叫咗少甜啱啱好，茶味都香濃如果想食蛋撻可以打去問下幾點出爐，因為有次下午去到賣哂，食唔到，所以希望大家唔好白行啦

-{跑馬地地道蛋撻🥧}🤤 蛋撻🤤 ($8)蛋香味重 蛋漿才要幾滑 而且好多層酥皮夠酥脆😌👖褲評: 8/10蛋撻係好食的 但冇上次長沙灣嘅咁驚艷🤓店員態度亦冇網上嘅講到咁差😳性價比: 8/10服務: 7/10環境: 7/10🚩 祥興咖啡室 🚩地址: 跑馬地奕蔭街9-11號地下 #fuudjai #fuudjai港式 #fuudjai小食 #fuudjai跑馬地

星期六晨早約咗朋友係跑馬地見面，近近地就腳見入面又冇乜人，二話不說坐低慢慢嘆番個早餐啦。早餐G ~ 茄茸肉絲米粉茄茸肉絲米粉入口中規中矩，正正常常普通茶仔出品，煎蛋正常不油膩，港式奶茶合格，跟餐多士加$5 可改菠蘿包。位於香港跑馬地的祥興咖啡室是一家歷史悠久開業超過40年的茶仔，出品承傳一般坊間咖啡室質素，不過不失，今次係第一次幫襯，要挑剔的話啲伙記個個鞋口鞋面對住啲客，由入門口同啲伙記主動講聲早晨到坐低個個都係無反應，將心比己、希望只是個別例子啦。

跑馬地老字號明星茶餐廳，開業超過四十年，裝修保留舊時風格，但整體環境乾淨舒服，食物水準比一般茶餐廳高！而且店員態度友善。金獎菠蘿油 寫住金獎第一次嚟無理由唔試吓！菠蘿包雖然唔係熱嘅，但面頭都仍然保持到脆身，麵包咬落鬆軟。夾住嘅牛油都幾厚，係半溶狀態所以好滑！常餐 - 雞扒米粉 + 火腿炒蛋多士唔係講笑估唔到常餐都咁好食！炒蛋好濃蛋香，仲有少少蛋汁，火腿係厚切，厚多士搽滿咗牛油！雞扒輕輕煎過，食落嫩滑又醃得啱啱好，米粉食落又唔鞋口。熱奶茶（茶走）鮮檸真蜜熱奶茶出色！試咗一啖，入口好滑。檸蜜係用咗真蜜去沖，不過佢太重本啦，超多蜜糖勁甜，飲到個杯底都有好多未溶嘅😂

都係為左懷舊去食聽到蛋撻出名一早去到吳知食咩好早餐又吳岩食就散叫2樣➕飲酥皮蛋撻不算好酥皮感受實酥，吳係 琳既酥皮蛋不算甜肥豬餐肉煎蛋菠蘿包$28個菠蘿皮係厚身 又脆口食落甜甜地蛋做到少少流心🤩🤨餐肉又煎得香食法: 切開 入面食一口先😉先脆甜，之後 餐肉流心蛋既濕潤😋p.s.11:00後有餐底食D(餐$39包熱飲)結: 蛋撻普通肥豬餐肉煎蛋菠蘿包 十分有驚喜🤩👍🏻🎉#蛋撻#肥豬餐肉煎蛋菠蘿包#祥興咖啡室

今次慕名而來去試金獎菠蘿油同蛋撻😛 因為一早12點到唔洗點排 但1230已經開始有人龍啦 唔想等要早啲去😗金獎菠蘿油 $14菠蘿包溫度微暖 菠蘿皮唔算脆 但包體鬆軟 夾埋厚厚既牛油係幾滿足🥹但未話到非常驚艷要再邊既程度蛋撻$8蛋漿非常滑 中間滑到似水狀既質地 有蛋香味 酥皮有牛油香😉但冇一層層既感覺🥲奶茶 $20茶味同奶香感覺平衡 即使冇落糖都唔會有茶澀味👍🏼總括一訪呢間70年老字號既茶餐廳係幾值得去 我會話係食裝修、人情味 始終香港既舊式茶餐廳都所剩無幾 餐廳裝修係好傳統 彷如穿越左時空咁 同新式既Cafe 比較 又係另一種味道呢😛

非常推薦❗️特別推薦大家✅馳名酥皮蛋撻✅經典菠蘿包✅正宗港式奶茶《馳名酥皮蛋撻》超級好食‼️‼️‼️新鮮焗出嚟嘅蛋撻d蛋勁滑🥚，焗得啱啱好，介乎起蛋漿啱啱凝固嘅一刻，超級滑溜之餘👶🏻，又晶凝通透，有好香濃嘅蛋香，唔會太甜啱啱好🥧酥皮就超級鬆脆😍，咬落去jarp一聲，呢度嘅酥皮同蛋漿簡直係絕配調配到黃金比例，絕對係香港食過最好食嘅蛋撻😭💯💰$8《金獎菠蘿油》超級好食‼️‼️‼️超正個包，勁鬆軟🤤，唔怕肥嘅朋友絕對建議食菠蘿油，牛油好香🧈，唔會過硬/過軟，加埋一齊食將個菠蘿包昇華咗一個層次 另外，個菠蘿包面嘅脆皮非常出色，焗到黃金色🏆，勁鬆化😭牛油嘅香，配合埋菠蘿包本身外皮嘅鬆脆，加埋鬆軟嘅麵包，令人難以抗拒👍🏻💰$14💰$8 (唔想要牛油可以嗌菠蘿包)《正宗港式奶茶》凍熱都好飲🤎，奶味同茶味好平均，唔會有一樣特別重味，係比較易入口，唔會有澀味😌奶茶配蛋撻➕菠蘿油絕對係大自然定律，缺一不可😎💰$20 熱💰$23 凍*祥興蛋撻會keep住出爐🔥，咁唔好彩咁啱賣晒/比人留咗，都唔緊要，等陣就會有😌**依家買蛋撻有優惠，買半打有9️⃣折，買一打有8️⃣折📦 ***一時多人，一時就冇乜人，係攞飛排隊，我哋星期六

很少有人會像我一樣，從離島跑去祥興吃早餐，8點多到那裡，跟其他人拼桌，著名的芝士炒蛋菠蘿包要等到十一點才有，就用餐蛋包加芝士來滿足一下吧。熱騰騰剛出爐的菠蘿包酥皮香脆，甜度適中，夾在中間的流心蛋混合著芝士的味道，與午餐肉的咸香搭配得恰到好處。本想用手拿着吃，咬下去才發現蛋黃四溢，還是放回碟中用刀叉切吧。很快一整個菠蘿包下肚，再喝一口醇香的熱奶茶，新的一天就這樣開始了。😂😂😂肥豬餐肉煎蛋，下次再見。

預約左到Amigo午餐，大鄉里出城一定預備充足時間，時間尚早，到處逛逛，路過祥興咖啡室祥興門面懷舊，原來是跑馬地老字號，有70年歷史的冰室剛巧遇上新鮮出爐的蛋撻，不能錯過，買返個試下用印有祥興的紙袋入起，乾淨衛生忘記了價錢，蛋撻千層酥皮層次分明、厚而鬆化，蛋漿香滑，蛋味夠濃又夠香滑值得一試!探視冰室內的牆壁、地磚和掛扇都充滿懷舊氣息，有機會一定要試試金獎菠蘿油，有幾款懷舊特式菠蘿包餐、奶茶，港式茶餐